Vaishnavakhanda 150
Vaiṣṇavakhaṇḍa 150
- Language
- Sanskrit
Contents
- 150.54 — 1 part
150.1
cha || || atha udyānavāsinyāḥ padmāvatyāḥ samīpe nāradāgamanam || || dharaṇyuvāca || || uktaṃ bhagavatā tasya viyatputrasya nāma ca || ayonijāyāstatputryāḥ kiṃ nāma ca tadā'karot
150.2
śrīsūta uvāca || || iti pṛṣṭaḥ punaḥ
prāha śrīvarāho jagatpatiḥ
150.3
śrīvarāha uvāca || || ākāśarājo matimāṃstāṃ dṛṣṭvā kamaleśayām
150.4
padminīti ca nāmnā
vai cakāra vasudhāsutām || tāṃ tu yauvanasampannāṃ sakhībhiḥ parivāritām
150.5
ārāme viharaṃtīṃ ca śukakokilanādite || yadṛcchayā''gatastatra
nārado munisattamaḥ
150.6
vanalakṣmīmivālokya vismayādidamabravīt
150.7
nārada uvāca || || kāsi kasya sutā bhīru hastaṃ darśaya
me tava || ityuktā sā sucārvaṃgī svātmānaṃ munaye'bravīt
150.8
viyadrājasutā brahmam̐llakṣaṇāni vadasva me || ityuktaḥ sa tadā prāha nārado munisattamaḥ
150.9
atha nāradodīritapadmāvatīśarīralakṣaṇāni || || nārada uvāca || śṛṇu tvaṃ cāruvadane lakṣaṇāni vadāmi te || pādau pratiṣṭhitau
subhru raktapadmadalānvitau
150.10
pādāṃgulyaḥ samā raktā raktatuṃganakhānvitāḥ || gulphau gūḍhau samāvetau jaṃghe cāromaśe śubhe
150.11
jānunī
samasuśliṣṭe samāvūrū kramādurū || nitaṃbau pṛthulau pīnau jaghanaṃ ciṃtyameva hi
150.12
nābhimaṃḍalavāmniḥ pārśvau te medurāvubhau || trivalīlakṣitaṃ
madhyaṃ romarājivirājitam
150.13
stanau pīnau ghanau snigdhāvunnatau magnacucukau || karau te raktapadmābhau padmarekhāsamanvitau || susūkṣmau raktasatparva
nirantarasamāṃgulī
150.14
śukatuṃḍasamākāranakhapaṃktivirājitau || dīrghau ca komalau bhadre bhujau te puṣpadaṃḍavat
150.15
pṛṣṭhaṃ te vedivadbhāti
vilagnamṛja madhyamam || kaṃṭhastu rakto dīrghaśca skandhau cāvanatau śubhe
150.16
mukhaṃ prasannaṃ satatamakalaṃkaśaśiprabham || kapolau kanakādarśasadṛśau
kuṃḍalojjvalau
150.17
tilapuṣpasamākārā nāsikā te śubhānane || akalaṃkāṣṭamīcaṃdrasadṛśo'timanoharaḥ
150.18
dṛśyate'yaṃ lalāṭaste nīlā
lakasuśobhitaḥ || mūrdhā te samavṛttaśca snigdhāyatakacānvitaḥ
150.19
smitasaṃśobhidaśanaṃ biṃbādharasamanvitam || mukhaṃ te viṣṇuyogyaṃ syāditi me
niścitā matiḥ
150.20
nābhiste dakṣiṇāvartaṃ āvartaṃ iva gāṃgajaḥ || tvaṃ hi kṣīrābdhisambhūtā lakṣmīriva hi dṛśyase
150.21
śrīvarāha uvāca
ityuktā pūjitastābhirnārado'ntardadhe tadā || etacchrutvātha tatsakhyastāmūcuḥ padminīṃ sakhīm
150.22
atha padmāvatyāḥ svasakhībhiḥ sākaṃ puṣpāṭavī
gamanam || || vanaṃ gacchāma puṣpārthaṃ vasantaḥ samupāgataḥ || kārṇikārāśca cūtāśca caṃpakāḥ pāribhadrakāḥ
150.23
palāśāḥ pāṭalāḥ kundā raktāśokāśca
puṣpitāḥ || padminyaḥ sindhuvārāśca mālatyo yūthikālatāḥ
150.24
kaddārakaravīrāśca saṃgharṣādiva puṣpitāḥ || puṣpāvacayanaṃ kurmo vane'sminsumanohare
150.25
ityuktā tā vanaṃ jagmurākāśatanayāyutāḥ || puṣpāṇyāharamāṇāstu vicarantyastatastataḥ
150.26
kaṃcidgajeṃdraṃ dadṛśuḥ śubhradantadvayojjvalam
gaṇḍabhittitalodbhūtamadadhārādvayojjvalam
150.27
unnataṃ kariṇīyūthaiḥ samupetaṃ rajojjvalam || phūtkāripuṣkaraprodyacchīkarāpyūritānānam
150.28
dṛṣṭvā
codvignahṛdayā vanaspatiṣupāśritāḥ || etasminnaṃtare cāśu dadṛśurhayamuttamam
150.29
atha mṛgayārthaṃ puṣpāṭavīprati śrīnivāsāgamanam || akalaṃkendudhavalaṃ
jāmbūnadapariṣkṛtam || sphuradvidyucchatāyuktaśaranmeghamivonnatam
150.30
tasmiṃstu puruṣaṃ kṛṣṇaṃ madanākāravarcasam || ghuṃḍarīkadalākārakarṇāntāyatalocanam
canam
150.31
susūkṣmakṣaumasaṃvītanīlacūlikayojjvalam || padmarāgamaṇidyotisphuratkuṇḍalamaṇḍitam
150.32
suvarṇaratnakhacitaśārṅgidivyadhanurdha
ram || apareṇa kareṇaiva vahantaṃ kāñcanaṃ śaram
150.33
pītakakṣaumasaṃvītakaṭideśaṃ sumadhyamam || ratnakaṃkaṇakeyūrakaṭisūtravirājitam
150.35
viśālavakṣaḥ
saṃśobhidakṣiṇāvartasaṃyutam || svarṇayajñopavītena sphuratskandhaṃ manoharam||34||īhāmṛgaṃ samuddiśya mahāvegādanudrutam || taṃ dṛṣṭvā vismitā nāryaḥ sasmin
tāstasthuratra vai
150.36
taṃ dṛṣṭvā hayamārūḍhaṃ gajendro namramastakaḥ || tuṇḍamuddhṛtya garjanvai vinirghṛtya yayau vanam
150.37
tasmingate gaje tatra hayārūḍhaḥ
samāyayau || īhāmṛgaṃ vicinvānaḥ puṣpalāvīsamīpataḥ
150.38
atha bhagavataḥ kanyakānāṃ cānyonyasaṃvādaḥ|| ||tāḥ sametya sa covāca turagopari saṃ
sthitaḥ||atrāgato mṛgaḥ kaścidīhāmṛga itīritaḥ
150.39
dṛṣṭo vā bhavatībhiḥ sa brata me kanyakā iti
150.40
śrīvarāha uvāca || || pratyūcustāstu
taṃ kanyā dṛṣṭosmābhirna kaścana
150.41
kimarthamāgatosmākaṃ vanaṃ varadhanurdharaḥ || atrāvadhyā mṛgāḥ sarve vartamānā niṣādapa
150.42
āśu gaccha vanā
dasmādākāśānnṛpapālitāt || iti tāsāṃ vacaḥ śrutvā hayādavaruroha saḥ
150.43
kāstu yūyamiyaṃ cāpi kanyakāmbujasannibhā || subhagā cārusarvāṃgī
pīnonnatapayodharā || brata me'haṃ gamiṣyāmi śrutvā svasyālayaṃ girim
150.44
iti tasyā vacaḥ śrutvā dharaṇyātmajayeritā || sakhī padmāvatī
prāha niṣādaṃ parvatālayam
150.45
ākāśarājatanayā vasudhātalasaṃbhavā || asmākaṃ nāyikā śūra padminīnāma nāmataḥ
150.46
brūhi tvaṃ subhagā
kāra kinnāmā kasya vā sutaḥ || jātiḥ kā kutra te vāsaḥ kimarthaṃ tvamihāgataḥ || iti pṛṣṭaḥ sa tāḥ prāha mandasmitamukhāṃbujaḥ
150.47
divā
karakulaṃ prāhurasmākaṃ tu purāvidaḥ || yasya nāmānyanantāni pāvanāni manīṣiṇām
150.48
varṇato nāmataścāpi kṛṣṇaṃ prāhustapasvinaḥ || brahma
dviṣāṃ surārīṇāṃ yasya cakraṃ bhayāvaham
150.49
yasya śaṃkhadhvaniṃ śrutvā mohamīyurhi vairiṇaḥ || yasya vai dhanuṣastulyaṃ dhanurnaivāmareṣvapi
150.50
taṃ māṃ vīrapatiṃ prāhurveṃkaṭādrinivāsinam || tasmādadritaṭātso'haṃ niṣādairanugairvṛtaḥ
150.51
mṛgayārthaṃ hayārūḍho yuṣmākaṃ vanamāgataḥ || mayāghra
nudrutaḥ kaścinmṛgo vāyugatiryayau
150.52
tamadṛṣṭvā vanaṃ paśyandṛṣṭavānsubhagāmimām || kāmādihāgato'haṃ vo mayā kiṃ labhyate tviyam
150.53
iti kṛṣṇavacaḥ śrutvā kuddhāstāḥ punarabruvan || ākāśarājo dṛṣṭvā tvāṃ kṛtvā nigaḍabandhanam || yāvannayati tāvattvaṃ gaccha śīghraṃ svamālayam
150.54
tarjitastābhirevaṃ sa hayamāruhya śīghragam || yuktaḥ svānucaraiḥ sarvairyayau drutataraṃ girim
150.54.p1
iti śrīskāṃde mahāpurāṇa ekāśīti sāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye dharaṇīvarāhasaṃvāda udyānavāsinyāḥ padmāvatyāssamīpe nāradāgamana śrīnivāsastugayādivarṇanaṃnāma caturtho'dhyāyaḥ