Vaishnavakhanda 108

Vaiṣṇavakhaṇḍa 108

Language: Sanskrit

108.135 — 1 part

108.1

cha || || sūta uvāca || || tatastrayodaśe varṣe vyatīte
samaye tadā || upapluve saṃgateṣu sarvarājasu pāṃḍavāḥ

108.2

yoddhumāgatya saṃtasthuḥ kurukṣetraṃ mahārathāḥ || kauravāścāpi saṃtasthurduryodhanapurogamāḥ

108.3

tato bhīṣmeṇa proktāṃ ca naraiḥ śrutvā yudhiṣṭhiraḥ || rathātirathasaṃkhyāṃ tu rājñāṃ madhye vaco'bravīt

108.4

bhīṣmeṇa vihitā kṛṣṇa rathātirathavarṇanā || tato
duryodhano'pṛcchadidaṃ svīyānmahārathān

108.5

sasainyānpāṃḍavānetānhanyātkālena kena kaḥ || māsena tu pratijñātaṃ bhīṣmeṇa ca kṛpeṇa ca

108.6

pakṣaṃ dro
yena cāhnāṃ ca daśabhirdroṇinā raṇe || ṣaḍbhiḥ karṇena ca tathā sadā mama bhayaṃkṛtā

108.7

tadahaṃ svāṃśca pṛcchāmi kena kālena haṃti kaḥ || etacchrutvā
vaco rājñaḥ phālguno vākyamabravīt

108.8

ayuktametadrīṣmādyaiḥ pratijñātaṃ yudhiṣṭhira || tato jaye ca vijaye niścayo hi bhṛṣaiva tat

108.9

tavāpi
ye saṃti nṛpāḥ sannaddhā raṇasaṃsthitāḥ || paśyaitānpuruṣavyāghrānkālakalpāndurāsadān

108.10

drupadaṃ ca virāṭaṃ ca dhṛṣṭaketuṃ ca kaikayam || sahadevaṃ sātya
ki ca cekitānaṃ ca durjayam

108.11

dhṛṣṭadyumnaṃ saputraṃ ca mahāvīryaṃ ghaṭotkacam || bhīmādīṃśca maheṣvāsānkeśavaṃ cāparājitam

108.12

manyehameka
stveteṣāṃ hanyātkauravabāhinīm || sannaddhāḥ pratihaśyaṃte bhīṣmādyā bahavo rathāḥ

108.13

tebhyo bhayaṃ na kāryaṃ te phalgavo'mī mṛgā iva

108.14

asmākaṃ dhanuṣāṃ ghoṣairidānīmiva bhārata || kauravā vidraviṣyaṃti siṃhatrastā mṛgā iva

108.15

vṛddhādrīṣmādvijādvṛddhādroṇādapi kṛpādapi || bāli
śārtikaṃ bhayaṃ droṇeḥ sūtaputrācca durmateḥ

108.16

athavā cittanirvṛtyai jñātumicchasi bhārata || śatrūṇāṃ pratyanīkeṣu saṃdhāvacchṛṇu me vacaḥ

108.17

eko
'hameva saṃgrāme sarve tiṣṭhaṃtu te rathāḥ || ekāhnā kṣapaye sarvānkauravānsainyasaṃyutān

108.18

ityarjunavacaḥ śrutvā smayandāmodaro'bravīt || evametadyathā
prāha phālguno'yaṃ mṛṣā na tat

108.19

tataśca śaṃkhānbherīśca śataśaścaiva puṣkarān || nivārya rājamadhyastho barbarīko vaco'bravīt

108.20

yena tannu guptakṣetre yena devyaḥ sutoṣitāḥ || yasyātulaṃ bāhubalaṃ tena coktaṃ niśamyatām

108.21

yadbhavīmi vacaḥ satyaṃ śṛṇudhvaṃ tannarādhipāḥ || ātmano vīryasadṛśaṃ kevalaṃ na tu darpataḥ

108.22

yadāyeṇa pratijñātamarjunena mahātmanā || na marṣayāmi tadvākyaṃ kālakṣepo mahānayam

108.23

sarve bhavaṃtastiṣṭhaṃtu sārjunāḥ sahakeśavāḥ || eko muhūrtādrīṣmādīnsarvāṃścaiṣye yamakṣayam

108.24

mayi tiṣṭhati kenāpi śakraṃ śāhrāṃ na kṣatriyaiḥ || svadharmaśapatho vo'stu mṛte gāhyaṃ tato mayi

108.25

paśyadhvaṃ me balaṃ bāhvordeṃvyārādhanasaṃbhavam || māhātmyaṃ guptakṣetrasya tathā bhaktiṃ ca pāṃḍuṣu

108.26

paśyadhvaṃ me dhanurghoraṃ tūṇīrāvakṣayau tathā || khaḍgaṃ ca devyā yaddattaṃ tato vacmi vacastvidam

108.27

iti tasya vacaḥ śrutvā kṣatriyā vismayaṃ yayuḥ || arjunaśca kaṭākṣepe lajjitaḥ kṛṣṇamaikṣata

108.28

tamāha lalitaṃ kṛṣṇaḥ phālgunaṃ paramaṃ vacaḥ || ātmaupayikamevedaṃ bhaimi putro'bhyabhāṣata

108.29

navakoṭiyuto'nena palāśī nihataḥ purā || kṣaṇādeva ca pātāle śrūyate mahadbhutam

108.30

punaḥ prakṣyāmahe tvanaṃ kenopāyena kauravān || muhūrtādbhisi brūhīti pṛcchayatāṃ cāha taṃ jayaḥ

108.31

tataḥ smayannādaveṃdro bhaimiputramabhāṣata

108.32

bhīmadroṇa
kṛpadrauṇikarṇaduryodhanādibhiḥ || guptāṃ tryaṃbakadurjeyāṃ senāṃ haṃsi kathaṃ kṣaṇāt

108.33

ayaṃ mahānvismayaste vacano vaiminaṃdana || saṃbhūtaḥ sarvarājñāṃ
ca phālgunasya ca dhīmataḥ

108.34

taddhi kenopāyena muhūrtāddhaṃsi kauravān || upāyalīyaṃ te jñātvā saṃsyāmo vayamapyuta

108.35

sūta
uvāca || || ityukto vāsudevena sarvabhūteśvareṇa ca || siṃhavakṣāḥ parvatābho nānābhūṣaṇabhūṣitaḥ

108.36

ghaṭāsyo ghaṭahāsaśca ūrdhvakeśo'tidīptimān || vidyuddakṣo vāyujavo yaścecchennāśayejjagat

108.37

devīdattātulabalo barbarīko'bhyabhāṣata || yadi vo mānasaṃ vīrā upāyasya pradarśane

108.38

tadahaṃ darśayāmyeṣa paśyadhvaṃ sahakeśavāḥ || ityuktvā dhanurāropya saṃdadhe viśikhaṃ tvaran || niḥśalyaṃ cāpi saṃpūrṇaṃ siṃdūrābheṇa bhasmanā

108.39

ākarṇamākṛṣya ca taṃ mumoca mukhādathoddhūtamabhūcca bhasma

108.40

senāgre tacca papāta śīghraṃ yasyaiva yatrāsti ca mṛtyumarma || sarvaromasu bhīṣmasya
kaṃṭhe rādheyadroṇayoḥ

108.41

ūrau duryodhanasyāpi śalyasyāpi ca vakṣasi || kaṃṭhe ca śakunerdīptaṃ bhagadattasya cāpatat

108.42

kṛṣṇasya pādatala
lake kaṃṭhe drupadamatsyayoḥ || śikhaṃḍinastathā karṇyāṃ kaṃṭhe senāpatestathā

108.43

papāta raktaṃ tadrasama yatra yeṣāṃ ca marma ca || kevalaṃ caiva pāṃḍūnāṃ
kṛpadrauṇyośca nāspṛśat

108.44

iti kṛtvā tato bhūyo barbarīko'bhyabhāṣata || hṛṣṭaṃ bhavadbhirevaṃ yanmayā marma nirīkṣitam

108.45

adhunā pāta
yiṣyāmi marmasveṣāṃ śitāñcharān || devīdattānamoghākhyānyairmariṣyaṃtyamī kṣaṇāt

108.46

śapathā vaḥ svadharmasya śastraṃ grāhyaṃ na vaḥ kacit
muhūrtātpātayiṣyāmi śatrūnetāñchitaiḥ śaraiḥ

108.47

tato vismitacittānāṃ yudhiṣṭhirapurogiṇām || āsīnninādaḥ sumahānsādhusādhviti śaṃsa
tām

108.48

vāsudevaśca saṃkruddhaścakeṇa niśitena ca || evaṃ bruvata evāsya śiraśchittvā nyapātayat

108.49

tataḥ kṣaṇātsarvamāsīdāvignaṃ rājamaṃ
ḍalam || vyalokayankeśavaṃ te vismitāśvābhavanbhṛśam

108.50

kimetaditi prāhuśca barbarīkaḥ kuto hataḥ|| pāṃḍavāścāpi mumucuraśrūṇi sahapārthivāḥ

108.51

hāhā putreti ca gṛṇanpraskhalaṃśca padepade || ghaṭotkaco'pataddīnaḥ putropāri vimūrchitaḥ

108.52

etasminnaṃtare devyaścaturdaśa samāyayuḥ

108.53

siddhāṃbikā kroḍamātā kapālī tārā suvarṇā ca trilokajetrī || bhāṇeśvarī carcikā caikavīrā yogeśvarī caṃḍikā traipurā ca

108.54

bhūtāṃbikā harasi
dbhistathāmūḥ saṃprāpya tasthurnṛpavismayaṃkarāḥ || śrīcaṃḍikā''śvāsya tato ghaṭotkacaṃ provāca vākyaṃ mahatā svareṇa

108.55

śṛṇudhvaṃ pārthivāḥ sarve
kṛṣṇena viditātmanā || hetunā yena nihato barbarīko mahābalaḥ

108.56

merumūrdhni purā pṛthvī samavetāndivaukasaḥ || bhārākrāṃtā jagādaitānbhāro'pa
hriyatāṃ hi me

108.57

tato brahmā prāha viṣṇuṃ bhagavaṃstvamidaṃ śṛṇu || devāstvānugamiṣyanti bhāraṃ hara bhuvaḥ prabho

108.58

tatastatheti tanmene
vacanaṃ viṣṇuravyayaḥ || etasminnaṃtare bāhumuddhatyoścairabhāṣata

108.59

sūryavarceti yakṣeṃdraścaturāśītikoṭipaḥ || kimarthaṃ mānuṣe loke bhavadbhirjanma kāryate

108.60

mayi tiṣṭhati doṣāṇāmanekānāṃ mahāspade || sarve bhavaṃto modaṃtu svargeṣu saha viṣṇunā

108.61

ahameko'vatīryaitānhaniṣyāmi bhuvo bharān || svadharmaśapathā vo vai saṃti cejjanma prāpsyatha

108.62

ityuktavacane brahmā kuddhastaṃ samabhāṣata || durmate sarvadevānāmaviṣahyaṃ mahābharam

108.63

svasādhyaṃ vyarthe mohāttvaṃ śāpayogyo'si bāliśa || deśakālocitaṃ svīyaṃ parasya ca balaṃ hṛdā

108.64

avicāryaiva prabhuṣu vakti so'rhati daṃḍanam || tasmādbhūbhāraharaṇe yuddhasyopakrame sati

108.65

śarīranāśaṃ kṛṣṇāttvamavāpsyasi na saṃśayaḥ || evaṃ śapto brahmaṇā'sau viṣṇumetadayācata

108.66

yadyevaṃ bhavitā nāśastadekaṃ deva prārthaye || janmaprabhṛti me dehi matiṃ sarvārthasādhanīm

108.67

tatastatheti taṃ prāha keśavo devasaṃsadi || śiraste pūjayiṣyaṃti devyāḥ pūjyo bhaviṣyasi

108.68

ityuktvā cāvatīrṇo'sau saha devairharistadā || harirnāma sa kṛṣṇo'sau bhavaṃtaste tathā surāḥ

108.69

sūryavarcāḥ sa cāyaṃ hi nihato bhaimiputrakaḥ || prākchāpaṃ brahmaṇaḥ smṛtvā hatonena mahātmanā || tasmāddoṣo na kṛṣṇe'smindraṣṭavyaḥ sarvabhūmipaiḥ

108.70

śrīkṛṣṇa uvāca || yaduktaṃ bhūmipā devyā tattathaiva na saṃśayaḥ

108.71

yadyenamadhunā naiva hanyāṃ brahmavaco'nyathā || tato bhavediti smṛtvā mayāsau vinipātitaḥ

108.72

guptakṣetre mayaivāsau niyukto devyanusmṛtau || pūrvaṃ dattaṃ varaṃ svīyaṃ smaratā devasaṃsadi

108.73

ityukte caṃḍikā devī tadā bhaktaśirastvidam || abhyukṣya sudhayā śīghramajaraṃ cāmaraṃ vyadhāt

108.74

yathā rāhuśirastadvattacchiraḥ praṇanāma tān || uvāca ca didakṣāmi yuddhaṃ tadanumanyatām

108.75

tataḥ kṛṣṇo vacaḥ prāha meghagaṃbhīravākprabhuḥ || yāvanmahī sanakṣatrā yāvaccaṃdradivākarau

108.76

tāvattvaṃ sarvalokānāṃ vatsa pūjyo bhaviṣyasi || devīlokeṣu sarveṣu devīvadvicariṣyasi

108.77

svabhaktānāṃ ca lokeṣu devīnāṃ dāsyase sthitim || bālānāṃ ye bhaviṣyaṃti vātapittakaphodbhavāḥ || piṭakāstāḥ sukhenaiva śāmayiṣyasi pūjanāt

108.78

idaṃ ca śṛṃgamāruhya paśya yuddhaṃ yathā bhavet

108.79

dhāvaṃtaḥ kauravāstvasmānvayaṃ yāmastvamūniti || ityuktvā vāsudevena devyo'thāṃbaramāviśan

108.80

barbarīkaśiraścaiva giriśṛṃgamavāpya tat || dehasya bhūmisaṃskārāścābhavacchiraso nahi || tato yuddhaṃ mahadabhūtkurupāṃḍavasenayoḥ

108.81

aṣṭādaśāhena hatā ye ca droṇavṛṣādayaḥ || duryodhane hate krūre aṣṭāda
śabdinātyaye

108.82

yudhiṣṭhiro jñātimadhye goviṃdaṃ samabhāṣata || puruṣottamaṃ saṃgrāmamasuṃ saṃtāritā vayam

108.83

tvayaiva nāthena hare namaste
puruṣottama || śrutvā tasyāpi sāsūyamidaṃ bhīmo vaco'bravīt

108.84

yena dhvastā dhārtarāṣṭrāstaṃ nirākṛtya māṃ nṛpa || puruṣottamaṃ kṛṣṇamiti
bravīṣi kimu mūḍhavat

108.85

dhṛṣṭadyumnaṃ phālgunaṃ ca sātyakiṃ māṃ ca pāṃḍava || nirākṛtya bravīṣyeva sūtaṃ dhiktvāṃ yudhiṣṭhira

108.86

arjuna uvāca || || maivaṃ maivaṃ brūhi bhīma na tvaṃ vetsi janārdanam || na mayā na tvayā pārtha nānyenāpyarayo hatāḥ

108.87

ahaṃ hi sarvadāyasthaṃ naraṃ paśyāmi saṃyuge || nighnaṃtaṃ śātravāṃstatra na jāne ko'pyasāviti

108.88

bhīma uvāca || || viśrāṃto'si dhruvaṃ pārtha nātra haṃtā naro'paraḥ || atha cedasti tvatpautramuccasthaṃ vacmi haṃta kaḥ

108.89

upasṛtya tato bhīmo barbarīkamapṛcchata || brūhīte kena nihatā dhārtarāṣṭrā hi śatravaḥ

108.90

barbarīka uvāca || || eko mayā pumānhṛṣṭo yudhyamānaḥ paraiḥ saha || savyataḥ paṃcavakraḥ sa dakṣiṇe caikavakrataḥ

108.91

savyato daśahasta śca dhṛtaśūlādyudāyudhaḥ || dakṣiṇe ca caturhasto dhṛtacakrādyudāyudhaḥ

108.92

savyataśca jaṭādhārī dakṣiṇe mukuṭojjvalaḥ || savyato bhasmadhārī ca dakṣiṇe dhṛtacaṃdanaḥ

108.93

savyataścaṃdradhārī ca dakṣiṇe kaustubhadyutiḥ || mamāpi taddarśanato mahadbhayamajāyata

108.94

īdṛśo me naro hṛṣṭo na cānyo yo jaghāna tān || ityukte puṣpavarṣaṃ tu khādāsītsumahāprabham

108.95

sasvanurdevavādyāni sādhusādhviti vai jaguḥ || vismitāḥ pāṃḍavā śvāsanpraṇemuḥ puruṣottamam

108.96

vilakṣaścābhavadbhīmo niśvāsāṃścādhyamuṃcata || taṃ tataḥ keśavaḥ svāmī samādāya kare haḍhe

108.97

kuruśārdūla ehīti procya sasmāra kāṃśyapim || āruhya garuḍaṃ paścātsmṛtamātramupasthitam

108.98

bhīmena sahito vyomni prayāto dakṣiṇāṃ diśam || tato'rṇaṃ vamatītyaiva suvelaṃ ca mahāgirim

108.99

laṃkāsamīpe hṛṣṭvaiva saraḥ kṛṣṇo'bravīdvacaḥ || kuruśārdūla paśyedaṃ saro dvādaśayojanam

108.100

yadi śūro'si tacchīghramānayāsyatalānmṛdam || ityukto garuḍācchīghraṃ nyapatattajjale balī

108.101

yojanaṃ vāyujavādgacchannadho nāṃtamapaśyata || tato bhīmo viniḥsṛtya bhagnavīryo'bhyabhāṣata

108.102

agādhametatsumahatsaraḥ kaiścinmahābalaiḥ || ahaṃ khāditumārabdhaḥ kathaṃciccāpi nirgataḥ

108.103

evamukto hasankṛṣṇa uccikṣepa mahatsaraḥ || svenāṃguṣṭhena tejasvī tadardhārdhamajāyata

108.104

tacchrutvā vismitaḥ prāha kimidaṃ kṛṣṇa brūhi me

108.105

śrīkṛṣṇa uvāca || || kumbhakarṇa iti khyātaḥ pūrvamāsīnniśācaraḥ || rāmabāṇahatasyābhūccharaśichannaṃ sudurmateḥ

108.106

śirasastasya
tālukyakhaṃḍametaṭṭakodara || yojanadvādaśāyāmaṃ mṛdu kṣiptaṃ vicūrṇitam

108.107

vidhūtastavaṃ ca yaiste tu sarogeyābhidhāḥ surāḥ || trikūṭasya śilā
bhiśra cūrṇitā ye ca koṭiśaḥ

108.108

ete hi viśvaripavo nihatāḥ syurupāyataḥ || gacchāmaḥ pāṃḍavānbhīma drauṇirhi tvarate haṭham

108.109

tato bhīmaḥ praṇamyāha manovākkāyabuddhibhiḥ || kṛtamājanmataḥ sarva kukṛtaṃ kṣama keśava

108.110

puruṣottama bhavānnātha bāliśasya prasīda me
tataḥ kṣāṃtamiti procya bhīmena sahito hariḥ

108.111

raṇājiraṃ bhūya etya barbarīkaṃ vaco'bravīt || carannevaṃ suhṛdaya sarvalokeṣu nityaśaḥ

108.112

pūjitaḥ sarvalokaistvaṃ yacchaṃsteṣāṃ varānvṛtān || guptakṣetraṃ ca na tyājyaṃ sarvakṣetrottamottamam

108.113

dehisthalyāṃ tathā vāsī kṣamasva
duṣkṛtaṃ ca yat || ityuktastānnamaskṛtya bhaimiḥ svairaṃ yayau mudā

108.114

vāsudevo'pi kāryāṇi sarvāṇyūrdhvamakārayat || iti vo varṇitotpattirbarba
rīkasya vāḍavāḥ || stavaṃ cāsya pravakṣyāmi yena tuṣyati yakṣarāṭ

jayajaya caturaśītikoṭiparivāra sūryavarcābhidhāna yakṣarāja jaya bhūbhā
raharaṇapravṛtta laghuśāpaprātanairṛtiyonisaṃbhava jaya kāmakaṭaṃkaṭākukṣirājahaṃsa jaya ghaṭotkacānaṃdavardhana barbarīkābhidhāna jaya kṛṣṇopadiṣṭaśrīguptakṣetravade
vīsamārādhanaprāptātulavīrya jaya vijayasiddhidāyaka jaya piṃgalārepalendraduhahuhānavakoṭīśvara palāśanadāvānala jaya bhūpātālāṃtarāle nāgakanyāpari
hāraka jaya bhīmamānamardana jaya sakalakauravasenāvadhamuhūrtapravṛtta jaya śrīkṛṣṇavaralabdhasarvavarapradānasāmarthya jayajaya kalikālavaṃdita namonamaste pā
hipārhāti

Linked texts (7)

Skandamahāpurāṇa (vulgate) — Sanskrit
Māheśvarakhaṇḍa — Sanskrit
Kaumārīkākhaṇḍa — Sanskrit
Kumārikākhaṇḍa — Sanskrit
Kaumārakhaṇḍa — Sanskrit
Skandapurāṇa (early; "Ambikākhaṇḍa") (ed. Bakker) — Sanskrit
Jayasīṃhakalpadruma — Ratnākara 1688, Sanskrit

Vaishnavakhanda 108

Contents

Linked texts (7)