Vaishnavakhanda 133
Vaiṣṇavakhaṇḍa 133
- Language
- Sanskrit
Contents
- 133.28 — 1 part
133.1
naṃdikeśvara uvāca || || atha haṃsākṛtiṃ vyomapadavīlaṃghanakṣamām
seje viraṃcistasyāgraṃ drakṣyāmīti kṛtodyamaḥ
133.2
jagrāha viṣṇurvārāhaṃ vigrahaṃ dṛḍhavigrahaḥ || viśvaṃbharāvinirbhedakīḍāsulabhavaibhavam
133.3
mūlaṃ tasya
parijñāya pratyāvartitumutsukaḥ || kṛtrimastandharomaiṣa daṃṣṭrābhyāmabhinanmahīm
133.4
vidārayansa potreṇa bhūtadhātrīmavāṅmukhaḥ || mahāvarāho dahaśe tejaḥstaṃbhaṃ
namanniva
133.5
kīḍākoḍakaṭhoreṇa kaṃṭhaghoṣeṇa pūrayan || pātālaṃ bahulotsāhaḥ praveṣṭumupacakrame
133.6
viveśa yatrayatrāsau tatra tatra tathāsthitam || avaikṣiṣṭhānala
staṃbhaṃ tameva kuhanākiṭiḥ
133.7
vidāritānmahīraṃdhrātpratyahaśyaṃta bhoginaḥ || prarohā iva śeṣādyāstejaḥstaṃbhasya kecana
133.8
pratyahaśyata hemādrermūla
kanda iva sthitaḥ || ādhāratāṃ gato haṣṭo hyacyutenādikacchapaḥ
133.9
ārādvasundharāgulphe dhuraṃdharatayā sthitāḥ || digviṃsadhurāśca dṛśyaṃte madasaṃthara
baṃdhurāḥ
133.10
madhudviṣā ca sa mahānmaṃḍūko'pi vilokitaḥ || akhaṃḍamaṃḍalaṃ bhūmeryasya pṛṣṭhe pratiṣṭhitam
133.11
ādhāraśaktimapi tāmabhyapaśyadadho
kṣajaḥ || yadanugrahataḥ śeṣakūrmādyā api dhūrvahāḥ
133.12
atalaṃ vitalaṃ caiṣa sutalaṃ nitalaṃ tathā || talātalaṃ ca pratalaṃ mahātalamiti kramāt
133.13
dadarśa sapta pātālānapi vārijalocanaḥ || tatratyānvidhākārānsarvānapi savismayaḥ
133.14
atyagādbhogavatyākhyāṃ purīṃ vairocanīṃ
api || jagāhenyāṃśca daityānāmāvāsānatigahvarān
133.15
idaṃ hṛṣṭamidaṃ hṛṣṭamityupārūḍhakautukaḥ || mūlaṃ mugdhāśayastasya vicinoti sma mādhavaḥ
133.16
adhastādapi gāḍhena payodhestena potriṇā || tathaiva tejaḥstaṃbhaḥ sa nirvikāramavaikṣyata
133.17
dalitā kevalaṃ pṛthvī pāthorāśirvilolitaḥ
naivālokyata tanmūlaṃ kolarūpeṇa viṣṇunā
133.18
itthaṃ varṣasahasrāṇi śrāṃtyā saṃśrāṃtamānasaḥ || nālaṃ babhūva tanmūlaṃ līlākroḍo vilokitum
133.19
avarugṇakhuraḥ kṣuṇṇadaṃṣṭro vidhvastavigrahaḥ || bhagnapotraḥ sa bhūdāro jagāhe bahalaṃ śramam
133.20
śrāṃtyā niścasatastasya tāhagdarpo viśṛṃ
khalaḥ || nanāśa tatkṣaṇātsākaṃ tanmūlāvekṣaṇecchayā
133.21
anirgūḍhapratijño'pi pratyāvartitumutsukaḥ || na cakṣame sarojākṣaścalituṃ ca padātpa
dam
133.22
śramāṃdhacakṣuṣastasya pātālāṃtaravarttinaḥ || tatteja eva paṃthānaṃ punarapyudabhāvayat
133.23
kathaṃkathaṃciduttīrṇo'pyakūpārādapārataḥ
svedāṃbhaḥsāgarasnāve magno'bhūcchañjukaraḥ
133.24
rajveva tejaḥstaṃbhasya prabhayā sānubaddhayā || laṅghvācalaṃ vanaṃ kṛṣṭaṃ nyavarttiṣṭa janārdanaḥ
133.25
nāvaikṣi yanmayā mūlamasuṣya mahasāṃ nidheḥ || tataḥ svaṣṭhāpi no dṛṣṭaḥ śirobhāgaḥ kathaṃcana
133.26
amuṣya mahasāṃ rāśeḥ prāgabhūdyatra saṃbhavaḥ || tato
nivṛttya yāsyāmi śaraṇaṃ śivamīśvaram
133.27
sa hi viśvādhiko devaściraṃ mohāṃdhacakṣuṣā || yadvismṛto mayā tasmādvipāko'janīdṛśaḥ
133.28
evaṃ vinirdhārya vimuktadarpo nivṛttavānāśu saroruhākṣaḥ || tameva deśaṃ prababhūva yatra staṃbhaḥ sa tejomayatāṃ dadhānaḥ
133.28.p1
iti śrīskāṃde mahā purāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe viṣṇunā liṃgādhobhāgaśodhanavarṇananāmaikādaśo'dhyāyaḥ
Linked texts (2)
- Kaumārīkākhaṇḍa — Sanskrit
- Śoṇādrimāhātmya — Sanskrit