Vaishnavakhanda 171
Vaiṣṇavakhaṇḍa 171
- Language
- Sanskrit
Contents
- 171.40 — 1 part
171.1
atha jābāli
tīrthamāhātmyavarṇanam || || śrīsūta uvāca || || bhobhostapodhanāḥ sarve naimiṣāraṇyavāsinaḥ || veṃkaṭādrau mahāpuṇye sarvapātakanāśane
171.2
tato jābālitīrthasya māhātmyaṃ varṇayāmyaham || durācārābhidho yatra snātvā mukto'bhavaddvijāḥ
171.3
munaya ūcuḥ || || durācārābhidhaḥ
ko'sau sūta tattvārthakovida || kiśca pāpaṃ kṛtaṃ tena durācāreṇa vai mune
171.4
kathaṃ vā pātakānmuktastīrthe'sminsnānavaibhavāt || etacchuśrūṣa
māṇānāṃ vistārādda no mune
171.5
atha kāverītīravāsidurācārākhyadvijodantaḥ || || śrīsūta uvāca || || munayaḥ śrūyatāṃ tasya durācārasya
pātakam || jābālitīrthasnānena yathā muktaśca pātakāt
171.6
durācārābhidho vipraḥ kāverītīramāśritaḥ || kaścidāste dvijaḥ pāpī krūrakarmarataḥ
sadā
171.7
brahmaghnaiśca surāpaiśca steyibhirgurutalpagaiḥ || sadā saṃsargaduṣṭo'sau taiḥ sākaṃ nyavasadvijāḥ
171.8
mahāpātakasaṃsargadoṣeṇāsya
dvijasya vai || brāhmaṇyaṃ sakalaṃ naṣṭaṃ niḥśeṣeṇa dvijottamāḥ
171.9
mahāpātakibhiḥ sārdhaṃ dinamekaṃ tu yo dvijaḥ || nivasetsādaraṃ tasya
tatkṣaṇādvai dvijanmanaḥ
171.10
brāhmaṇasya tu caikāṃśo naśyatyeva na saṃśayaḥ || dvidinaṃ sevanātsparśāddarśanācchayanāttathā
171.11
bhojanātsaha paṃktau ca mahāpātakibhirdvijāḥ || dvitīyabhāgo naśyeta brāhmaṇyasya na saṃśayaḥ
171.12
tridinācca tṛtīyāṃśo naśyatyeva
na saṃśayaḥ || caturdināccaturthāṃśo vilayaṃ yāti hi dhruvam
171.13
ataḥ paraṃ ca taiḥ sākaṃ śayanāsanabhojanaiḥ || tattulyapātakī bhūyā
nmahāpātakisaṃgavān
171.14
tena brāhmaṇyahīno'yaṃ durācārābhidho dvijaḥ || grasto'bhavadvīṣaṇena vyāleneva balīyasā
171.15
asau paravaśastena vetālenātipīḍitaḥ || deśādeśaṃ bhramanvipro vanādvaiva vanāntaram
171.16
pūrvapuṇyavipākena daivayogena sa dvijaḥ || veṃka
ṭādriṃ mahāpuṇyaṃ sarvapātakanāśanam
171.17
atha jābālitīrthasnānādurācāravetālayormahāpātakādinivṛttiḥ || || adbhutaḥ piśācena
vetālena dvijo yayau || nyamajjayatsa vetālo mahāpātakanāśane
171.18
jābālitīrthe viprendrā mahāpātakisaṃginam || udatiṣṭhatkṣaṇādeva
vetālena vimocitaḥ
171.19
utthito'sau dvijo viprāstasmāttīrthāttu pāvanāt || svastho vyacintayatko'yaṃ svarṇamukhyāḥ samīpataḥ
171.20
kathaṃ mayāgatamaho kāverītīravāsinā || iti cintākulaḥ so'yaṃ jābālestīrthamuttamam
171.21
jābāliṃ ca mahātmānaṃ yogīndvaramuttamam
samāgamya praṇamyāsau durācāro'bhyabhāṣata
171.22
na jāne bhagavanvipra parvato'yaṃ vadādhunā || kāverītīranilayo durācārābhidho hyaham
171.23
kṛpayā brūhi me brahmanmayātra kathamāgatam || iti pṛṣṭo munistena durācāreṇa suvrataḥ
171.24
dhyātvā muhūrtamavaddurācāraṃ kṛpānidhiḥ
171.25
atha jābālivarṇitapārvaṇaśrāddhākaraṇadoṣakathanam || || jābāliruvāca || || mahāpātakisaṃsargāddurācārasya te purā || brāhmaṇyaṃ naṣṭamabhavadve
tāālastvāṃ tato'grahīt
171.26
tenāviṣṭastvamāyāto viśo'tra vimūḍhadhīḥ || nyamajjayattvāṃ vetālastīrthe'sminnatipāvane
171.27
atra majjanamā
treṇa vimuktaḥ pātakādbhavān || jābālitīrthe ye snānaṃ puṇyaṃ kurvanti mānavāḥ
171.28
teṣāṃ naśyanti vai satyaṃ paścapātakasaṃcayāḥ || satkarmasādhane
puṇyatīrthe'sminsnānamātrataḥ
171.29
mahāpātakisaṃsargadoṣaste vilayaṃ gataḥ || tvāmagrahīdyo vetālaḥ purāyaṃ brāhmaṇo'bhavat
171.30
mṛte'hani
pitṛśrāddhaṃ nākarotpārvaṇena vai || tena svapitṛbhiḥ śapto vetālatvamagādayam
171.31
so'pi jābālitīrthasya jale snānaprabhāvataḥ || vetālatvaṃ
vihāyaiva viṣṇulokamavāptavān
171.32
na kuryādyo naraḥ śrāddhaṃ mātāpitrormṛte'hani || vetālatvamavāpyāśu paścānnarakamaśnute
171.33
śrīsūta
uvāca || || durācāro mahāpāpī tīrthe'sminsnānamātrataḥ || prāptavānviṣṇulokaṃ vai punarāvṛttivarjitam
171.34
evaṃ vaḥ kathitaṃ puṇyaṃ durācāra
vimokṣaṇam || tasmātpuṇyatamaṃ tīrthaṃ sarvapāpaharaṃ śubham
171.35
yatra hi snānamātreṇa durācāro vimocitaḥ || yāni niṣkṛtihīnāni pāpānyapi
vināśayet
171.36
śūdreṇa pūjitaṃ liṅgaṃ viṣṇuṃ vā yo namedvijaḥ || prāyaścittaṃ na smṛtiṣu tasyoktaṃ paramarṣibhiḥ
171.37
naśyettasyāpi tatpāpaṃ
tīrthe jābālisaṃjñake || vipranindākṛtāṃ caiva prāyaścittaṃ na vidyate
171.38
viśvāsaghātukānāṃ ca kṛtaghnānāṃ ca niṣkṛtiḥ || bhrātṛbhāryāratānāṃ ca
prāyaścittaṃ na vidyate
171.39
teṣāṃ jābālitīrthe vai snānācchuddhirbhaviṣyati || evaṃ vaḥ kathitaṃ viprā jābālestīrthavaibhavam
171.40
yacchrutvā
sarvapāpebhyo mucyate mānavo bhuvi
171.40.p1
iti śrīskānde mahāpurāṇa ekāśītisāhasryāṃ saṃhitāyāṃ dvitīye veṣṇavakhaṇḍe śrīveṃkaṭācalamāhātmye jābālitīrthamahimānuvarṇananāma pañcaviṃśo'dhyāyaḥ
Linked texts (1)
- Setukhaṇḍa — Sanskrit