Pramāṇa · Search · About · API

Vaishnavakhanda 142

Vaiṣṇavakhaṇḍa 142

Language
Sanskrit

Contents

142.1

mārkaṇḍeya
uvāca || || aho mahiṣadaityasya durācāratvamīdṛśam || aho duritahāriṇyā durgāyāśca parākramaḥ

142.2

evaṃ tayā bhadrakālyā nihate mahiṣāsure
kiṃ cakāra girīndrasya naṃdinī tapasi sthitā

142.3

naṃdikeśvara uvāca || || anaṃtaraṃ sā hastena dadhatī daityamastakam || nanāma gaurīmanye
na pāṇinā khaḍgadhāriṇā

142.4

atha harṣeṇa nṛtyaṃtīṃ tāmālokya dayārdrayā || hṛṣṭacā devī jagaddhenāṃ daṃtāāṃśujyotitāṃbarā

142.5

tvayātiduṣkaraṃ
karma nirmitaṃ viṃdhyavāsini || jātaṃ tava prabhāvena niṣpratyūhaṃ ca me tapaḥ

142.6

athaitanmāhiṣaṃ śīrṣamapavitraṃ bhayaṃkaram || jagatpavitracāritre tyaktu
mahīsi hastataḥ

142.7

iti gauryoditā durgā jugupsākulamānasā || mūrdhastasya nipātāya vyadhunodbahuśaḥ karam

142.8

tīrthamutpādyatāṃ devi navaṃ
pāpavināśanam || tasminnimajjanādgeṃ prāyaścittaṃ bhaviṣyati

142.9

itīritā gautamena durgā duritaśaṃkinī || pāṭayāmāsa khaḍgena śilāpaṭṭaṃ
paṭīyasā

142.10

pātālāvadhi nirbhinnātpāpāṇatalatastataḥ || udajruṃbhattaraṃgāṃbhaḥ sacittamiva nirmalam

142.11

mamajja sāpi gaṃbhīre tasminnaṃbhasi
pāvane || namaḥ śoṇādrināthāyetyuktvā maṃtramanuttamam

142.12

tāvanmahiṣakaṃṭhasthaṃ liṃgaṃ tadvalitaṃ tale || taṭe pratiṣṭhitaṃ jātaṃ pāpanāśanasaṃjñayā

142.13

unmajja tato durgā tīrthabhodhūtakalmaṣā || nipapāta tatpāṇermahiṣāsuramastakam

142.16

kṛtapradakṣiṇā natvā pāpanāśanamīśvaram
purastādasti sā gauryā gautamenābhinaṃditā ||14||evaṃ pratyakṣaniratapāpāṃ tāṃ vīkṣya pāvatī ||jagāda dīrghatapasaṃ jagatīdharanaṃdinī ||15||mahiṣāsurasaṃhāraṃ
oṃjasā svanumatiḥ kṛtā || viṃdhyavāsinīyamaho duṣṭamāhiṣavigraham

142.17

gṛhītvā bhakṣayāmāsa tasya liṃgamidaṃ śivam || prāyaścittaṃ tato brūhi ma
māpi munisattama

142.18

gautama uvāca || || devi sarvajagatsargasthitisaṃhārakāriṇi || tvaddvacanameva jagatāṃ sarvapātakanāśanam

142.19

athāpi laukikaṃ vṛttamavalaṃbya tvayoritam || svakṛtāpi hi maryādā na mahadbhirvilaṃghyate

142.20

antaḥkaraṇakāluṣyakṣālinī kācana
kriyā || kathyate'dya mayā mātaraghānaṃ vidhīyatām

142.21

aruṇādrirayaṃ sākṣādanalādristirohitaḥ || jvalatijyotiṣā svena kṛttikāpūrṇimā
niśi

142.22

tatsaparyātapaścaryā kāryā kātyāyani tvayā || tajjyotirdarśanātsarvamabhīṣṭaṃ tava sidhyati

142.23

ityuktā gautamenāṃbā tadāpra
bhṛti dāruṇā || iyaṃ ca śivabhaktā hi śi vapūjāratā tadā

142.24

tapaścacāra paṃcānāmagnīnāṃ madhyamāśritā || caturṇāṃ śikhināṃ madhye sthitā
sūryaniviṣṭadak

142.25

reje haimī śalākeva dyotamānā girīṃdrajā || athākṛṣṭevapārvatyāḥ premapāśairnirāyataiḥ

142.26

sā kārttikī paurṇaṃ
māsī samāpede śubhā tithiḥ || tatastasya dinasyāṃte śṛṃge śoṇamahībhṛtaḥ

142.27

adarśi kimapi jyotiranupādhikavaibhavam || tadarthopagatairbrahma
bhirdvāsavādibhiḥ

142.28

upāsyamānamabhito devairdigbhyarṣisaṃgataiḥ || tadanirdhanamasnehamadaśāvartisambhavam

142.29

mahāpradīpamālokya vismayaṃ
prāpa pārvatī || kṛtapradakṣiṇā sātha praṇamaṃtī padepade || aruṇādrīśvaraṃ nāthaṃ tuṣṭā tuṣṭāva śailajā

142.30

namaste merucāpāya kailāsācalavā
sine || nīhāraśailajāmātre śoṇakṣmādhararūpiṇe

142.31

varuṇādisurārcyāya taruṇādityavarcase || aruṇācalanāthāya karuṇāmūrttayenamaḥ

142.32

jaya jahusutācandralekhālaṃkṛtaśekhara || sauṃdaryamohitāśeṣamunipatnījanāśaya

142.33

jaya śailasutāsaṃgasaṃbhūtānaṃgavaibhava || māyā
nārāyaṇābhogakrīḍāmreḍanapaṃḍita

142.34

jaya saṃdhyāsamopetasaṃbhūtānaṃdatāṃḍava || jaya gīrvāṇagaṃdharvasiddhavidyādharārcita

142.35

jaya heraṃbajanaka
jaya paṇmukhavatsala || jaya haimavatīprārthya jaya pārthivadurlabha

142.36

iti stutvā muhustasmiñjyotiṣi nyastalocanām || dṛṣṭvā devīṃ dayāvyā
jādvilitye vṛṣabhadhvajaḥ

142.37

layitvā nijamāsthāya rūpamutkaṭasundaram || āsthāya vṛṣabhaṃ divyamasūṃ dṛṣṭvā śivāṃ śubhām

142.38

mānāṃ
tirekādaprahāya sarvamaiśvaryamevaṃ tapasi pravṛttām || mugdhāṃ punaḥ sāṃtvayituṃ girīśaḥ pracakrame parvatarājaputrīm

142.38.p1

iti śrīskānde mahāpurāṇa ekā śītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe pārvatīkṛtāruṇācaleśvarastutivarṇanaṃnāma viṃśatitamo'dhyāyaḥ ||20

Linked texts (4)