Vaishnavakhanda 145
Vaiṣṇavakhaṇḍa 145
- Language
- Sanskrit
Contents
- 145.15 — 1 part
145.1
oṃ || || kalādhara uvāca || || kāṃbojeṣu hayo bhūtvā kāṃtiśālī suhanmama || ayāsīddopavāhyatvaṃ bhavato rājapuṃgava
145.2
ahaṃ ca
gaṃdhamṛgatāṃ gataḥ svāṃgaprasūtinā || sugaṃdhinā madenāsya saṃcāraṃ cācaraṃ gireḥ
145.3
dharmātmanmṛgayāvyājādāgatena tvayādhunā || āvāṃ śoṇādri
nāthasya prāpitau hi pradakṣiṇām
145.4
vāhārohaṇadoṣeṇa tavāsīdīdṛśī daśā || pādapracārapuṇyena prāptaṃ nau prāktanaṃ padam
145.5
rājeṃdra tava
saṃbaṃdhādasmāttiryaktvabaṃdhanāt || muktāvāvāṃ svakaṃ dhāma prāpnau svastyastu te sadā
145.6
ityudīrya nijaṃ dhāma yiyāsaṃtaṃ kalādharam || kāṃtiśālinaṃ ca rājā jagād racitāñjaliḥ
145.7
evaṃ yuvāṃ śoṇaśailaśaṃkarasya prabhāvataḥ || śāpārṇavaṃ samuttīrṇau kathaṃ me punarucchrayaḥ
145.8
āmyatīva mama svāṃ tamādhāya tadvekṣaṇam || niyāṃtīva mama prāṇāstatra daivaṃ balottaram
145.9
kalādharakāṃtiśālināvūcatuḥ || avadhāraya nistāraṃ kathayāva tavāspadam || samāhitena manasā nirdhūtanikhilādhinā
145.10
jagatsargasthitidhvaṃsavidhānānugraheśvare || aruṇādrīśvare cittaṃ nidhehi karuṇānidhau
145.11
pratyakṣitaṃ tvayedānīmasya devasya vaibhavam || tiraścorāvayoretadīhaśatvaṃ vitanvataḥ
145.12
kuru pradakṣiṇāṃ pādacārī mṛgamadāddataiḥ || kalhāraiḥ pūjayeśānaṃ devaṃ mṛgamadapriyam
145.13
yāvatī tava saṃpattistāvatīmakhilāṃ vibho || prākāragopurāgāranavīkārāya kalpaya
145.14
acirādeva siddhiste bhaviṣyati garīyasī || manumāṃdhātṛnābhāgarathavadāṃdhikā
145.15
naṃdikeśvara uvāca || || itthaṃ niśamya ca tayornijameva dhāma vidyābhṛtoḥ sapadi saṃśrutayornarendraḥ || niḥsaṃśayena manasā niratastadānīṃ bhaktiṃ babaṃdha bhagavatyaruṇādrināthe
145.15.p1
iti śrīskāṃde mahāpurāṇa ekāśī tisāhasryāṃ saṃhitāyāṃ prathame māheśvarakhaṇḍe'ruṇācalamāhātmya uttarārdhe kalādharakāṃtiśālivṛttāṃtavarṇanaṃnāma trayoviṃśatitamo'dhyāyaḥ
Linked texts (4)
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Śoṇādrimāhātmya — Sanskrit