Vaishnavakhanda 129
Vaiṣṇavakhaṇḍa 129
- Language
- Sanskrit
Contents
- 129.52 — 1 part
129.1
naṃdikeśvara uvāca || || raktotpalairrakvāre yaḥ śoṇādrīśamarcayet || avaśyaṃ tasya sidhyaṃti sārvabhaumamaharddhayaḥ
129.2
saumyavāre'ruṇā
drīśaṃ kastūrīkaravīrakaiḥ || yaḥ pūjayati tasya syātsatyaloke sukhāsikā
129.3
guruvāre sitābhojaiḥ śoṇeśaṃ vairivasyataḥ || janaloke ciraṃ vāsaḥ
siddhaiḥ saha bhaviṣyati
129.4
caṃpakairmallikābhiśca śukravāre samarcayet || tapolokaṃ prapadyeta brahmarṣibhirabhiṣṭutaḥ
129.5
saurivāre ca jātībhissamā
rādhyāruṇeśvaram || na jātu yamalokānāṃ pāpīyānapi kalpate
129.6
prathamāyāṃ tithau devasyopahāraṃ samarpayet || yaḥ pāyasena sa bhaveddhanadhānyasamṛ
ddhimān
129.7
dvitīyasyāṃ tithau bhaktyā yo dadhyannaṃ nivedayet || sa bhavedrājyavāñcheṣṭaḥ somapāśca bhaveddhruvam
129.8
tṛtīyāyāṃ ca yo'pūpaiḥ
śoṇeśaṃ paritarpayet || tasyāvyāhatamārogyamāśarīraṃ bhaviṣyati
129.9
caturthyāmaruṇeśāya pūrṇakumbhotkarādikam || nivedayati yastasya bhave
tpūrṇamanorathaḥ
129.10
mudgaudanaṃ ca paṃcamyāmupahāraṃ prakalpayet || śoṇeśvarāya bhaktyā yaḥ sa syādakṣayyavaibhavaḥ
129.11
ṣaṣṭhyāṃ guḍaudanaṃ
dadyādaruṇācalaśambhave || bhaktyā yastasya santāno na kadācitprahīyate
129.12
tilaudanaṃ yassaptamyāṃ śoṇeśāya samarpayet || sa dīno'pyadhamarṇatvamayatnena vyapohati
129.13
aṣṭamyāṃ rājaśālyannaṃ yo dadyācchoṇaśambhave || tasya sevāṃ vināpi syādrāja
loko vaśīkṛtaḥ
129.14
godhūmānnaṃ navamyāṃ ca śoṇādrīśāya yo'rpayet || rājayakṣmādayastasya na bhaviṣyaṃti jātu ca
129.15
daśamyāṃ śoṇa
nāthāya yaḥ karaṃbhaṃ nivedayet || sa bhavetsarvalokānāṃ sadaiva prītibhājanam
129.16
pṛthukairupahārānya ekādaśyāṃ prakalpayet || aruṇācalanāthasya sa
bhavedakutobhayaḥ
129.17
dvādaśyāṃ śoṇanāthāya sūpaudanivedanam || yaḥ karotiḥ bhavettasya nirvighāto manorathaḥ
129.18
yaḥ saktūnaruṇeśāya
trayodaśyāṃ samarpayet || tasyāvyākulacittatvamaśrāṃtamapi jāyate
129.19
arpayecchoṇanāthāya phalāni vividhāni yaḥ || caturdaśyāṃ sa mūḍho'pi
siddhasārasvato bhavet
129.20
yaḥ paurṇamāsyāṃ śoṇādrināthāya vinivedayet || panasasya phalaṃ tasya cakṣūrogo na jāyate
129.21
kuhvāṃ ca
saṃgame bhaktyā kaṃdamūlādi yo'rpayet || śoṇācaleśvarāyāsya tuṣyaṃti pitaraḥ kila
129.22
aśvinyāmaruṇeśāya dadyādvāsāṃsi bhaktimān
bharaṇyāmaruṇeśāya dadyādābharaṇānyapi
129.23
kṛttikāsu pradīpāṃśca rohiṇyāṃ raupyamarpayet || mṛgaśīrṣe malayajamārdrāyāṃ haricaṃdanam
129.24
punarvasau mṛgamadaṃ puṣye karpūramarpayet || kāśmīrodbhavamāśleṣe maghāyāṃ tuhinodakam
129.25
tāṃbūlaṃ pūrvaphālgunyāṃ dhūpamuttaraphālgune || kālāgurūṃśca
hastarkṣe citrāyāṃ yakṣakardamam
129.26
svātyāṃ suvāsinīvṛṃdaṃ viśākhāyāṃ prakīrṇakam || maitre muktātapatraṃ ca jyeṣṭhāyāṃ dhenukānyapi
129.27
mūle
muktāsarānpūrvāṣāḍhe mukuṭamarpayet || ratnāni cottarāṣāḍhe śravaṇe bhadrapīṭhikām
129.28
aṣṭāpadaṃ dhaniṣṭhāyāṃ vāsaḥ śatabhiṣajyapi || pūrvābhādrapade
bhogānuttarāyāṃ turaṃgamān
129.29
revatyāṃ ca rathaṃ hemaṃ pradadyācchoṇaśaṃbhave || dadyātkṛtvā mahāpūjāṃ tata evārpayennaraḥ
129.30
pūjyo rāśiṣu
meṣādiṣvaruṇeśo viśeṣataḥ || siṃduvāraiḥ kurabakaiḥ kakubhaiḥ pāṭalaiḥ kramāt
129.31
kuṭajenīpakusumairjīvaṃtīmallikādibhiḥ || saroruhairdmanakaina
ghyāvartasaroruhaiḥ
129.32
paṃcāmṛtena snapayannubhayoruparāgayoḥ || paṃcākṣareṇa kurvīta śoṇanāthasya bhaktitaḥ
129.33
snapanaṃ paścagavyena dvayorayana
yorapi || ṣaḍakṣareṇa kurvīta gavyena snapanakriyām
129.34
praṇavenaiva kurvīta kṣīreṇa snapanakriyām || aruṇācalanāthasya bhaktyā viṣuvayordvayoḥ
129.35
prāteṃ syādvṛṃtatulasī madhyāhne kṛtamālakam || aparāhne mallikā ca śoṇādrīśasya śasyate
129.36
ardhodaye ca snapayetsahasrakalaśodakaiḥ
śatarudrīyamuccārya śrīśoṇācalaśaṃbhave
129.37
śivarātrau viśeṣeṇa triśikhairbilvapatrakaiḥ || kamalaiḥ karṇikāraiśca jāgarhako yateṃdriyaḥ
129.38
gītavā
ditranṛtyaiśca divyāgamavidhānataḥ || pūjayedapavargārtha śoṇaśaile maheśvaram
129.39
māsi pauṣe ca devasya kuryādāgneyamutsavam || navānnairupadaṃ
śādvairpyāhvatīruccaranbudhaḥ
129.40
vaiśākhe ca viśākhāyāṃ śivataṃtrānusārataḥ|| śoṇācaleśvarasyāsya kuryādgamanakotsavam
129.41
prābodhika mārga
śīrṣe prātarnirmāya sāmabhiḥ || mahāpūjāṃ prakurvīta śoṇaśailasya bhaktimān
129.42
śanipradoṣeṣvārdrāṣu vyatīpāteṣu parvasu || somārkavārayoścārce
cchoṇādrīśaṃ yathāgamam
129.43
dīkṣopanayanodvāhaputrajanmādikeṣvapi || viśeṣapūjāṃ kurvīta śoṇanāthasya bhaktimān
129.44
api svajanmanakṣatre
saṃpatsvāpatsu bhītiṣu || praveśanirgamanayoścārcanīyo'ruṇeśvaraḥ
129.49
vraticakrāgame pādabaṃdhane navavaibhave || aruṇeśārcanaṃ kuryādabhiyāneṣu ca
dvipām
129.46
smaredatidarvīyāṃśvetpaśyetparyaṃtago yadi || sthitaścedaruṇakṣetre trikālaṃ pūjayecchivam
129.47
kimanyadvada vatseti udvṛtya bhujamu
cyate || aruṇakṣetrato nānyadalaṃ svargāpavargayoḥ
129.48
smaraṇena manaḥśrotre śravaṇādarśanāhaśauḥ || jihvāṃ ca kīrttanācchoṇakṣetraṃ sadyaḥ punātya
lam
129.49-2
aruṇasminmahākṣetre dehibhirlabdhajanmabhiḥ || jīvadbhirlabhyate bhogo mokṣaśconmuktajīvitaiḥ
129.50
anyatra muktadehānāmapyatra śrāddha
karmaṇā || api pāpātmanāṃ puṃsāmapavargoṃ bhaviṣyati
129.51
ayodhyāṃ mathurāṃ māyāṃ kāśīṃ kāṃcīmavaṃtikām || dvārakāṃ cāruṇakṣetramatiśete na
saṃśayaḥ
129.52
ityuktavaṃtaṃ ca śilādaputraṃ mṛkaṇḍusūnuḥ punarapyuvāca || māhātmyametanmahanīyakīrte bhūyopi pṛcchāmi vadasva mahyam
129.52.p1
iti śrīskaṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe kāmyakarmavarṇanaṃ nāma saptamo'dhyāyaḥ|| 7
Linked texts (4)
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Śoṇādrimāhātmya — Sanskrit