Vaishnavakhanda 146
Vaiṣṇavakhaṇḍa 146
- Language
- Sanskrit
Contents
- 146.53 — 1 part
146.1
cha
mārkaṃḍeya uvāca || || bhagavanbhavamāhātmyaratnākarasudhākaram || naṃdīśa citraṃ cāritraṃ śrutaṃ vidyābhṛtordvayoḥ
146.2
kadā vajrāṃgadaḥ siddhaḥ kathaṃ devaprapūjayat || kathaṃ cānvagrahītprahvaṃ devastamaruṇeśvaraḥ
146.3
naṃdikeśvara uvāca || nivarttanecchāṃ hitvātha nṛpo nijapuraṃ prati || tasyaiva pādaparya tesvasya vāsamarocayat
146.4
athāsya mahatī senā vāhamārgānusāriṇī || prāptā śatāṃgamātaṃgaturaṃgabhaṭasaṃkulā
146.5
samadṛśyata bhūpā lastādśo dhairyasāgaraḥ || purodhomaṃtrisāmaṃtasenāpatisuhṛttamaiḥ
146.6
tatastāmāgatāṃ senāmavanīpatirāhataḥ || aruṇādreśca sīmāyā bahireva nyaveśayat
146.7
svakīyamakhilaṃ kośaṃ deśānapi mahāphalān || śoṇādrināthapūjārthaṃ kalpayāmāsa bhaktimān
146.8
gautamasyāśramābhyāśe svayaṃ kṛtatapovanaḥ || puroyoktaḥ sasacivaḥ śivārcanarato'bhavat
146.9
ratnāṃgadākhyaṃ tanayaṃ sthāpayitvā nije pade || tatpreṣitairaparyāptaiḥ śoṇeśaṃ parya tarpayat
146.10
paritaḥ śoṇaśailasya paripūrṇajalāśayān || agrahārānbahuphalānbrāhmaṇebhyo'tisṛṣṭavān
146.11
tejasāruṇanāthasya jvalanastaṃbha rūpiṇaḥ || dhanvabhrāye'pi deśe'smindīrghikāḥ śataśo vyadhāt
146.12
sauṃdaryaśālinīrātmaparivāravarāṃganāḥ || sevārthaṃ śoṇanāthasya dattavāndīrgha
darśanaḥ
146.13
athāgatenāgastyena lopāmudrāsakhena saḥ || abhyanandata śoṇādrināthapūjāparāyaṇaḥ
146.14
pratyahaṃ navatīrthākhye sarasi snāna
mācaran || pāpanāśapravāleśau prayataḥ paryapūjayat
146.15
mahiṣāsurasaṃhārakāriṇīṃ mānaveśvaraḥ || nityamārādhayāmāsa durgāṃ durgārtihāriṇīm
146.16
pratikṣaṇaṃ brahmaviṣṇupūjyasya liṃgarūpiṇaḥ || ādidevasya vividhāḥ saparyāḥ paryakalpayat
146.17
pratyuṣasyutthitaḥ snātaḥ pādābhyāmeva
pārthivaḥ || japanpaṃcākṣarīmaṃtramakārṣītriḥ pradakṣiṇām
146.18
paurṇamāsyāṃ sa kārttikyāṃ pārvatīvallabhapriyam || mahādīpotsavaṃ cake mahitaṃ bhuvana
traye
146.19
sugaṃdhasārakarpūrajalapūritaiḥ || sahasraiḥ svarṇakuṃbhānāmabhyarṣiṃcatriyaṃtrakam
146.20
pratimāsadhvajārohapūrvaṃ tīrthotsavādikam
trailokyābhyarhitaṃ cake rathārohaṃ mahotsavam
146.21
aṃgaṃ pradakṣiṇaṃ cāsya vidadhe viśadāśayaḥ || yojanatritayāyāmavyāpinaḥ śoṇabhūbhṛtaḥ
146.22
aruṇācalanātheti karuṇāmṛtasāgaraḥ || aruṇāṃbāsanātheti tuṣṭāva ca muhurmuhuḥ
146.23
saṃlipya vividhairdravyairnityaṃ paṃcāmṛtādibhiḥ || ācarca
yadgaṃdhasārapaṃkaiḥ karpūrapāṃḍuraiḥ
146.24
apūjayata kalhāraiḥ sravanmṛgamadadravaiḥ || prātarārabhya śoṇādrināyakaṃ gaṇarūpiṇam
146.25
iti varṣatrayaṃ
tasya vaśino vārivasyayā || aruṇādrīśvarastuṣṭaḥ pratyakṣatvamagāhata
146.26
nīhārācalasaṃkāśamārūḍho vṛṣapuṃgavam || anvagāsīnayā devyā
kṛtagāḍhopagūhanaḥ
146.27
brahmarṣibhirvasiṣṭhādyairnāradādyairmaharṣibhiḥ || gaṇairnikuṃbhakuṃbhādyaiḥ kriyamāṇajayastutiḥ
146.28
karuṇārdrasiṃdhukacholaiḥ kamalāvāsaveśmabhiḥ || kaṭākṣapātairjagatāṃ kāluṣyamiva vārayan
146.29
dṛṣṭvā ca devadevaṃ tamaṅgaṃ nyasya bhūtale || praṇanāma paraṃ hṛṣṭo vajrāṅgadamahīpatiḥ
146.30
vyajñāpayacca bhūpālo maulīkṛtaśatāṃjaliḥ || kṣālayaṃściva daṃtāṃśujālaistatpādapaṃkaje
146.31
vajrāṅgada uvāca || deveśa yadhaṃ mohādbahupātakasaṃcayam || acāriṣaṃ sa eko'yaṃ kṣamyatāṃ me vyatikramaḥ
146.32
itivādinamatyaṃtaṃ dīnameva dayānidhiḥ || jagāda jagatīnātho devaḥ śoṇācaleśvaraḥ
146.33
śrīmaheśvara uvāca || mā bhaiṣīrvatsa bhadraṃ te satyadyau mama mūrttayaḥ || tāḥ sarvāḥ sarvajaṃtūnāmatyarthaṃ parikalpitāḥ
146.34
purā puraṃdarastvaṃ hi kailāsaśikhare sthitam || garvito māmavāmaṃsthāḥ staṃbhitaśca tadā mayā
146.35
kṣaṇaṃ galitagarvastvaṃ staṃbhanādvīḍitastadā || ayāciṣṭhāḥ śivajñānamakhilaiśvaryakāraṇam
146.36
ādiṣṭastvaṃ mayā vajrinvavatīryāvaniṃ bhavān || rājā vajrāṃgado bhūtvā lapsyase matkṛpāmiti
146.37
jātaṃ tataḥ prabhāveṇa kṣetrametanmadāspadam || śikṣitotīva mugdhastvaṃ bhaktosi ca
paraṃ mayi
146.38
adhunātisaparyābhistvatkṛtābhiraharniśam || parituṣṭosmyahaṃ rājannatastvāṃ bodhayāmyaham
146.39
khaṃ vāyuranalo vāri bhūḥ sūrya śaśinau pumān || iti manmūrttibhirviśvaṃ bhāsate sacarācaram
146.40
kālo hi kālayāmyarthānsattvānadhvana eva ca || tattvātītaḥ śivaścāhaṃ na mattostīha kiṃcana
146.41
aparyaṃtacidānaṃdasiṃdhorme kecidūrmayaḥ || vedhomukundarudreṃdramukhānādyuritvarāḥ
146.42
vāṇīlakṣmīkṣamāśraddhāprajñā svāhāsvadhādayaḥ || asaṃkhyeyamahāśaktirmama visṛṣṭiśaktayaḥ
146.43
iyaṃ mama mahāśaktirgaurī māyā jagatprasūḥ || anayācchādyate viśvaṃ śaśvaddhi stāryate'pi ca
146.44
śaktyānayānvitaḥ sargarakṣāsaṃhṛtivibhramaḥ || vicitrametatpaśyāmi jagaccitraṃ nijecchayā
146.45
apavāhitamohastvaṃ mahimnā me vicāraya || ātmānamavibhinnaṃ me taraṃgamiva vāridheḥ
146.46
tato madrūpaśālinyā ādhipatyaṃ kṣitergataḥ || matprasādena rājeṃdra bhuṃkṣva bhogānyathā sukham
146.47
punaḥ puraṃdaratvena bhuktadivyasukhaściram || madekarūpatāṃ rājanniścayāttvamavāpsyasi
146.48
naṃdikeśvara uvāca || || ityuktvāṃ tahite deve rājā vatrāṃgadaḥ kṛtī || śoṇeśaṃ pūjayanneva sarvānbhogānavāptavān
146.49
itthaṃ te kathitaṃ sādho śivabhaktavijṛṃbhaṇam || pradakṣiṇāphalaṃ caiva śoṇaśailasya śāśvatam
146.50
kiṃ vācāṃ vistareṇātra śoṇaśailapradakṣiṇā || mahatāmaśvamedhānāṃ śatādapi viśiṣyate
146.51
viṣuvāyanasaṃkrāṃti vyatīpātādiparvasu || pradakṣiṇācchoṇagirerasaṃkhyeyaṃ phalaṃ labhet
146.52
na kṣetramaruṇādasti nāsti devo'ruṇeśvarāt || nāpi pradakṣiṇādanyaddhi yate'bhyadhikaṃ tapaḥ
146.53
iti kathayati naṃdikeśvare'sminpulakitasarvāvapurbhūkaṇḍuputraḥ || muhuradhigataharṣabāṣpavṛṣṭirmahati nimagna ivābhavatsudhāndhau
146.53.p1
iti śrīskānde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe'ruṇācalamāhātmye uttarārdhe vatrāṃgadasadgativarṇanaṃnāma caturviṃśatitamo'dhyāyaḥ
Linked texts (4)
- Māheśvarakhaṇḍa — Sanskrit
- Kaumārīkākhaṇḍa — Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit
- Śoṇādrimāhātmya — Sanskrit