Pramāṇa · Search · About · API

Vaishnavakhanda 128

Vaiṣṇavakhaṇḍa 128

Language
Sanskrit

Contents

128.1

cha || || naṃdikeśvara uvāca || vistarātkathayāsmādya prāyaścittaṃ mahāṃhasām || sarveṣāmavadhatsva tvam
valaṃvyāstikīṃ dhiyam

128.2

brahmahā prāpya śoṇādriṃ nimajjaḥ khaḍgatīrthake || japanpaṃcākṣaraṃ maṃtraṃ bhasmarudrākṣadhārakaḥ

128.3

kṛtopavāsaḥ saṃpūjya
prayataḥ parameśvaram || brāhmaṇānbhojayedvarṣaṃ bhikṣāśī niyateṃdriyaḥ

128.4

viśeṣapūjāśuśrūṣāṃ kuryādevasya bhaktitaḥ || brahmahatyā
vinirmukto brahmaloke mahīyate

128.5

surāpo'pyaruṇakṣetre varṣamekaṃ vasanprati || prāgvatkṛtasamācāraḥ saṃpūjyaivaṃ maheśvaram

128.6

kṣīreṇa snāpaye
devaṃ śatarudrīyamuccaran || surāpānodbhavenāśu pāpena parimucyate

128.7

suvarṇasteyakṛcchoṇakṣetre bilvadalairharam || abhyarcya bhojayedviprānpāpānmu
cyate duṣkarāt

128.8

gurudāraratirgatvā kṛttikāsvaruṇācalam || yathāpūrvaṃ vratī bhūtvā sahasreṇa pradīpakaiḥ

128.9

māsatrayaṃ samārādhya śrīśo
ṇācalaśaṃkaram || pradadyāddūṣitāṃ kanyāṃ brāhmaṇāya sudhīmate

128.10

ṣaḍakṣaraṃ japennityaṃ tena mucyate pāpmanā || śivaloke ca nivasedāsaṃsāraṃ
na saṃśayaḥ

128.11

paradārāpaharttā ca kṣetresminniyateṃdriyaḥ || māsamekaṃ navaiḥ puṣpairabhyarcyāruṇaśaṃkaram

128.12

māheśvarāya vitareddhanaṃ śaktyānu
guṇyataḥ || tatkṣaṇena vinirmuktastasmātpāpādraviṣyati

128.13

garado'pyaruṇakṣetre vratī bhūtvā yathāpurā || kṣīropahāraṃ devāya dattvā doṣeṇa mucyate

128.14

piśuno'pyaruṇakṣetre vratī vedarato naraḥ || adhyāpayedvijānmukhyāṃstato niṣkalmaṣo bhavet

128.15

agnido'pyaruṇakṣetre trīnmāsānpūrvaṃ
vadvratī || dadyācchaivāya nirmāyya gṛhaṃ tatpāpaśāṃtaye

128.16

dharmaniṃdākaraḥ śoṇakṣetre varṣaṃ vratī vasan || satrādikaṃ prakurvīta yathāśaktyavaśāṃ
taye

128.17

pitṛdrohyaruṇakṣetre tiṣṭhanmāsamataṃdritaḥ || girīśāya dvijebhyopi pradadyādgāḥ sahasraśaḥ

128.18

grahoparāgakāleṣu bhojayitvā
dvijānbahūn || vimuṃcedvṛṣabhaṃ nīlaṃ vimucyeta tatoṃ'hasaḥ

128.19

strīghnaścāpi śiśughno'pi śoṇakṣetramupeyivān || vyatīpāte tilāndyādvijebhyo
duritacchide

128.20

pracchannapāpakṛcchoṇakṣetre'sminniyateṃdriyaḥ || guptadānāni kurvīta bhaveddhe gatakalmaṣaḥ

128.21

mṛṣābhāṣyaruṇakṣetre ṣaṇmā
sānnivasanvratī || śoṇācaleśvarastotrapāṭhena syādkalmaṣaḥ

128.22

kūpādibhedakṛcchoṇakṣetramāsādya bhaktitaḥ || taṭākānkhānayettra bhuvaṃ nirvṛjino
bhavet

128.23

kṣetrāpahārī devāya kṣetraṃ dadyānmahāphalam || ārāmakaṃṭakopyasmai dadyādudyānamuttamam

128.24

gṛhāpahārī kurvīta devasyāyatanaṃ
navam || aṃhasā tena nirmuktaḥ śivasāyujyamāpnuyāt

128.25

paradrohī vasanchoṇakṣetre māheśvarāndhanaiḥ || prīṇayitvā parām̐chokānniḥsaṃ
śayamavāpnuyāt

128.26

paścādimāṃsamuktachoṇakṣetre pakṣatrayaṃ vratī || prīṇayedruṇeśānaṃ sopahārairmanoharaiḥ

128.27

triḥśoṇācalanātheti ninadanna
navo bhavet || nivasannaruṇakṣetre pūjayedaruṇeśvaram

128.28

aruṇeśvaramaṃtraṃ ca japenmokṣecchurādarāt || yadyasyābhihitaṃ tena padbhyāmeva pradakṣiṇām

128.29

kurvatāruṇaśailasya tatprāpyaṃ śubhamaṃjasā || kṣuteṣu skhaliteṣvatyāhite duḥsvapnadarśane

128.30

prītyutkarṣe'pi ca budhairuccāyo'ruṇaśaṃkaraḥ
api varṇāśramabhraṣṭaḥ śivadroharato'pi vā

128.31

trīṇyahānyaruṇakṣetre vasanmucyate pātakaiḥ || pārthivaḥ śivaloko'yaṃ mūrttametattrayīśiraḥ

128.32

eṣa dakṣiṇakailāso yosāvaruṇaparvataḥ || anyeṣu siddhakṣetreṣu tapobhiḥ siddhyo nṛṇām

128.33

asminsmaraṇamātreṇa tāratamyaṃ viciṃtyatām
yaṅgaṃgāyāṃ prayāge yatkāśyāṃ vai puṣkareṣu yat

128.34

karma seto ca yatpuṃsāṃ śoṇakṣetre tato'dhikam || agniṣṭomaṃ vājapeyaṃ vairājaṃ sarvatomukham

128.35

rājasūyāśvamedhau ca kuryācchoṇācale budhaḥ || ekāhaṃ vāruṇakṣetre naro yatsyādupoṣitaḥ

128.36

tasya cāṃdrāyaṇaśataṃ bhavetsāṃtapanāyutam
ṣoḍaśāpi mahādānānyaruṇakṣetrasaṃnidhau

128.37

anuṣṭhitāni kalpoktaṃ kuvati dviguṇaṃ phalam

128.38

iti naṃdikeśvaramukhena śuśruvānmuninaṃda
notha nirayapratikriyām || abhinanya taṃ vada dinartuvatsarapramukhārhaṇakramamiti vyajijñapat

128.38.p1

iti śrīskānde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārddhe pāpāpanodakaprāyaścittavarṇanaṃnāma ṣaṣṭho'dhyāyaḥ

Linked texts (4)