Vaishnavakhanda 131
Vaiṣṇavakhaṇḍa 131
- Language
- Sanskrit
Contents
- 131.35 — 1 part
131.1
cha || || naṃdikeśvara uvāca
ahameva prabhuriti prarūḍhādhikagarvayoḥ || viriñcayacyutayorāsīdvivādo mohasaṃbhavaḥ
131.2
rajovikārābhyadhiko bāhye nīla ivotthitaḥ || viśva
sṛṣṭikaro viṣṇuṃ viriñco'brūta garvataḥ
131.3
brahmovāca || kathaṃ tvamadhikaścāsi viṣṇo janayiturmama || pitāmahasya lokānāṃ kimevamatimohitaḥ
131.4
tvatta evoditau daityau nihatya madhukaiṭabhau || daityāririti mugdha tvaṃ garvaṃ vahasi keśava
131.5
tvāmeva sṛjato nityaṃ bahudhā mama vedhasaḥ || adyāpyāyāsajāṃ pīḍāṃ na parityajataḥ karau
131.6
mama śramāṃbhasodbhūte mahāṃbhodhau nimajjataḥ || naiyagrodhaṃ na cotpannaṃ kutaste'stvavalaṃ vanam
131.7
madhupaṅge mahāṃbhodhau sravate ko'pi pannagaḥ || tadāśrayastvamūrdhvaṃ te padmaṃ tattvāsanaṃ mama
131.8
kutastamomaye brūhi tvayi sattvaguṇodayaḥ
sa vetsi kiṃ tvaṃ prakṛtiṃ nidrājaḍimanirbharaḥ
131.9
jalāśaye prasvapatā daityabhītyā janārdana || kathaṃ tvayā rakṣitāsau madadhīnā jagatrayī
131.10
caturbhyo mama vaktrebhyo vedāḥ samudayaṃ gatāḥ || caitanyarūpiṇī śaktiḥ kalatraṃ me sarasvatī
131.11
mayā hi sṛjyate viśvamidaṃ sthāvara
jaṃgamam || rakṣyate ca tadindrādyairmāmakaiḥ putrapautrakaiḥ
131.12
tataḥ kathaya vaikuṃṭha mantriyojyeṣu kaścana || jagatāmīśvarānmattaḥ kathaṃnāmātiricyase
131.13
nandikeśvara uvāca || || itthaṃ saroṣasaṃraṃbhe vidhau pauruṣabhāṣiṇi || nārāyaṇo'pi sāsūyaṃ smitvaivaṃ samabhāṣata
131.14
viṣṇuruvāca || || viraṃce muṃca saṃraṃbhaṃ vṛthā khalu vikatthase || nābhīsarojasaṃjāto mama tvamavadhāraya
131.15
yoganidrāṃ mayonmucya purā ha madhukaiṭabhau || na cedyanmathitau tābhyāṃ tathaiva syāḥ praṇāśitaḥ
131.16
somakapramukhāndaityānhaṃtumātmecchayā mama || dhūtamatsyādirūpasya ko vānyaḥ sṛṣṭikāraṇam
131.17
na kiṃcidapi paśyaṃti rajasārūḍhahṛdayaḥ || rajomayena bhavatā kiṃ nirūpayituṃ kṣamam
131.18
avinābhāvinī śaktirnantu me padmavāsinī || yasyāḥ kaṭākṣamātreṇa jagattritayamedhate
131.19
bhūtānyamūni kālo'yamātmano'pyahameva hi || mayā virahitaṃ kiṃ vā triṣu lokeṣu vidyate
131.20
ādityā vasavo rudrā dikpālā manavo'pyaham || bhūrbhuvaḥsvastrayīmenāṃ saddhīnāṃ viciṃtaya
131.21
amaiva viniyogena sṛṣṭiśaktiḥ svayaṃ sthitā || tanme trailokyanāthasya kiṃ tvaṃ jyeṣṭhaḥ samo'thavā
131.22
nandikeśvara uvāca || || evaṃ mohāṃdhamanasoranyonyaṃ pratigarjatoḥ || yāvadanalapasamayaḥ saṃvartasadṛśastayoḥ
131.23
udayāstamayau syātāṃ na tadā caṃdrasūryayoḥ || nakṣatrāṇi ca tārāśca grahāśca kṣīṇatāṃ yayuḥ
131.24
nāvaburmaruto vā na jajvalurjātavedasaḥ || nāṃtarikṣaṃ naca kṣoṇī na diśo'pi cakāśire
131.25
samudrāścukṣubhussarve parvatāśca cakaṃpire || auṣadhyaḥ śoṣamāseduravaseduśca jaṃtavaḥ
131.26
pakṣamāsartuvarṣādikālasya niyamo gataḥ || ahorātravyavasthāpi praṇāśaṃ samupāyayau
131.27
indrādayo lokapālā marīcyādyā maharṣayaḥ || sarvepyakāle saṃprāptaṃ kalpāṃtaṃ menire tadā
131.28
evaṃ jāte mahākṣobhe bhūtākrandapracoditaḥ || bhūtanātho jagajjātamavidyāyāmabudhyata
131.29
dhyaciṃtayacca viśvātmā viśvasaṃrakṣaṇodyataḥ || abāhyayā dṛśā'paśyadanayormohakāraṇam
131.30
svāminaṃ sakalaiśvaryadātāraṃ māṃ madoddhatau || vismṛtya svaṃ svamevaitā vamaṃsetāṃ jagatprabhū
131.31
aho mohasya māhātmyaṃ yadimau duhiṇācyutau || jānānāvapi māṃ samyagabhūtāmevamuddhatau
131.32
ajñānatimiro drutidrupitāśayalocanaḥ || janaḥ prātaṃ stutamapi prāyo vastu na paśyati
131.33
kṛtāparādhāvapyetau nimagno mohasāgare || mayā nopekṣaṇīyau hi lokānāṃ hitakāmyayā
131.34
iti niścitya manasā māyāvaivaśyametayoḥ || devo dayāmahāṃbhodhirgyapohayitumaihata
131.35
aho'nukampā taruṇeṃdumauleḥ svabhāvasiddhā bhuvanatraye'smin || asau pramohāṃbudhimadhyatobhūdāvirnirastāvapi dhātṛviṣṇū
131.35.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe śivaviṣṇuvivādavarṇanaṃnāma navamo'dhyāyaḥ
Linked texts (4)
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Śoṇādrimāhātmya — Sanskrit