Vaishnavakhanda 154
Vaiṣṇavakhaṇḍa 154
- Language
- Sanskrit
Contents
- 154.42 — 1 part
154.1
atha śrīnivāsasya lakṣmyādikṛtapariṇayālaṃkāraḥ
śrīvarāha uvāca || || tato devādhidevo'pi lakṣmīmāhūya bhāminīm || kiṃ kāryaṃ vada kalyāṇi vivāhārthaṃ sulocane
154.2
ājñāpayastva svasakhī rame kāryaṃ kuru priyam || śrīstu kṛṣṇavacaḥ śrutvā sakhīrāhūya codayat
154.3
śriyājñaptā tataḥ prītiḥ sugaṃdhaṃ tailamādardau || śrutiḥ kṣaumaṃ samādāya tasthau devasya sannidhau
154.4
bhūṣaṇāni samādāya smṛtirapyāyayayau mudā || dhṛtirādarśaṃ mādhatta śāṃntirmṛgamadaṃ dadhau
154.5
yakṣakardamamādāya hrīḥ sthitā purato hareḥ || kīrtiḥ kanakapaṭṭaṃ ca saratnaṃ mukuṭaṃ dadhau
154.6
chatraṃ dadhau tadeṃdrāṇī cāmaraṃ tu sarasvatī || dvitīyaṃ cāmaraṃ gaurī vyajane vijayājaye
154.7
āgatāstāḥ samālokya śrīrutthāyātha satvarā || sugaṃdhaṃ tailamādāya devamabhyajya śīrṣataḥ
154.8
udvartitaṃ gaṃdhacūrṇairdevāṃgaṃ parimṛjya ca || ऑnītānkaribhistoyakalaśānkāṃcanāñchatam
154.9
viyadgaṃgā ditīrthebhyaḥ karpūrādisuvāsitān || ekamekaṃ samādāya tvabhyarṣiṃcadramā harim
154.10
saṃdhūpya keśāndhūpena tānāśyāmānbabaṃdha ca || sugaṃdhenānu lipyāṃgaṃ svarṇavarṇena tadvibhoḥ
154.11
pītakauśeyakaṃ badvā kaṭacāṃ kāṃcīsamanvitam || mukuṭādivibhūṣābhirbhūṣayāmāsa cendirā
154.12
aṃgulīyakaratnāni sarvāsvevāṃgulīṣu ca || ādarśaṃ darśayāmāsa dhṛtirdevasya sannidhau
154.13
hastrādarśaṃ devadevo hyūrdhvapuṃḍraṃ svayaṃ dadhau || āruhya garuḍaṃ paścātsvayaṃ lakṣmīsamanvitaḥ
154.14
atha brahmādibhissākaṃ śrīnivāsasya viyadrājapuragamanam || || brahmeśavatrivaruṇayamayakṣeśase
vitaḥ || vasiṣṭhādyairmunīndraiśca sanakādyaiśca yogibhiḥ
154.15
bhaktairbhāgavatairyukto nārāyaṇapurīṃ yayau || jagurgandharvapatayo nanṛtuścāpsarogaṇāḥ
154.16
devaduṃdubhayo nedustadā devasya sannidhau || japantaḥ svastisūktāni munayastaṃ samanyayuḥ
154.17
devo devagaṇairyukto viṣvaksenādipārṣadaiḥ
sakhībhissyaṃdanasthābhirbakulādyābhiranvitaḥ || ākāśarājasya puramāsāsāda svalaṃkṛtam
154.18
atha padmāvatīpariṇayacahaḥ || || deva
māgatamālokya kanyāmairāvatasthitām || purīṃ pradakṣaṇīkṛtya gopuradvāramāgatām
154.19
ālokyākāśarājo'pi samānīya vadhūvarau
bandhubhiḥ sahitastasthau devamālokya keśavam
154.20
viṣṇumālāṃ svakaṃṭhasthāṃ hastenādāya smitaḥ || kamalāyāḥ skandhadeśe sumoca sumana
śritām
154.21
ādāya mallikāmālāṃ sā'sya kaṃṭhe samarpayat || evaṃ trivāraṃ tau kṛtvā vāhanādavaruhya ca
154.22
sthitvā pīṭhe kṣaṇaṃ paścādgṛhaṃ
viviśatuḥ śubham || brahmādidevayūthaiśca sahitau bhūmijāharī
154.23
māṃgalyasūtrabaṃdhādi sāṃkurārpaṇamañjajaḥ || vaivāhikaṃ kārayitvā lājahomānta
meva ca
154.24
vratādeśaṃ samājñāya śayitau kamalāharī || caturthe divase sarvaṃ samāpya caturmukhaḥ
154.25
anujñāpya viyadrājamāropya garuḍe
harim || devībhyāṃ sahitaṃ devaṃ devairgantuṃ pracakrame
154.26
divyadundubhirnirghoṣaiḥ saṃprāpya vṛṣabhācalam || tuṣṭuvurdevadeveśaṃ brahmādyā devatāgaṇāḥ
154.27
śukādayo munigaṇāstuṣṭuvuḥ puruṣottamam || stūyamāno'tha devo'pi viveśa maṇimaṃḍapam
154.28
ramādharaṇijābhyāṃ ca tatra siṃhāsanaṃ yayau
154.29
atha vadhūvarayorviyadrājavitīrṇaprābhṛtādikam || || ākāśarājo'pi tadā mahendrādisuraiḥ saha || putrīviṣṇoḥ priyārthaṃ tu prābhṛtaṃ kartumudyataḥ
154.30
sauvarṇeṣu kaṭāheṣu taṃḍulāñchālisaṃbhavān || mudgapātrāṇyanekāni ghṛtakumbhaśatāni ca
154.31
payoghaṭasahasrāṇi dadhibhāṇḍānyanekaśaḥ || divyāni
cūtakadalīnārikelaphalāni ca
154.32
dhātrīphalāni kūṣmāṃḍarājaraṃbhāphalāni ca || panasānmātuluṃgāṃśca śarkarāpūritānghaṭān
154.33
suvarṇamaṇimuktāśca kṣaumakoṭyaṃbarāṇi ca || dāsīdāsasahasrāṇi koṭiśo gāstathaiva ca
154.34
haṃsenduśuklavarṇānāṃ hayānāmayutaṃ dadau || tuṃgānāṃ
nityamattānāṃ gajānāmadhikaṃ śatāt
154.35
aṃtaḥpuracarā nārīrnṛttagītaviśāradāḥ || dadau catuḥsahasrāṇi śrīnivāsāya viṣṇave || dattvā
caitāni sarvāṇi tasthau devapuro vibhuḥ
154.36
atha śrīnivāsakṛpayā viyadrājasya bhaktirūpavaraprāptiḥ || || dṛṣṭvā devo'pi tatsarvaṃ
devībhyāṃ sahito hariḥ
154.37
suprītaḥ prāha rājānaṃ śvaśuraṃ veṃkaṭeśvaraḥ || varaṃ vṛṇīṣva he rājanguro matto yadīcchasi
154.38
iti śrīśavacaḥ
śrutvā viyadrājo'vadadvibhum || tvatsevaiveha devaivaṃ bhūyādyabhicāriṇī
154.39
manastvatpādakamale tvayi bhaktirmamāstu vai
154.40
śrībhaga
vānuvāca || || tvayā yaduktaṃ rājendra sarvametadbhaviṣyati || iti dattvā varaṃ tasmai saṃmānyaiva yathocitam
154.41
atha vivāhārthamāgatānāṃ brahmā
dīnāṃ svāvāsagamanam || || brahmeśādisurānsarvānsamabhyarcya yathocitam || svalokagamanāyaivamanumene mudā hariḥ || gateṣu teṣu sarveṣu śriyā bhūmi
jayā yutaḥ
154.42
viharansa yathāpūrvaṃ svāmipuṣkariṇītaṭe || āste divyālaye devopyarcyamāno guhena vai
154.42.p1
iti śrīskaṃde mahā purāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye dharaṇīvarāhasaṃvāde brahmādibhiḥ sākaṃ śrīnivāsasya viya dvājapuragamanakamalālayāpariṇayādivarṇanaṃnāmāṣṭamo'dhyāyaḥ
Linked texts (2)
- Skandapurāṇa (early; "Ambikākhaṇḍa") (ed. Bakker) — Sanskrit
- Kṛṣṇajanmakhaṇḍa — Sanskrit