Vaishnavakhanda 158
Vaiṣṇavakhaṇḍa 158
- Language
- Sanskrit
Contents
- 158.55 — 1 part
158.1
atha svāmipuṣkariṇī
snānāttāmisrādinarakanistāraḥ || || ṛṣaya ūcuḥ || || sūta sarvārthatattvajña vedavedāṃgapāraga || śrīsvāmipuṣkariṇyāśca vaibhavaṃ vada naḥ prabho
158.2
yasyāḥ smaraṇamātreṇa muktaḥ syānmānavo bhuvi
158.3
śrīsūta uvāca || || svāmitīrthaṃ praśaṃsanti snānti vā kathayanti ye
aṣṭāviṃśatibhedāṃste narakānnopabhuñjate
158.4
tāmisramandhatāmisraṃ mahārauravarauravau || kumbhīpākaṃ kālasūtramasipatravanaṃ tathā
158.5
kṛmibhakṣo'ndhakūpaśca saṃdaṃśaḥ śālmalī tathā || lālābhakṣo hyavīciśca sārameyādanaṃ tathā
158.6
tathaiva vajrakaṇṭakaḥ kṣārakardamapātanam || rakṣogaṇāśanaṃ cāpi śūlaprotanirodhanam
158.7
tirodhānābhighaṃ viprāstathā sūcīmukhābhigham || pūyaśoṇitabhakṣaṃ ca viṣāgniparipīḍanam
158.8
aṣṭāviṃśatisaṃkhyā tametannarakasaṃcayam || na yāti manujo viprāḥ svāmitīrthanimajjanāt
158.9
vittāpatyakalatrāṇāṃ yo'nyeṣāmapahārakaḥ || sa kālapāśabaddho'yaṃ yamadūtairbhayānakaiḥ
158.10
tāmisre narake ghore pātyate bahuvatsaram || hnāti cetsvāmitīrthe sa tasminnāsau nipātyate
158.11
mātaraṃ pitaraṃ viprānyo dveṣṭi puruṣādhamaḥ || sa kālasūtranarake vistṛtāyutayojane
158.12
adhastādagnisantapte uparyarkamarīcibhiḥ || khale tāmramaye
viprāḥ pātyate kṣudhayārditaḥ
158.13
snāti cetpuṣkariṇyāṃ vai tasminnāḍasau nipātyate || yo vedamārgamullaṃghya vartate kupathe naraḥ
158.14
so'sipatravane ghore pātyate yamakiṃkaraiḥ || snāti cetsvāmitīrthe tu tasminnāḍasau nipātyate
158.15
yo'śnāti
paṃktibhedena pakvaṃ sūpādikaṃ naraḥ || akṛtvā paṃcayajñānvā bhuṃkte mohena sa dvijāḥ
158.16
pātyate'yaṃ yamabhaṭairnarake kṛmibhojane
bhakṣyamāṇaḥ kṛmiśatairbhakṣyankṛmisaṃcayān
158.17
svayaṃ ca kṛmibhūtaḥ saṃstiṣṭhedyāvadaghakṣayam || snāti cetsvāmitīrthe vai tasmin
nāḍasau nipātyate
158.18
yo haredvipravittāni snehena balato'pi vā || anyeṣāmapi vittāni rājā tadpuruṣo'pi vā
158.19
ayomayāgnikuṃḍeṣu saṃdaṃśaiḥ so'pi pīḍitaḥ || saṃdaṃśo narake ghore pātyate yamapūruṣaiḥ
158.20
snāti cetsvāmitīrthe tu tasminnāsau nipā
tyate || agamyāṃ yo'bhigaccheta striyaṃ vai puruṣādhamaḥ
158.21
agamyaṃ puruṣaṃ yoṣidabhigaccheta vā dvijāḥ || tāvayomayanārīṃ ca puruṣaṃ cāpya
yomayam
158.22
taptāyoliṅgaṃ ca tiṣṭhantau yāvaccandradivākaram || sūcyākhye narake ghore pātyate yamakiṃkaraiḥ
158.23
snāti cetsvāmitīrthe
ca tasminnāsau nipātyate || bādhate sarvajantūnāyo nānopāyairupadravaiḥ
158.24
śālmalīnarake ghore pātyate bahukaṇṭake || snāti cetsvāmitīrthe
tu tasminnāsau nipātyate
158.25
rājā vā rājabhṛtyo vā yaḥ pāṣaṇḍamanuddhutaḥ || bhedako dharmasetūnāṃ vaitaraṇyāṃ nipātyate
158.26
snāti cetsvā
mitīrthe tu tasminnāsau nipātyate || vṛṣalīsaṅgaduṣṭo vā śaucādyācāravarjitaḥ
158.27
tyaktalajjastyaktavedaḥ paśucaryārataḥ sadā || sa pūyaviṣṭhā
mūtrāsṛkkaleṣmapittādipūrite
158.28
atibībhatsanarake pātyate yamakiṃkaraiḥ || snāti cetsvāmitīrthaṃ tu tasminnāsau nipātyate
158.29
yaḥ
śvabhirmṛgayurvanyānbāṇairvā bādhate mṛgān || sa vidhyamāno bāṇaughaiḥ paratra yamakiṃkaraiḥ
158.30
prāṇarodhākhyanarake pātyate yamakiṃkaraiḥ || snāti
cetsvāmitīrthe tu tasminnāsau nipātyate
158.31
dāmbhiko yaḥ paśūnayajñe vidhyanuṣṭhānavarjitaḥ || hantyasau paralokeṣu vaiśase narake dvijāḥ
158.32
kartyamāno yamabhaṭaiḥ pātyate yamakiṃkaraiḥ || snāti cetpuṣkariṇyāṃ vai tasminnāsau nipātyate
158.33
ātmabhāryāṃ savarṇā yo retaḥ pāyayate yadi
paratra retaḥpāyī sa retaḥkuṇḍe nipātyate
158.34
snāti cetpuṣkariṇyāṃ vai tasminnāsau nipātyate || yo dasyurmārgamāśritya garado grāmadāhakaḥ
158.35
vaṇigdravyāpahārī ca sa paratra dvijottamāḥ || vajradaṃṣṭrābhidhe ghore pātyate narake ciram
158.36
snāti cetsvāmitīrthe tu tasminnāsau nipā
tyate || vidyante yāni cānyāni narakāṇi paratra vai
158.37
tāni nāpnoti manujaḥ svāmitīrthanimajjanāt || puṣkariṇyāṃ sakṛtsnānādaśvamedha
phalaṃ labhet
158.38
ātmavidyā bhavetsākṣānmuktiścāpi caturvidhā || na pāpe ramate buddhirna bhavedduḥkhameva vā
158.39
tulāpuruṣadānena yatphalaṃ
labhyate naraiḥ || tatphalaṃ labhyate pumbhiḥ svāmitīrthanimajjanāt
158.40
gosahasrapradānena yatpuṇyaṃ hi bhavennṛṇām || tatpuṇyaṃ labhate martyaḥ
svāmitīrthanimajjanāt
158.41
dharmārthakāmamokṣāṇāṃ yaṃ yamicchati pūruṣaḥ || taṃ taṃ sadyaḥ samāpnoti svāmitīrthanimajjanāt
158.42
mahāpātaka
yukto vā yukto vā sarvapātakaiḥ || sadyaḥ pūto bhavedviprāḥ svāmitīrthanimajjanāt
158.43
prajñā lakṣmīryaśaḥ saṃpajjñānaṃ dharmo viraktatā || manaḥ
śuddhirbhavennṛṇāṃ svāmitīrthaniṣevaṇāt
158.44
brahmahatyā'yutaṃ cāpi surāpānāyutaṃ tathā || ayutaṃ gurudārāṇāṃ gamanaṃ pāpakāriṇām
158.45
steyāyutaṃ suvarṇānāṃ tatsaṃsargāśca koṭiśaḥ || śīghraṃ vilayamāyānti svāmitīrthanimajjanāt
158.46
brahmahatyāsamānāni
surāpānasamāni ca || gurustrīgamanenāpi yāni tulyāni cāstikāḥ
158.47
suvarṇasteyatulyāni tatsaṃsargasamāni ca || tāni
sarvāṇi naśyanti svāmitīrthanimajjanāt
158.48
atha svāmitīrthamahimāśraddhālūnāṃ mahānarakaprātiḥ || || utkṛṣveteṣu sandeho na
karttavyaḥ kadācana || jihvāgre paraśuṃ taptaṃ prakṣipaṃti ca kiṃkarāḥ
158.49
arthavādamimaṃ sarvaṃ bruvanvai narakaṃ vrajet || sūkaraḥ sa hi vijñeyaḥ sarva
karmabahiṣkṛtaḥ
158.50
aho maurkhyamaho maurkhyamaho maurkhyaṃ dvijottamāḥ || svāmitīrthābhidhe tīrthe sarvapātakanāśane
158.51
advaitajñānade puṃsāṃ
muktimuktipradāyini || iṣṭakāmaprade nityaṃ tathaivājñānanāśane
158.52
sthite'pi tadvihāyāyaṃ ramatenyatra vai janaḥ || aho mohasya māhātmyaṃ mayā
vaktuṃ na śakyate
158.53
hnātasya svāmitīrthe tu nāntakādbhayamasti vai || svāmitīrthaṃ ca paśyanti tatra hnāṃti ca ye narāḥ
158.54
stuvanti ca
praśaṃsanti spṛśanti ca namanti ca || na pibanti hi te stanyaṃ mātṝṇāṃ dvijapuṃgavāḥ
158.55
evaṃ vaḥ kathitaṃ viprāḥ svāmitīrthasya vaibhavam || bhukti
muktipradaṃ nṝṇāṃ sarvapāpanibarhaṇam
158.55.p1
iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye śrī svāmipuṣkariṇītīrthamahimā''varṇanaṃnāma dvādaśo'dhyāyaḥ
Linked texts (1)
- Setukhaṇḍa — Sanskrit