Vaishnavakhanda 151
Vaiṣṇavakhaṇḍa 151
- Language
- Sanskrit
Contents
- 151.68 — 1 part
151.1
atha padmāvatīdarśanena śrīnivāsasya mohaprāptiḥ
śrīvarāha uvāca || || samprāpya cālayaṃ divyamavatīrya hayottamāt || visṛjya sānugānsarvāndevānkairātarūpakān
151.2
viśrama
dhvamiti procya viveśa maṇimaṇḍapam || āruhya maṇisopānaṃ paṃcakakṣā atītya ca
151.3
muktāgṛhaṃ samāsādya tasmiṃścholāyite śubhe || navaratna
maye maṃce saṃviveśāvaśo hariḥ
151.4
saṃsmaranpadmagarbhābhāṃ tāmevāyatalocanām || tanumadhyāṃ pīnakucāṃ mandasmitamukhāṃbujām
151.5
kṣīrābdhi
tanayāmeva mene padmodbhavāṃ śubhām || tasyāṃ gatamanā devaḥ śrīnivāso mumoha ca
151.6
atha muhyamānaṃ śrīnivāsaṃ prati bakulamāli
koktiḥ || || tato madhyāhnasamaye kṛtvānnaṃ divyamuttamam || sūpadaṃśaṃ sugandhaṃ ca devārhamatiśobhanam
151.7
śuddhānnaṃ pāyasānnaṃ ca gauḍaṃ mudgānnameva
ca || kṛtvā pañcavidhāpūpānpūrikāvaṃṭakānapi
151.8
devaṃ draṣṭuṃ yayau śīghraṃ sakhī bakulamālikā || padmāvatīpadmapatrācitrarekhāsamanvitā
151.9
niveśya dvāri devasya tāḥ sarvāḥ pramadottamāḥ || viveśa tatsamīpaṃ sā svayaṃ bakulamālikā
151.10
gatvā samīpaṃ devasya vavande bhaktibhāvataḥ || dṛṣṭvātha
devaṃ vivaśaṃ paryaṃke ratnabhūṣite
151.11
pādasaṃvāhanaṃ kṛtvā nimīlitavilocanam || taṃ dhyāyantaṃ ca kimapi vyājahāra śucismitā
151.12
uttiṣṭha devadeveśa kiṃ śeṣe puruṣottama || paramānnaṃ kṛtaṃ deva bhoktumāgaccha mādhava
151.13
kiṃ vā tvamārtavaccheṣe sarvalokārtināśana || mṛgayā
maṭatā deva kiṃ dṛṣṭaṃ bhavatā vane
151.14
avasthā te viśālākṣa kāmukasyeva dṛśyate || kā dṛṣṭā devakanyā vā mānuṣī vā'hikanyakā
151.15
brūhi me tvamacintyātmankanyāṃ tāṃ cittahāriṇīm
151.16
śrīvarāha uvāca || || tasyāstadvacanaṃ śrutvā niḥśvāsamakarodvibhuḥ
niḥśvasaṃtaṃ punaḥ prāha prītā bakulamālikā
151.17
evaṃ manoharā kā sā tavāpi puruṣottama || tāmavocaddhṛṣīkeśo vakṣyāpi śṛṇu tattvataḥ
151.18
atha śrīnivāsoktapadmāvatīpariṇayakāraṇāni || || śrībhagavānuvāca || || purā tretāyuge puṇye rāvaṇaṃ hatavānaham || tadā vedavatī
kanyā sāhāyyamakarocchrayaḥ
151.19
sītārūpābhavadvakṣmīrjanakasya mahītalāt || gate mayi tu mārīcaṃ hantuṃ pañcavaṭīvane
151.20
mamānujo'pi
māmeva sītayā codito'nvayāt || tadantare rākṣasendro hartuṃ sītāmupāyayau
151.21
agnihotragato vahnistaṃ jñātvā rāvaṇodyamam || ādāya
sītāṃ pātāle svāhāyāṃ sanniveśya ca
151.22
tenaiva rakṣasā spṛṣṭāṃ purā vedavatīṃ śubhām || agnau visṛṣṭadehāṃ tāṃ saṃhartuṃ rāvaṇaṃ punaḥ
151.23
sītāyā rūpasadṛśīṃ kṛtvā caivotsasarja ha || sā rāvaṇahatā bhūtvā laṃkāyāṃ ca niveśitā
151.24
hate tu rāvaṇe paścātpunaragniṃ viveśa
sā || agnistu rakṣitāṃ lakṣmīṃ svāhāyāṃ mama jānakīm
151.25
dattvā haste ca māmāha sītayā sahitāṃ sakhīm || iyaṃ vedavatī
deva sītāyāḥ priyakāriṇī
151.26
sītārthaṃ rākṣasapure tena bandīkṛtā sthitā || tasmādenāṃ vareṇaiva prīṇaya tvaṃ śriyā saha
151.27
iti vahnivacaḥ śrutvā sītā māmavadacchubhā || mama prītikarī nityamiyaṃ vedavatī vibho
151.28
tasmātparaṃ bhāgavatīṃ devenā
vaya prabho
151.29
śrībhagavānuvāca || || tathā devi kariṣyāmi dvāparaviṃśe kalau yuge || tāvadeṣā brahmaloke vasatvamara
pūjitā
151.30
paścāttu bhūmitanayā bhaviṣyati viyatśrutā || iti dattavarā pūrvaṃ mayā lakṣmyā ca sundarī
151.31
adya nārā
yaṇapure sambhūtā dharaṇītalāt || padmāsamā padmanetrī padmādattavarā satī
151.32
sakhībhiranurūpābhirvane puṣpāṇi cinvatī || mṛgayāmaṭatā tatra mayā
dṛṣṭvā manoramā
151.33
tasyā rūpaṃ mayā vaktuṃ na śakyaṃ śatahāyanaiḥ || lakṣmyeva ca tayā me'dya saṃgamo bhavitā yadi
151.34
prāṇāḥ sthirā bhaviṣya
nti satyamityavadhāraya
151.35
atha viyadrājapuraṃ prati bakulamālikāgamanam || || tvaṃ tatra gatvā tāṃ kanyāṃ dṛṣṭvā bakulamālike || jānīhi
rūpalāvaṇyādiyaṃ yogyeti cāsya vai || anavadyā viśālākṣī padmendīvaralocanā
151.36
ityuktvā mohamāpannaṃ taṃ prāha bakulā punaḥ || ito gacchā
mi deveśa manojñā tava yatra sā
151.37
mārgaṃ vada ramādhīśa gamiṣye yena tāṃ prati || evamukto ramādhīśastāṃ prāha bakulasrajam
151.38
ito gaccha
mahābhāge śrīnṛsiṃhaguhā yataḥ || tanmārgeṇāvatīryāsmāddharendrānmanoramām
151.39
agastyāśramamāsādya dṛṣṭvā liṃgaṃ tadarcitam || agastyeśa iti
khyātaṃ suvarṇamukharītaṭe
151.40
tīreṇaiva tato gaccha śukabrahmarṣivarvanam || paśyantī svarṇamukharīṃ tatra kallolamālinīm
151.41
tatra padma
saronāma pāvanaṃ padmasaṃyutam || tatra snātvā'tha tattīre tapantaṃ munisattamam
151.42
chāyāśukaṃ namaskṛtya kṛṣṇaṃ ca balasaṃyutam || ārādhyamānaṃ
muninā śukena satataṃ śubhe
151.43
indranīlamaṇiśyāmaṃ pītanirmalavāsasam || tīrthayātrāṃ gamiṣyantaṃ balabhadraṃ sitākṛtim
151.44
upāsa
yantaṃ maitrāṇi muktānvitakaradvayam || udyantaṃ pādukāyuktaṃ balabhadraṃ praṇamya ca
151.45
ādāya svarṇakamalaṃ saraso'smādgatānane || tīrtvā
suvarṇamukharīṃ vanānyupavanāni ca
151.46
araṇītīramāsādya viśramya ca vanāntare || nārāyaṇapurīṃ dṛṣṭvā vismayaṃ ca gamiṣyasi
151.47
tasyā
śropavane vṛkṣānpuṣpāḍhyānphalasaṃyutān || panasāmraśirīṣāṃśca kundatindukapāṭalān
151.48
punnāganāgavaraṇarasālāṃkolacaṃpakān || bakulāmalakā
nsālāṃstālahintālapaṅkān
151.49
jambūnimbakadambelāpippalīmadhukārjunān || priyaṃguhiṃgukharjūramāyūrāśokalodhrakān
151.50
aśvattho
dumbarapṛkṣabadarībhūrjakīcakān || ciñcākiṃśukamandāraśālmalībījapūrakān
151.51
pūganāraṃgalikucanārikelavanākulān || mallikāmālatīkunda
yūthikāketakīyutān
151.52
karavīrāñjasaṃpannātrājaraṃbhāvirājitān || mayūrakīragaruḍaśukasārasaṃkulān
151.53
bhṛṃgajhaṃkāranibiḍānārāmā
nsumanoharān || paśyantīṃ paramaṃ harṣamavāpya ca nadītaṭe
151.54
gatvā pūrvottare mārge purīmindrapurīsamām || gaṅgayevāvṛtāṃ nityaṃ sāritāraṇi
nāmayā
151.55
ākāśarājanagarīṃ gatvā tatrocitaṃ kuru
151.56
śrīvarāha uvāca || || ityādiśya surādhīśaḥ sakhīṃ tāṃ bakulā
bhidhām || visṛjya śayane śubhre sa śiśye śrīsamanvitaḥ
151.57
praṇamya devadeveśaṃ sakhī bakulamālikā || guñjāmaṇisamākāraṃ
raktāśvamadhiruhya sā
151.58
yathoktamārgeṇa yayau paśyantī vividhānmṛgān || mattebhānparvatākārāñchvetadantavibhūṣitān
151.59
kāriṇīyūthasahitāñjaladādānatatparān || siṃhāñchataghanaprakhyānsahīyūthairanudrutān
151.60
śārdūlakṣāṃśca khaḍgāṃśca
śarabhāṅgavayānmṛgān || kṛṣṇasārāṃśca gomāyūñchaśāṃśca priyakānapi
151.61
sārasāṃśca mayūrāṃśca mārjārānvanagocarān || vṛkāñchu
kānsūkarāṃśca śuvācaḥ pakṣiṇastathā
151.62
paśyantī vividhākārāṃstuṣyantī ca muhurmuhuḥ || āsasādāraṇītīraṃ paścimaṃ pādapākulam
151.63
avatīryāruṇādaśvādagastyeśasamīpataḥ || dṛṣṭvāgastyeśvaraṃ liṅgamagastyena supūjitam
151.64
tatra snātvā ca pītvā ca viśaśrāma nadītaṭe
151.65
atha digyodyānasthapadmāvatīsakhīḥ prati bakulamālikoktiḥ || || tatrāgatā rājagṛhādyoṣito devasaṃnidhau || sakhīḥ padmālayāyāstā dṛṣṭvā
bakula mālikā
151.66
gatvā samīpe tāsāṃ sā kiṃvadantīṃ sma pṛcchati
151.67
bakulamālikovāca || || kā yūyaṃ yoṣito brūta vici
trābharaṇasrajaḥ || kutaḥ samāgatā hyatra kiṃ kāryaṃ vo'malānanāḥ
151.68
tāstu tasyā vacaḥ śrutvā smitapūrvamathābruvan || śṛṇuṣvāvahitā devi vayaṃ
vakṣyāmahe'dhunā
151.68.p1
iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye dharaṇīvarāhasaṃ vāde padmāvatīdarśanena śrīnivāsasya mohamāhyādivarṇanaṃnāma pañcamo'dhyāyaḥ