Vaishnavakhanda 122
Vaiṣṇavakhaṇḍa 122
- Language
- Sanskrit
Contents
- 122.53 — 1 part
122.1
brahgovāca || || atha gaurī purārātiṃ praṇamya jagadaṃbikā || ayācattāha
śā śaṃbhumavinābhāvamātmanaḥ
122.2
idaṃ vijñāpayāmāsa lokānugrahakāraṇāt || kṛpayā parayā pūrṇā gaurī saṃvādasuṃdarī
122.3
na tyājyametatte rūpama
tra dṛṣṭimanoharam || ahaṃ tvayā na ca tyājyā sāparādhāpi sarvadā || manoharamidaṃ rūpametatte lokamaṃgalam
122.4
ālokyatāṃ sadā sarvairdivyaga
ndhasamanvitam || bhujaṃgagaralabrahmakapālaśivabhasmabhiḥ
122.5
bhīṣaṇairalamīśāna jaya veṣaparigrahaiḥ || sukumāro bhaveddivyamālyagaṃdhāṃbarādibhiḥ
122.6
bhūṣito ratnabhūṣābhirviharasva maheśvara || āgatā nityamīśāna devagandharvakanyakāḥ
122.7
sevaṃtāmatra deveśaṃ nṛtyavāditragītibhiḥ
gaṇāśca mānuṣā bhūtvā sevaṃtāṃ tvāmaharniśam
122.8
tvatprasādādayaṃ deva sugaṃdhiḥ puṣṭivardhanaḥ || āvayoḥ saṃgamo dṛṣṭo bhūyātsarvārthadāyakaḥ
122.9
gṛhītamatra deveśa sarvamaṃtrātmakaṃ vapuḥ || caritaṃ tava kaiṃkaryamastu bhaktiḥ sadā tava
122.10
jñānājñānakṛtaṃ nityamaparādhasahasrakam || kṣamyatāṃ tava
bhaktānāmananyaśaraṇekṣaṇāt
122.11
iti devyā vacaḥ śrutvā śambhuḥ śoṇācaleśvaraḥ || tameva varadaḥ prādādaraṃ sarvamabhīpsitam
122.12
ābhāṣya
gaurīṃ kutukādtukāmaḥ svayaṃ śivaḥ || dhāraya tvaṃ mṛgamadaṃ manojñamidamūcivān
122.13
mahādeva uvāca || || pulakākhyo mahāndaityo
mṛgarūpī tapodhikam || kṛtvā prāpa varaṃ mattaḥ saugandhyaṃ paramādbhutam
122.14
labdhvā varaṃ svagandhenāmohayatsurayoṣitaḥ || tathaivādharmasaṃprāpto
babādhe sakalaṃ jagat
122.15
devairabhyarthitaḥ sohamāhūyāsuranāyakam || vimuṃca lokarakṣārthamāsuraṃ dehamityaśām
122.16
pulaka uvāca
tyakṣyāmi devadeveśa dehametaṃ tvadājñayā || praṇamya bhaktimanasā māmapyaceṃdamūcivān
122.17
madaṃgasaṃbhavaṃ divyaṃ saurabhaṃ viśvamohanam || dhāryatāṃ deva
deveśa sadā sādaracetasā
122.18
pulakasvedajāto hi sadā prakhyāyatāṃ tava || ayaṃ mṛgamado loke śṛṅgārarasasavardhanaḥ
122.19
tvatpriyaḥ kāṃtisau
bhāgyarūpalāvaṇyadāyakaḥ || visṛjāmi nijaṃ dehaṃ devadeva jagatpate
122.20
sadā bahumato devyā divyasaurabhalubdhayā || madaṃśasaṃbhavā ye syurmatta
polabdhasaurabhāḥ
122.21
līyaṃtāṃ tava deveśa mūrtāvālepanacchalāt || tatheti mayyuktavati sa daityaḥ pulakābhidhaḥ
122.22
visasarja nijaṃ dehaṃ ma
yisanyastajīvitaḥ || tatastadaṃgasaṃbhūtaṃ madaṃ bahulasaurabham
122.23
adhārayamahaṃ premṇā śataśṛṃgāravardhanam || tapasā devadeveśi tataṃ tava vapuḥ
kṛśam
122.24
madaṃgaṃ ca viyogātta idaṃ nirvāpayādhunā || iti praśasya bahudhā pulakasnehamadbhutam
122.25
āliliṃpa mahādevaḥ pārvatīṃ premamaṃdi
rām || apṛcchacca hasandevaḥ pārvatīṃ lalanākṛtim
122.26
kimetaditi hastotthaṃ dṛṣṭvā taṃ jagadaṃbikā || abravīdaruṇādrīśamānamya jagadaṃbikā
122.27
āgatiṃ tasya puṣpasya sadā svakaravartinaḥ
122.28
devyuvāca || || ahaṃ kailāsaśikharādevadeva tvadājñayā || tapaḥ kartumanuprāptā
kāṃcīṃ kanakatoraṇām
122.29
avāpya mānasodbhūtaṃ kahvāramidamuttamam || ārādhayaṃ mahādevamamlānagurusaurabham
122.30
yadakṣayamavithāṃtamarca
nāyojitaṃ mayā || avicchinnamahādīptiḥ kāmadhenughṛtāplutaḥ
122.31
avekṣaṇīyo bhūpālairanupālyaśca sarvadā || dharmalakṣaṇamādheyaṃ lokarakṣārtha
mādarāt
122.32
sarvābhīpsitasiddhyarthaṃ matprītikaraṇāya ca || mayā saṃsthāpitā dharmā dvātriṃśachlokaghutaye
122.33
rakṣaṇīyā prayatnena tatsaṃ
nidhimupāgataiḥ || sarvālaṃkārasaṃyuktaṃ sarvabhogakṛtotsavam || ālokyatāmidaṃ rūpaṃ kanyāyāṃ mama kāṃtimat
122.34
brahmovāca
iti devyā vacaḥ śrutvā śambhuḥ śoṇācaleśvaraḥ
122.35
tatheti varadaḥ prādādvaraṃ sarvamabhīpsitam || eṣa śoṇācalaḥ śrīmāndṛśyate lokapūjitaḥ
122.36
sarvadā varadāgauryā sarvabhogaiśca saṃvṛtaḥ || ya etacchāṃbhavaṃ rūpamaruṇādvitayā sthitam
122.37
saṃpaśyaṃti namasyaṃti kṛtārthāḥ sarva
eva te || aruṇācalamāhātmyametacchṛṇvaṃti ye bhuvi
122.38
bhavaṃti satataṃ teṣāṃ samarthāḥ sarvasaṃpadaḥ || śrīmattvaṃ vākpatitvaṃ ca rūpamavyā
hataṃ balam
122.39
labhaṃte pāpanāśaṃ ca māhātmyasyāsya dhāraṇāt || sarvatīrthābhiṣavaṇaṃ sarvayajñakriyāphalam
122.40
sadāśivaprasādaṃ ca datte
śoṇādridarśanam
122.41
iti kailāsaśikharātprāptā devī śivājñayā || śāpamokṣaṃ gatavatī śoṇācalanirīkṣaṇāt
122.42
sthāneṣvanyeṣu devasya
vidyamāneṣu ca kṣitau || divi cātyaṃtapuṇyeṣu śaṃsuratra prasedivān
122.43
ayaṃ sadāśivaḥ sākṣādaruṇācalarūpataḥ || dṛśyate paramaṃ tejaḥ sargasthityaṃ
takāraṇam
122.44
etattu taijasaṃ liṃgaṃ sarvadevanamaskṛtam || dṛśyate karmabhūreṣā tena dharmādhikā matā
122.45
aruṇācalanāthasya tejasā dhūta
kalmaṣāḥ || bhaktimaṃto narā loke sukhamāpsyaṃti sarvataḥ
122.46
pradakṣiṇairnamaskāraistapobhirniyamairapi || ye'rcayaṃtyaruṇādrīśaṃ teṣāṃ śaṃbhurva
śaṃgataḥ
122.47
na tathā tapasā yogairdānaiḥ prīṇāti śaṃkaraḥ || yathā sakṛdapi prātādaruṇācaladarśanāt
122.48
svayaṃbhuvaḥ sadā
vedāḥ setihāsā divi sthitāḥ || parito girirūpāste stuvaṃtyaruṇaparvatam
122.49
etasya vaibhavaṃ sarvaṃ na mayā na ca śārṅgiṇā || vacasā
śakyate vaktuṃ varṣakoṭiśatairapi
122.50
devāśca harimukhyāste kalpakādyāḥ suradrumāḥ || pracchannarūpāḥ sevaṃte sarvadaivāruṇācalam
122.51
na tasya kalidoṣaḥ syānnādhivyādhivijṛṃbhaṇā || yatra saṃpūjyate liṃgamaruṇācalasaṃjñitam
122.52
ityetatkathitaṃ sarvaṃ tava śaṃbhupadāśrayam || caritaṃ
hyaruṇasyāsya kalpapuṇyadurāsadam
122.53
sūta uvāca || || iti vidhimukhaniḥsṛtāmudārāmaruṇagirīśakathāsudhāpagāṃ hi || śrutipuṭayuga
lātpivanmanojñāṃ sanakamunistapasāṃ phalaṃ sa lebhe
122.53.p1
iti śrīskāṃde mahāpurāṇa ekāśītisāhastryāṃ saṃhitāyāṃ prathame māheśvarakhaṇḍe'ruṇa calamāhātmye pūrvārdhe śivenāruṇācalasya sarvaśreṣṭhavarapradānavarṇanaṃnāma trayodaśo'dhyāyaḥ
Linked texts (4)
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Śoṇādrimāhātmya — Sanskrit