Vaishnavakhanda 11
Vaiṣṇavakhaṇḍa 11
- Language
- Sanskrit
11.1
cha || lomaśa uvāca || tadā ca te surāḥ sarva ṛṣayo
pi bhayānvitāḥ || īḍire liṃgameśaṃ ca brahmādyā jñānavihvalāḥ
11.2
brahmovāca || tvaṃ liṃgarūpī tu mahāprabhāvo vedāṃtavedyosi mahātma
rūpī || yenaiva sarve jagadātmamūlaṃ kṛtaṃ sadānaṃdapareṇa nityam
11.3
tvaṃ sākṣī sarvalokānāṃ hartā tvaṃ ca vicakṣaṇaḥ || rakṣaṇosi mahādeva
bhairavosi jagatpate
11.4
tvayā liṃgasvarūpeṇa vyāptametajjagattrayam || kṣudrāścaiva vayaṃ nātha māyāmohitacetasaḥ
11.5
ahaṃ surāsurāḥ sarve
yakṣagaṃdharvarākṣasāḥ || pannagāśca piśācāśca tathā vidyādharā hyamī
11.6
tvaṃhi viśvasṛjāṃ sraṣṭā tvaṃ hi devo jagatpatiḥ || kartā tvaṃ bhuvanasya
sya tvaṃ hartā puruṣaḥ paraḥ
11.7
trāhyasmākaṃ mahādeva devadeva namo'stu te || evaṃ stuto hi vai dhātrā liṃgarūpī maheśvaraḥ
11.8
ṛṣayaḥ
stotukāmāste maheśvaramakalmaṣam || astuvangīrbhirabhyābhiḥ śrutigītābhirāhatāḥ
11.9
ṛṣaya ūcuḥ || ajñānino vayaṃ kāmānna viṃdā
mokṣasya saṃsthitim || tvaṃ hyātmā paramātmā ca prakṛtistvaṃ vibhāvinī
11.10
tvameva mātā ca pitā tvameva tvameva baṃdhuśca sakhā tvameva || tvamī
śvaro vedavidekarūpo mahānubhāvaiḥ pariciṃtyamānaḥ
11.11
tvamātmā sarvabhūtānāmeko jyotirivaidhasām || sarvaṃ bhavati yasmāttvattasmātsarvo'si
nityadā
11.12
yasmācca saṃbhavatyetattasmācchaṃbhuriti prabhuḥ
11.13
tvatpādapaṃkajaṃ prāptā vayaṃ sarve surādayaḥ || ṛṣayo devagaṃdharvā vidyādhara
mahoragāḥ
11.14
tasmācca kṛpayā śaṃbho pāhyasmāñcharaṇagataḥ pate
11.15
mahādeva uvāca || || śṛṇudhvaṃ tu vaco me'dya kriyatāṃ ca
tvarānviitaiḥ || viṣṇuṃ sarve prārthayaṃtu tvaritena tapodhanāḥ
11.16
tasya tadvacanaṃ śrutvā śaṃkarasya mahātmanaḥ || viṣṇuṃ sarve namaskṛtya
īḍire ca tadā surāḥ
11.17
devā ūcuḥ || || vidyādharāḥ suragaṇā ṛṣayaśca sarve trātāstvayādya saṃkalājagadekabaṃdho || tadvatkṛpākara
janānparipālayādya trailokyanātha jagadīśa jagannivāsa
11.18
prahasya bhagavānviṣṇuruvācedaṃ vacastadā || daityaiḥ prapīḍitā yūyaṃ rakṣitāśca
purā mayā
11.19
adyaiva bhayamutpannaṃ liṃgādasmācciraṃtanam || na śakyate mayā trātumasmām̐lliṃgabhayātsurāḥ
11.20
acyutenaivamuktāste devā
ściṃtānvitā bhavan|| tadā nabhogatā vāṇī uvācāśvāsya vai surān
11.21
etalliṃgaṃ saṃvṛṇuṣva pūjanāya janārdana || piṃḍībhūtvā mahābāho rakṣasva sacarācaram
tatheti matvā bhagavānvīrabhadro'bhyapūjayat
11.22
brahmādibhiḥ suragaṇaiḥ sahitaistadānīṃ saṃpūjitaḥ śivavidhānarato mahātmā || sa ca vīrabhadraḥ śaśiśe
kharo'sau śivapriyo rudrasamastrilokyām
11.23
liṃgasyārcanayukto'sau vīrabhadro'bhavattadā || tadrūpasyaiva liṃgasya yena sarvamidaṃ jagat
11.24
udbhāti sthitimāpnoti tathā vilayameti ca || talliṃgaṃ liṃgamityāhurlayanāttattvavittamāḥ
11.25
brahmāṇḍagolakairyātaṃ tathā rudrākṣabhūṣitam
tathā liṃgaṃ mahājñātaṃ sarveṣāṃ duratikramam
11.26
tadā sarve'tha vibudhā ṛṣayo vai mahāprabhāḥ || tuṣṭuvuśca mahāliṃgaṃ vedavādaiḥ pṛthakpṛthak
11.27
aṇoraṇīyāṃstvaṃ deva tathā tvaṃ mahato mahān || tasmāttvayā vidhātavyaṃ sarveṣāṃ liṃgapūjanam
11.28
tadānīmeva sarveṇa liṃgaṃ ca bahuśaḥ kṛtam
satye brahmeśvaraṃ liṃgaṃ vaikuṇṭhe ca sadāśivaḥ
11.29
amarāvatyāṃ supratiṣṭhamareśvarasaṃjñakam || varuṇeśvaraṃ ca vāruṇyāṃ yāmyāṃ kāleśvaraṃ prabhum
11.30
nairṛteśvaraṃ ca nairṛtyāṃ vāyavyāṃ pāvaneśvaram || kedāraṃ mṛtyuloke ca tathaiva amareśvaram
11.31
oṃkāraṃ narmadāyāṃ ca mahākālaṃ tathaiva ca || kāśyāṃ
viśveśvaraṃ devaṃ prayāge laliteśvaram
11.32
tryambakaṃ brahmagirau kalau bhadreśvaraṃ tathā || drākṣārāmeśvaraṃ liṃgaṃ gaṃgāsāgarasaṃgame
11.33
ḥ saurāṣṭre ca
tathā liṃgaṃ someśvaramiti smṛtam || tathā sarveśvaraṃ vindhye śrīśaile śikhareśvaram || kāntyāmallālanāthaṃ ca siṃhanāthaṃ ca siṃgale
11.34
virūpākṣaṃ
tathā liṃgaṃ koṭiśaṅkarameva ca || tripurāntakaṃ bhīmeśamamareśvarameva ca
11.35
bhogeśvaraṃ ca pātāle hāṭakeśvarameva ca || evamādīnyanekāni liṃgāni bhuva
natraye || sthāpitāni tadā devairviśvopakṛtihetave
11.36
liṃgeśeśca tathā sarvaiḥ pūrṇamāsījjamatrayam || tathā ca vīrabhadrāṃśāḥ pūjārthamamaraiḥ kṛtāḥ
11.37
tatra viṃśatisaṃskārāsteṣāmaṣṭādhikābhavan || kathitāḥ śaṃkareṇaiva liṃgasyācanasūcakāḥ
11.38
saṃti rudreṇa kathitāḥ śivadharmāḥ sanā
tanāḥ || vīrabhadro yathā rudrastathānye guravaḥ smṛtāḥ
11.39
gurorjātāśca guravo vikhyātā bhuvanatraye || liṃgasya mahimānaṃ tu nandī jānāti tattva
taḥ
11.40
tathā skando hi bhagavānanye te nāmadhārakāḥ || yathoktāḥ śivadharmā hi nandinā parikīrtitāḥ
11.41
śailādena mahābhāgā vicitrā
liṃgadhārakāḥ || śavasyopari liṃgaṃ ca ghriyate ca purātanaiḥ
11.42
liṃgena saha paścatvaṃ liṃgena saha jīvitam || ete dharmāḥ supratiṣṭhāḥ śailādena
pratiṣṭhitāḥ
11.43
dharmaḥ pāśupataḥ śreṣṭhaḥ skandena pratipālitaḥ
11.44
śuddhā pañcākṣarī vidyā prāsādī tadanantaram || ṣaḍakṣarī tathā vidyā prāsādasya
ca dīpikā
11.45
skandāttatsamanuprāptamagastyena mahātmanā || paścādācāryabhedena hyāgamāḥ bahavo'bhavan
11.46
kiṃ nu vai bahunoktena śiva ityakṣaradvayam || uccārayaṃti ye nityaṃ te rudrā nātra saṃśayaḥ
11.47
satāṃ mārgaṃ puraskṛtya ye sarve te purāṃtakāḥ || vīrā māheśvarā jñeyāḥ pāpakṣayakarā nṛṇām
11.48
prasaṃgenānupaṃgeṇa śraddhayā ca yadṛcchayā || śivabhaktiṃ prakurvanti ye vai te yāṃti sadgatim
11.49
śṛṇudhvaṃ kathayāmīha itihāsaṃ purātanam || kṛtaṃ śivālaye yacca pataṃgyā mārjanaṃ purā
11.50
āgatā bhakṣaṇārthaṃ hi naivedyaṃ kena cārpitam || mārjanaṃ rajasastasyāḥ pakṣābhyāmabhavatpurā
11.51
tena karmavipākena uttamaṃ svargamāgatā || bhuktvā svargasukhaṃ cograṃ punaḥ saṃsāramāgatā
11.52
kāśirājakutā jātā sundarīnāma viśrutā || pūrvā
bhyāsācca kalyāṇī babhūva paramā satī
11.53
uṣasyuṣasi tanvaṃgī śivadvāraratā sadā || saṃmārjanaṃ ca kurute bhaktyā paramayā yutā
11.54
svaya
meva tadā devī sundarī rājakanyakā || tathābhūtāṃ ca tāṃ dṛṣṭvā ṛṣiruddālako'bravīt
11.55
sukumārī satī bāle svayameva kathaṃ śubhe || saṃmārjana
ca kuruṣe kanyake tvaṃ śucismite
11.56
dāsī dāsyaśca bahavaḥ saṃti devi tavāgrataḥ || tavājñayā kariṣyaṃti sarvaṃ saṃmārjanādikam
11.57
ṛṣestadvacanaṃ śrutvā prahasyedamuvāca ha
11.58
śivasevāṃ prakurvāṇāḥ śivabhaktipuraskṛtāḥ || ye narāścaiva nāryaśca śivalokaṃ vrajaṃti vai
11.59
saṃmārjanaṃ ca pāṇibhyāṃ padbhyāṃ yānaṃ śivālaye || tasmānmayā ca kriyate saṃmārjanamataṃdritam
11.60
anyatkiṃścinna jānāmi ekaṃ saṃmārjanaṃ vinā
ṛṣistadvacanaṃ śrutvā manasā ca vimṛśya hi
11.61
anayā kiṃ kṛtaṃ pūrvaṃ keyaṃ kasya prasādataḥ || tadā jñātaṃ ca ṛṣiṇā tatsarvaṃ jñānacakṣuṣā
vismayena samāviṣṭastūṣṇīṃbhūto'bhavattadā
11.62
savismayo'bhūdṛtha tadviditvā uddālako jñānavatāṃ variṣṭhaḥ || śivaprabhāvaṃ manasā vicitya jñānā
tparaṃ bodhamavāpa śāṃtaḥ