Vaishnavakhanda 148
Vaiṣṇavakhaṇḍa 148
- Language
- Sanskrit
Contents
- 148.27 — 1 part
148.1
atha śrīvarāhamaṃtrārādhanavidhiḥ || || śrīsūta uvāca || || śṛṇudhvaṃ munayaḥ sarve kathāṃ puṇyāṃ purātanīm || vaivasvateṃ'tare pūrvaṃ kṛte puṇyatame yuge
148.2
nārāyaṇādrau deveśaṃ nivasantaṃ kṣamāpatim || varāharūpiṇaṃ devaṃ dharaṇī sakhibhirvṛtā
148.3
praṇamya paripapraccha raktapadmāyatekṣaṇam
148.4
dharaṇyuvāca || || ārādhyaḥ kena maṃtreṇa bhavānprīto bhaviṣyati || taṃ me vada tvaṃ deveśa yaḥ priyo bhavataḥ sadā
148.5
japatāṃ sarvasaṃpattikārakaṃ putrapautradam || sārvabhaumatvadaṃ caiva kāmināṃ kāmadaṃ sadā
148.6
ante yastvatpadaprāptiṃ dadāti niyamātmanām || evaṃbhūtaṃ vada prītyā mayi vārāha mānada
148.7
śrīsūta uvāca || || iti pṛṣṭha
stayā bhūmyā prāha prītismitānanaḥ
148.8
śrīvarāha uvāca || || śṛṇu devi paraṃ guhyaṃ sadyaḥ saṃpattikārakam || bhūmidaṃ putradaṃ gopyamaprakāśyaṃ
kadācana
148.9
kiṃ ca śuśrūṣave vācyaṃ bhaktāya niyatātmane
148.10
oṃ namaḥ śrīvarāhāya dharaṇyuddharaṇāya ca || vahnijāyāsamāyuktaḥ sadā
japyo mumukṣubhiḥ
148.11
ayaṃ mantro dharādevi sarvasiddhipradāyakaḥ || ṛṣiḥ saṃkarṣaṇaḥ prokto devatā tvahameva hi
148.12
chandaḥ paṃktiḥ
samākhyātā śrībījaṃ samudāhṛtam || caturlakṣaṃ japenmaṃtraṃ sadgurorlabdhatanmanuḥ
148.13
juhuyātpāyasānnaṃ vai kṣaudrasarpiḥsamanvitam || atha
dhyānaṃ pravakṣyāmi manaḥśuddhipradāyakam
148.14
śuddhisphaṭikaśailābhaṃ raktapadmadalekṣaṇam || varāhavadanaṃ saumyaṃ caturbāhuṃ kirīṭinam
148.15
śrīvatsavakṣasaṃ cakraśaṃkhābhayakarāṃbujam || vāmorusthitayā yuktaṃ tvayā māṃ sāgarāṃbare
148.16
raktapītāṃbaradharaṃ raktābharaṇabhūṣitam || śrī
kūrmapṛṣṭhamadhyasthaśeṣamūrtyaṃjasaṃsthitam
148.17
evaṃ dhyātvā japenmaṃtraṃ sadā cāṣṭottaraṃ śatam || sarvānkāmānavāpnoti mokṣaṃ cānte
vrajeddhruvam
148.18
proktaṃ mayā te dharaṇi yatpṛṣṭo'haṃ tvayā'male || ataḥ kiṃ te vyavasitaṃ brūhi tadbhimalānane
148.19
atha śrīvarāhamaṃtreṇa dharmādīnāṃ svābhīṣṭasiddhivarṇanam || || śrīsūta uvāca || || etacchrutvā tato bhūmiḥ papraccha punareva tam || kenaivā
duṣṭitaṃ deva purā prāptaṃ phalaṃ ca kim
148.20
iti pṛṣṭaḥ punardevaḥ śrīvarāho'bravīdidam || purā kṛtayuge devi dharmonāma manurmahān
148.21
brahmaṇo
kramuṃ manuṃ labdhvā jadhvāsmindharaṇīdhare || māṃ ca dṛṣṭvā varaṃ labdhvā prāto'bhūnmāmakaṃ padam
148.22
iṃdro durvāsasaḥ śāpātpurā·aṣṭaściviṣṭapāt
aneneṣṭvātra māṃ devi punaḥ prāptaściviṣṭapam
148.23
anye'pi munayo bhūme jadhvā prāptāḥ parāṃ gatim || anaṃtaḥ pannagādhīśo hyamuṃ labdhvātha kaśyapa
pāt
148.24
śvetadvīpe japitvaiva babhūva dharaṇīdharaḥ || tasmājjapyaḥ sadā ceha manuṣyaiśca dharārthibhiḥ
148.25
śrīsūta uvāca || || etacchu
tvātha suprītā punaḥ prāha dharādharam
148.26
dharaṇyuvāca || || veṃkaṭākhye mahāśaile śrīnivāso jagatpatiḥ || kadā hyāyāti deveśaḥ śrībhūmi
sahito'malaḥ
148.27
kathaṃ kalpāntarasthāyī bhaviṣyati janārdanaḥ || etadvahi varāhātmanmahatkautūhalaṃ mama
148.27.p1
iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye dharaṇīvarāhasaṃvāde śrīvarāhamaṃtrārādhanavidhyādivarṇanaṃnāma dvitīyo 'dhyāyaḥ