Pramāṇa · Search · About · API

Vaishnavakhanda 117

Vaiṣṇavakhaṇḍa 117

Language
Sanskrit

Contents

117.1

gautama uvāca || || śṛṇu devi purāvṛttaṃ kailāse merudhanvinā || ādiṣṭastīrthayātrārthamahaṃ
liṃgāni vīkṣitum

117.2

rudrakṣetre ca kedāre tathā badarikāśrame || kāśyāṃ puṇyeṣu deśeṣu tathā śrīparvate śive

117.3

kāṃcīmukhyāsu puṇyāsu purī
ṣvapyagamaṃ tadā || ṛṣibhirvibudhaiḥ sārdhairgaṇairyogibhiruttamaiḥ

117.4

sthāpitāni ca liṃgāni svayaṃbhūni ca dṛṣṭavān || tatratatra mahābhāge tīrthāni
śivasannidhau

117.5

sevamānaḥ saśiṣyo'haṃ paryaṭanpṛthivīmimām || evaṃ tīrthāni sarvāṇi gāhamāno vratānvitaḥ

117.6

tapāṃsi yajñakarmāṇi
kurvanbhūmiṃ samācaran || śivasmaraṇasaṃyuktaḥ śivaliṃgāni sannaman

117.7

sarvāṇi bhuvi puṇyāni deśametatsamāśrayam || atra devaṃ mahādevamavikeśaṃ
triyaṃbakam

117.8

aruṇādriritikhyātaṃ parvataṃ liṃgamaikṣiṣi || atra siddhā mahātmāno munayaśca dṛḍhavratāḥ

117.9

kaṃdamūlaphalāhārā dṛḍhāḥ śoṇādri
sevakāḥ || astaupamādimaṃ liṃgamaruṇādrimayaṃ mahat

117.10

ādyena brahmaṇā pūrvamarcitaṃ divyacakṣuṣā || asau yastāmro aruṇa uta babhruḥ sumaṃgalaḥ

117.11

iti vedāḥ stuvaṃti tvāmaruṇādrīśa saṃtatam || namastāmrāya cāruṇāya śivāya paramātmane

117.12

sarvavedasvarūpāya nityāyāmṛtamūrttaye
kālāya karuṇārdrāya hṛdipeyāmṛtābdhaye

117.13

bhaktavātsalyapūrṇāya puṇyāya purabhedine || darśanaṃ tava deveśa sarvadharmaphalapradam

117.14

bhuvi labdhavatāṃ
bhūyo nānyatkāryaṃ tapaḥ kacit || bhavatā karmabhūreṣā vartate'ya nirodhitā

117.15

prārthayaṃte svayaṃ vāsāndevāścātra tvadāśraye || kālasaṃgrahasaṃjātaṃ phalaṃ
labdhaṃ mayādhunā

117.16

anyatkṛtaṃ tapaḥ sarvaṃ tvadarśanaphalaṃ mama || īdṛśaṃ tava deveśa rūpamatyadbhutodayam

117.17

ekamadrimayaṃ liṃgaṃ na kaciddṛṣṭa
vānbhuvi || sūryeṃdragnisaṃyuktakoṇatrayamanoharam

117.18

trimūrtirūpa deveśa dṛśyate te vapurmahat || śaktitrayasvarūpeṇa kālatrayavidhānakam

117.19

trivedātmaṃ trikoṇāṃgaṃ liṃgaṃ te dṛṣṭamadbhutam || trailokyarakṣaṇārthāya vitaraṃ rūpamāsthitaḥ

117.20

dṛśyate vasudhābhāge śoṇādririti viśrutaḥ || ajāna
tāṃ ca martyānāṃ samālokanamātrataḥ

117.21

vitaratyakhilānbhogānanyājakaruṇānidhiḥ || arcayā rahitaṃ liṃgamanyaṃ śūnyamudāhṛtam

117.22

idaṃ tu pūjitaṃ devaiḥ sadā sarvavarapradam || prasīd karuṇāpūrṇa śoṇācala maheśvara

117.23

trāyasva bhavabhītaṃ māṃ prapannaṃ bhaktavatsala || draṣṭavyaṃ draṣṭametatte
rūpamatyadbhutaṃ mahat

117.24

kṛtārthaya kṛpāsiṃdho śaraṇya śaraṇāgatam || iti saṃstūyamāno me devaḥ śoṇācaleśvaraḥ

117.25

adarśayatparaṃ rūpaṃ divyaṃ
mahītyuvāca mām || prīto'smi bhavataḥ stotrairbhaktyā ca parayā bhṛśam

117.26

atraiva bhavato vāso nityamastu mamāntike || saṃpūjaya ca māṃ
nityaṃ bhuvi bhogaiḥ sanātanaiḥ

117.27

tapasā tapa sarveṣāṃ mahattvamiha darśaya || pūrvaṃ kailāsaśikhare vasaṃtaṃ tvāṃ taponvitam

117.28

ādiśaṃ
pṛthivībhāge śoṇādrau pūjayeti mām || saptarṣipūjitā pūjā divi me saṃprakāśate

117.29

tathā nityārcanāyuktaḥ prakāśaśca gharātale || sarveṣāmeva jaṃtūnāṃ hitāya tvaṃ tapo'dhikaḥ

117.30

bhuvi māṃ pūjayārcābhirāgamoktābhirādarāt || divyā mama mahāpūjā dṛśyā hi
divi daivataiḥ

117.31

prakāśanīyā bhavatā pārthivī vasudhātale || māhātmyaṃ pūrvamevoktaṃ yathāhamaruṇācalaḥ

117.32

sthito vasuṃ
dharābhāge mayā prītaṃ tu te bhṛśam || ye vā saṃpūjayaṃti sma pūrvaṃ māṃ sukṛtādhikāḥ

117.33

tebhyastvamadhiko bhūmau prakāśasva śivārcanam
ityādiṣṭo hi deveśaṃ praṇamya bhavabhaktimān

117.34

anvapṛcchaṃ dayāpūrṇamaruṇādrīśamānaman || anāsādyamidaṃ rūpamagnirūpaṃ maheśvaram

117.35

kathamadyārcayāmyenaṃ martyalokocitārcanaiḥ || ādeśamimamanvarthaṃ kathaṃ vā kalpayāmyaham

117.36

upāyamādiśa śrīmannabhigamyo yathā bhavān
iti vijñāpito devaḥ śrīmāñchoṇācaleśvaraḥ

117.37

anvagrahīddeśeṣātmā praṇataṃ māṃ dayānidhiḥ || ahaṃ tu sūkṣmaliṃgāni prakāśiṣye mahītale

117.38

āgamoktakriyābhedaiḥ pūjāṃ me pratipādya || paṃcāvaraṇasaṃyuktaṃ liṃgaṃ me sūkṣmamadbhutam

117.39

aruṇādrīśvarābhikhyaṃ saṃpūjya tapobalaiḥ
ityādiśya mahādevaḥ svayaṃbhu vimalaṃ mahat

117.40

rūpaṃ me darśayāmāsa sūkṣmaliṃgātmanā śivaḥ || ālokya vimalaṃ liṃgaṃ sūkṣmaṃ tatsvayamucchri
tam

117.41

aśeṣā''varaṇopetaṃ kṛtārthahṛdayo'bhavam || punarvyajñāpayaṃ devaṃ śambhumāśritavatsalam

117.42

āgamoktaprakārāṇāmanirīkṣyatvamāga
tam || kathaṃ tu tava rūpāṇāṃ nāmabhedānviyojitān

117.43

jānīyāṃ karuṇāmūrte svayamīśvara matprabho || pūjakāstava ke vā sthurmaṃdiraṃ vātra kīdṛśam

117.44

kathaṃ stotraṃ kathaṃ pūjā ke vātra paricārakāḥ || sthānarakṣā kathaṃ vā syātke vātmaparirakṣakāḥ

117.45

kathaṃ vā mānuṣī pūjā nityā
saṃvardhate tava || āgatā bahavo devāḥ śraddheyaṃ manujaiḥ katham

117.46

prasīda parameśāna svayamājñāpayākhilam || evaṃ vijñāpito devaḥ śoṇādrīśaḥ
svayaṃ prabhuḥ

117.47

ājñāpayattadā devo viśvakarmāṇamāgatam || sṛja tvaṃ nagaraṃ divyamaruṇākhyaṃ guṇādhikam

117.48

maṃdiraṃ mama divyaṃ ca mahā
maṇigaṇojjvalam || tauryatrikaṃ saparyāṃgaṃ tanme sarvaṃ prakalpaya

117.49

ābabhāṣe śivaḥ śrīmānnāmabhedārcanakramam || vrataṃ ca karuṇāmūrttiruṇādrīśvaraḥ
śivaḥ

117.50

śṛṇu tanme ca ye sṛṣṭā pūjārthaṃ paricārakāḥ || śṛṇu gautama sarvaṃ me mānuṣaṃ pūjanakramam

117.51

ya eṣa sarvalokānāṃ kṣemāya prathate
bhuvi || idaṃ tejomayaṃ liṃgamatulaṃ dṛśyate mahat

117.52

aruṇādrīśvarābhikhyaṃ pūjyatāṃ satataṃ tvayā || śaktirmottare bhāge pūjyā nityodayā mudā

117.53

dadhatī sthānamāhātmyamapītakucanāmikā || aruṇācalarājoyamavibhāgaḥ priyānvitaḥ

117.54

utsavārthoṃ mahādevaḥ pūjyo bhogasutā
vṛtaḥ || bodhado bhaktalokasya dattābhayakaraḥ śivaḥ

117.55

sāraṃgaṃ paraśuṃ bibhratprasannavadanaḥ sadā || umāskandeśvaraḥ śambhurdivyaratnavibhūṣaṇaḥ

117.56

abhayā bhāsayaṃllokānavikuṃṭhaśriyānvitaḥ || śakterutsavabhadre ca saṃpūjyā suṃdareśvarī

117.57

sarvabhūṣaṇasaṃyuktā śṛṃgārarasavarddhanī
bālo gaṇapatiḥ pūjyaḥ purastādbhūtinandanaḥ

117.58

madaṃtikamalaṃkurvanbhakṣyairbhojyairbahūdayaiḥ || matpārśvamavimuṃcaṃtī śoṇarekhāṃcitekṣaṇā

117.59

utsavārthā parā śaktiraṃtikasthaiva pūjyatām || mukharāṃghripatiḥ śrīmānnṛtyaṃstāṃḍavapaṇḍitaḥ

117.60

utsavārthaṃ samabhyarcyaśśuraye'mṛteśvaraḥ
śaktiśvānyā mahābhāgā saṃpūjyā bhuvināyakā

117.61

dvāre nandī mahākālaḥ purastātsūryasaṃnibhaḥ || bhaktānāṃ mama sarveṣāṃ pūjanaṃ
cāpi kalpyatām

117.62

dakṣiṇe mātaraḥ pūjyā vighnaśāstṛsamanvitāḥ || saṃpūjyo nairṛte koṇe vighnanāśo vināyakāḥ

117.63

skandaḥ śaktidharaścaiveśānakoṇe samarcyatām || liṃgāni ca manojñāni pūjanīyānyanantaram

117.64

maṃdiraṃ mama saṃpūjya dakṣiṇāmūrti
dakṣiṇam || paścime viṣṇurūpāṃkamagnirūpānvitaṃ tathā

117.65

uttare brahmarūpāṃkaṃ pūrve sāraṃgabhūyutam || sarvadevaguṇopetaṃ sarvaśaktisamanvitam

117.66

apītakucanāthāyāḥ sarvaśaktisamanvitam || maṃdiraṃ guru saṃpūjya dikpālakavadhūvṛtam

117.67

maṃdirasyāvanārthāya devīrvaibhavanāyakāḥ

117.68

kṣetrapālaṃ tu saṃpūjya sarvāvaraṇasaṃyutam || putrasya trāṇamāyātā pūjyāruṇagirīśvarī

117.69

kālī bahuvidhāścānyā devatā vidhipālakāḥ
utsavā vividhāḥ kalpyāḥ pratimāsamahodayāḥ

117.70

sṛjasva kanyakā divyāḥ śivadevārhaṇe ratāḥ || nṛttagītakalābhijñā rūpasaubhāgyasaṃyutāḥ

117.71

cāruvibhramasaṃyuktāḥ kāmadā nityapāvanāḥ || śiṣyānādiśa vedajñānsadācārasamujjvalān

117.72

divyopacārasaṃsiddhyai subhagāñchuddhace
tasaḥ || dīkṣitānvimalānchuddhānchaivāgamaviśāradān

117.73

śaivācāraprasiddhacarthamādiśābhyarcane mama || māhelāñchāṃkhikānvaiṇāṃstālikānveṇu
vādakān

117.74

śaulkikānsṛja sadvidyāṃścaturvidyāviśāradān || kṣatriyānvividhānvaiśyāñchūdrāṃśca śivasaṃmatān

117.75

catvāraśca maṭhāḥ kalpyā
ścaturdiktīrthavāsinām || munīnāṃ śivabhaktānāṃ nirāśānāṃ nivāsetaḥ

117.76

teṣu sthitā munīndrā me rakṣaṃtu śivapūjanam || bhikṣamāṇāḥ punaḥ śevā
bhaktāḥ pāśupatā api

117.77

pālayaṃtu sadānye ca yuktāḥ kāpālikā api || sarveṣāṃ jāyamānānāṃ jātānāṃ saṃbhaviṣyatām

117.78

avyā
hatājñamārakṣyamidaṃ sthānaṃ mahībhṛtām || bakulaśca mahānatra dṛśyate divyabhūruhaḥ

117.79

atra bhaktā vitanvantu śivakāryaviniścayam || atra me
dīyate dravyamapekṣitaparātaye

117.80

yattadkṣayyaphaladamārakṣyaṃ śivasevakaiḥ || bhaktairvijñāpitaṃ cārthaṃ śroṣyāmi purataḥ sthitaiḥ

117.81

sarvaṃ saṃpādayi
ṣyāmi teṣāṃ cittānukūlakam || aparādhasahasrāṇi kṣaṃsye māṃ svarcatāmaham

117.82

āgamoktā ca pūjeyaṃ mānuṣī nirmitā yataḥ || grahīṣye tāmahaṃ
sarvāmarcāṃ sarvāgamoditām

117.83

saṃkalpitaṃ bhavetkarma prītikṛnmama sevakaiḥ || āgamārthānaśeṣāṃstvamālokya samayocitān

117.84

vidhāyābhyarcanābhedāñchokarakṣākṛte mune || kartavyā mahatī pūjā paurṇamāsyāṃ tu sādaram

117.85

sattrāṇi vividhānyatra kartavyāni sahasraśaḥ
vividhāni ca dānāni śaktyā caivāsya sannidhau

117.86

avyucchinnapradīpasya dātāro mama sannidhau || tejomayamidaṃ rūpaṃ mama yāṃti na saṃśayaḥ

117.87

jalajaṃ tarujaṃ puṣpaṃ kakṣajaṃ ca latodbhavam || dadate ye ca bhaktyā me te bhaviṣyaṃti bhūbhṛtaḥ

117.88

teṣāṃ purogataḥ sākṣādahaṃ jeṣyāmi
vidviṣaḥ || yasya yasya tu deśasya yo yo rājā tapodhikaḥ

117.89

tattatsamarddhitaṃ ramyaṃ saṃbhavaṃ dadate'tra me || matsaṃnidhimupāgatya durātmāno'pi
bhūmipāḥ

117.90

śivabhaktā bhṛśaṃ pūrṇā bhaviṣyaṃti na saṃśayaḥ

117.91

iti śaṃbhumukhotthitaṃ vacaḥ samupaśrutya vidhūtakalmaṣaḥ || ahamānatavānnya
jijñapaṃ kutukācchoṇagirīśvaraṃ śivam

117.91.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmye pūrvārdhe'ruṇeśvarārādhanāmāhātmyavarṇanaṃnāmāṣṭamo'dhyāyaḥ

Linked texts (8)