Vaishnavakhanda 111
Vaiṣṇavakhaṇḍa 111
- Language
- Sanskrit
Contents
- 111.63-2 — 1 part
111.1
cha || brahmovāca
athāhamuccaranvedānaśeṣairvadanaiḥ śivam || astauṣaṃ bhaktisaṃpūrṇaṃ kṛtvā mānasamarcanam
111.2
namaḥ śivāya mahate sarvalokaikahetave || yena prakāśyate
sarvaṃ thriyate satataṃ namaḥ
111.3
viśvavyāptamidaṃ tejaḥ prakāśayati saṃtatam || nekṣaṃte tvaddṛāhīnā jātyaṃdhā bhāskaraṃ yathā
111.4
bhūliṃgamamalaṃ
jñetaddṛśyamadhyātmacakṣuṣā || aṃtasthaṃ vā bahisthaṃ vā tvadrūkairanubhūyate
111.5
aparicchedyamākāramaṃtarātmani yoginaḥ || tadetattava deveśa jvalitaṃ
darpaṇo yathā
111.6
athavā śāṃkarī śaktiḥ satyā'ṇorapyaṇīyasī || matto nānyataraḥ kaścidyanmayyapi vilīyate
111.7
aṇuste karuṇāpātraṃ
mahattvaṃ dhruvamaśnute || nādhiko'sti parastvatto na matto'pi tvadāśrayāt
111.8
tvayyarpitaṃ manastvatto na viyogamapekṣate || vācaḥ kathaṃ pravṛttiḥ
syāttava vaibhavakīrttane
111.9
svayamīśa mahādeva prasīda bhuvanādhika || ādiśa prayataṃ bhaktamapekṣitaniyuktiṣu
111.10
idaṃ vijñāpya vinayānna
maskṛtvā punaḥpunaḥ || prāṃjalirdevadeveśaṃ nyaṣīdaṃ savidhe vibhoḥ
111.11
atha viṣṇurnavāṃbhodagaṃbhīradhvanirabhyadhāt || vācaḥ kṛtārthanbhūyaḥ śukrāḥ śaṃka
rakīrttanaiḥ
111.12
jaya tribhuvanādhīśa jaya gaṃgādhara prabho || jaya nātha virūpākṣa jaya caṃdrārddhaśekhara
111.13
avyājamitaṃ śaṃbho kāruṇyaṃ tava
varddhate || yena nirdhūtamakhilaṃ bhakteṣu jñānamāhitam
111.14
pālanaṃ sarvavidyānāṃ prāpaṇaṃ bhūtisaṃcayaiḥ || purāṇaṃ ca saputrāṇāṃ pitureva pravardhanam
111.15
śatānāmapi mūrtīnāmekāmapi navaiḥ stavaiḥ || stotuṃ na śaknumeśāna samavāyastu kiṃ punaḥ
111.16
tvameva tvāmalaṃ vettuṃ yadi vā tvatpra
sādataḥ || bhramaraḥ kīṭamākṛṣya svātmānaṃ kiṃ na cānayet
111.17
devāstvadaṃśasaṃbhūtiprabhavo na bhavanti kim || apyāyasyāgnikīlasya dāha
śaktirna kiṃ bhavet
111.18
deśakālakriyāyogādyathāgnerbhedasambhavaḥ || tathā viṣayabhedena tvameko'pi vibhidyase
111.19
anugrahaparo deva mūrtiṃ
darśaya śaṃkara || āvayorakhilādhāra nayanānaṃdadāyinīm
111.20
evaṃ praṇamatordevaḥ śraddhābhaktisamanvitam || prasasāda paraṃ śaṃbhuḥ stuvatorāvayo
rdvayoḥ
111.21
tejaḥstaṃbhātpunastasmādevaścandrārddhaśekharaḥ || āvirbabhūva puruṣaḥ kapilaḥ kālakandharaḥ
111.22
paraśuṃ bālahariṃgaṃ karairabhayavi
śramau || dadhānaḥ puruṣo'vādītputrāvāvāmiti prabhuḥ
111.23
parituṣṭo'smi yuvayorbhaktyā yuktātmanormayi || bhavataṃ sarvalokānāṃ sṛṣṭirakṣādhipau
yuvām
111.24
yuvayoriṣṭasiddhayarthamāvirbhūto'smyahaṃ yataḥ || varaṃ vṛṇutamanyaṃ ca varado'hamupāgataḥ
111.25
iti devasya vacanātsuprītau ca kṛtāṃ
jalī || vijñāpayāmāsiva tau svaṃ svamarthaṃ pṛthakpṛthak
111.26
ahaṃ mantraiḥ śiśuprāyajagattrayavidhāyakaḥ || saṃstuvanvaidikairmaṃtrairīśānamaparājitam
111.27
namasyehamidaṃ rūpaṃ śaśvadvaradamīśvaram || tejomayaṃ mahādevaṃ yogidhyeyaṃ nirañjanam
111.28
āpūryamāṇaṃ añcatā tejasā gaganāṃtaram
paripṛcchyaḥ surāvāsaḥ kṣaṇādeva bhaviṣyati
111.29
siddhacāraṇagandharvā devāśca paramarṣayaḥ || nāvasandivi saṃcāraṃ labheraṃstejasā tava
111.30
pṛthvī ca sakalā caiva tapyamānā tavaujasā || carācarasamutpattikṣamā naiva bhaviṣyati
111.31
upasaṃhṛtya tejaḥ svamaruṇācalasaṃjñayā || bhava
sthāvaraliṃgaṃ tvaṃ lokānugrahakāraṇāt
111.32
jyotirmayamidaṃ rūpamaruṇācalasaṃjñitam || ye namanti narā bhaktyā te bhavantyamarā
dhikāḥ
111.33
sevaṃtāṃ sakalā lokāḥ siddhāśca paramarṣayaḥ || gaṇāśca vividhā bhūmau mānuṣaṃ bhāvamāsthitāḥ
111.34
divyārāma
samudbhūtakalpakādyāḥ suradrumāḥ || sevinastvāṃ prarohaṃtu bharitā vividhaiḥ phalaiḥ
111.35
divyauṣadhigaṇāssarve siṃhādyā mṛgajātayaḥ || praśāṃ
tāḥ parivarttaṃtāṃ pāpakalmaṣanāśanam
111.36
ayanadvayabhinnena gamanenāpi saṃyutaḥ || na laṃghayiṣyati raviḥ śṛṃgaṃ liṃgatanostava
111.37
divya
duṃdubhiśaṃkhānāṃ ghoṣaiḥ puṣpaughavṛṣṭibhiḥ || sevito bhava deva tvamapsaronṛtyagītibhiḥ
111.38
amaratvaṃ ca siddhatvaṃ rasasiddhīśca nirvṛtim || labhaṃtāṃ
mānuṣā nityaṃ tvatsaṃnidhimupāgatāḥ
111.39
īśatvaṃ ca vaśitvaṃ ca saubhāgyaṃ kālavaṃcanam || tvāmāśritya narāssarve labhaṃtāmaruṇācala
111.40
sarvāvayavadānena sarvavyādhivināśanāt || sarvābhīṣṭapradānena dṛśyo bhava mahītale
111.41
tatheti varadaṃ devamaruṇādripatiṃ śivam||praṇamya kamalānāthaḥ
prārthayannidamabravīt
111.42
prasīd karuṇāpūrṇa śoṇaśaileśvara prabho || maheśa sarvalokānāṃ hitāya prakaṭodaya
111.43
yadāhaṃ tvāmupāśritya
jagadrakṣaṇadakṣiṇaḥ || śrīpatitvamanuprāptastadā bhaktā bhavaṃtu te
111.44
nālpapuṇyairupāsyeta tvadrūpaṃ mahadadbhutam || mayā ca brahmaṇā caivamaharṣapadaśekharaḥ
111.45
pradakṣiṇānamaskārairnṛtyagītaiśca pūjanaiḥ || tvāmarcayaṃti ye martyāḥ kṛtārthāste gatāṃhasaḥ
111.46
upavāsairvrataiḥ satrerupahāraistathārcanaiḥ
tvāmarcayaṃti manujāḥ sārvabhaumā bhavaṃtu te
111.47
ārāmaṃ maṃḍapaṃ cāpi kūpaṃ vidhiviśodhanam || kurvatāmaruṇādrīśa saṃnidhāne punarbhava
111.48
aṃgapradakṣiṇaṃ kurvannaiśvaryasamanvitaḥ || aśeṣapātakaiḥ sadyo vimukto nirmalāśayaḥ
111.49
āvāmapyavisuṃcaṃtau sadā tvatpādapaṃkajam || dhyātavyaṃ
manujaiḥ sarvaistava saṃnidhimāgataiḥ
111.50
tathāstviti varaṃ dattvā viṣṇave caṃdraśekharaḥ || aruṇācalarūpeṇa prātaḥ sthāvaraliṃgatām
111.61
tejasaṃ liṃgametaddhi sarvalokaikakāraṇam || aruṇādririti khyātaṃ dṛśyate vasudhātale
111.62
yugāṃtasamaye kṣubdhaiścaturbhirapi sāgaraiḥ || api
nirmagnalokāṃtairaspṛṣṭāṃtikabhūtalam
111.63
gajapramāṇaiḥ pṛṣataiḥ pūrayaṃto jagattrayam || puṣkarādyā mahāmeghā viśrāṃtā yasya sānuni
111.64
pravṛtte bhūtasaṃhāre prakṛtau pratisaṃcare || bhaviṣyatsarvabījāni niṣeduryatra niścayam
111.65
saṃyā cāhyamānebhyaḥ pralayānaṃtaraṃ punaḥ || yatpādasevivipre
bhyo vedādhyayanasaṃgrahaḥ
111.66
sarvāsāmapi vidyānāṃ kalānāṃ śāstrasaṃpadām || āgamānāṃ ca vedānāṃ yatra satyavyavasthitiḥ
111.67
yadbhāgaharāṃtasthā munayaḥ śaṃsitavratāḥ || jaṭinaḥ saṃprakāśaṃte koṭisūryāgnite jasaḥ
111.68
paṃcabrahmamayairmaṃtraiḥ paṃcākṣaravapurdharaiḥ || akārapīṭhikārūḍhonādā
tmā yaḥ sadāśivaḥ
111.69
aṣṭabhiśca sadā liṃgairaṣṭadikpālapūjitaḥ || aṣṭamūrttitayā yo'yamaṣṭasiddhipradāyakaḥ
111.60
yatra siddhāstathālokā
nsvānsvānmuktvā sureśvarāḥ|| apekṣaṃte sthitā muktiṃ vihāya kanakācalam
111.61-2
evaṃ vasuṃdharāpuṇyaparipākasamuccayaḥ || aruṇādririti khyātobhakta
bhaktivarapradaḥ
111.62-2
kailāsānmeruśikharādāgatairdevasaṃcayaiḥ || pūjyate śoṇaśailātmā śaṃbhuḥ sarvavarapradaḥ
111.63-2
iti kamalajavakrapadmajotaṃ muditamanāḥ
sanako niśamya bhaktyā || viracitavinayaḥ praṇamya putraḥ pitaramapṛcchadaśeṣavedasāram
111.63-2.p1
iti śrīskaṃde mahāpurāṇa ekāśītisāhasryāṃ saṃhi tāyāṃ prathame māheśvarakhaṇḍe'ruṇācalamāhātmye pūrvārdhe brahmaviṣṇustutipūrvakaṃ śaṃkarasya sthāvaraliṃgamāhātmyavarṇanaṃnāma dvitīyo'dhyāyaḥ
Linked texts (2)
- Kaumārīkākhaṇḍa — Sanskrit
- Śoṇādrimāhātmya — Sanskrit