Vaishnavakhanda 161
Vaiṣṇavakhaṇḍa 161
- Language
- Sanskrit
Contents
- 161.27 — 1 part
161.1
atha rāmakṛṣṇatīrthamāhātmyam || || śrīsūta
uvāca || || veṃkaṭākhye mahāpuṇye sarvapātakanāśane || kṛṣṇatīrthasya māhātmyaṃ śṛṇudhvaṃ susamāhitāḥ
161.2
yatra majjanamātreṇa kṛtaghno'pi
vimucyate || pitṛnmātṝrgurūṃścāvamanyaṃte mohamohitāḥ
161.3
ye cāpyanye durātmānaḥ kṛtaghnā nirapatrapāḥ || te sarve kṛṣṇatīrthesminkuhyanti
snānamātrataḥ
161.4
kṛṣṇanāmā muniḥ pūrvaṃ veṃkaṭāhvayabhūdhare || avartata tapaḥ kurvanniṣṇuṃ dhyāyansamāhitaḥ
161.5
sa tatra kalpayāmāsa snānārthaṃ tīrtha
muttamam || tatra snātvā sakṛnmartyaḥ kṛtaghno'pi vimucyate
161.6
atretihāsaṃ vakṣyāmi purāṇaṃ pāpanāśanam || yasya śravaṇamātreṇa naro mukti
mavāpnuyāt
161.7
purā babhūva viprendro rāmakṛṣṇo mahāmuniḥ || satyavāgchīlavānvāgmī sarvabhūtadayānvitaḥ
161.8
śatrumitrasamo dāntastapasvī
vijiteṃdriyaḥ || pare brahmaṇi niṣṇāto brahmatattvaikasaṃśrayaḥ
161.9
evaṃprabhāvaḥ sa munistapastepe sudāruṇam || sa vai niścalasarvāṃgastiṣṭhansarvatra
bhūtale
161.10
paramāṇvantaraṃ vāpi na svasthānāccacāla saḥ || sthitvā tatra tapasyaṃtamanekaśatavatsarān
161.11
taṃ cākramata valmīkaṃ chāditāṃgaṃ
cakāra vai || valmīkākrāntadeho'pi rāmakṛṣṇo mahāmuniḥ
161.12
akarottapa evāsau valmīkaṃ na vyabudhyata || tasmiṃśca tapyati tapo vāsavo muni
puṃgave
161.13
visṛjya meghajālāni varṣayāmāsa vegavān || evaṃ dināni saptāyaṃ varṣaṃ ca nirantaram
161.14
dhārāvarṣeṇa mahatā vṛṣyamāṇo
'pi vai muniḥ || tadrṣaṃ pratijagrāha nimīlitavilocanaḥ
161.15
mahatā stanitenāśu tadā badhirayañchrutīḥ || valmīkasyopariṣṭādve nipapāta
mahāśaniḥ
161.16
tasminvarṣati parjanye śītavātādiduḥsahe
161.17
atha rāmakṛṣṇākhyamaharṣitapaḥprasannabhagavadāvirbhāvaḥ || || valmī
kaśikharaṃ dhvastaṃ babhūvāśanitāḍitam || tadā prādurabhūdevaḥ śaṅkhacakragadādharaḥ
161.18
vinatānandanārūḍho vanamālāvibhūṣitaḥ || rāmakṛṣṇasya
tapasā toṣito vākyamabravīt
161.19
taponidhe rāmakṛṣṇa vedaśāstrārthapāraga || madāvirbhāvadivase yaḥ snāti manujottamaḥ
161.20
tasya puṇya
phalaṃ vaktuṃ śeṣeṇāpi na śakyate || makarasthe ravau vipra paurṇamāsyāṃ mahātithau
161.21
puṣyanakṣatrayuktāyāṃ snānakālo vidhīyate || taddine snāti
yo martyaḥ kṛṣṇatīrthe mahāmatiḥ
161.22
sarvapāpavinirmuktaḥ sarvānkāmām̐śchabheta saḥ || madāvirbhāvadivase kṛṣṇatīrthajale śubhe
161.23
snātuṃ tatra
samāyāṃti svapāpapariśuddhaye || devā manuṣyāḥ sarve ca dikpālāśca mahaujasaḥ
161.24
ete sarve mahātmānaḥ koṭisūryasamaprabhāḥ || te sarve kṛṣṇatī
rthesminsnānātpūtā bhavaṃti hi
161.25
tvannāmnedaṃ mahātīrthaṃ loke prakhyātimeṣyati || ityuktvā śrīnivāsaśca tatraivāntaradhīyata
161.26
evaṃ
prabhāvaṃ tattīrthaṃ mahāpāpaviśodhanam || buddhiśuddhipradaṃ pusāṃ sarvaiśvaryapradāyakam
161.27
evaṃ vaḥ kathitaṃ viprāḥ kṛṣṇatīrthasya vaibhavam
śṛṇvatāṃ paṭhatāṃ caiva viṣṇulokapradāyakam
161.27.p1
iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭā calamāhātmye rāmakṛṣṇatīrthamahimānuvarṇanaṃnāma pañcadaśo'dhyāyaḥ