Pramāṇa · Search · About · API

Vaishnavakhanda 141

Vaiṣṇavakhaṇḍa 141

Language
Sanskrit

Contents

141.1

cha || || naṃdikeśvara uvāca || || tāvatkuta
śridākarṇya tatrasthāṃ mahiṣāsuraḥ || avajñātasurārātirvidhvaṃsitapuraṃdaraḥ

141.2

sarvalokajayī siddhavidyādharabhayāvahaḥ || durnigraho varādāsīcchatrāherikhairapi

141.3

tīkṣṇānāmapi śāpānāmapyagocaratāṃ gataḥ || darpādrirdānavairdaityaiḥ kauṇapaiśca niṣevitaḥ

141.4

dūṣako munipatnīnāṃ dharmamārgopa
ghātakaḥ || balātpulomno namucervṛtrādapi balādhikaḥ

141.5

hiraṇyakaśiporvaśyo hiraṇyākṣa ivāparaḥ || tāṃ vilobhayituṃ kāṃcitprāhiṇotkila dūti
kām

141.6

tataḥ sā tāpasīveṣadhāriṇī girijāṃ prati || sakhīsamakṣa evedamuvācānucitaṃ vacaḥ

141.7

aṃrāru bhīṣaṇe bhīro nivasasyatra kiṃ
vane || vihartumucitā ramyeṣvavarodhanaveśmasu

141.8

kimarthaṃ vāya cittaṃ te yauvane bhoganiḥspṛham || niveśitaṃ tapasi ca daivatairapi duṣkare

141.9

haṃsatūlamayīṃ śayyāṃ muktāmayavitānikām || hitvā kimiti mṛdvaṃgi supyate paruṣāśmasu

141.10

tapojaḍo mṛḍo diṣṭyā prāgevāsti tvayo
jjhitaḥ || tavānurūpo naivānyo vidyate diviṣatsu ca

141.11

kiṃ tu trailokyanātho'sti mahiṣo dānaveśvaraḥ || yadi drakṣyasi taṃ sudha tyakṣya
syeva kṣaṇāttapaḥ

141.12

kiṃ nihnavena nanveṣa śrutvā sarvaṃ cirātprabhuḥ || sa prāhiṇo'upānetuṃ dūtikāṃ māṃ smarāturaḥ

141.13

itya
tyaṃtaviruddhaṃ tāṃ bruvāṇāmasamaṃjasam || devyāścittasthitiṃ jñātvā vijayā nirakāsayat

141.14

sā cātiroṣeṇa kṛtapratijñā daityarūpikā
gatvā viditavṛttāṃtamakaronmahiṣāsuram

141.15

so'pi tatsarvamākarṇya ruṣātīvāruṇekṣaṇaḥ || devīṃ jighṛkṣurabhyāgādvṛto daiteyakoṭibhiḥ

141.16

syandanairdviradairaśvaiḥ pattibhiśca samaṃtataḥ || bhuvamācchādayāmāsa dhvajaiśca gaganāṃtaram

141.17

kṣvelitairvādyaghoṣaiśca nabhaḥ sphuṭa
divābhavat || pādāghātaiśca daityānāṃ vidadre vasudhātalam

141.18

karālo durddharastasya viceṣṇurvikarālakaḥ || bāṣkalo durmukhaścaṃḍaḥ pracaṃḍaścā
marāsuraḥ

141.19

mahāhanurmahāmaulirugrāsyo vikaṭekṣaṇaḥ || jvālāsyo dahanaśveme senānyopi pratasthire

141.20

kolāhalamimaṃ śrutvā devī niya
mavighnataḥ || śaṃkitā daityasaṃhatyai durgāmādiśati sma sā

141.21

sāruṇādrirahodroṇyāmathirūḍhā mṛgādhipam || dīptāyudhadharairdorbhiḥ kālikeva ma
hīṃ gatā

141.22

ghanāghanaravoddraṃ siṃhanādamacīkarat || sphuradaṃtacchadopāṃtaṃ valagadaṃgulipallavā

141.23

svāṃgebhyo yoginīcakraṃ mātaro'pyasṛja
druṣā || devyāḥ priyāya daiteyasaṃhārāhaḥ sahasraśaḥ

141.24

kāścittaruṇāruṇacchāyā daṃḍinyo haṃsavāhanāḥ || mukhaiścaturbhirājagmuḥ kopaprasphuritādharaiḥ

141.25

niryayuḥ kāścana kruddhā jvalatriśikhapāṇayaḥ || nisvanadbhūṣaṇāḥ paṃsam̐llalāṭā vṛṣavāhanāḥ

141.26

nirjagmuraparāḥ senāsahitāḥ śikhivā
hanaiḥ || śaktiḍaṃḍābhayakarāḥ śataśaḥ ṣaḍgirānanaiḥ

141.27

niścakramuḥ parāstāścaryamadhiruhyādhikakrudhā || śaṃkhacakradharāḥ sūryacaṃdramobhyāṃ divo yathā

141.28

pratitaṣṭhe tathā vyāghravāhāḥ kuvalayatviṣaḥ || pautraiḥ sadghargharākhairbibhratyo musalaṃ halam

141.29

roṣāruṇasahasrākṣyo valakṣadvipavāhanāḥ
pratasthire śātakoṭiśatakoṭidharāḥ parāḥ

141.30

athārūḍhāḥ samāpeturekāḥ saudāminīnibhāḥ || khaḍgakheṭakadhāriṇyaḥ kopena kapilānanāḥ

141.31

tāśca koṭicatuḥṣaṣṭimasurānāśramādbahiḥ || arundhanprasabhaṃ dhvāṃtarāśīniva ravestvaṣaḥ

141.32

tataśca yoginīcakradānavānīkayormithaḥ
prāvarttata raṇaṃ ghoraṃ muṣṭāmuṣṭi kacākaci

141.33

sāyakaryoginīmuktairdalitā daityamaulyaḥ || ācchādayanmahīpṛṣṭhaṃ sthalajānīva sarvataḥ

141.34

prasasru raktasarito lagatakaiśikaśaivalāḥ || luṭhadvipāṭhapāṭhīnāḥ smerairdevīmukhāṃbujaiḥ

141.35

vetaṇḍatuṇḍānyāruhya saudhāniva piśācikāḥ || pracaṇḍa
tāṃḍavāḥ pītaraktamadyāścakāśiraṃe

141.36

kapālairdaityavīrāṇāmaghāsurasṛgāsavān || krīḍaḍḍamarukākārairḍāmarairyoginīgaṇāḥ

141.37

parijahrustathāṃ
trāṇi kaṃkaughāḥ pāśaśaṃkayā || kṣudhitā api māṃsāni saśalyānyajahuḥ śivāḥ

141.38

siddhavidyādharonmuktamaṃdāraprasavāsavaiḥ || iyāya śāṃtiṃ
bhūreṇuḥ saṃgrāme kṣobhasambhavaḥ

141.39

virejuryoginīmuktairdehalagrairdvipāṃ hayāḥ || amarpātiśayotkṣiptaiḥ śalyaiḥ śalyamṛgā iva

141.40

daṃḍaiḥ keci
tpare śūlairniśitaiḥ ke'pi śaktibhiḥ || cakrairanye halairaike katicicchatakoṭibhiḥ

141.41

yoginīnāṃ pare khaḍgairdalitā dānaveśvarāḥ || niḥśeṣatāmu
pājagmurvinā senādhipānnijān

141.42

brāhmī svayamupāgamya vihitāyodhanāvadhīt || karālaṃ vikarālena daṇḍena jvalitā cirāt

141.43

māheśvarī triśūlena suciraṃ kṛtasaṃgarā || cakarta durddharasyāśu mūrddhānamatiroṣaṇā

141.44

śaktyā lulāva kaumārī cikṣurāsuramastakam
cakreṇa cālunānmauliṃ vikarālasya vaiṣṇavī

141.45

bāṣkalasyāśu vārāhī musalenātāḍayacchiraḥ || durmukhaṃ cāśu vajreṇa vyadhā
daṃṣṭrī gatāyuṣam

141.46

khyātaṃ yasyāśca nāmedaṃ tayoreva nidūṣanāt || cāmuṇḍā caṇḍamuṇḍau ca maṇḍalāgreṇa cicchide

141.47

pracaṇḍacā
marau vīrau mahāmauliṃ mahāhanum || ugrāsyavikaṭākṣau ca jvālāsyadahanāvapi

141.48

anujagmuḥ krudhā yāntaṃ yuddhāya mahiṣāsuram || kālane
simprabhṛtayo vipracittimivāsurāḥ

141.49

śirastravanto rathinaḥ suniṣaṃgā dhanurdharāḥ || uddhūtakaṭakāḥ prāpyuryuddhabhūmiṃ caladbhrujāḥ

141.50

samaṃtāttu
ritadiśaḥ siṃhanādairbhayaṃkaraiḥ || pṛṣatkavarṣiṇo mātṛmaṃḍalānyabhidudruvuḥ

141.51

tāśca tairbalibhiḥ kṛtvā saṃgrāmaṃ nissahatvataḥ || durgā prapedire
devīṃ śaraṇaṃ siṃhavāhanām

141.52

ukkā māyālulāyasya durjayatvaṃ durātmanaḥ || devīṃ tāṃ tuṣṭuvurdurgāmevaṃ satāpa mātaraḥ

141.53

yoganidreti
rūpeṇa viṣṇornayanapadmayoḥ || tvayā nilīyate devi madhukaiṭabhayorlīlayā

141.54

amūmuhastaṃ na tathā mātaśca madhukaiṭabhau || kathaṃ jaghāna tau viṣṇu
stayorevābhyanujñayā

141.55

tvaṃ kauśikī na cejjātā mṛtyuḥ śuṃbhaniśuṃbhayoḥ || kathaṃ tu lokapālānāmaiśvaryaṃ devi eṣyati

141.56

viṃdhyavā
sini viṃdhyena kimavaṃdhyaṃ kṛtaṃ tapaḥ || yatra maitrī kirātībhirapi labhyā tvayā samam

141.57

kāpiśāyanamāpītaṃ dhanadopāyanīkṛtam
tvayāba nītaṃ daityānāṃ rasairniyatamānavaiḥ

141.58

brahmaṇaḥ sṛṣṭiśaktistvaṃ sthitiśaktirmadhudviṣaḥ || aṃba saṃhāraśaktiśca rudrasyāpi pragalbhase

141.59

yaśodānaṃdajātā tvamekānaṃśeti nāmataḥ || kaṃsādyasurasaṃhāre hareḥ sāhyaṃ kariṣyasi

141.60

tvaṃ vidyā tvaṃ mahāmāyā tvaṃ lakṣmīstvaṃ sarasvatī
tvaṃ devī pārvatīśāpi durge kiṃ vā na jāyase

141.61

nandikeśvara uvāca || || stotreṇānena mātṛbhyo durgā dattābhayā svayam || mahiṣā
surayuddhāya saṃtuṣṭā niryayau tadā

141.62

pracaṃḍamaṃḍalāgreṇa bhiṃḍipālena cāmaram || mahāmauliṃ kṣurikayā karpareṇa mahāhanum

141.63

ugravakraṃ
kuṭhāreṇa śaktyā vikaṭacakṣuṣam || jvālāmukhaṃ mudgareṇa dahanaṃ musalena ca

141.64

nihatya mahiṣasyāgre saroṣaṃ yudhyatī svayam || siṃhanādaṃ mahāghoraṃ
cakreṇa muditāśayā

141.65

athātyamarṣito durgā viśikhairmahiṣāsuraḥ || vivyādha phālaphalake stanayorgaṃḍayorapi

141.66

tato durgātha saṃraṃbhātra
jahārāsureśvaram || bāhvorvakṣasi vakre ca kṣurapraiḥ prajvalatphalaiḥ

141.67

tato daityaścibhirdurgā jaghāna viśikhairmukhe || paṃcabhiḥ paṃcabhirbāhvordvābhyāṃ dvābhyāṃ
ca netrayoḥ

141.68

ekena sārathiṃ rathyānaṣṭabhiḥ kārmukaṃ tribhiḥ || caturbhiśca dhvajaṃ tasya durgā ciccheda sāyakaiḥ

141.69

padātiratha daityeṃdraḥ śataghnīṃ
jvaladākṛtim || kāladaṇḍapratīkāśāṃ durgāṃ prati visṛtkavān

141.70

hāhākurvatsu deveṣu vidrāṇe mātṛmaṇḍale || tāmāpataṃtīmādāya durgā jagrāha līlayā

141.71

kṛpāṇamaṃkuśaṃ pāśaṃ bhuśuṇḍīṃ karavālikām || śaṃkuṃ śaktiṃ gadāṃ cakraṃ tomaraṃ phalakaṃ musalam

141.72

paraśvadhaṃ bhiṇḍipālaṃ paṭṭiśaṃ laguḍaṃ ca saḥ
durgāṃ prati vicikṣepa kṣayāṃbhod ivāśanim

141.73

āpataṃtyeva śastrāṇi kṣiptānyādāya vairiṇām || babhaṃja pāṇibhiḥ svairaṃ kāriṇīvekṣukāṇḍakam

141.74

durgopavāhyaḥ siṃho'pi lāṃgūlāgreṇa mudritam || daṃṣṭrayā dārayāmāsa praharannakhapaṃkajaiḥ

141.75

kṣaṇaṃ siṃhaḥ kṣaṇaṃ kroḍaḥ kṣaṇaṃ vyāghraḥ kṣaṇaṃ gajaḥ || kṣaṇaṃ
ca mahiṣo bhūtvā daityo durgāmayodhayat

141.76

mahiṣo'tha viṣāṇābhyāṃ tīkṣṇābhyāmatyamarṣitaḥ || tāḍayāmāsa siṃhaṃ ca devīmapi muhurmuhuḥ

141.77

kṣaṇaṃ gaganamadhyasthaḥ kṣaṇaṃ prāpto mahītale || kṣaṇaṃ dikṣu bhramanprāptaḥ kṣaṇaṃ cādṛśyatāṃ gataḥ

141.78

prārthitā mātṛcakreṇa durgā mahiṣadānavam || amoghena
triśūlena dārayāmāsa sasmitā

141.79

muktavarvaranirghoṣo yāvatpatati dānavaḥ || tāvadasya haṭhenāṃghriṃ skaṃdhapīṭhe nyaveśayat

141.80

kaṃṭhapīḍanato
yātajīvitasyāmaradruhaḥ || chinnaṃ mūrddhānamādāya pāṇinātha nanartta sā

141.81

iti durgayā sāmiti kausarāsure dalite samastabhuvanaikakaṃṭake
nanṛtuḥ surāḥ prajahvurmarhaṣayo vṛṣṭuśca divyakusumāni vāridāḥ

141.81.p1

iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe devyāstapścaryāyāṃ durgākṛta mahiṣāsuravadhavarṇananāmaikonaviṃśo'dhyāyaḥ

Linked texts (5)