Vaishnavakhanda 104

Vaiṣṇavakhaṇḍa 104

Language: Sanskrit

104.62 — 1 part

104.1

cha || || śaunaka
uvāca || || sūta śrutā purāsmābhirutpattirgaṇapasya ca || kṣetranāthaḥ kathaṃ jajñe vadaitacchṛṇvatāṃ hi naḥ

104.2

sūta uvāca || || yadā dāru
kadaityena pīḍayamānā divaukasaḥ || śivaṃ devyā sahāsīnaṃ praṇipatyedamabruvan

104.3

deva daityena ghoreṇa durjayena surāsuraiḥ || pīḍitā dārukeṇa smaḥ
svasthānāccāpi cyāvitāḥ

104.4

na viṣṇunā na caṃdreṇa na cānyenāpi kenacit || śakyo haṃtuṃ sa duṣṭātmā ardhanārīśvaraṃ vinā

104.5

tena saṃpī
ḍayamānānāmasmākaṃ śaraṇaṃ bhava || ityuktvā rurudurdevāścāhiṃtrāhīti cābruvan

104.6

tato'tikṛpayāviṣṭaharakaṃṭhasya kālimām || gṛhītvā pārvatī
cakre nārīmekāṃ mahābhayām

104.7

ātmaśaktiṃ tatra muktvā provācedaṃ vacaḥ śubhā || yasmādatīva kālāsi nāmnā tvaṃ kālikā bhava

104.8

devāriṃ
ca durātmānaṃ śīghraṃ nāśaya śobhane || evamuktā mahārāvā kālikā prādhyaṃ tadā

104.9

raveṇaiva mṛtaṃ cakre sānugaṃ sphuṭitahṛdam || tatovantī
śmaśānasthā mahārāvānamuṃcata

104.10

yairāsanvikalāṃ lokāstrayo'pi pramṛtā yathā || tato rudro bālarūpaṃ kṛtvā viśvakṛte vibhuḥ

104.11

rudaṃsta
syāḥ samīpe cāpyāgataḥ pretasadmani || rudaṃtaṃ ca tato bālaṃ kṛtvotsaṃge kṛpānvitā

104.12

kālikāpāyayatstanyaṃ mā rudeti prajalpatī || stanya
vyājena bālo'pi papau krodhaṃ tadaṃgajam

104.13

yo'sau harakaṃṭhabhavaviṣādāsītsudurdharaḥ || pītakrodhasvabhāve ca saumyāsītkālikā tadā

104.14

bālo'pi bālarūpaṃ tattyaktumaicchatkṛtakriyaḥ

104.15

tato devāḥ kālikāyāḥ śaṃkamānāḥ punarbhayam || ūcurmā bāla bālatvaṃ parityaja kṛpāṃ kuru

104.16

bāla uvāca || || na bhetavyaṃ kālikāyāḥ saumyā devī yataḥ kṛtā || asti cedbhavatāṃ bhītiranyānsrakṣyāmi bālakān || catuḥ
paṣṭikṣetrapālānityuktvā so'sṛjanmukhāt

104.17

prāha tānbālarūpāṃśca bālarūpī maheśvaraḥ || svargeṣu paṃcaviṃśānāṃ pātāleṣu ca tāvatām

104.18

caturdaśānāṃ bhūloṃke vāso vaḥ pālanaṃ tathā || ayameva śmaśānastho bhavitā śvā ca vāhanam

104.19

naivedyaṃ bhavatāṃ rājamāṣataṃdulamiśrakāḥ
anabhyarcya ca yo yuṣmānkiṃcitkṛtyaṃ vidhāsyati

104.20

tasya tanniṣphalaṃ bhāvi bhuktaṃ pretaiśca rākṣasaiḥ || ityuktvā bhagavāñchudrastatraivāṃ
taradhīyata

104.21

kṣetrapālāḥ sthitāścaiva yathāsthāne nirūpitāḥ || iti vaḥ kṣetrapālānāṃ sṛṣṭiḥ proktā samāsataḥ

104.22

ārādhanaṃ pravakṣyāmi
yena prītā bhavaṃti te

104.23

oṃ kṣāṃ kṣetrapālāya namaḥ || iti navākṣaro mahāmaṃtraḥ

104.24

anenātra caṃdanādi dattvā rājamāṣataṇḍulamiśrakāṃśca catuḥ
ṣaṣṭikṛtabhāgānvaṭakānnivedya tāvatyo dīpikāstāvanti patrāṇi pūgāni nivedya daṇḍavatpraṇamya mahāstutimetāṃ japet

104.25

oṃ ūrdhvakeśā virūpākṣā
pākṣā nityaṃ ye ghorūpiṇaḥ || raktanetrāśca piṃgākṣāḥ kṣetrapālānnamāmi tān

104.26

am̐hvaro hyāpakumbhaśca iḍācārastathaiva yaḥ || iṃdramūrtiśca kolā
kṣa upepāda ṛtusanaḥ

104.27

siddheyaścaiva valiko nīlapādekadaṃṣṭrikaḥ || irāpatiścāvahārī vighnahārī tathāṃtakaḥ

104.28

ūrdhvapādaḥ kambalaśca
khaṃjanaḥ khara eva ca || gomukhaścaiva jaṃcālo gaṇanāthaśca vāraṇaḥ

104.29

jaṭālopyajaṭālaśca naumi svaḥkṣetrapālakān || ṛkāro haṭhakārī ca
ṭaṃkapāṇiḥ khaṇistathā

104.30

ṭhaṃṭhaṃkaṇo jaṃbaraśca sphuliṃgāsyastaḍidruciḥ || daṃturo ghananādaśca nandakaśca tathā paraḥ

104.31

phetkāra
kārī paṃcāsyo barbarī bhīmarūpavān || bhagnapakṣaḥ kālamegho dhuvāno bhāskarastathā

104.32

rauravaścāpi laṃboṣṭho vaṇijaḥ sujaṭālikaḥ || sugaṃdho
huhukaścaiva naumi pātālarakṣakān

104.33

sarvaliṃgeṣu huṃkāraḥ smaśāneṣu bhayāvahaḥ || mahālakṣo vane ghore jvālākṣo vasatau sthitaḥ

104.34

ekavṛ
kṣaśca vṛkṣeṣu karālavadano niśi || ghaṇṭāravo guhāvāsī padmakhaṃjo jale sthitaḥ

104.35

catvareṣu durārohaḥ parvate kuravastathā || nirjhareṣu pravā
hāsyo māṇibhadro nidhiṣvapi

104.36

rasakṣetre rasādhyakṣo yajñavāṭeṣu koṭanaḥ || caturdaśa bhuvaṃ vyāpya sthitāścaivaṃ namāmi tān

104.37

evaṃ
catuḥṣaṣṭimitāñcharaṇaṃ yāmi kṣetrapān || prasīdaṃtu prasīdaṃtu tṛpyaṃtu mama pūjayā

104.38

sarvakāryeṣu yaścaivaṃ kṣetrapānarcayecchuciḥ || kṣetrapāstasya
tuṣyaṃti yacchaṃti ca samīhitam

104.39

imaṃ kṣetrapakalpaṃ ca vijānanvijayastathā || yathoktavidhinābhyarcya siddheyaṃ tuṣṭuve ca tam

104.40

praṇamya ca tato devīmānarca vaṭayakṣiṇīm || purā yadā nāradena kalāpagrāmato dvijāḥ

104.41

samānītāsteśca sākaṃ sunaṃdā nāma brāhmaṇī || vidha
vābhyāgatā tatra tapastaptuṃ mahītaṭe

104.42

sā kṛcchrāṇi parākāṃśca atikṛcchrāṇi kurvatī || jyeṣṭhe bhādrapade cake sāvitryā dve trirātrike

104.43

māsopavāsaṃ ca tathā kārtike kulanaṃdinī || saptaliṃgāni saṃpūjya devīpūjāṃ sadā vyadhāt

104.44

darśe snānaṃ tathā cakre mahīsāgarasaṃgame || ityā
dibahubhistaistairnityaṃ niyamapālanaiḥ

104.45

dhūtapāpā yayau lokamumāyāḥ kṛtasvāgatā || aṃśena ca taṭe tasminsaṃbhūtā vaṭayakṣiṇī

104.46

tasyāstuṣṭo varaṃ prādātsiddhaliṃgasthito haraḥ || anabhyarcya ya enāṃ ca matpūjāṃ prakariṣyati

104.47

tasya tanniṣphalaṃ sarvamityuktaṃ pālyameva me
tasmātprapūjayennityaṃ vaṭasthāṃ vaṭayakṣiṇīm || puṣpairdhūpaistu naivedyairmantreṇānena bhaktitaḥ

104.48

sunande nandanīyāsi pūjāmetāṃ gṛhāṇa me
prasīd sarvakāleṣu mama tvaṃ vaṭayakṣiṇi

104.49

evaṃ saṃpūjya tāṃ natvā kṣamāpya vaṭayakṣiṇīm || sarvānkāmānavāpnoti naro nārī
ca sarvadā

104.50

vijayaścāpi māhātmyamidaṃ jānanmahāmatiḥ || ānarce vaṭavṛkṣasthāṃ bhaktito vaṭayakṣiṇīm

104.51

tataḥ siddhāṃ
vikāṃ stutvā jatvavānaparājitām || mahāvidyāṃ vaiṣṇavīṃ tu sādhanena samanvitām

104.52

yasyāḥ smaraṇamātreṇa sarvaduḥkhakṣayo bhavet
tāṃ vidyāṃ kīrtayiṣyāmi śṛṇudhvaṃ viprapuṃgavāḥ

oṃ namo bhagavate vāsudevāya namo'naṃtāya sahasraśīrṣāya kṣīrodārṇavaśāyine śeṣabhogaparyaṃ
kāya garuḍavāhanāya pītavāsase vāsudeva saṃkarṣaṇa pradyumnāniruddha hayaśiro varāha narasiṃha vāmana trivikrama rāma rāma varaprada namo'stu te namo
stu te asuradaityadānavayakṣarākṣasabhūtapretapiśācakuṃbhāṃḍasiddhayoginīḍākinīskaṃdapurogamāngrahānnakṣatragrahāṃścānyāṃśca hana 2 daha 2 paca 2 matha 2
vidhvaṃsaya 2 vidrāvaya 2 śaṃkhena cakreṇa vajreṇa gadayā muśalena halena bhasmīkuru sahasrabāhave sahasracaraṇāyudha jaya 2 vijaya 2 aparājita apra
tihata sahasranetra jvala 2 prajvala 2 viśvarūpa bahurūpa madhusūdana mahāvarāha mahāpuruṣa vaikuṃṭha nārāyaṇa padmanābha goviṃda dāmodara hṛṣīkeśa sarvāsuro
tsādana sarvabhūtavaśaṃkara sarvaduḥkhaprabhedana sarvayaṃtraprabhaṃjana sarvanāgapramardana sarvadevamaheśvara sarvabaṃdhavimokṣaṇa sarvāhitapramardana sarvajvarapraṇāśana sarvagraha
nivāraṇa sarvapāpapraśamana janārdana janānaṃdakara namo'stu te svāhā

104.54

imāmaparājitāṃ paramavaiṣṇavīṃ mahāvidyāṃ japati paṭhati śṛṇoti smarati
dhārayati kīrtayati na ca tasya vāvyagnivajropalāśanivarṣabhayaṃ na samudrabhayaṃ na grahabhayaṃ na ca caurabhayaṃ na ca śvāpadabhayaṃ vā bhavet

104.55

kaci
dvāndhyakārakṣmīrājakulaviṣopaviṣagaradavaśīkaraṇavidveṣaṇoccāṭanavadhabaṃdhabhayaṃ vā na bhavedetairmaṃtrapadairudāhṛtairhṛdā baddhaiḥ saṃsiddhapūjitaiḥ

104.56

tathā || namonamaste'stu abhaye anaghe ajite apatrasite amṛte aparājite paṭhitasiddhe smaritasiddha ekānaṃśe ume dhruve aruṃdhati sāvitri gāyatri
jātavedasi mānastoke sarasi sarasvati dharaṇi dhāriṇi saudāmini adite vinate gauri gāṃdhāri mātaṃgi kṛṣṇe yaśode satyavādini brahmavādini
kāli kapālini sadyovayavacayanakari sthalagataṃ jalagatamaṃtarikṣagataṃ vā rakṣa 2 sarvabhūtabhayopadravebhyo rakṣa 2 svāhā

104.57

yasyāḥ praṇaśyate puṣpaṃ
garbho vā patate yadi || mriyaṃte bālakā yasyāḥ kākavaṃdhyā ca yā bhavet || dhārayeta imāṃ vidyāmebhirdoṣairna lipyate

104.58

raṇe rājakule dyūte nityaṃ
tasya jayo bhaveta || śastraṃ dhārayate hyeṣāṃ samare kāṃḍadhāriṇī

104.59

mūlmaśūlākṣirogāṇāṃ nityaṃ nāśakarī tathā || śirorogajvarāṇāṃ ca nāśanī
sarvadehinām

104.60

tadyathā || hana 2 kāli sara 2 kāli sara 2 gauri dhama 2 gauri dhama 2 vidye āle tāle māle maṃdhe baṃdhe paca 2 vidye
nāśaya pāpaṃ hana duḥsvapnaṃ vināśaya kaṣṭanāśini rajani saṃdhye duṃdubhināde mānasavege śaṃkhini cakriṇi vajriṇi śūlini apamṛtyuvināśini
viśveśvari draviḍi drāviḍi keśavadayite paśupatimahite durddamani śarvari kirāti mātaṃgi oṃ hrāṃ hrīṃ huṃ hreṃ hrauṃ kāṃ kaṃ kūṃ kaḥ tvara 2 ye māṃ dvipaṃti pratyakṣaṃ
parokṣaṃ vā sarvāndama 2 marda 2 tāpaya 2 pātaya 2 śoṣaya 2 utsādaya 2 brahmāṇi māheśvari vārāhi vināyaki aiṃdri āgneyi cāmuṃḍe
vāruṇi pracaṃḍavidyote iṃdropeṃdrabhagini vijaye śāṃtisvastipuṣṭivivardhani kāmāṃkuśe kāmadudhe sarvakāmavaraprade sarvabhūteṣu vāsini prati
vidyāṃ kuru 2 ākarṣiṇi veśini jvālāmālini ramaṇi rāmaṇi dharaṇi dhāriṇi mānonmānini rakṣa 2 vāyavye jvālāmālini
tāpani śoṣaṇi nīlapatākini mahāgauri mahāśraye mahāmayūri ādityaraśmi jāhnavi yamaghaṃṭe kiṇi 2 ciṃtāmaṇi surabhi surotpanne
kāmadudhe yathā manīṣitaṃ kāryaṃ tanmama sidhyatu svāhā oṃsvāhā oṃbhūḥ svāhā oṃbhuvaḥ svāhā oṃsvaḥ svāhā oṃbhūrbhuvaḥsvaḥ svāhā
yatraivāgataṃ pāpaṃ tatraiva pratigacchatu svāhā oṃbale mahābale asiddhasādhini svāhā

Vaishnavakhanda 104

Contents

Linked texts (6)