Vaishnavakhanda 136
Vaiṣṇavakhaṇḍa 136
- Language
- Sanskrit
Contents
- 136.32 — 1 part
136.1
naṃdikeśvara uvāca || || so'pi brahmāṇamuddiśya tāvatā
dviguṇaṃ smayan || nāgraṃ dṛṣṭamaneneti niścikāya vivekavān
136.2
anugrahītuṃ māṃ mugdhaṃ haṃtuṃ cāsya vidhermadam || devadevaḥ sa evālaṃ bhūtabhartetyam
nyata
136.3
mūlasaṃdarśanāśaktyā tejaḥstambhasya me madaḥ || vyapeta eva manye'dya yadbhaktirayaṃbake'jani
136.4
stūyate vītagarvatvātsa idānīṃ mahe
śvaraḥ || yasya dakṣiṇavāmābhyāmaṃgābhyāṃ nau samudbhavau
136.9
adyāpyavītagarvatvācchandhvāsau kūṭasākṣiṇam || hiraṇyagarbho sāmevamatisaṃdhātumicchati
136.6
tadya sakalasyāpi duḥkhasyāpanaye kṣamaḥ || sa eva śaraṇatvena prātnavyaḥ śaṃkaro mayā
136.7
tathā kṛtāparādhasya kṛtaghnasya gurudruhaḥ
tastūte rakṣitā ko'nyastameva staumi śaṃkaram
136.8
viṣṇuruvāca || || jaya pṛthvīmayākāra jaya cāpomayākṛte || jaya prabhā
karākāra jayāmṛtakarākṛte
136.9-2
jaya vaiśvānarākāra jaya gandhavahākṛte || jaya hotramayākāra jayākāśamayākṛte
136.10
rakṣa māṃ
triguṇātīta rakṣa māṃ kālavigraha || rakṣa māmakṣaiśvarya rakṣa māṃ karuṇākara
136.11
sraṣṭā tvaṃ sarvajagatāṃ rakṣitā sarvadehinām || hartā
ca sarvabhūtānāṃ tvāṃ vinaivāsti ko'paraḥ
136.12
aṇūnāmapyaṇīyāṃstvaṃ mahāṃstvaṃ mahatāmapi || antarbahistvamevaitajjagadākramya vartase
136.13
nigamāstava niśvāsā viśvaṃ te śilpavaibhavam || sa tvaṃ tvadīya evāsi jñānamātmā tava prabho
136.14
amarā dānavā daityāḥ
siddhā vidyādharā narāḥ || prāṇinaḥ pakṣiṇaḥ śailāḥ śikhino'pi tvameva hi
136.15
svargastvamapavargastvaṃ tvamoṃkārastvamadhvaraḥ || tvaṃ yoga
stvaṃ parā saṃvinmiṃ tvaṃ na bhavasīśvara
136.16
tvamādirmadhyamaṃtaśca tasthuṣāṃ jagamuṣāmapi || kālasvarūpatāṃ prāpya kalayasyakhilaṃ jagat
136.17
pareśaḥ parataḥ śāstā sarvānugrāhakaḥ śivaḥ || sa eṣa me kathaṃkāraṃ sākṣādbhavati dhūrjaṭiḥ
136.18
yaṃ dṛṣṭvā śaraṇaṃ prāpto niḥśreyasamavāpnuyāt || atha
vā staumi taddhāma jātamātraṃ yathāmiti
136.19
tacchṛtvaiṣa kṛpāṃ kuryādavaśyaṃ sarvataḥśrutiḥ || iti niścitya vaikuṃṭhaḥ stotuṃ samupacakrame
136.20
tameva taijasaṃ staṃbhaṃ praṇamya parameśvaram || ādimadhyāṃtarahitaṃ mattvā taṃ jagadīśvaram || haṭhāttena viraṃcena vāryamāṇo'pi saṃsmitam
136.21
śrīviṣṇuruvāca
jaya deva mahādeva vāmadeva vṛṣadhvaja || kālāṃtaka kratudhvaṃsinnīlakaṃṭheṃduśekhara
136.22
jaya śaṃbho śiveśāna sarva tryaṃbaka dhūrjaṭe
smaravairinpurārate sthāṇo bhava maheśvara
136.23
jayeśa khaṃḍaparaśo śūlinpaśupate hara || sarvajña bharga bhūteśa kapālinnīlalohita
136.24
jaya
rudra makhārate pinākinpramathādhipa || gaṃgādhara vyomakeśa girīśa parameśvara
136.25
jaya bhīma mṛgavyādha kṛttivāsaḥ kṛpānidhe || kṛśānuretaḥ
kailāse nityameva hi vartase
136.26
tvadājñayā marudyāti phaṇī vahati bhūbharam || dīpyataḥ sūryaśaśinau brahmāṃḍaṃ bhruvateṃ'budhau
136.27
jyotīṣi
saṃcaraṃte khe sarvaṃ tvacchāsanātprabho || ahaṃ brahmā ca jagatāṃ sargasaṃtrāṇayoralam
136.28
vidhāya kalpase puṣṭaye sute sasyāni medinī || nākāmaṃ
tyandhayaḥ sīmāṃ yacca tvanmahiveva saḥ
136.29
aṇimādimahāsiddhiniḥsādhāraṇavaibhavaḥ || kathaṃ tvāmamarairanyairupekṣe samabhiṣṭutam
136.30
viśruktve
vismarāmastvāṃ smarāmaḥ saṃkaṭe'pi ca || na roṣo jātu bhakteṣu prasādaḥ sarvadaiva te
136.31
yadā vidhitserbhaktiṃ tvaṃ yadā ca prāvṛṇoṣi tām
mohabodhau tadā puṃsāṃ kalpete baṃdhamokṣayoḥ
136.32
iti stutassāṃjalibaddhapāṇinā patiḥ paśūnāmatha cakrapāṇinā || kṛtāpahāse ca sarojasaṃbhave
madoddhate prādurabhūdyānidhiḥ
136.32.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe śaṃkara prādurbhāvavarṇanaṃnāma caturdaśo'dhyāyaḥ
Linked texts (5)
- Saurapurāṇa — Sanskrit
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Śoṇādrimāhātmya — Sanskrit