Vaishnavakhanda 169
Vaiṣṇavakhaṇḍa 169
- Language
- Sanskrit
Contents
- 169.53 — 1 part
169.1
cha || || atha cakratīrthamāhātmyam || || śrīsūta uvāca || || athāhaṃ
saṃpravakṣyāmi dvijendrāḥ satyavādinaḥ|| cakratīrthasya māhātmyaṃ sarvapāpapraṇāśanam
169.2
ye śṛṇvanti mahāpuṇyaṃ cakratīrthasya vaibhavam || te yāṃti viṣṇu
bhavanaṃ punarāvṛttivarjitam
169.3
annadāne ca vimukhā jaladāne tathaiva ca || godānavimukhā ye ca śuddhāste'tra nimajjanāt
169.4
tasmātpuṇyatamaṃ tīrtha
cakratīrthamanuttamam
169.5
atha padmanābhākhyadvijakṛtatapaḥprakāraḥ || || śrīsūta uvāca || || purā śrīvatsagotrīyaḥ padmanābho jitendriyaḥ || cakrapu
ṣkariṇītīre so'tapyata mahattapaḥ
169.6
dayāyukto nirāhāraḥ satyavādī jitendriyaḥ || ātmavatsarvabhūtāni paśyanviṣayaniḥspṛhaḥ
169.7
sarvabhūta
hito dāntaḥ sarvadvandvavivarjitaḥ || varṣāṇi katicitso'yaṃ jīrṇaparṇāśano'bhavat
169.8
kaścitkālaṃ jalāhāro vāyubhakṣaḥ kiyatsamāḥ || evaṃ dvādaśa
varṣāṇi padmanābho mahāmuniḥ
169.9
atha cakratīrthe padmanābhākhyadvijakṛtatapastuṣṭabhagavadāvirbhāvaḥ || || atapyata tapo ghoraṃ devairapi suduṣkaram
atha tattapasā tuṣṭo bhagavānkamalāpatiḥ
169.10
pratyakṣatāmagāttasya śaṅkhacakragadādharaḥ || vikacāmbujapatrākṣaḥ sūryakoṭisamaprabhaḥ
169.11
unmīlya
cakṣuṣī tatra hṛṣṭavānveṃkaṭeśvaram || śaṃkhacakradharaṃ śāṃtaṃ śrīnivāsaṃ kṛpānidhim || dṛṣṭvā devaṃ mahātmānaṃ stotuṃ samupacakrame
169.12
atha padmanābhā
khyadvijakṛtaśrīnivāsastutiḥ || || namo devādhidevāya veṃkaṭeśāya śārṅgiṇe || nārāyaṇādvivāsāya śrīnivāsāya te namaḥ
169.13
namaḥ kalmaṣa
nāśāya vāsudevāya viṣṇave || śeṣācalanivāsāya śrīnivāsāya te namaḥ
169.14
namastrailokyanāthāya viśvarūpāya sākṣiṇe || śivabrahmādivaṃdyāya
śrīnivāsāya te namaḥ
169.15
namaḥ kamalanetrāya kṣīrābdhiśayanāya te || duṣṭarākṣasasaṃhartre śrīnivāsāya te namaḥ
169.16
bhaktapriyāya devāya
devānāṃ pataye namaḥ
169.17
praṇatārtivināśāya śrīnivāsāya te namaḥ
169.18
yogināṃ pataye nityaṃ vedavedyāya viṣṇave || bhaktānāṃ pāpasaṃhartre
śrīnivāsāya te namaḥ
169.19
evaṃ stuto mahābhāgaḥ śrīnivāso jaganmayaḥ || padmanābhākhyaṛṣiṇā cakratīrthanivāsinā
169.20
atha
padmanābhasya cakratīrthe niraṃtaravāsāya bhagavanniyamanam || || saṃtoṣaṃ paramaṃ prāpya veṃkaṭeśo dayānidhiḥ
169.21
padmanābhaṃ dvijavaraṃ śāṃtaṃ dharmaparāya
ṇam || sudhādhāropamaṃ vākyamabravītpuruṣottamaḥ
169.22
śrīnivāsa uvāca || || dvijavarya mahābhāga matpādakamalārcaka || cakratīrthasya
tīre tvamākalpaṃ pūjayanvasa
169.23
ityuktvā bhagavānviṣṇustatraivāṃtaradhīyata || antardhānaṃ gate deve śrīnivāse jagadgurau
169.24
cakratīrthasya tīre
tu vāsaṃ cakre mahāmatiḥ || tataḥ kālāṃtare kaścidrākṣaso bhīmadarśanaḥ
169.25
muniṃ taṃ padmanābhākhyaṃ nārāyaṇaparāyaṇam || āyayau bhakṣituṃ krūraḥ
kṣudhayā parīpīḍitaḥ
169.26
brāhmaṇaṃ tarasā so'yaṃ rākṣaso jagrahe tadā || gṛhītastarasā tena vipro vedāṃgapāragaḥ
169.27
pracukrośa dayāmbhodhimā
pannānāṃ parāyaṇam || nārāyaṇaṃ cakrapāṇiṃ rakṣa rakṣeti vai muhuḥ
169.28
veṃkaṭeśa dayāsindho śaraṇāgatapālaka || trāhi māṃ puruṣavyāghra rakṣovaśa
mupāgatam
169.29
lakṣmīkāṃta hare viṣṇo vaikuṇṭha garuḍadhvaja || māṃ rakṣa rākṣasākrāṃtaṃ grāhākrāṃtaṃ gajaṃ yathā
169.30
dāmodara jagannātha hiraṇyā
suramardana || prahlādamiva māṃ rakṣa rākṣasenātipīḍitam
169.31
atha padmanābhahananodyuktāsuravadhāya bhagavatkṛtacakrapreṣaṇam || || ityevaṃ stuva
tastasya padmanābhasya he dvijāḥ || svabhaktasya bhayaṃ jñātvā cakrapāṇirdayānidhiḥ
169.32
svacakraṃ preṣayāmāsa bhaktarakṣaṇakāraṇāt || preritaṃ viṣṇucakraṃ
tadviṣṇunā prabhaviṣṇunā
169.33
ājagāmātha vegena cakrapuṣkariṇītaṭam || anantādityasaṃkāśamanantāgnisamaprabham
169.34
mahājvālaṃ mahā
nādaṃ mahāsuravimardanam || dṛṣṭvā sudarśanaṃ viṣṇo rākṣaso'tha pradudruve
169.36
atha bhagavatpreṣitacakrakṛtāsuravadhaḥ || || dravamāṇasya tasyāśu
rākṣasasya sudarśanam || śiraścakarta sahasā jvālāmālāḍhurāsadam
169.36-2
tato vipravaro dṛṣṭvā rākṣasaṃ patitaṃ bhuvi || mudā paramayā yuktastuṣṭāva ca
sudarśanam
169.37
padmanābha uvāca || || viṣṇucakra namaste'stu viśvarakṣaṇadīkṣita || nārāyaṇakarāmbhojabhūṣaṇāya namo'stu te
169.38
yuddheṣvasurasaṃhārakuśalāya mahārava || sudarśana namastubhyaṃ bhaktānāmārtināśana
169.39
rakṣa māṃ bhayasaṃvignaṃ sarvasmādapi kalmaṣāt || svāminsudarśana vibho cakratīrthe sadā bhavān
169.40
sannidhehi hitāya tvaṃ jagato muktikāṃkṣiṇaḥ || brāhmaṇainaivamuktaṃ tadviṣṇucakraṃ munīśvarāḥ
169.41
taṃ prāha
padmanābhākhyaṃ prīṇayanniva sauhārdāt
169.42
atha dvijaprārthanayā cakrakṛtavaradānādiḥ || || sudarśana uvāca || || padmanābha mahāpuṇyaṃ
cakratīrthamanuttamam || asminvasāmi satataṃ lokānāṃ hitakāmyayā
169.43
tvatpīḍāṃ paricintyāhaṃ rākṣasena durātmanā
169.44
prerito viṣṇunā
vipra tvarayā samupāgataḥ || tvatpīḍako'pi nihato mayādya rākṣasādhamaḥ
169.45
mocitastvaṃ bhayādasmāttvaṃ hi bhakto hareḥ sadā || cakratīrthe mahā
puṇye sarvapāpahare dvija
169.46
satataṃ lokarakṣārthaṃ sannidhānaṃ karomi te || asminmatsannidhānātte tathānyeṣāmapi dvija
169.47
itaḥ paraṃ na
pīḍā syādbhūtarākṣasasambhavā || asminmatsannidhānātsyāccakratīrthamiti prathā
169.48
snānaṃ ye'tra prakurvanti cakratīrthe vimuktide || teṣāṃ putrāśca
pautrāśca vaṃśajāḥ sarva eva hi
169.49
vidhūtapāpā yāsyanti tadviṣṇoḥ paramaṃ padam || ityuktvā viṣṇucakraṃ tatpadmanābhasya paśyataḥ
169.50
anye
ṣāmapi viprāṇāṃ paśyatāṃ sahasā dvijāḥ || cakrapuṣkariṇīṃ tāṃ tu prāviśatpāpanāśinīm
169.51
śrīsūta uvāca || || cakratīrthasya māhā
tmyaṃ viprendrāḥ pāpanāśanam || yuṣmākaṃ kathitaṃ sarvaṃ śaunakādyā mahaujasaḥ
169.52
cakratīrthasamaṃ tīrthaṃ na bhūtaṃ na bhaviṣyati || atra snātvā narā
viprā mokṣabhājo na saṃśayaḥ
169.53
kīrtayedimadhyāyaṃ śṛṇuyādvā samāhitaḥ || cakratīrthābhiṣekasya prāpnoti phalamuttamam
169.53.p1
iti śrīskānde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye cakratīrthamahimānuvarṇanaṃnāma trayoviṃśatitamo 'dhyāyaḥ