Vaishnavakhanda 139
Vaiṣṇavakhaṇḍa 139
- Language
- Sanskrit
Contents
- 139.32 — 1 part
139.1
sūta uvāca || || iti śrutvāsya vacanaṃ mārkaṃḍeyo'bhyabhāṣata || || mārkaṃḍeya uvāca
śrutameva mayā deva śrotavyaṃ bhavato mukhāt
139.2
tathāpi kautukenāhamākrāṃto munayo'pyamī || gauryā kathaṃ tapastaptaṃ mahādevyāñca kathayatām
139.3
naṃdikeśvara uvāca || || kathayāmi tadyathetadyathādhigatamātmanā || śṛṇu tvamavadhānena mārkaṃḍeya mahāmate
139.4
nanu jānāsi tatpūrvaṃ
yathā dākṣāyaṇīṃ śivaḥ || upayeme satīnāṃ satīnāmadhidevatām
139.5
yathā ca sā krudhā bharturduhi dakṣaprajāpatau || yogādahāsīdātmīyaṃ vapurityapi
te śrutam
139.6
tadā harāājñānignena vīrabhadreṇa yatkṛtam || adhvaradhvaṃsanaṃ dakṣasyāpi te viditaṃ mahat
139.7
aśrauṣīstasya dakṣasya gaṇaiḥ śīrṣāsa
khaṃḍanam || brahmācyuteṃdramukhyānāṃ devānāmapi śikṣaṇam
139.8
daṃtaghātaṃ raveḥ pāṇipāṭanaṃ jātavedasaḥ || aditiprabhṛtīnāṃ ca divyastrīṇāṃ parābhavam
139.9
sā ca devī punarjanma lebhe himavato gṛhe || umeti pārvatītyākhyāṃ dvitīyāṃ bibhratī punaḥ
139.10
devaḥ sthāṇuvane tāṃ ca paricaryāparāṃ rahaḥ
arurocayiṣuḥ kāmamadhākṣītkālavahninā
139.11
jiteṃdriyaṃ ca taṃ devaṃ kāpi yātaṃ gaṇaiḥ saha || tapobhistoṣayāmāsa gaurī śikharavāsinī
139.12
upayasyātha tāṃ devo vṛttāṃtaiścittakhaṃḍibhiḥ || ramayāmāsa caikāṃte modasveti vilāsinīm
139.13
vaidhavyakhinnayā ratyā prārthitā śailanaṃdinī || kāma
pīṭhe tapasyaṃtī kāmaṃ pratyudīpayat
139.14
punaśca menayā mātrā pitrā ca himabhṛtā || ānītā bhavanaṃ bhartrā sākaṃ ciramaraṃsta sā
139.15
tadā
śuṃbhaniśuṃbhākhyau lebhāte vedhaso varam || devadānavamartyeṣu māstu nau puruṣānmṛtiḥ
139.16
iti tadvacanaṃ śrutvā jātatrāsaiḥ suparvabhiḥ || abhya
rthito'vadaddevo rahaścakradharādibhiḥ
139.17
mārbhaiṣṭa bhadra kālena tathā pratividhīyate || yathā niṣūditau syātāṃ tāhaśau dānavāviti
139.18
dattā
bhayānmukuṃdādīnvisṛjyāṃdhakasūdanaḥ || aṃtaḥpuragato reme devyā saha yathā purā
139.19
kadācinmarmalakṣyeṇa prītyā kālīti niṃditā || tasya
prītyai kālikā ca tvacamevājahānnijām
139.20
yatrotkṣiptavatī carma svecchayā parameśvarī || mahākāśīprapātākhyaṃ tadabhūtkṣetramuttamam
139.21
sā ca tvakkauśikī nāmnā kālī viṃdhyādrivāsinī || tapasyaṃtī vṛṣasyaṃtau tau javāna mahāsurau
139.22
devī ca gaurī śikhare tasminneva manohare
tapobhirlabdhagaurītvāddhartāraṃ samatoṣayat
139.23
krameṇa daurhṛdavatī bhūtvā prāsūta pārvatī || gajānanaṃ ca heraṃbaṃ senānyaṃ ca ṣaḍānanam
139.24
tau
cāgamavidaḥ prāhurnārāyaṇacaturmukhau || pūrvāparādhaśuddhyarthaṃ devīgarbhasamudbhavau
139.25
vardhamānau ca tau bālau pitrorālokamānayoḥ || madhyayoriva
varṣābdhau premagraṃthirabhūddṛḍhā
139.26
jātu vīṇāninādena kadāciccitralekhanaiḥ || vijahratuśśivau svairamekadā maṃḍanairmithaḥ
139.27
jātu vidyāṃgamā
lāpaiḥ kadāciccitravastubhiḥ || ekadā lokavṛttāṃtairdaṃpatibhyāṃ vinoditam
139.28
puṣpāvacayanairjātu kadāciddhārikhelanaiḥ || adīvyatāṃ ca rāgārddhau
dolākelibhirekadā
139.29
mainākenārcitau jātu menayā jātu pūjitau || jātvahiṃtau himavatā daṃpatī tau vinoditau
139.30
jātu dyūtavinodena
gītagoṣṭhyā kadācana || ekadā dānalīlābhiḥ śivau cikrīḍatuściram
139.31
dyūtanirjitamācchidya patyurutsaṃgatāṃ gatam || valayīkṛtameṇām̐kaṃ
tāṭaṃkīkṛtavatyumā
139.32
iti tau pitarau carācarāṇāṃ nivasaṃtau kanakācalādikeṣu || rucireṣu padeṣu kāmabhogānatihyānsuciraṃ kilānva
bhūtām
139.32.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe śivapārvatīvihāra varṇanaṃnāma saptadaśo'dhyāyaḥ
Linked texts (2)
- Kaumārīkākhaṇḍa — Sanskrit
- Śoṇādrimāhātmya — Sanskrit