Vaishnavakhanda 113
Vaiṣṇavakhaṇḍa 113
- Language
- Sanskrit
Contents
- 113.73 — 1 part
113.1
cha || brahmovāca || || athābhyadhatta vijayā praṇamya jagadambikām || sāṃtvayantī stutiśatairupāyaiḥ śivadarśanaiḥ
113.2
devi tvamavinābhūtā sadā devena śaṃbhunā || prāṇeśvarī tvamekāsi śaktistasya parātmanaḥ
113.3
tathā māyāṃ tvamātmīyāṃ saṃdarśayitumīhase
pṛthagbhāvamiveśānaḥ prakāśayati na svayam
113.4
ādeśaṃ pratigṛhṇaiva samupetāsi pārvati || alaṃghanīyā sevājñā śāṃbhavī sarvadā tvayā
113.5
vidhā
tavyaṃ tapaḥ prātaṃ sthānesmiñchavakalpite || nivṛttya nikhilānkāmāñchaṃbhumāśritayā tvayā
113.6
anyathāpi jagadrakṣā tvadadhīnā jaganmayi
dharmasaṃrakṣaṇaṃ bhūyaḥ śivena sahitaṃ tava
113.7
niṣkalaṃ śivamatyaṃtaṃ dhyāyaṃtyātmanyavasthitam || viyogaduḥkhaṃ kacittvaṃ na smariṣyasi pārvati
113.8
bhaktānāṃ tava mukhyānāṃ tavaivācārasaṃgrahaḥ || upadeśitayā loke prathatāṃ dharmavatsale
113.9
iti tasyā vacaḥ śrutvā gaurī susthiramānasā || tapaḥ
kartuṃ samārebhe kaṃpānadyāstaṭe śubhe
113.10
visucya vividhā bhūṣā rudrākṣagaṇabhūṣitā || visṛjya divyaṃ vasanaṃ paryadhādvalkale śubhe
113.11
alakaiḥ
sahasā śilpamanayacca kapardatām || aliṃpata tanūṃ sarvāṃ bhasmanā muktakuṃkumā
113.12
mṛgeṣu kṛtasaṃtoṣā śiloṃchīkṛtavṛttiṣu || jajāpa niyamo
petā śivapaṃcākṣaraṃ param
113.13
kṛtvā triṣavaṇaṃ snānaṃ kampāyasi nirmale || kṛtvā ca saikataṃ liṃgaṃ pūjayāmāsa sādaram
113.14
vṛkṣapraropaṇairdānai
raśeṣātithipūjanaiḥ || śāṃtiṃ haraṃtī jīvānāṃ devī dharmapālayat
113.15
grīṣme paṃcāgnimadhyasthā varṣāsu sthaṃḍileśayā || hemante jalamadhyasthā
śiśire cākarottapaḥ
113.16
puṇyātmanāṃ maharṣīṇāṃ darśanārthamupeyuṣām || vismayaṃ janayāmāsa pūjayāmāsa sādaram
113.17
kadācitsvayamuccitya
vanāṃtātpachavānvitam || puṣpotkaraṃ viśeṣeṇa śodhituṃ samupāviśat
113.18
kṛtvā ca saikataṃ liṃgaṃ kaṃpārodhasi pāvane || saṃpūjayitumārebhe nyāsā
vāhanapūrvakam
113.19
sūryamabhyarcya vidhivadruktaiḥ puṣpaiśca caṃdanaiḥ || paṃcāvaraṇasaṃyuktaṃ kramādānarca śaṃkaram
113.20
dhūpairdīpaiśca naivedyairbhaktibhāvasam
nvitaiḥ || aparokṣitamīśānamāluloke purohitam
113.21
atha devaḥ śivaḥ sākṣātsaṃśodhayitumaṃbikām || kaṃpānadyāḥ pravāheṇa mahatā paryaveṣṭa
yat
113.22
ativṛddhaṃ pravāhaṃ taṃ kaṃpāyāḥ samupasthitam ||ālokya niyamāsīnāmāhuḥ sakhyastadaṃbikām
113.23
uttiṣṭha devi bahulaḥ pravāho'yaṃ
vijṛṃbhate || diśāṃ mukhāni saṃpūrya tarasā plāvayiṣyati
113.24
iti tadvacanaṃ śrutvā dhyāyaṃtī mīlitekṣaṇā || unmīlya vegamatulaṃ nadyāstaṃ samavaikṣata
113.25
aciṃtayacca sā devī pūjāvighnasamākulā || kiṃ karomi na śaknomi hātumārandhamarcanam
113.26
śreyaḥ prāṇumavighnena prāyaḥ puṇyātmanāṃ
śuci || ghaṭate dharmasaṃyogo manorathaphalapradaḥ
113.27
saikataṃ liṃgamatulapravāhāhvayameṣyati || liṃganāśe vimoktavyaḥ sadbhaktaiḥ prāṇasaṃgrahaḥ
113.28
pravāho'yaṃ samāyāti śivamāyāvinirmitaḥ || viśodhayitumātmānaṃ bhaktiyuktaṃ nije pade
113.29
āliṃgya sudṛḍhaṃ dorbhyāmetalliṃgamanākulam
ahaṃ vatsyāmi yātāśu sakhyo yūyaṃ vidūrataḥ
113.30
ityuktā saikataṃ liṃgaṃ gāḍhamāliṃgya sāṃbikā || na mumoca pravāhena veṣpyamānāpi vegataḥ
113.31
stanaccukanirmagnamudrādarśitalāṃchanam || mahāliṃgaṃ svasaṃyuktaṃ praṇanāma tadādarāt
113.32
nimīlitekṣaṇā dhyānaniṣṭhaikahṛdayā sthitā
pulakāṃcitasarvāṃgī sā smaraṃtī sadāśivam
113.33
kaṃpasvedaparitrāṇalajjāpraṇayakelidāt || kṣaṇamapyacalā liṃgānna viyogamapekṣate
113.34
atha
tāmatravītkāpi devī vāgaśarīriṇī || visuṃca bālike liṃgaṃ pravāho'yaṃ gato mahān
113.35
tvayārcitamidaṃ liṃgaṃ saikataṃ sthiravebhavam || bhaviṣyati
mahābhāge varadaṃ surapūjitam
113.36
tapaścaryā tavālokya racitaṃ dharmapālanam || liṃgaṃ caitanyamaskṛtya kṛtārthāḥ saṃtu mānavāḥ
113.37
ahaṃ
hi taijasaṃ rūpamāsthāya vasudhātale || vasāmi cātra siddhayarthamaruṇācalasaṃjñayā
113.38
ruṇaddhi sarvalokebhyaḥ paruṣaṃ pāpasaṃcayam || ruṇo na
vidyate yasmindṛṣṭe tenāruṇācalaḥ
113.39
ṛṣayaḥ siddhagaṃdharvā mahātmānaśca yoginaḥ || muktā kailāsaśikharaṃ meruṃ cainamupāsate
113.40
madaṃśa
jātayoḥ pūrvaṃ yudhyatorbrahmakṛṣṇayoḥ || ahaṃ mohamapākartuṃ tejorūpo vyavasthitaḥ
113.41
brahmaṇā haṃsarūpeṇa viṣṇunā koḍarūpiṇā || adyaṣṭaśekharapadaḥ
praṇato bhaktiyogataḥ
113.42
tataḥ prasannaḥ pratyakṣastābhyāṃ varamabhīpsitam || prādāṃ jagatrayasyāsya saṃrakṣāyāṃ tu kauśalam
113.43
prārthitaśca
punastābhyāmaruṇācalasaṃjñayā || anepi taijasaṃ rūpamahaṃ sthāvaraliṃgatām
113.44
gatvā pṛccha mahābhāgaṃ madrarṣiṃ gautamaṃ munim || aruṇācalamā
hātsyaṃ śrutvā tatra tapaścara
113.45
tatra te darśayiṣyāmi taijasaṃ rūpamātmanaḥ || sarvapāpanivṛttyarthaṃ sarvalokahitāya ca
113.46
iti vācaṃ
samākarṇya niṣkalātkathitāṃ śivāt || tatheti sahasā devī gaṃtuṃ samupacakrame
113.47
atha devānṛṣīṃnsarvānpaścātsevārthamāgatān || avā
dīdaṃbikālokya snehapūrṇena cakṣuṣā
113.48
tiṣṭhatātraiva vai devā munayaśca dṛḍhavratāḥ || niyamāṃścādhitiṣṭhaṃtaḥ kaṃpārodhasi pāvane
113.49
sarvapāpakṣayakaraṃ sarvasaubhāgyavarddhanam || pūjyatāṃ saikataṃ liṃgaṃ kucakaṃkaṇalāṃchanam
113.50
ahaṃ ca niṣkalaṃ rūpamāsthāyaitaddivāniśam
ārādhayāmi maṃtreṇa śoṇeśvaraṃ varapradam
113.51
mattapaścaraṇālloke maddharmaparipālanāt || malliṃgadarśanāccaiva sidhyaṃtirviṣṭavibhūtayaḥ
113.52
sarvakāmapradānena kāmākṣīmiti kāmataḥ || māṃ praṇamyātra madbhaktā labhaṃtāṃ vāṃchitaṃ varam
113.53
ahaṃ hi devadevasya śaṃbhoragyā
hato janaḥ || ādeśaṃ pālayiṣyāmi gatvāruṇamahīdharam
113.54
tatra gatvā tapastīvraṃ kṛtvā śaṃbhuṃ prasādya ca || māṃ tu laṅghavarāṃ yūyaṃ paścā
drakṣyatha saṃgatāḥ
113.55
iti sarvānvisṛjyāśu sadbhaktānpādasevinaḥ || aruṇādriṃ gatā bālā tapase śaṃkarājñayā
113.56
nityābhise
vitā'kāri sakhībhirabhiyogataḥ || āsasādāruṇādrīśaṃ divyaduṃdubhināditam
113.57
aṃtastejomayaṃ śāṃtamaruṇācalanāyakam || apsa
ronṛtyagītaiśca pūjitaṃ puṣpavṛṣṭibhiḥ
113.58
praṇamya sthāvaraṃ liṃgaṃ kautūhalasamanvitā || siddhānāṃ yogināṃ sārthasṛṣīṇāṃ cānvavekṣata
113.59
atrirbhṛgurbharadvājaḥ kaśyapaścāṃgirāstathā || kutsaśca gautamaścānye siddhavidyādharāmarāḥ
113.60
tapaḥ kurvaṃti satatamapekṣitavarātmaye || gaṃgādyāḥ saritaḥ
ścānyāḥ paritaḥ paryupāsate
113.61
divyaliṃgamidaṃ pūjyamaruṇādririti smṛtam || vaṃdasveti suraiḥ proktā praṇanāma punaḥpunaḥ
113.62
abhyarthitā
punaḥ sarvairātithyārthe maharṣibhiḥ || śivājñayā gautamo me draṣṭavya iti sāvadat
113.63
ayamatrarṣibhirbhirkairnirdiṣṭaṃ tamathābhyagāt || sa muniḥ śivabha
ktānāṃ prathamastapasāṃ nidhiḥ
113.64
vanāṃtaraṃ gataḥ prātaḥ samitkuśaphalāhṛteḥ || atithīnāśramaṃ prānānarcayeti dṛḍhavratān
113.65
śiṣyānādiśya dharmātmā gataśca vipināṃtaram || atha sā gautamaṃ draṣṭumāgatā parṇaśālikām
113.66
kva gato munirityuktairita āyāsyati kṣaṇāt || śiṣyai rabhyarthitetyuktvā phalamūlaissugaṃdhibhiḥ
113.67
abhyutthānenāsanena pādyenārgheṇa sūnṛtaiḥ || vacanaiḥ phalamūlena sārcitā śiṣyasaṃpadā
113.68
kṣaṇaṃ kṣamasvatyūcustāmanye jagmustadantikam || devyāṃ praviṣṭamātrāyāṃ maharṣerāśramo mahān
113.69
abhavatkalpabahulo maṇiprāsādasaṃkulaḥ || vanā
tarādupāvṛttya samitkuśaphalāharaḥ
113.70
apaśyatsvāśramaṃ dūre vimānaśataśobhitam || kimetaditi sāścaryaṃ cintayanmunipuṃgavaḥ
113.71
gauryāḥ sa
māgamaṃ sarvamapaśyajjñānacakṣuṣā || śīghraṃ nivartamāno'sau draṣṭuṃ tāṃ lokamātaram
113.72
śiṣyaiḥ śīghracarairvṛttamāveditamathāśrṛṇot
113.73
atha maha
piṃrupāgatakautuko nijatapaḥphalameva tadāgamam || śivadayākalitaṃ paricintayannabhajadāśramamāśritavatsalaḥ
113.73.p1
iti śrīskāṃde mahāpurāṇa ekā śītisāhasryāṃ saṃhitāyāṃ prathame māheśvarakhaṇḍe'ruṇācalamāhātmye pūrvārdhe pārvatyāḥ kaṃpāyā aruṇācale gautamāśramāgamanaṃnāma caturtho'dhyāyaḥ
Linked texts (2)
- Kaumārīkākhaṇḍa — Sanskrit
- Śoṇādrimāhātmya — Sanskrit