Vaishnavakhanda 163
Vaiṣṇavakhaṇḍa 163
- Language
- Sanskrit
Contents
- 163.26 — 1 part
163.1
atha śrīveṃkaṭācalakṣetrā
divarṇanam || || śrīsūta uvāca || || veṃkaṭādrestu māhātmyaṃ bhūyo'pi pravadāmyaham || yuṣmākaṃ sāvadhānena śṛṇudhvaṃ susamāhitāḥ
163.2
pṛthivyāṃ yāni tīrthāni brahmāṇḍāntargatāni ca || tāni sarvāṇi vartaṃte veṃkaṭāhvayabhūdhare
163.3
tasminnagottame puṇye vasantaṃ puruṣottamam
śaṃkhacakradharaṃ devaṃ pītāmbaradharaṃ śubham
163.4
kaustubhālaṃkṛtoraskaṃ bhaktānāmabhayapradam || devadevaṃ viśālākṣaṃ vedavedyaṃ sanātanam
163.5
aṃgakosalakarṇāṭakāśīgurjaradeśagāḥ || colakeralapāṇḍyādisarvadeśasamudbhavāḥ
163.6
sakuṭuṃbāśca sevārthamāyānti prativatsa
ram || devāśca ṛṣayaḥ sidghā yoginaḥ sanakādayaḥ
163.7
ye bhādrapadamāse tu veṃkaṭeśamahotsave || sevāṃ kurvanti te sarve niṣpāpā utta
mottamāḥ
163.8
tatra śrīveṃkaṭeśasya brahmā lokapitāmahaḥ || cakāra kanyāmāse tu dhvajāropamahotsavam
163.9
prativarṣaṃ ca tatsevā
nimittaṃ sarvamānavāḥ || sarve devāśca gaṃdharvāḥ siddhāḥ sādhyā mahaujasaḥ
163.10
brahmotsave bhagavataḥ samāyāṃti dvijottamāḥ || vidyānāṃ veda
vidyeva maṃtrāṇāṃ praṇavo yathā
163.11
prāṇavatpriyavastūnāṃ dhenūnāṃ kāmadhenuvat || tathā veṃkaṭaśailendraḥ kṣetrāṇāmuttamottamaḥ
163.12
śeṣavatsarva
nāgānāṃ pakṣiṇāṃ garuḍo yathā || devānāṃ tu yathā viṣṇurvarṇānāṃ brāhmaṇo yathā
163.13
tathā veṃkaṭaśailendraḥ kṣetrāṇāmuttamottamaḥ || bhūruhāṇāṃ surata
rurbhyaiva suhṛdāṃ yathā
163.14
tīrthānāṃ tu yathā gaṃgā tejasāṃ tu raviryathā || tathā veṃkaṭaśailendraḥ kṣetrāṇāmuttamottamaḥ
163.15
āyudhānāṃ yathā vajra
lohānāṃ kāṃcanaṃ yathā || vaiṣṇavānāṃ yathā rudro ratnānāṃ kaustubho yathā
163.16
tathā veṃkaṭaśailendraḥ kṣetrāṇāmuttamottamaḥ || nānena sadṛśo
loke viṣṇuprītivivardhanaḥ
163.17
na mādhavasamo māso na kṛtena samaṃ yugam || na ca vedasamaṃ śāstraṃ na tīrthaṃ gaṃgayā samam
163.18
na jalena
samaṃ dānaṃ na sukhaṃ bhāryayā samam || na kṛpestu samaṃ vittaṃ na lābho jīvitātparaḥ
163.19
na tapo'naśanādanyatra dānātparamaṃ sukham || na dharma
stu dayātulyo na jyotiścakṣuṣā samam
163.20
na tṛptiraśanātulyā na vāṇijyaṃ kṛṣeḥ samam || na dharmeṇa samaṃ mitraṃ na satyena samaṃ yaśaḥ
163.21
yathā tathā bhagavataḥ sthānena sadṛśaṃ na hi
163.22
yatkīrtanaṃ sakalapāpaharaṃ munīndrā yadvandanaṃ sakalasaukhyadameva loke || yātrāpi
yaṃ prati surairapi pūjanīyā tāhaṅ mahānbhavati veṃkaṭaśailamukhyaḥ
163.23
tasyānubhāvaṃ pravadāmi bhūyaḥ samastatīrthāni vasaṃti yatra || evaṃ samasteṣu
ca mukhyatīrthaṃ śrīsvāmināmāsti sarovaraṃ tat
163.24
māhātmyametasya mayocyate kathaṃ yatpaścime rodhasi bhūvarāhaḥ || ārliṃgya kāntāmati
saumyamūrtirvirājate viśvajanopakārī
163.25
śrīsvāmipuṣkariṇyāṃ ca dakṣiṇe veṃkaṭeśvaraḥ || ārliṃgitavapurlakṣmyā varado vartate ciram
163.26
evaṃ vaḥ kathitaṃ viprāḥ kṣetramāhātmyamuttamam || yaḥ śṛṇoti sadā bhaktyā viṣṇuloke mahīyate
163.26.p1
iti śrīskāṃde mahāpurāṇa ekāśīti sāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye kṣetramahimānuvarṇanaṃnāma saptadaśo'dhyāyaḥ
Linked texts (4)
- Nāradapurāṇa — Vyāsa, Sanskrit
- Ānandarāmāyaṇa — Vālmīki, Sanskrit
- Vratarāja (Viśvanātha) — Viśvanātha 1711, Sanskrit
- Mānasakhaṇḍa — Sanskrit