Vaishnavakhanda 143
Vaiṣṇavakhaṇḍa 143
- Language
- Sanskrit
Contents
- 143.36 — 1 part
143.1
naṃdikeśvara uvāca || || tadā brahmā sarasvatyā mahāviṣṇuśca padmayā || śakraḥ pulomasutayā pare dikpālakā api
143.2
gaṃdharvāpsarasāṃ
saṃghā vasavo'pi surā api || tryastriṃśatkoṭigaṇāḥ pare muni gaṇā api
143.3
ekādaśamahārudrā ādityā dvādaśāpi ca || bhairavāśca piśācāśca
vetālā: kaṭapūtanāḥ
143.4
yakṣarakṣoragā bhūtā ye cānye śivakiṃkarāḥ || saṃtoṣabhājaḥ sarve'pi vikaṭākāraveṣṭitāḥ
143.5
pārivārya maheśānaṃ samā
jagmuḥ sahasraśaḥ || tadvīrāśaṃsanaṃ dṛṣṭvā yoginīdānavaiḥ kṛtam
143.6
atīva vismayaṃ bhejuḥ sarve kalpāṃtabhīṣaṇam || kṛtasāṃnidhyamālokya
devamānaṃdayaṃtyumā
143.7
cirarātraprarūḍhāṃ ca tadviyogavyathāṃ jahau || romāṃcitā svinnamukhī vepamānā ghanastanī
143.8
pādāṃgulīṣu nayane vini
veśayati sma sā || vṛṣabhādvaruhyātha gṛhītvaināṃ kare śivaḥ || smitaśārīrakaṃṭhaśrīpraṇayenaivamabravīt
143.9
śiva uvāca || || vyākulīkriyate
devi kimevaṃ kāraṇaṃ vinā
143.10
sarvairārādhanīyeti mayāpi ghaṭitoṃjaliḥ || kiṃ na vetsyāvayoraikyaṃ jyotsnācaṃdrasoriva
143.11
anādisiddhaṃ
deveśi tavedaṃ maugdhyamīdṛśam || kedaṃ śirīṣamṛduṃgi śarīraṃ te girīndraje
143.12
tapaḥ samādhayaśceti ka karkaśajanocitāḥ || nārāyaṇohaṃ lakṣmī
stvaṃ brahmāsmi tvaṃ sarasvatī
143.13
vāruṇī tvaṃ phaṇīṃdrohaṃ rohiṇī tvamahaṃ śaśī || svāhā tvaṃ havyavāho'haṃ sūryo'haṃ tvaṃ suvarcalā
143.14
jāhnavī tvaṃ
samudro'haṃ merurasmi tvamurvarā || pulomajā tvaṃ śakrohaṃ tvaṃ ratiścittabhūraham
143.15
buddhistvaṃ rājarājohaṃ tvaṃ śarmā'haṃ samīraṇaḥ || pāthodhipo'haṃ
vīcistvaṃ prakṛtistvaṃ pumānaham
143.16
vidyā tvaṃ veditavyo'haṃ vāktvamartho'pi pārvatī || īśvaro'haṃ madaṃśāsi tvayaivājñāsvarūpayā
143.17
sṛṣṭi
sthityupasaṃhāravidhānānyaheśvare || na bhedo'tastvayā kāryaḥ pṛthagjanavadāvayoḥ
143.18
citprakāśātmanordevi svecchādhṛtaśarīrayā || vyākulī
kurupe śaśvaddhṛthaiverṣyāyase hi mām
143.19
dṛṣṭāpratikriyā tasya kriyate yādunā mayā || ityuktveśo niṣaṇṇastāṃ pārśvadeśe nyaveśayat
143.20
gaurīṃ svakīya evāṃge gūhamānāmiva hriyā || aṃgadvayaṃ tayoraikyamagātpremṇā ca līnayoḥ
143.21
ardhadvayamivāhvāya saṃnikarṣopalaṃbhataḥ || ardhaṃ
karpūradhavalamardhaṃ siṃdhūrapāṭalam
143.22
tadvicitramabhūdaṃgaṃ śivayorekatāṃ gatam || ardhaṃ kuṃtaladāmārdhahāramadhye tu kuṃcikā
143.23
aṃgādardheṃdu
cūḍasya vapurardhendukalitam || ekanūpuratāṭaṃkaparihāryamanoharam
143.24
ekapiṃgalasadhrīco gātramekastanaṃ babhau || devyai dattvā ca dhāmārthaṃ vāmadevo
jagāda tām
143.25
avakāśo rupo devi mā bhūrataḥ paraṃ tava || stanyārthinaṃ guhaṃ hitvā yātāsi tapase yataḥ
143.26
tadapītastanīnāmnā
nivasātra mamāṃtike || tvāmapītastanīṃ devīṃ śoṇādrīśaṃ ca māmapi
143.27
janāḥ sarve samārādhya ramaṃtāṃ bhogamokṣayoḥ || iyaṃ tvadaṃśajā devī
durgā mahiṣamardinī
143.28
atraiva sannidhattāṃ tu maṃtrasiddhipradā nṛṇām || khaḍgatīrthasiddhaṃ puṇyaṃ sakṛdeva nimajjanāt
143.29
sarvarogaharaṃ puṃsāmastu
sarvācanāśanam || pravālagirināthaśca devo'yaṃ pāpanāśanaḥ
143.30
bhaktiśraddhāvatāṃ nṛṇāṃ bhūyāstāṃ bhūtaye bhṛśam || ayaṃ ca gautamo devi tvadanugrahabhājanam
143.31
taponurūpaṃ bhajatāṃ lokeṣvācaṃdratārakam || imāśca mātaraḥ sapta saptalokaikamātaraḥ
143.32
adyaprabhṛti kurvaṃtu sānnidhyaṃ jagatāṃ śriyai || śāstāro
bhairavāḥ kṣetrapālakā baṭukā api
143.33
aruṇakṣetra evātra nityaṃ kurvaṃtu saṃnidhim || atrāhamaruṇakṣetre nivasāmyaruṇāhvayaḥ
143.34
tvayāpyaru
ṇayā devyā sthātavyaṃ karuṇārdrayā || īpsitāmaruṇādevau sānnidhyaṃ kuruto yataḥ
143.35
tadasminnaruṇakṣetre sulabhāḥ sarvasiddhayaḥ
143.36
idaṃ kṛtaṃ parva
tarājaputryā prasādanaṃ śoṇagirīśvarasya || śṛṇoti yaḥ sa dvipato vidhūya svargāpavargau sulabhāvupeyāt
143.36.p1
iti śrīskānde mahāpurāṇa ekāśī tisāhasryāṃ saṃhitāyāṃ prathame māheśvarakhaṇḍe-ruṇācalamāhātmya uttarārdhe śivakṛtapārvatīpraśaṃsāvarṇanaṃnāmaikaviṃśatitamo'dhyāyaḥ
Linked texts (2)
- Kaumārīkākhaṇḍa — Sanskrit
- Śoṇādrimāhātmya — Sanskrit