Vaishnavakhanda 149
Vaiṣṇavakhaṇḍa 149
- Language
- Sanskrit
Contents
- 149.38 — 1 part
149.1
cha || || atha agastyaprārthanayā bhagavataḥ sarvajanaddaggocaratvavarṇanam || || śrīvarāha uvāca || || hanta te kathayiṣyāmi
durāvṛttaṃ varānane || śṛṇu puṇyaṃ mahādevi sabhaviṣyaṃ sahottaram
149.2
vaivasvate'ntare devi pūrve kṛtayuge'ntare || vāyostapo mahahdvā śrībhūmisahito 'naghe || āgacchacchrīnivāsaśca svāmipuṣkariṇītaṭe
149.3
dakṣiṇe'sminpuṇyatama ānandākhyavimānake || vasiṣyati ca śrīkāṃto vāyoḥ priya karo hariḥ
149.4
tadārabhya hṛṣīkeśaḥ senānyārādhito'niśam || ākalpāṃtamadṛśyo'sminvimāne'sau vasiṣyati
149.5
dharaṇyuvāca || || adṛśyo bhagavānmartyaiḥ kathaṃ dṛśyo bhaviṣyati
149.6
śrīnivāso'pi deveśo bhavaddakṣiṇapārśvagaḥ || etaddda surādhīśa janairārādhyate katham
149.7
śrīvarāha uvāca || || agastyo'sminsamāsādya dṛṣṭvā devaṃ sanātanam || ārādhya dvādaśābdaṃ taṃ prīṇayitvā punaḥpunaḥ
149.8
yayāce tatra sānnidhyaṃ bhavāndṛśyo bhavitviti || evamukto hṛṣīkeśaḥ śrībhūmisahito dhare
149.9
śrībhagavānuvāca || || ahaṃ dṛśyo bhaviṣyāmi tvatkṛte sarvadehinām || etadvimānaṃ devarṣe na dṛśyaṃ syātkadācana
149.10
ākalpāntaṃ munīndrāsmindṛśyo'haṃ nātraḥ saṃśayaḥ || munistadvacanaṃ śrutvā prītaḥ prāyātsvamāśramam
149.11
tataścaturbhujo devaḥ sa dṛśyo'bhūnnarādibhiḥ || vimāne municintye'sminnāsitā ca tathottaram
149.12
ārādhyamānaḥ skaṃdena vāyunā sevitaḥ sadā || evaṃ gate mahākāle caturyugasamanvite
149.13
atha mitravarmaṇa || ākāśarājākhyasutotpattivarṇanam || aṣṭāviṃśe tu saṃjāte dvāparānte vasundhare || yuddhe ca bhārate'tīte tiṣye sati yuge tathā
149.14
vikramārkādayo bhūpāḥ śakāḥ śūdrādayastathā || gamiṣyaṃti svargalokaṃ māmajñātvā varānane
149.15
tataḥ somakulodbhūto mitravarmā mahārathaḥ || tuṇḍīramaṇḍale rājā nārāyaṇapure vasan
149.16
bhaviṣyati varārohe mahābhāgyodayo mahān || tasmiñchāsati bhūlokaṃ dharmeṇa pṛthivīpatau
149.17
akṛṣṭapacyā pṛthivī sarvasasyavibhūṣaṇā || nirītiko'bhavatsarvo jano dharmasamanvitaḥ
149.18
tasya patnī samabhavatpāṃḍayakanyā manoramā || tasya jajñe kulottaṃso viyannāmā suto'sya vai
149.19
tasya patnī tu dharaṇī nāmnāsīcchakravaṃśajā || tasminrājyaṃ vinikṣipya mitravarmā nṛpottamaḥ
149.20
yayo tapovanaṃ puṇyaṃ veṃkaṭādreḥ samīpataḥ
149.21
atha dharaṇītalātpadmāvatyutpattikramaḥ || || ākāśanāmā tu mahārājābhūtsārvabhaumakaḥ || ekadāravrato rājā dharaṇīsaktacetanaḥ
149.22
yajñārthaṃ śodhayāmāsa bhuvamāraṇitīrataḥ || kāṃcanena halenaiva kṛṣyamāṇe dharātale
149.23
bījamuṣṭiṃ vikiratā dṛṣṭā kanyā dharodgatā || padmaśayyāgatā ramyā sarvalakṣaṇalakṣitā
149.24
tattajāṃḍūnadamayī
putrikeva virājatī || tāṃ dṛṣṭvā sa mahīpālo vismayotphullalocanaḥ
149.25
ādāya tanayā ceyaṃ mamaiveti punaḥpunaḥ || jaharṣa mantribhiścainaṃ
prāha vāgaśarīriṇī
149.26
satyaṃ tavaivaṃ tanayā vardhayasva sulocanām || tataḥ prītamanā rājā svapuraṃ praviveśa ha
149.27
āhūya dharaṇīṃ
devīmidamāha mahīpatiḥ || devadattāmimāṃ paśya bhūtalādutthitāṃ mama
149.28
āvābhyāṃ tadaputrābhyāṃ putrīyaṃ bhavitā dhruvam || ityuktvā pradadau
devyā haste prītyā viyannṛpaḥ
149.29
atha ākāśarājasya dharaṇyākhyapatnyāṃ vasudānākhyasutotpattiḥ || || tasyāṃ gṛhaṃ praviṣṭāyāṃ
dharaṇī garbhamādadhau || viyannṛpaśca suprīto vīkṣya snigdhavilocanām
149.30
uvāca phalitā subhrūrlatā sāntānikī ca me
149.31
atha sā
dharaṇī devī kāle kamalalocanā || supraśaste muhūrte ca svoccasaṃstheṣu pañcasu || graheṣu suṣuve putraṃ meṣasthe ca divākare
149.32
devadundubhayo neduḥ
puṣpavṛṣṭirgṛhe'patat || vavau vāyuḥ sukhasparśastajjanmadivase tadā
149.33
putrasūtipravaktṛṇāṃ suprītaḥ putrajanmani || sarvasvadānamakarocchatracāmara
varjitam
149.34
kapilākoṭidānaṃ ca vṛṣabhāṇāṃ śatādhikam || divase dvādaśe puṇye jātakarmādikāḥ kriyāḥ || cakāra nāmadheyaṃ ca vasudāna
iti svayam
149.35
śrīvarāha uvāca || || ākāśatanayo devi vasudāno manoramaḥ || vavṛdhe divasairbālaḥ śuklapakṣa ivoḍurāṭ
149.36
upanīto vinīto'sau gurubhirbrahmapāragaiḥ || piturastrāṇi śastrāṇi mantravatso'pyaśikṣata
149.37
catuṣpādaṃ dhanurvedaṃ sāṃgopāṃgamadhītavān || pitā
tenātibalinā durādharṣaḥ parerabhūt
149.38
ākāśa iva niṣpaṃko grīṣme bhānumatā yutaḥ || vaiśākha iva madhyāhne duḥsaho durnirīkṣakaḥ
149.38.p1
iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye dharaṇīvarāhasaṃvāde'gastyaprārthanayābhagavataḥ sarvajanadṛggocaratvādivarṇanaṃnāma tṛtīyo'dhyāyaḥ