[Pramāṇa](https://indike.org/pramana/) › [Indian literature](https://indike.org/pramana/in) › [Purāṇas](https://indike.org/pramana/in.purana) › [Skandapurāṇa](https://indike.org/pramana/in.purana.skanda) › [Vaishnavakhanda](https://indike.org/pramana/in.purana.skanda.vaisnavakhanda) › 167 # Vaishnavakhanda 167 Vaiṣṇavakhaṇḍa 167 - **Language:** Sanskrit ## Contents - [167.74](https://indike.org/pramana/in.purana.skanda.vaisnavakhanda.167.74) — 1 part ### [167.1](https://indike.org/pramana/in.purana.skanda.vaisnavakhanda.167.1) cha atha rāmānujākhyadvijavṛttāntaḥ || || śrīsūta uvāca || || bhobhostapodhanāḥ sarve naimiṣāraṇyavāsinaḥ || ākāśagaṃgātīrthasya māhātmyaṃ pravadāmyaham ### [167.2](https://indike.org/pramana/in.purana.skanda.vaisnavakhanda.167.2) ākāśagaṃgānikaṭe sarvaśāstrārthapāragaḥ || rāmānuja iti khyāto viṣṇubhakto jitendriyaḥ ### [167.3](https://indike.org/pramana/in.purana.skanda.vaisnavakhanda.167.3) tapaścakāra dharmātmā vaikhānasamate sthitaḥ || grīṣme paṃcāgnimadhyastho viṣṇudhyānaparāyaṇaḥ ### [167.4](https://indike.org/pramana/in.purana.skanda.vaisnavakhanda.167.4) japannaṣṭākṣaraṃ maṃtraṃ dhyāyanhṛdi janārdanam || varṣāsvākāśago nityaṃ hemanteṣu jaleśayaḥ ### [167.5](https://indike.org/pramana/in.purana.skanda.vaisnavakhanda.167.5) sarvabhūtahito dāntaḥ sarvadvandvavivarjitaḥ || varṣāṇi katicitso'yaṃ jīrṇaparṇāśanobhavat ### [167.6](https://indike.org/pramana/in.purana.skanda.vaisnavakhanda.167.6) kaścitkālaṃ jalā hāro vāyubhakṣaḥ kiyatsamāḥ ### [167.7](https://indike.org/pramana/in.purana.skanda.vaisnavakhanda.167.7) athākāśagaṃgātīre rāmānujatapastuṣṭabhagavadāvirbhāvaḥ || atha tattapasā tuṣṭo bhagavānbhaktavatsalaḥ || pratyakṣa tāmagāttasya śaṃkhacakragadādharaḥ ### [167.8](https://indike.org/pramana/in.purana.skanda.vaisnavakhanda.167.8) vikacāmbujapatrākṣaḥ sūryakoṭisamaprabhaḥ || vinatānandanārūḍhaśchatracāmaraśobhitaḥ ### [167.9](https://indike.org/pramana/in.purana.skanda.vaisnavakhanda.167.9) hārakeyūramukuṭaḥ kaṭakādivibhūṣitaḥ || viṣvaksenasunandādikiṅkaraiḥ parivāritaḥ ### [167.10](https://indike.org/pramana/in.purana.skanda.vaisnavakhanda.167.10) vīṇāveṇumṛdaṃgādivādakairnāradādibhiḥ || gīyamānaḥ suvibhavaḥ pītāmbaravirā jitaḥ ### [167.11](https://indike.org/pramana/in.purana.skanda.vaisnavakhanda.167.11) lakṣmīvirājitorasko nīlameghanivacchaviḥ || sanakādimahāyogisevitaḥ pārśvayordvayoḥ ### [167.12](https://indike.org/pramana/in.purana.skanda.vaisnavakhanda.167.12) mandasmitena sakalaṃ mohayanbhuvana trayam || svabhāsā mānayansarvā diśo daśa virājayan ### [167.13](https://indike.org/pramana/in.purana.skanda.vaisnavakhanda.167.13) śubhakśulabho devo veṃkaṭeśo dayānidhiḥ || punaḥ sannidadhe tasya rāmānujamahā muneḥ ### [167.14](https://indike.org/pramana/in.purana.skanda.vaisnavakhanda.167.14) āvirbhūtaṃ tadā dṛṣṭvā śrīnivāsaṃ kṛpānidhim || pītāmbaradharaṃ devaṃ tuṣṭiṃ prāpa mahāmuniḥ ### [167.15](https://indike.org/pramana/in.purana.skanda.vaisnavakhanda.167.15) bhaktyā paramayā yuktastuṣṭāva jagadīśvaram ### [167.16](https://indike.org/pramana/in.purana.skanda.vaisnavakhanda.167.16) atha rāmānujākhyaviprakṛtabhagavatstutiḥ || || rāmānuja uvāca || || namo devādhidevāya śaṅkhacakragadābhṛte || namo nityāya śuddhāya veṃkaṭeśāya te namaḥ ### [167.17](https://indike.org/pramana/in.purana.skanda.vaisnavakhanda.167.17) namo bhaktārtihaṃtre te hayyakavyasvarūpiṇe || namastrimūrtaye tubhyaṃ sṛṣṭisthityantakāriṇe ### [167.18](https://indike.org/pramana/in.purana.skanda.vaisnavakhanda.167.18) namaḥ pareśāya namo'ti bhūmne namo'stu lakṣmīpataye vidhātre || namo'stu sūryenduvilocanāya namo viriñcādyabhivanditāya ### [167.19](https://indike.org/pramana/in.purana.skanda.vaisnavakhanda.167.19) yo nāma jātyādivikalpahīnaḥ samasta doṣairapi varjito yaḥ || samastasaṃsārabhayāpahāriṇe tasmai namo daityavināśakāya ### [167.20](https://indike.org/pramana/in.purana.skanda.vaisnavakhanda.167.20) vedāṃtavedyāya rameśvarāya vṛṣādivāsāya vidhātṛpitre || namonamaḥ sarvajanārtihāriṇe nārāyaṇāyāmitavikramāya ### [167.21](https://indike.org/pramana/in.purana.skanda.vaisnavakhanda.167.21) namastubhyaṃ bhagavate vāsudevāya śārṅgiṇe || bhūyobhūyo namastubhyaṃ veṃkaṭādrinivāsine ### [167.22](https://indike.org/pramana/in.purana.skanda.vaisnavakhanda.167.22) iti stutvā veṃkaṭeśaṃ śrīnivāsaṃ jagadgurum || rāmānujo munistūṣṇīmāste vipravarottamaḥ ### [167.23](https://indike.org/pramana/in.purana.skanda.vaisnavakhanda.167.23) śrutvā stutiṃ śrutisukhāṃ stutastasya mahātmanaḥ avāpa paramaṃ toṣaṃ veṃkaṭācalanāyakaḥ ### [167.24](https://indike.org/pramana/in.purana.skanda.vaisnavakhanda.167.24) athāliṅgya muniṃ śauriścaturbhirbāhubhistadā || babhāṣe prītisaṃyukto varaṃ vai briyatāmiti ### [167.25](https://indike.org/pramana/in.purana.skanda.vaisnavakhanda.167.25) tuṣṭo'smi tapasā te'dya stotreṇāpi mahāmune || namaskāreṇa ca prīto varado'haṃ tavāgataḥ ### [167.26](https://indike.org/pramana/in.purana.skanda.vaisnavakhanda.167.26) atha rāmānujākhyaviprakṛtabhagavatprārthanā rāmānuja uvāca || || nārāyaṇa ramānātha śrīnivāsa jaganmaya || janārdana jagaddhāma govinda narakāntaka ### [167.27](https://indike.org/pramana/in.purana.skanda.vaisnavakhanda.167.27) tvaddarśanātkṛtārtho'smi veṃkaṭādriśiromaṇe || tvāṃ namasyaṃti dharmiṣṭhā yatastvaṃ dharmapālakaḥ ### [167.28](https://indike.org/pramana/in.purana.skanda.vaisnavakhanda.167.28) yaṃ na vetti bhavo brahmā yaṃ na vetti trayī tathā || tvāṃ vedmi paramātmānaṃ kimasmādadhikaṃ param ### [167.29](https://indike.org/pramana/in.purana.skanda.vaisnavakhanda.167.29) yogino yaṃ na paśyaṃti yaṃ na paśyaṃti karmaṭhāḥ || paśyāmi paramātmānaṃ kimasmādadhikaṃ param ### [167.30](https://indike.org/pramana/in.purana.skanda.vaisnavakhanda.167.30) etena ca kṛtārtho'smi veṃkaṭeśa jagatpate || yannāmasmṛtimātreṇa mahāpātakino'pi ca ### [167.31](https://indike.org/pramana/in.purana.skanda.vaisnavakhanda.167.31) muktiṃ prayāṃti manujāstaṃ paśyāmi janārdanam || tvatpādapadmayugale niścalā bhaktirastu me ### [167.32](https://indike.org/pramana/in.purana.skanda.vaisnavakhanda.167.32) atha bhagavadvarṇitākāśagaṃgātīrthasnānakālaḥ || || śrībhagavānuvāca || || mayi bhaktirdṛḍhā testu rāmānuja mahāmate || śṛṇu cāpyaparaṃ vākyamucyate te mayā dvija ### [167.33](https://indike.org/pramana/in.purana.skanda.vaisnavakhanda.167.33) meṣasaṃkramaṇe bhānościtrānakṣatrasaṃyute || paurṇamāsyāṃ ca gaṃgāyāṃ snānaṃ kurvī nti ye janāḥ ### [167.34](https://indike.org/pramana/in.purana.skanda.vaisnavakhanda.167.34) te yāṃti paramaṃ dhāma punarāvṛttivarjitam || viyadgaṃgāsamīpe tvaṃ vasa rāmānuja dvija ### [167.35](https://indike.org/pramana/in.purana.skanda.vaisnavakhanda.167.35) etatprārabdhadehāṃte matsvarūpa mavāpsyasi || bahunā kimihoktena viyadgaṃgājale śubhe ### [167.36](https://indike.org/pramana/in.purana.skanda.vaisnavakhanda.167.36) snānti ye vai janāḥ sarve te vai bhāgavatottamāḥ || bhavanti muniśārdūla nātra kāryā vicāraṇā ### [167.37](https://indike.org/pramana/in.purana.skanda.vaisnavakhanda.167.37) rāmānuja uvāca || kiṃlakṣaṇā bhāgavatā jñāyante kena karmaṇā || etadicchāmyahaṃ śrotuṃ kautūhalaparo yataḥ ### [167.38](https://indike.org/pramana/in.purana.skanda.vaisnavakhanda.167.38) atha bhagavadvarṇitabhāgavatalakṣaṇāni || || śrīveṃkaṭeśa uvāca || lakṣma bhāgavatānāṃ tu śṛṇuṣva munisattama ### [167.39](https://indike.org/pramana/in.purana.skanda.vaisnavakhanda.167.39) vaktuṃ teṣāṃ prabhāvaṃ tu śakyate nābdakoṭibhiḥ ### [167.40](https://indike.org/pramana/in.purana.skanda.vaisnavakhanda.167.40) ye hitāḥ sarvajantūnāṃ gatāsūyā vimatsarāḥ || jñānino niḥspṛhāḥ śāntāste vai bhāgavatottamāḥ ### [167.41](https://indike.org/pramana/in.purana.skanda.vaisnavakhanda.167.41) karmaṇā manasā vācā parapīḍāṃ na kurvate || aparigrahaśīlāśca te vai bhāgavatottamāḥ ### [167.42](https://indike.org/pramana/in.purana.skanda.vaisnavakhanda.167.42) satkathāśravaṇe yeṣāṃ vartate sāttvikī matiḥ || matpādāmbuja bhaktā ye te vai bhāgavatottamāḥ ### [167.43](https://indike.org/pramana/in.purana.skanda.vaisnavakhanda.167.43) mātāpitrośca śuśrūṣāṃ kurvate ye narottamāḥ || ye tu devārcanaratā ye tu tatsādhakā narāḥ || pūjāṃ dṛṣṭvā tu modante te vai bhāgavatottamāḥ ### [167.44](https://indike.org/pramana/in.purana.skanda.vaisnavakhanda.167.44) varṇināṃ ca yatīnāṃ ca paricaryāparāśca ye || paranindāmakurvāṇāste vai bhāgavatottamāḥ ### [167.45](https://indike.org/pramana/in.purana.skanda.vaisnavakhanda.167.45) sarveṣāṃ hita vākyāni ye vadanti narottamāḥ || ye guṇagrāhiṇo loke te vai bhāgavatottamāḥ ### [167.46](https://indike.org/pramana/in.purana.skanda.vaisnavakhanda.167.46) ātmavatsarvabhūtāni ye paśyanti narottamāḥ || tulyāḥ śatruṣu mitreṣu te vai bhāgavatāḥ smṛtāḥ ### [167.47](https://indike.org/pramana/in.purana.skanda.vaisnavakhanda.167.47) dharmaśāstrapravaktāraḥ satyavākyaratāśca ye || teṣāṃ śuśrūṣavo ye ca te vai bhāgavatottamāḥ ### [167.48](https://indike.org/pramana/in.purana.skanda.vaisnavakhanda.167.48) vyākurvanti purāṇāni tāni śṛṇvanti ye tathā || tadvatkāri ca bhaktā ye te vai bhāgavatottamāḥ ### [167.49](https://indike.org/pramana/in.purana.skanda.vaisnavakhanda.167.49) ye gobrāhmaṇaśuśrūṣāṃ kurvanti satataṃ narāḥ tīrthayātrāparā ye ca te vai bhāgavatottamāḥ ### [167.50](https://indike.org/pramana/in.purana.skanda.vaisnavakhanda.167.50) anyeṣāmudayaṃ dṛṣṭvā ye'bhinandaṃti mānavāḥ || harināmaparā ye ca te vai bhāgavatottamāḥ ### [167.51](https://indike.org/pramana/in.purana.skanda.vaisnavakhanda.167.51) ārāmāropaṇaratāstaṭākaparirakṣakāḥ || kāsārakūpakartāraste vai bhāgavatottamāḥ ### [167.52](https://indike.org/pramana/in.purana.skanda.vaisnavakhanda.167.52) ye vai taṭākakartāro deva sadmāni kurvate || gāyatrīniratā ye ca te vai bhāgavatottamāḥ ### [167.53](https://indike.org/pramana/in.purana.skanda.vaisnavakhanda.167.53) ye'bhinandaṃti nāmāni hareḥ śrutvā'tiharṣitāḥ || romāñcita śarīrāśca te vai bhāgavatottamāḥ ### [167.54](https://indike.org/pramana/in.purana.skanda.vaisnavakhanda.167.54) tulasīkānanaṃ dṛṣṭvā ye namaskurvate narāḥ || tatkāṣṭhāṃkitakarṇā ye te vai bhāgavatottamāḥ ### [167.55](https://indike.org/pramana/in.purana.skanda.vaisnavakhanda.167.55) tulasīgandhamāghrāya santoṣaṃ kurvate tu ye || tanmūlamṛddharā ye ca te vai bhāgavatottamāḥ ### [167.56](https://indike.org/pramana/in.purana.skanda.vaisnavakhanda.167.56) svāśramācāraniratāstathaivātithipūjakāḥ || ye ca vedārthavaktāraste vai bhāgavatottamāḥ ### [167.57](https://indike.org/pramana/in.purana.skanda.vaisnavakhanda.167.57) viditāni ca śāstrāṇi parārthaṃ pravadanti ye || sarvatra guṇabhājo ye te vai bhāgavatottamāḥ ### [167.58](https://indike.org/pramana/in.purana.skanda.vaisnavakhanda.167.58) pānīyadānaniratā havyadānaratāśca ye || ekādaśīvrataparāste vai bhāgavatottamāḥ ### [167.69](https://indike.org/pramana/in.purana.skanda.vaisnavakhanda.167.69) godānaniratā ye ca kanyādānaratāśca ye || sadarthaṃ karmakartāraste vai bhāgavatottamāḥ ### [167.70](https://indike.org/pramana/in.purana.skanda.vaisnavakhanda.167.70) manmānasāśca madbhaktā ye madjanalolupāḥ || mannāmasmaraṇāsaktāste vai bhāgavatottamāḥ ### [167.71](https://indike.org/pramana/in.purana.skanda.vaisnavakhanda.167.71) bahunātra kimuktena saṃkṣepātte bravīmyaham || sadguṇāya pravartante te vai bhāgavatottamāḥ ### [167.72](https://indike.org/pramana/in.purana.skanda.vaisnavakhanda.167.72) ete bhāgavatā viprāḥ kecidatra prakīrtitāḥ mamāpi gadituṃ śakyā nābdakoṭiśatairapi ### [167.73](https://indike.org/pramana/in.purana.skanda.vaisnavakhanda.167.73) rāmānuja mahābhāga madbhaktānāṃ ca lakṣaṇam || mayi bhakte tvayi prītyā yukta kila mahāmate ### [167.74](https://indike.org/pramana/in.purana.skanda.vaisnavakhanda.167.74) śrīsūta uvāca || || evaṃ vaḥ kathitaṃ viprāḥ śaunakādyā mahaujasaḥ || vṛṣādrau ca viyadgaṃgātīrthamāhātmyamuttamam ### [167.74.p1](https://indike.org/pramana/in.purana.skanda.vaisnavakhanda.167.74.p1) iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye ākāśagaṃgāmāhātmyarāmānuja vipravratacaryādivarṇanaṃnāmaikaviṃśatitamo'dhyāyaḥ ## Linked texts (2) - [Śivapurāṇa (complete text)](https://indike.org/pramana/in.purana.siva*complete-3.5.29.7) — Sanskrit - [Haribhaktivilāsa (complete text)](https://indike.org/pramana/in.sampradaya.vaisnava.gaudiya.acara.smrti.haribhaktivilasa*complete.10.1.44) — Sanskrit --- Source: [https://indike.org/pramana/in.purana.skanda.vaisnavakhanda.167](https://indike.org/pramana/in.purana.skanda.vaisnavakhanda.167) · Pramāṇa