Vaishnavakhanda 134
Vaiṣṇavakhaṇḍa 134
- Language
- Sanskrit
Contents
- 134.30 — 1 part
134.1
cha || || naṃdikeśvara uvāca || || tatastejomayaṃ staṃbhamanusṛtya pitāmahaḥ || utpapātonmukho vegānnirālaṃbe nabhastale
134.2
drutamu
tpatatastasya pakṣavegena vāritāḥ || vyaśīryaṃta samudvarttāḥ praṇunnā iva vāyubhiḥ
134.3
sa vegādutpatandūraṃ nākṣṇorviṣayatāmagāt || kevalaṃ dīrghadīrghaiva rekhā
vyomni vyabhāvyata
134.5
māyāmarālo dṛśe tejaḥstaṃbhasya pārśvataḥ|| saṃdhyāpayodharābhyarṇacārīva rajanīkaraḥ ||4||prāgatyagādutpatatāṃ tato'dhvānaṃ payomu
cām||vimānapadavīṃ paścāttārāvarta tataḥ param
134.6
tejasāṃ yāni dhāmāni hyatyuccānyūrdhvacāriṇām || aticakrāma vegena tānyasau kuṃhanākhagaḥ
134.7
maruto manaso vāpi javaḥ sūkṣmatarākṛteḥ || so'bhūdadhaḥkṛtastena haṃsena gamanādinā
134.8
yathāyathā cotpapāta sudūraṃ śramitacchadaḥ
tathātathā ca dṛdaśe tejaḥstaṃbhaḥ samunnataḥ
134.9
atītya marutāṃ skaṃdhānsata saṃprāpavismayaḥ || bibhedāṇḍakaṭāhaṃ ca jvalaṃtaṃ tamudaikṣata
134.10
kathaṃ vā'ddaṣṭamūlasya sthātavyaṃ purato hareḥ || avimocayataḥ śaurerasamāsamaśīrdhatām
134.11
anirgūḍhapratijñasya dīrghaiḥ kiṃ vā mamāsubhiḥ || tad
traupayikaṃ kiṃ syātkāryaṃ kā vā gatirmama
134.12
atisaṃdhitsato viṣṇuṃ kassahāyo bhaviṣyati || ārjavaṃ naiva nirjetuṃ prativādinamakṣamaḥ
134.13
chadmanā vā tiraskuryānmāno hi mahatāṃ dhanam || iti saṃciṃtayatyeva viriṃcau vyākulātmani
134.14
ākāśe dṛhaśe nātidūre kimapi nirmalam
aiṃdavī kimiyaṃ rekhā tasyāḥ kathamihāgamaḥ
134.15
yadvā mṛṇālaṃ tatsadhau viyatyasyāṃ kutastu saḥ || iti tasminsasaṃdehe nedīyastaṃ tadāga
tam
134.16
abodhi ketakībarhamiti rājīvajanmanā || tatparyuṣitamapyudyatsaurabhaṃ vastuśaktitaḥ
134.17
hiraṇyagarbho vimalamagṛhṇātketaka
cchadam || gṛhītamātraṃ tenaitatsacaitanyaṃ kilābravīt
134.18
ketaka uvāca || || bho gṛhṇāsi kimarthaṃ tvaṃ muṃca māṃ viśramodyatam || varṣāṇāṃ
śatasāhasramutpattyaivaṃ vihāyasā
134.19
naṃdīśa uvāca || || tathā samedhamānaṃ taṃ dṛṣṭvā śramamakhidyata || aciṃtayatpaṃkajabhūtiratyaṃtaṃ vihitā
śayaḥ
134.20
aniryūḍhapratijñāvānnīcatāmapi saṃśritaḥ || ākrāṃtarodovivaraḥ ka rāśistejasāmasau
134.21
ahametatparīkṣāyāṃ ka paricchinna
pauruṣaḥ || bhajyete iva me pakṣau dṛśā cāṃdhāyate iva || pradhvaṃsaṃta ivāṃgāni patāmīvāhamapyadhaḥ
134.22
kiṃ vānyadbahunoktena saha niśvāsavāyubhiḥ
mama prāṇāśca niyataṃ nirgacchaṃtīva sāṃpratam
134.23
ahaṃkāramadagraṃthirayaṃ cyuṭatu cittataḥ || mukuṃdena saha spardhā sā ca śīghraṃ praṇaśyatu
134.24
yadeṣa rodaḥ kuharapariṇāhādhikodyamaḥ || aunnatyamayate'pyāpi tejaḥstaṃbho yathā purā
134.25
tadasya tejasāṃ rāśernāhaṃ nārāyaṇo'thavā || kāraṇaṃ
dūrataścānye maheṃdrapramukhāḥ surāḥ
134.26
ito notpatituṃ śaktirasti me tannivartaye || iti niścitya manasā vidhātā jātavismayaḥ
134.27
pratya
bhāpata taṃ kastvaṃ kuto vā prātvavāniti || sa ca pratyabravīddhenaṃ vedhasaṃ ketakacchadaḥ
134.28
ketakacchada evāsaṃ sacaitanyaḥ śivājñayā || tejaḥstaṃbhā
tmanaḥ śaṃbhorasya mūrdhi ciraṃ sthitaḥ
134.29
bhūloka icchayā vastuṃ tataḥ saṃprāptavānaham
134.30
itthaṃ śrutvā ketakībarhavācaṃ labdhvāśvāsaṃ taṃ kilāṃ
bhojabhūtiḥ || brūhi tvaṃ me tatkiyatyaṃtare vā tejaḥstaṃbhasyāgramityābabhāṣe
134.30.p1
iti śrīskaṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe brahmaṇā liṃgoparibhāgaśodhanavarṇananāma dvādaśo'dhyāyaḥ
Linked texts (2)
- Kaumārīkākhaṇḍa — Sanskrit
- Śoṇādrimāhātmya — Sanskrit