Vaishnavakhanda 127
Vaiṣṇavakhaṇḍa 127
- Language
- Sanskrit
Contents
- 127.25 — 1 part
127.1
cha || || naṃdikeśvara uvāca || śuddhasattvaguṇopeto loke'smindurlabhaḥ pumān || rajastamoguṇopetā bhavaṃti sulabhā
narāḥ
127.2
sāttvikaḥ puṇyaśīlatvānniḥśreyasamavāpnuyāt || vaicitryātkarmaṇāmeṣāmanubhogāya vedhasā
127.3
vaicitryāṇyeva sṛṣṭāni narakāṇyatra
tatra ca || mahārauravabhāgbhūtvā kharaḥ śvā śūkaro'pi vā
127.4
caṃḍālo vā bhavetpretya puruṣo brahmahatyayā || ciraṃ rauravasaṃruddhaḥ kṛmikīṭapataṃgatām
127.5
prāpnuyātkarmakartṛtvaṃ surāpānena ca dvijaḥ || brahmasvaharaṇādbrahmarākṣasatvamavāpnuyāt
127.6
yadyattu corayettattacchūnyaṃ syādanyajanmani
asipatravane pīḍāmavāpya suciraṃ punaḥ
127.7
napuṃsakatvaṃ saṃgacchetpuruṣo gurutalpagaḥ || taistaiḥ kālāyasairdaṃḍaiḥ pīḍito yamakiṃkaraiḥ
127.8
narake
kālasūtrākhye nivasetparadāragaḥ || agnido nivasedghore sughore garadāyakaḥ
127.9
mahāghore ca piśuno'vīcyoṃ dharmaviniṃdakaḥ || vasetkarāle mitra
bhruṃgabhīme hiṃsaikatatparaḥ
127.10
saṃhāre channapāpiṣṭho mṛṣāvādī bhayānake || asighore vasedyāpi kūpakṣetranarādihat
127.11
vanne paradroharato māṃsāśī
tarale dvija || tīkṣṇe mātṛpitṛdrohī tāpane japadūṣakaḥ
127.12
aśvaghopi nirucchvāse vasedghoraśca dāruṇe || bhrūṇahā nivaseccaṃḍe strīhatyākṛtakukūlake
127.13
devasvahārī dahane ghoraghore parasvahṛt || kṛtāṃtadūtā narake sarvāneva hi pāpinaḥ
127.14
badhnaṃti pāśaurnighnaṃti daṃḍavidhyaṃti śaṃkubhiḥ || tīkṣṇāyaścaṃcavaḥ kaṃkāḥ krūradaṃṣṭrā mahoragāḥ
127.15
kāleyakāśca vyāghrāśca hiṃsrāścānye daśaṃtyamūn || śakalīkurvate śastrairdaṃhaṃti dehameva ca
127.16
khanaṃti gahane śvabhre kaśābhistāḍayaṃti ca || tailadroṇyāṃ vipacyaṃte tudyaṃte sūkṣmasūcibhiḥ
127.17
vāhyante durvahānbhārānyamadūtairhi pāpinaḥ || brahmahā kṣayarogī syātsurāpaḥ śyāvadaṃtakaḥ
127.18
svarṇāpahārī kunakhī duścarmā gurutalpagaḥ || apasmārī gurudrohī caṃḍālo vedadūṣakaḥ
127.19
kūṭasākṣī cākṣirogī maṃdāgniśvāśrabhojanaḥ || vidyāpahārī mūkaḥ syādaṃdhaḥ pustakacorakaḥ
127.20
paradārārataḥ paṃgurvadhiraḥ paraniṃdakaḥ || viḍvarāho nirācāro jihvārogī ca taskaraḥ
127.21
abhyāgatātithityāgī kapolakaṇṭako bhavet || parvasu strīrato mehī pūtyāsyo'ścyabhakṣakaḥ
127.22
maryādābhedako dāsastaṭākārāmahatkharaḥ || pratiśrutāpadātā syādalpāśuḥ śvā vikatthanaḥ
127.23
viṣṇudrohī ca saraṭhaḥ śivadrohī ca mūṣakaḥ || evaṃ pāpaphalaṃ jñātvā prāyaścittaṃ samācaret
127.24
taccāsminnaruṇākṣe tre kartavyaṃ samyagāstikaiḥ
127.25
iti niśamya sa duṣkṛtakāriṇāṃ bahuvidhāṃ narakeṣu nṛṇāṃ vyathām || caraṇayoḥ patitaśca tadā punaḥpunaryācata tacchamanakriyām
127.25.p1
iti śrīskaṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe karma vipākavarṇanaṃ nāma paṃcamodhyāyaḥ
Linked texts (2)
- Kaumārīkākhaṇḍa — Sanskrit
- Śoṇādrimāhātmya — Sanskrit