Pramāṇa · Search · About · API

Vaishnavakhanda 173

Vaiṣṇavakhaṇḍa 173

Language
Sanskrit

Contents

173.1

atha śrīveṃkaṭācalasya sarvapuṇyatīrthādhāratvavarṇanam || || ṛṣaya ūcuḥ || || veṃkaṭādrau mahāpuṇye sarvasaṃkaṭanāśane || santi
vai kati tīrthāni sūta paurāṇikottama

173.2

teṣāṃ saṃkhyāṃ ca me brūhi kati mukhyāni tatra vai || tatrāpyatyantamukhyāni vada me munisattama

173.3

saddharmaratidānyatra kati mukhyāni tāni ca || kāni jñānapradānyatra bhaktivairāgyadāni ca

173.4

muktipradāni kānyatra tāni me vada suvrata

173.5

śrīsūta uvāca || || ṣaṭṣaṣṭikoṭitīrthāni puṇyānyatra nagottame || aṣṭottarasahasrāṇi teṣu mukhyāni suvrata

173.6

saddharmaratidānyatra
santi cāṣṭottaraṃ śatam || sahasrebhyaśca mukhyāni pṛthaktebhyaśca tāni ca

173.7

bhaktivairāgyadānyatra ṣaṣṭiraṣṭottare śate

173.8

atha svāmipuṣkari
ṇyādiṣaṭtīrthasnānakālanirṇayaḥ || || muktidānyatra ṣaṭ caiva veṃkaṭācalamūrdhani || svāmipuṣkariṇī caiva viyadgaṅgā tataḥ param

173.9

paścātpāpa
vināśaṃ ca pāṇḍutīrthamataḥparam || kumāradhārikātīrthaṃ tumbostīrthamataḥ param

173.10

kumbhamāse paurṇamāsyāṃ maghāyogo yadā bhavet || kumāradhā
rikāṃ yānti sarvatīrthāni he dvijāḥ

173.11

tatra yaḥ snāti viprendrā rājasūyaphalaṃ labhet || muktiśca bhavitā tatra nātra kāryā vicāraṇā

173.12

annadānavidhistatra sārdhaṃ dakṣiṇayā dvijāḥ || uttarāphalgunīyuktaśuklapakṣīyaparvaṇi

173.13

tumbostīrthaṃ mīnasaṃsthe ravau tīrthāni sarvaśaḥ || aparāhne
samāyānti tatra snāto na jāyate

173.14

mauñjībandhaṃ vivāhaṃ ca kārayedvagyadānataḥ || meṣasaṃkramaṇe bhānau citrānakṣatrasaṃyute

173.15

paurṇamāsyāṃ samāyānti viyadgaṅgāṃ tathaiva ca || tatra snātvā naraḥ sadyaḥ śatakratuphalaṃ labhet

173.16

suvarṇaṃ tatra dātavyaṃ kanyādānaṃ viśe
ṣataḥ || vṛṣaśsthe ravau viprā dvādaśyāṃ harivāsare

173.17

śukle vāpyatha kṛṣṇe vā bhaumenāpi saṃmanvite || pāṇḍutīrthaṃ samāyānti gaṅgādīni
jagatraye

173.18

tatra snātvā ca gāṃ dattvā mucyate pratibandhakāt || āśvayukśuklapakṣe ca saptamyāṃ bhānuvāsare

173.19

uttarāṣāḍhayuktāyāṃ tathā
pāpavināśanam || uttarābhādrayuktāyāṃ dvādaśyāṃ vā samāgataḥ

173.20

śālagrāmaśilāṃ dattvā snātvā ca vidhipūrvakam || mucyate sarvapāpaiśca janma
koṭiśatodbhavaiḥ

173.21

dhanurmāse site pakṣe dvādaśyāmaruṇodaye || āyānti sarvatīrthāni svāmipuṣkariṇījale

173.22

tatra snātvā naraḥ
sadyo muktimeti na saṃśayaḥ || yasya janmasahasreṣu puṇyamevārjitaṃ purā

173.23

tasya snānaṃ bhavedviprā nānyasya tvakṛtātmanaḥ || vibhavāntuguṇaṃ dānaṃ
kāryaṃ tatra yathāvidhi

173.24

śāligrāmaśilādānaṃ gāṃ dadyācca viśeṣataḥ

173.25

atha purāṇaśravaṇasya viśeṣataḥ prāśastyavarṇanam
ye śṛṇvaṃti kathāṃ viṣṇoḥ sadā bhuvanapāvanīm || te vai manuṣyaloke'sminviṣṇubhaktā bhavanti hi

173.26

yaśśaktaḥ sadā śrotuṃ kathāṃ bhuvanapāva
nīm || muhūrtaṃ vā tadardhaṃ vā kṣaṇaṃ vā viṣṇusatkathām || yaḥ śṛṇoti naro bhaktyā durgatirnāsti tasya hi

173.27

yatphalaṃ sarvayajñeṣu sarvadāneṣu
yatphalam || sakṛtpurāṇaśravaṇāttatphalaṃ vindate naraḥ

173.28

kalau yuge viśeṣeṇa purāṇaśravaṇādhate || nāsti dharmaḥ paraḥ puṃsāṃ nāsti muktipradaṃ
param

173.29

purāṇaśravaṇaṃ viṣṇornāmasaṃkīrtanaṃ param || ubhe eva manuṣyāṇāṃ puṇyadrumamahāphale

173.30

pibannevāmṛtaṃ yatnādekaḥ syādjarāmaraḥ
viṣṇoḥ kathāmṛtaṃ kuryātkulamevājarā'maram

173.31

atha purāṇavaktuḥ sarvapūjanīyatvavarṇanam || || bālo yuvātha vṛddho vā daridro durbhago'pi
vā || purāṇajñaḥ sadā vandyaḥ sa pūjyaḥ sukṛtātmabhiḥ

173.32

nīcabuddhiṃ na kurvīta purāṇajñe kadācana || yasya vakrodratā vāṇī kāmadhenuḥ śarīriṇām

173.33

bhavakoṭisahasreṣu bhūtvā bhūtvāvasīdatām || yo dadātyapunarvṛttiṃ ko'nyastasmātparo guruḥ

173.34

vyāsāsanasamārūḍho yadā
paurāṇiko dvijaḥ || ā samāpteḥ prasaṃgasya namaskuryānna kasyacit

173.35

na durjanasamākīrṇaṃ na śūdraśvāpadāvṛte || deśe na dyūtasadane vadetpuṇyakathāṃ sudhīḥ

173.36

sugrāme sujanākīrṇe sukṣetre devatālaye || puṇye vātha nadītīre vadetpuṇyakathāṃ sudhīḥ

173.37

śraddhābhaktisamāyuktā nānyakāryeṣu
lālasāḥ || vāgyatāḥ śucayo'vyagrāḥ śrotāraḥ puṇyabhāginaḥ

173.38

abhaktyā ye kathāṃ puṇyāṃ śṛṇvaṃti manujādhamāḥ || teṣāṃ puṇyaphalaṃ nāsti
duḥkhaṃ janmani janmani

173.39

purāṇaṃ ye tu saṃpūjya tāmbūlādyairupāyanaiḥ || śṛṇvaṃti ca kathāṃ bhaktyā na daridrā na pāpinaḥ

173.40

kathāyāṃ
kathyamānāyāṃ ye gacchantyanyato narāḥ || bhogāntare praṇaśyanti teṣāṃ dārāśca saṃpadaḥ

173.41

soṣṇīṣamastakā ye ca kathāṃ śṛṇvaṃti pāvanīm || te bāla
kāḥ prajāyante pāpino manujādhamāḥ

173.42

tāṃbūlaṃ bhakṣayanto ye kathāṃ śṛṇvaṃti pāvanīm || śvaviṣṭhāṃ bhakṣayantyete narake ca pataṃti hi

173.43

ye ca tuṃgā
sanārūḍhāḥ kathāṃ śṛṇvanti dāṃbhikāḥ || akṣayyānnarakānbhuktā te bhavantyeva vāyasāḥ

173.44

ye ca vīrāsanārūḍhā ye ca siṃhāsanasthitāḥ || śṛṇvanti
satkathāṃ te vai bhavantyarjunapādapāḥ

173.45

asaṃpraṇamya śṛṇvanto viṣavṛkṣā bhavanti hi || tathā śayānāḥ śṛṇvanto bhavantyajagarā hi te

173.46

yaḥ śṛ
ṇoti kathāṃ vaktuḥ samānāsanasaṃsthitaḥ || gurutalpasamaṃ pāpaṃ saṃprāpya narakaṃ vrajet

173.47

ye nindaṃti purāṇajñaṃ satkathāṃ pāpahāriṇīm || te vai janma
śataṃ martyāḥ śunakāśca bhavaṃti hi

173.48

kathāyāṃ kīrtyamānāyāṃ ye vadaṃti duruttaram || te gardabhāḥ prajāyante kṛkalāsāstataḥparam

173.49

kadācidapi ye puṇyāṃ na śṛṇvaṃti kathāṃ narāḥ || te bhuktā narakānghorānbhavanti vanasūkarāḥ

173.50

kathāyāṃ kīrtyamānāyāṃ vighnaṃ kurvaṃti ye narāḥ
koṣyandaṃ narakānbhuktā bhavati grāmasūkarāḥ

173.51

ye kathāmanumodante kīrtyamānāṃ narottamāḥ || aśrṛṇvanto'pi te yānti śāśvataṃ padamavyayam

173.52

ye śrāvayanti manujāḥ puṇyāṃ paurāṇikīṃ kathām || kalpakoṭiśataṃ sāgraṃ tiṣṭhanti brahmaṇaḥ pade

173.53

āsanārthaṃ prayacchanti purāṇa
jñasya ye narāḥ || kambalājinavāsāṃsi tathā maṃcakameva vā

173.54

svargalokaṃ samāsādya bhuktā bhogānyathepsitān || sthitvā brahmādilokeṣu
padaṃ yāṃti nirāmayam

173.55

purāṇasya prayacchanti ye ca sūtraṃ navaṃ varam || bhogino jñānasaṃpannāste bhavaṃti bhave bhave

173.56

ye mahāpāta
kairyuktā hyupapātakinaśca ye || purāṇaśravaṇādeva te yāṃti paramaṃ padam

173.57

veṃkaṭādrestu māhātmyaṃ śrutvā ta ṛṣayastataḥ || vyāsaprasādasaṃpannaṃ
sūtaṃ paurāṇikottamam || pūjayitvā yathānyāyaṃ praharṣamatulaṃ gatāḥ

173.57.p1

iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye sarvatīrthamahimopasaṃhārapūrvakapurāṇaśravaṇaprakriyādyanuvarṇananāma saptaviṃśo'dhyāyaḥ

Linked texts (6)