Vaishnavakhanda 135
Vaiṣṇavakhaṇḍa 135
- Language
- Sanskrit
Contents
- 135.21 — 1 part
135.1
naṃdikeśvara uvāca || || ketakībarham
dhyenaṃ vihasya punarabravīt || || ketakyuvāca || || api mūḍha na kiṃcittvaṃ vetsi kastvaṃ kuto na tat
135.2
īddaśaḥ parito lakṣyā yasminbrahmāṃḍa
koṭayaḥ || tasya pramāṇametāvaditi ko vedituṃ kṣamaḥ
135.3
caturyugāyutairyātaṃ tato nipatato mama || idānīmapi nāpnoti tanmadhyaṃ kila bhūtalam
135.4
iti
śruvāṇamenaṃ ca namaskṛtya sarojabhūḥ || hitvā nijamahaṃkāramabhāpata kṛtāṃjaliḥ
135.5
brahmovāca || || mahātmansatyamevāsmi mūḍho'haṃ ketakacchad
brahmaṇā hi mayā sparddhā viṣṇunā saha nirmitā
135.6
dvābhyāmapīdamāvaṃbhyāṃ vismṛtaṃ śivavaibhavam || yatrau mahānabhūdvarṣmasargasaṃtrāṇamātrataḥ
135.7
haṃsaparṇī
saṃkathā tāvadāstāmapyahaṃ yataḥ || sparddhayā na vimukto'smi baddhyā garuḍadhvaje
135.8
sakhyaṃ sātmapadīnaṃ hi kathyate tadbhavānmayi
135.9
asaṃ
stutadhiyaṃ hitvā kartumarhasyanugraham || ahaṃ viṣṇuśca mohāṃdhau tejaḥstaṃbhasya vīkṣaṇāt
135.10
haṃsakolākṛtī dghvo mithaḥ sāmyaṃ vyapohitum
mūlaṃ didṛkṣuḥ sa daśāṃ kīdṛśīṃ yātavāniti
135.11
na jāne mama cāsyāgraṃ didṛkṣorīdṛśī daśā || gatamuḍḍīyamānasya me sahasreṇa hāyanaḥ
135.12
jātaśramo'smi nitarāṃ viyujya iva cāsubhiḥ || diṣṭyādya bhadra labdhastvaṃ mayā''laṃbovasīdatām
135.13
tanme kuruṣva mitrasya saphalāṃ
yācanāmimām || sakhāhaṃ sahasaṃjalpādasmi dāso'nupaṃjanāt
135.14
tattvayā karaṇīyaivaṃ prārthanaiṣā kṛtāṃjaliḥ || yadi paśyati mūlaṃ sa
jito'hamanunā tadā
135.15
yadvā na paśyati tadāpyasmi sāmyamupeyivān || idaṃ dvayamapi prāyo mamātidveṣaṇaṃ sakhe
135.16
tvayaiva
parihāryatvamidānīṃ samupāgatam || anṛtāmabhibhāṣa tvamucitāṃ ca suhatkṛte
135.17
giramekāmimāmagre cakrapāṇerudīrya || epa haṃsākṛtirviprā
tejaḥstaṃbhasvarūpiṇaḥ
135.18
atyuccaṃ dṛṣṭavānagramatra sākṣye sthito'smyaham || tenāpi tejaḥstambhatvameṣupā candramaulinā
135.19
saṃbhāvi
toyaṃ sutarāṃ pitreva hi pitāmahaḥ || ato'yamevābhyadhiko bhavato viṣṭaraśravāḥ
135.20
ityuktvā mama sāhāyyaṃ sumahatkriyatāṃ tvayā
135.21
naṃdikeśvara uvāca || || evaṃ bhūyaḥ prārthito'yaṃ vidhātrā dākṣiṇyādiḥ ketakībahako'pi || tejaḥstaṃbhābhyarṇabhāje tathaiva prāhāśeṣaṃ viṣṇave
brahmavākyam
135.21.p1
iti śrīskāṃde mahāpurāṇe ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmye uttarārdhe brahmaṇā'sa tyasākṣyārthaṃ ketakacchadaprārthanāvarṇanaṃnāma trayodaśo'dhyāyaḥ
Linked texts (4)
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Śoṇādrimāhātmya — Sanskrit