Vaishnavakhanda 130
Vaiṣṇavakhaṇḍa 130
- Language
- Sanskrit
Contents
- 130.21 — 1 part
130.1
nandikeśvara uvāca || || aruṇācalamāhātmyaṃ vistarātparipṛcchatā || mārkaṃḍeya tvayā manye mayi nyasto mahānbharaḥ
130.2
sthāne kutūha
lākṣiptaṃ manastava mahāmate || yaḥ śoṇādrīśacaritaṃ na vetti sa naraḥ paśuḥ
130.3
kathaṃ vā śakyate vaktu jānānarapi kātsnryataḥ || śoṇācalajuṣaḥ
śaṃbhormāhātmyaṃ mahitodayam
130.4
kathaṃ vā śrutamapyetadāścaryarasabhāviṃtaiḥ || aśeṣamavadhāryeta prajñāvatpravarairapi
130.5
idānīṃ smara citraṃ tu caritraṃ smara
vairiṇaḥ || parābhṛtānubhūtyaiva satyaṃ nṛtyati me manaḥ
130.6
adbhutaṃ śivacāritramāskaṃditamanoharam || mama varṇayituṃ kātsnyānnaiva śaknoti śeṣuṣī
130.7
tathāpyeṣa pravakṣye'hamaṃśāṃśena yathāmati || puṇyaṃ śoṇādrināthasya māhātmyaṃ śrayatāṃ mune
130.8
purādidevakalpādau nirvikalpo maheśvaraḥ
svecchayā sakalaṃ viśvaṃ punarapyudabhāvayat
130.9
udbhāvitaṃ ca tadviśvaṃ sraṣṭuṃ pātuṃ ca sarvadā || anvicchannādidevo'sau brahmaviṣṇū vinirmame
130.10
asṛjaddakṣiṇāṃgena tryaṃbakaḥ parameṣṭhinam || viṣṭaraśravasaṃ devo vāmāṃgena ca sṛṣṭavān
130.11
brahmāṇaṃ rajasā viṣṇuṃ sattvena samayūyujat
niyukto devadevena to viriñcayacyutābubhau
130.12
īśāte sarvajagatāṃ sṛṣṭirakṣāvidhānayoḥ || manasaiva marīcyādīnsasarja brāhmaṇāndaśa
130.13
dakṣaṃ ca dakṣiṇāṅguṣṭhātsṛṣṭaye prāvartayadvidhiḥ || mukhena brāhmaṇāndorbhyāṃ kṣatriyānūruto viśaḥ
130.14
śūdrāṃśca padbhyāṃ niramātsvayaṃ ca
kamalāsanaḥ || marīcitanayāñjuḥ kaśyapādurāssurāḥ
130.15
marutaḥ phaṇino gṛdhrā gaṃdharvāpsaraso'pi ca || manuśca yasya saṃtāno
mānavoyaṃ pravarttate
130.16
nānājñātitvamāpādya nānākarmapravartakāḥ || atreśca samabhūdārṣaṃ kṣātraṃ ca dvividhaṃ kulam
130.17
pulastyapulahābhyāṃ ca jajñire yakṣarākṣasāḥ || utathyagīṣpatimukhā jajñire'ṅgiraso muneḥ
130.18
bhṛgoragniḥ samudbhūcyavanādyāstatharṣayaḥ || vasi
ṣṭhapramukhebhyaśca saṃbabhūvurmaharṣayaḥ || yatputrapautrairbhuvanamidamāpūryate'khilam
130.19
evaṃ brahmā'tmajaiḥ svīyairidamāpūrayajjagat || kālena vaiṣṇavenāpi vi
smāra maheśvaram
130.20
acyuto'pi bhṛgoḥ putrīmudvāhya kamalālayām || matsyādirūpo jagati bhavannāsmaradīśvaram
130.21
sṛṣṭisthi
tibhyāṃ dvihiṇājjanābhau svādhīnatāṃ nūnamupāgatābhyām || atīva garvaṃ dadhaturna kasya mado'dhikāreṇa bhavennarasya
130.21.p1
iti śrīskāṃde mahāpurāṇa ekāśītisāhastrayāṃ saṃhitāyāṃ prathame māheśvarakhaṃḍe'ruṇācalamāhātmya uttarārdhe sṛṣṭivarṇanaṃnāmāṣṭamo'dhyāyaḥ
Linked texts (4)
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Śoṇādrimāhātmya — Sanskrit