Pramāṇa · Search · About · API

Vaishnavakhanda 123

Vaiṣṇavakhaṇḍa 123

Language
Sanskrit

123.1

7 || aruṇācalamāhātmyasya pūrvārddhaṃ saṃpūrṇam
❋ || ityaruṇācalamāhātmyapūrvārdhe samāptam || (3|1) || ❋
śrīgaṇeśāya namaḥ || athāruṇācalamāhātmyottarārdham || vyāsa uvāca || vasaṃto naimiṣāraṇye munayaḥ sūtamabruvan || || munaya ūcuḥ || || sthānā
nāmuttamaṃ śaivaṃ yatsthalaṃ tadvadasva naḥ

123.2

sūta uvāca || || yūyaṃ śṛṇuta yatpūrvaṃ naṃdīśvaramukhācchutam || mārkaṃḍeyena taddṛṣṭe munayaḥ śṛṇutādarāt

123.3

mārkaṃḍeya uvāca || naṃdīśvara tvayā prokto mahimā māṃdhyameśvaraḥ||mayāpyavadhṛtaḥ sarvo bhaktiśraddhārdracetasā

123.4

tathāpi vada me bhūyo devadeva dayānidhe
ahaṃ yatparipṛcchāmi bhavaṃtaṃ vihitādaraḥ

123.5

tvayāpyaviditaṃ kiṃcinnāstyatra bhuvanatraye || sarvāgamapurāṇeṣu bāhyeṣvābhyaṃtareṣu ca

123.6

svargāpavargayoḥ
puṃsāṃ bhūmireva viśiṣyate || sarvakarmāṇi nirmātuṃ tattatphalaparāyaṇaiḥ

123.7

phalaṃ ca trividhaṃ puṃsāṃ tvayaiva kathitaṃ purā || bhūmau sukhaṃ svargabhogaḥ kaivalyamiti bhedataḥ

123.8

puṇyakṣayeṇa kṣīyeta prāyaḥ prāthamikaṃ dvayam || kṣīyate na tṛtīyaṃ tu karmaṇāmeva nāśrayāt

123.9

tatsiddhistu tvayā proktā viśuddhajñānagocarā || sarveṣāṃ durlabhaṃ śuddhajñānaṃ dehabhṛtāṃ punaḥ

123.10

tajjñānaṃ kutra vā kṣetre śāstrādipaṭhanaṃ vinā || śivapūjanamātreṇa siddhacetsarvaśarīriṇām

123.11

jñānayogakriyācaryāsvaśeṣāṇāṃ śarīriṇām || api śaivāgamoktāsu na buddhiḥ saṃpravartate

123.12

yasya sthānasya māhātmyādalpairapi śarīriṇaḥ || lapsyaṃte niyamaiḥ śuddhajñānaṃ tanmama kathyatām

123.13

bhasmarudrākṣavahanādīśvarasmaraṇātsakṛt || yatra mugdhairapi śreyo labhyaṃ tatsthāna mucyatām

123.14

abuddhipūrvakeṇāpi yatra vāsena dehinām || avighnaṃ setsyate śreyaḥ sthānaṃ tanme'nugṛhyatām

123.15

jātānāṃ varṇasāṃkarye tairaścīṃ yonimīyuṣām || sthāvarāṇāmapi śreyo yatra tatkṣetramucyatām

123.16

itīrayitvā sa mṛkaṃḍunaṃdanaḥ samaṃ munīṃdrairaparairmahātmabhiḥ || papāta tasyāṃ śirasoruhṛdye śilādasūnorakhilāgamārghe

Linked texts (4)