Pramāṇa · Search · About · API

Vaishnavakhanda 144

Vaiṣṇavakhaṇḍa 144

Language
Sanskrit

Contents

144.1

oṃ
mārkaṃḍeya uvāca || || svāminnityaśivānanda bhagavannaṃdikeśvara || āhvādito'smi śoṇeśamāhātmyasudhayā tvayā

144.2

kathaṃ vatrāṅgadaḥ pāṃḍyarā
jaḥ śoṇavyatikramam || cakre kathaṃ tadvaktyaiva prātavānsaṃpadaṃ punaḥ

144.3

kathaṃ vidyādharādhīśau kāṃtiśālikalādharau || durvāsaḥśāpanirviṃddhāvitatau
śoṇaśaṃsunā

144.4

naṃdikeśvara uvāca || || dīrghāyuṣyatvasāphalyaṃ laghvavāṃstvaṃ mṛkaṇḍuja || yadiyaṃ stheyasī bhaktirbhavato bhūtanāyake

144.5

vakṣye vatrāṅgadodaṃtaṃ vṛttaṃ vidyābhṛtorapi || yato'bhūnmahito loke śoṇādrīśvaravaibhavaḥ

144.6

āsīdvatrāṅgadonāma purā pāṃḍaceṣu pārthivaḥ || āste
yasya bhujastambhe vasudhā sālabhaṃjikā

144.7

dhārmiko nyāyavijñātā gaṃbhīro dakṣiṇaṃ kṣamaḥ || śāṃto vinayavāndhīmānekadāravrataḥ kṛtī

144.8

śivapūjārcanarataḥ śrīmāñchīlavatāṃ varaḥ || pṛthvīmāsetukedārācchaśāsa jitaśātravaḥ

144.9

kadācinmṛgayāvyājātsa caransuturaṃgamaḥ
aruṇācalaparyaṃtaṃ kāṃtāraṃ samagāhata

144.10

sa tatra bahalāmodaṃ kaṃcitkastūrikāmṛgam || dṛṣṭvā tamanvakturagaṃ prāvartayata kautukāt

144.11

sa mṛgo'nudrutastena abhitaḥ śoṇaparvatam || prādakṣiṇyātparīyāya papāta ca manojavaḥ

144.12

tataḥ sa bhaśsāropi rājā jātaśra
maśvaran || papāta vāhādvicchāyaḥ kṣīṇapuṇya iva cyutaḥ

144.13

ajñātakāraṇenaivaṃ mātaṃgeneva pīḍitaḥ || nājñāsītkṣaṇamātmānaṃ rājā
gṛhagṛhītavat

144.14

acintayacca koyaṃ me nihaṃtuḥ sattvaviplavaḥ || ka gataḥ sa hyakasmānme upavāhyasturaṃgamaḥ

144.15

iti cintākule tasminnasta
jñāneṣyapaṭīyasi || taḍittaṭajaṭāleva sahasā ghoradaśyata

144.16

nirīkṣamāṇa evāsminnihatvā tiryakkalevaram || tūrṇaṃ turaṃgasāraṃgau khecaratvamupāga
tau

144.17

kirīṭinau kuṇḍalinau hārakeyūradhāriṇau || kṣaumāṃtarīyottarīyau sragviṇau ca virejatuḥ

144.18

avocatāṃ ca nṛpatimāścaryākṛṣṭamā
nasam || haraṃtāviva dantāṃśujālaistasyārttijaṃ tamaḥ

144.19

rājannalaṃ viṣādena śoṇādrīśaprabhāvataḥ || etāṃ jānīhi saṃjātāṃ navāṃ nau ceddaśīṃ
daśām

144.20

tadevāca tayoḥ kiṃcidāśvasta iva pārthivaḥ || kṛtāṃjalirabhāṣiṣṭa tāvubhau vinayānvitaḥ

144.21

ko yuvāṃ nirmito yābhyāmabhiṣaṃgo
mamehaśaḥ || bhadrau bheṇatamāttartrāṇaṃ hi mahatāṃ guṇaḥ

144.22

iti tena kṛte praśne tamuvāca kalādharaḥ || rājānaṃ janitāścaryaṃ nirdiṣṭaḥ kāṃtiśā
linā

144.23

avehi rājannāvāṃ hi purā vidyādhareśvarau || parasparātisauhārdoṃ vasaṃtamadanāviva

144.24

ekadā tu suvarṇādreḥ pārśve durvāsaso muneḥ
tapovanamagacchāva manaso'pi durāsadam

144.25

krośeddhāṃ tapasastasya śivārādhanasādhanīm || puṣpojvalāmapaśyāva puṇyāmārāmavāṭikām

144.26

vinītāvapyasaṃjātau tattvocitasudhīgaṇau || prāviśāva tadudyānaṃ prasūnāvacayotsukau

144.27

sthalasya tasya sauhārdātkāṃtiśālyatigarvitaḥ
saṃcacāra muhuḥ pādanyāsairāvahrayanmahīm

144.28

ahaṃ tu tatra puṣpāṇāṃ gaṃdhātiśayamohitaḥ || vikasvareṣu puṣpeṣu nyastahasto durāśayaḥ

144.29

tataḥ śāṃḍilyamūlastho vyāghracarmāsane sthitaḥ || durvāsasatapasāṃ rāśirjvalanniva hutāśanaḥ

144.30

amarṣotkarṣanīraṃdhraspaṃdamānādharacchadaḥ || karāla
bhrūkuṭībaṃdhasārālitaviśālabhrūḥ

144.31

saroṣo'bhūttejasāḍhyo dharmadaṃturavigrahaḥ || dahanniva daśā paśyannabhatsayata nau muniḥ

144.32

āḥ pāpau
pracyutācārau kau yuvāmatigarvitau || jvalataḥ kopavahneḥ śalabhatvamupāgatau

144.33

tapovanamidaṃ matkaṃ pāvanaṃ bhūtabhāvanam || pādena spṛśataḥ kāpi
sūryācaṃdramasāvapi

144.34

puravairisaparyāyāḥ paryāyakamidaṃ vanam || na spaṃdate'tra vātopi na lipyaṃte'tra ṣaṭpadāḥ

144.35

tadetatpādasaṃcārairdūṣayantreṣa
pātakī || hayo bhavatu bhūloke paravāhyatvapīḍitaḥ

144.36

aparopyayamatyugre patatvacalakaṃdare || prasūnagaṃdhalobhādyo gaṃdhasāraṃgatāṃ gataḥ

144.37

iti tenograroṣeṇa śāpavantre nipātite || tatkṣaṇādvigaladvarvāvāvāṃ taṃ śaraṇaṃ gatau

144.38

abhidhāya ca taṃ devamāhitāṃghiparigrahaiḥ
amogha eṣa tvacchāpastadasyāṃto nivedyatām

144.39

athātidīnamanasāvāvāmālokya pārthiva || sānugraho'bhūnmunirāṭ kāruṇyādatiśītalaḥ

144.40

abhāṣata ca maivaṃ bho bhavatoḥ kāpi durdhiyoḥ || śāpasya bhavitā śāṃtiraruṇādreḥ pradakṣiṇāt

144.41

purā khalu purārātiradhyatiṣṭhacchubhāṃ
sabhām || paryupāsyata dikpālairiṃdropeṃdrayamādibhiḥ

144.42

tadā ca devadevāya naṃdanāraṇyadevatā || upāyanīkṛtavatī phalaṃ kimapi pāṭalam

144.43

bālyātkutūhalākrāntau gajānanaṣaḍānanau || pitaraṃ tadayācetāṃ lobhanīyataraṃ phalam

144.44

atha tāvadadevastanayau phalatārpitau
gopayitvā phalaṃ pāṇisaṃpuṭena kumārakau

144.45

imāṃ samastāṃ pṛthivīṃ lokālokena veṣṭitām || yo vāṃ pradakṣiṇīkartumīṣṭe tasmai dadāmyaham

144.46

ityukte pārvatīśena smayamānamukheṃdunā || skaṃdaḥ pradakṣiṇīkartuṃ medinīmupacakrame

144.47

laṃbodarastu devasya śoṇaśailākṛteḥ pituḥ
pradakṣiṇaṃ tataḥ kṛtvā purastādeva tatkṣaṇāt

144.48

taddṛṣṭvā tasya cāturyaṃ heraṃbāya triyaṃbakaḥ || phalaṃ vitīrṇavānasmai praṇayāñjātamastakaḥ

144.49

adyaprabhṛti sarveṣāṃ phalānāmadhināyakaḥ || bhavetyasmai varaṃ dattvā hyekadaṃtāya śaṃkaraḥ

144.50

babhāṣe ca sabhāstārānsarvānapi surāsurān
prasaraddaśanajyotsnākarburīkṛtamaṃdiraḥ

144.51

sthāvaroyaṃ mamākāraḥ śoṇādriyo'sya bhaktitaḥ || pradakṣiṇāṃ vitanute sa me sārūpyabhāgbhavet

144.52

gireḥ pradakṣiṇenāsya yasya dhattaḥ pade rujam || sa samrāṭ sakalotkṛṣṭaṃ labhate śāśvataṃ padam

144.53

iti śāsanataḥ śaṃbhoḥ śoṇaśailapradakṣiṇam
vidhāya sarvagīrvāṇā lebhire svaṃ svamīpsitam

144.54

yuvāmapi madodbhūtamālinyau śikṣitau mayā || pradakṣiṇena śoṇādreḥ śāpāṃto vāṃ bhaviṣyati

144.55

tiraścorapi vāṃ sidhyedaruṇādreḥ pradakṣiṇā || vajrāṃgadasya pāṃḍyasya nṛpateranubaṃdhataḥ

144.56

ityamarṣaṇamaharṣimahāggheḥ śāpahālahala
śoṣitagātrau || pātitau bahulapātakabhārātkṣipramaśvamṛgajātiṣu jātau

144.56.p1

iti śrīskānde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe aruṇācalapradakṣiṇāmāhātmye vajrāṃgada vṛttāṃtavarṇanaṃ nāma dvāviṃśatitamo'dhyāyaḥ

Linked texts (4)