Pramāṇa · Search · About · API

Vaishnavakhanda 112

Vaiṣṇavakhaṇḍa 112

Language
Sanskrit

Contents

112.1

cha
sanaka uvāca || || bhagavannaruṇādrīśamāhātmyamidamadbhutam || śrutaṃ śivaprasādena dayayā te jagadguroḥ

112.2

āścaryametanmāhātmyaṃ sarvapāpavinā
śanam || ārādhayanpunaḥ ke vā varadaṃ śoṇaparvatam

112.3

anādiraṃtarahitaḥ śivaḥ śoṇacalākṛtiḥ || yuvayostapasā deva varadānāya saṃsthitaḥ

112.4

sakṛtsaṃkīrtite nāmni śoṇādririti muktide || sannidhiḥ sarvakāmānāṃ jāyate cāghanāśanam

112.5

śivaśabdāmṛtāsvādaḥ śivārcanakathākramaḥ
iti tadvacanaṃ śrutvā devadevaḥ pitāmahaḥ

112.6

uvāca karuṇāmūrtiraruṇādrīśamānaman || || brahmovāca || || śrūyatāṃ vatsa pārvatyāścaritaṃ yatpurā
tanam

112.7

aruṇādrīśamāśritya yathā sā nirvṛtābhavat || āsāda mahādevaḥ kadācitpārvatīpatiḥ

112.8

ratnasiṃhāsanaṃ divyaṃ ratnatoraṇasaṃyu
tam || ratnapuṣpaphalopetakalpadrumamanoharam

112.9

parārdhyadapadāstīrṇaṃ baddhamuktāvitāne kam || vimuktapuṣpaprakaradivyadhūporusaurabham

112.10

pralaṃba
mālikājālaninadadbhṛṃgasaṃkulam || divyatūryaghanārāvapranṛtyadbhuhavāhanam

112.11

pārvatīsiṃhasaṃcāraparitrastamahāgajam || apsarobhiḥ pranarttābhirgā
yaṃtībhiśca kevalam

112.12

āsevitapuroraṃgaṃ dikpālakaniṣevitam || ṛgyajuḥsāmajairmaṃtraiḥ stuvadbhirmunipuṃgavaiḥ

112.13

brahmarṣibhistathā devaiḥ
siddhai rājarṣibhirvṛtam || gaṇaiśca vividhākārairbhasmālaṃkṛtavigrahaiḥ

112.14

rudrākṣadhārasubhagairāpūrṇaṃ śivatatparaiḥ || vīṇāveṇumṛdaṃgāditauryatrikajani
svanaiḥ

112.15

ghaṃṭāṭaṃkārasubhagairvedadhvanivimiśritaiḥ || manoharaṃ mahādivyamāsanaṃ pārvatīsakhaḥ

112.16

alaṃkāra bhagavānbhaktānugrahakāmyayā
āsthāya vimalaṃ rūpaṃ sarvatejomayaṃ śivam

112.17

aṃbikāsahitaḥ śrīmānvijahāra dayānidhiḥ || saṃgītena kathābhedairdyūtakrīḍāvikalpanaiḥ

112.18

gaṇānāṃ vikaṭairnṛtyaie ramayāmāsa pārvatīm || visṛjya sakalāndevānṛṣīṃścāpi sabhāsadaḥ

112.19

varānpradāya vividhānbhaktalokāya vāṃchitān
āgameṣu vicitreṣu sarvartukusumeṣu ca

112.20

vijahāromayā sārddhaṃ ratnaprāsādapaṃktiṣu || vāpikāsu manojñāsu ratnasopānapaṃktiṣu

112.21

kelipa
rvataśṛṃgeṣu hemaraṃbhāvanāṃtare || gaṃgātaraṃgaśītena phullapaṃkajagaṃdhinā

112.22

vātena maṃdagatinā vihāravihataśramaḥ || svakāmataḥ svayaṃ devaḥ preya
sīmabhyanandayat

112.23

ratirūpāṃ śivāṃ devīṃ sarvasaubhāgyasundarīm || kadācidrahasi prītā nijājñāvaśavartinam

112.24

ramaṇaṃ
jānatī mugdhā paścādabhyetya sādaram || karābhyāṃ kamalābhābhyāṃ triṇetrāṇi jagadguroḥ

112.25

pidadhe līlayā śaṃbhoḥ kimetaditi kautukāt
candrādityāgnirūpeṇa pihiteṣvakṣiṣu kramāt

112.26

andhakāro'bhavattatra cirakālaṃ bhayaṃkaraḥ || nimiṣārddhena devasya jagmurvatsarakoṭayaḥ

112.27

devīlīlāsamutthena tamasābhūjjagatkṣayaḥ || tamasā pūritaṃ viśvamapāreṇa samantataḥ

112.28

śūnyaṃ jyotiḥ pracāreṇa vināśaṃ pratyapadyata || na vyajṛṃbhaṃta vi
budhā na ca vedāścakāśire

112.29

nāpi jīvāḥ samabhavannavyaktaṃ kevalaṃ sthitam || jagatāmapi sarveṣāmakāle vīkṣya saṃkṣayam

112.30

tapasā labdhasphū
rtīnāṃ vicāraḥ samapadyata || kimetattamaso janma bhuvanakṣayakāraṇam

112.31

bhagavānapi sarvātmā na nūnaṃ kālamākṣipat || devī vinodarūpeṇa pidhatte
purajiddaśaḥ

112.32

tenedamakhilaṃ jātaṃ nistejo bhuvanatrayam || akālatamasā vyāpte sakale bhuvanatraye

112.33

kā gatirlabdharājyānāṃ tapasā
devajanmanām || na yajñāḥ saṃpravartaṃte na pūjyante surā bhuvi

112.34

iti niścitya manasā vīkṣya te jñānacakṣuṣā || nityāste sūrayo bhaktyā śaṃsu
mānamya tuṣṭuvuḥ

112.35

namaḥ sarvajagatkartre śivāya paramātmane || māyayā śaktirūpeṇa pṛthagbhāvamupeyuṣe

112.36

avinābhāvinī śaktirādvaikā
śivarūpiṇī || līlayā jagadutpattirakṣāsaṃhatikāriṇī

112.37

ardhāṃgī sā tava deva śivaśaktyātmakaṃ vapuḥ || eka eva mahādevo na pare tva
dvinā vibho

112.38

līlayā tava lokoyamakāle pralayaṃ gataḥ || karuṇā tava nirvyājā varddhatāṃ lokavarddhanī

112.39

bhavato nimiṣārddhena
tejasāmupasaṃhṛteḥ || gatānyanekavarṣāṇi jagatāṃ nāśahetave

112.40

tataḥ prasīda karuṇāmūrtteṃ kāla sadāśiva || virama praṇayārambhādamṣmāllokasaṃ
kṣayāt

112.41

iti teṣāṃ vacaḥ śrutvā bhaktānāṃ siddhiśālinām || visṛjākṣīṇi gaurīti karuṇāmūrttirabravīt

112.42

visasarja ca sā devī
pidhānaṃ haracakṣuṣām || somasūryāgnirūpāṇāṃ prakāśamabhavajjagat

112.43

kiyānkālo gataśceti pṛṣṭaḥ siddhaiśca vai nataiḥ || uktaṃ tvannimiṣārdhena
jagmurvatsarakoṭayaḥ

112.44

atha devaḥ kṛpāmūrttirālokya vihasanpriyām || abravītparamodāraḥ paraṃ dharmārthasaṃgraham

112.45

avicārya kṛtaṃ mugdhe
bhuvanakṣayakāraṇāt || ayuktamiha paśyāmi jaganmātustavaiva hi

112.46

ahamapyakhilām̐llokānsaṃhariṣyāmi saṃkṣaye || prāpte kāle tvayā maugdhyā
dakāle pralayaṃ gatāḥ

112.47

keyaṃ vā tvāhaśī kuryādīdṛśaṃ sadvigarhitam || karma narmaṇyapi sadā kṛpāmūrtirna bādhate

112.48

iti śambhorvacaḥ
śrutvā dharmalopabhayākulā || kiṃ kariṣyāmi tacchāntyai ityapṛcchatsma taṃ priyā

112.49

atha devaḥ prasannātmā vyājahāra dayānidhiḥ || devyāste
nānutāpena bhaktyā ca toṣitaḥ śivaḥ

112.50

manmūrtestava keyaṃ vā prāyaścittirihocyate || athāpi dharmamārgoyaṃ tvayaiva paripālyate

112.51

śrutismṛtikriyākalpā vidyāśca vibudhādayaḥ || tvadrūpametadakhilaṃ mahadarthosmi tanmayaḥ

112.52

mānyayābhinnayā devyā bhāvyaṃ lokaisisṛkṣayā

112.53

tasmāllokānurūpaṃ te prāyaścittaṃ vidhīyate || ṣaḍvidho gadito dharmaḥ śrutismṛtivicārataḥ

112.54

svāminā nānupālyeta yadi tyājyo'nujīvibhiḥ || na tvāṃ vihāya śaknomi kṣaṇamapyāsituṃ kacit

112.55

ahameva tapaḥ sarvaṃ kāriṣyāmyātmani sthitaḥ || pṛthvī ca sakalā bhūyātta
pasā saphalā tava

112.56

tvatpādapadmasaṃsparśāttvattapodarśanādapi || nirasyaṃti svasānnidhyādudyajātamupadravam

112.57

karmabhūmestvamādhikyahetave
puṇyamācara || tvattapaścaraṇaṃ loke vīkṣya sarvopi saṃtatam

112.58

dharme dṛḍhatarāṃ buddhiṃ nibadhīyānna saṃśayaḥ || kṛtārthayiṣyati mahīṃ dayā te dharma
pālanaiḥ

112.59

tvamevaitatsakalaṃ proktā vedeṃdevi sanātanaiḥ || asti kāṃcīpurī khyātā sarvabhūtisamanvitā

112.60

yā divaṃ devasaṃpūrṇā pratyakṣayati
bhūtale || yatra kṛtaṃ tapaḥ kiṃcidanaṃtaphalamucyate

112.61

devāśca munayaḥ sarve vāsaṃ vāṃchaṃti saṃtatam || tatra kaṃpeti vikhyātā mahāpātakanāśinī

112.62

yatra sthitānāṃ martyānāṃ kampante pāpakoṭayaḥ || tatra cūtadrumaścaiko rājate nityapallavaḥ

112.63

saṃpūrṇaśītalacchāyaḥ prasūnaphalapallavaiḥ || tatra
japtaṃ hutaṃ dattamanantaphaladaṃ bhavet

112.64

gaṇāśca vividhākārā ḍākinyo yoginīgaṇāḥ || paritastvāṃ niṣevaṃtāṃ viṣṇumukhyāstathā parāḥ

112.65

ahaṃ ca niṣkalo bhūtvā tava mānasapaṃkaje || sannidhāsyāmi mā bhūstvaṃ devi madvirahākulā

112.66

ityuktā devadevena devī kaṃpāṃtikaṃ yayau || tapaḥ
kartuṃ sakhīyuktā vismayākrāntalocanā

112.67

kaṃpāṃ ca vimalāṃ sindhuṃ munisaṃghaniṣevitām || ālokya komaladlamekāgraṃ haṣṭivāraṇam

112.68

phalapuṣpasamākīrṇaṃ kokilālāpasaṃkulam || prasasāda punardevaṃ smāra ca maheśvaram

112.69

kāmāgniparivītāṃgī tapaḥkṣāmeva sā'bhavat || abhya
bhāṣata sā gaurī vijayāṃ pārśvavarttinīm

112.70

kāmaśokaparītāṃgī purārivirahākulā

112.71

imamavaharamāgatāniśaṃ svayamapi pūjayituṃ tapo
bhirīśam || ayamabhinavapallavaprasūnaḥ smarayati māṃ smarabandhurekacūtaḥ

112.72

kathamiva virahaḥ śivasya sahyaḥ kṣubhitadhiyātra sṛśaṃ manobhavena
tadapi ca taruṇeṃduccūḍapādsmaraṇamahauṣadhamekameva hṛṣṭam

112.72.p1

iti śrīskānde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe ruṇācalamāhātmye pūrvārddhe pārvatyāḥ śivanetrakṣīlanena tamasā kṣubdhalokapāpabhayena kāṃcyāṃ kaṃpāsthitaikāgratale tapaścaryārthamāgamanaṃnāma tṛtīyo 'dhyāyaḥ

Linked texts (6)