Vaishnavakhanda 175
Vaiṣṇavakhaṇḍa 175
- Language
- Sanskrit
Contents
- 175.48 — 1 part
175.1
ṛṣaya ūcuḥ || || tīrthānāmiha sarveṣāṃ prabhāvaḥ kathitastvayā
nadīnāṃ parvatānāṃ ca kṣetrāṇāṃ sarasāmapi
175.2
nideśātpadmagarbhasya suvarṇamukharī nadī || nītā bhuvamagastyena vyākhyātā bhavatānagha
175.3
tadutpattiprabhāvaṃ ca tīrthāṃcāṃstatsamāśrayān || śrotuṃ saṃprītirutpannā tanno vaktuṃ tvamarhasi
175.4
praṇamya śambhuṃ nandīśaṃ ṣaḍāsyaṃ vyāsameva ca
munibhiḥ prārthitaḥ sūtastadā vaktuṃ pracakrame
175.5
śrīsūta uvāca || || sādhu pṛṣṭaṃ mahābhāga bhavadbhirmaṃgalāvaham || ākhyānametadāśrāya
śravaṇodbhūtasiddhidam
175.6
śṛṇutāvahitā divyāṃ kathāṃ kalmaṣanāśinīm || bharadvājena kathitāṃ pārthāya kathayāmi vaḥ
175.7
avāpya drupadātmā
jñādyājñasenīṃ pṛthāsutāḥ || dhṛtarāṣṭranideśena jagmuḥ kāripuraṃ śubham
175.8
bhīṣmeṇa cāmbikeyena tatra saṃmānitāstadā || duryodhanādibhiḥ sārdhaṃ
nyavasanpañca vatsarān
175.9
tato'nuśiṣṭo bhīṣmādyairdhṛtarāṣṭro mahāyaśāḥ || sarveṣāṃ kulavṛddhānāṃ vāsudevasya cāgrataḥ
175.10
pradadau pāṃḍuputrebhya
statsevāhlaṣṭamānasaḥ || sārdharājyaṃ puravaraṃ khāṇḍavaprasthasaṃjñitam
175.11
āmaṃtrya pāṇḍutanayā dhṛtarāṣṭrādikānkurūn || jagmustatkhāṇḍavaprastha puraṃ
kṛṣṇasamanvitāḥ
175.12
indraprasthāhvaye tatra rakṣite viśvakarmaṇā || vasanpure'śiṣatpṛthīṃ sānujo dharmanandanaḥ
175.13
gate kṛṣṇe nijapuraṃ nāradasyā
nuśāsanāt || pratijñāṃ cakrire pārthā dharmajñā draupadīṃ prati
175.14
athārjunatīrthayātropodghātaḥ || || yathākrameṇa sā kṛṣṇā varṣamekaikamādarāt
ekaikasya gṛhe tiṣṭhatpratinirṇayapūrvakam
175.15
yaḥ paśyettāṃ paragṛhe sthitāṃ pāṃcālanandinīm || tenaikahāyanamitaṃ vidheyaṃ tīrthasevanam
175.16
evaṃ kṛtapratijñāste pāṇḍubhūpālanandanāḥ || vyāpārairlokasāmānyairninyuḥ kālamataṃdritāḥ
175.17
atha jānapado vipro rājagehāṃgaṇe sthitaḥ
cukrośa bahudhā dhenurhatā me taskarairiti
175.18
samāśvāsya ca taṃ vipraṃ praviveśa dhanaṃjayaḥ || āyudhāni samānetuṃ tvarayā śastramaṃdiram
175.19
tatrāpaśyatsamāsīnau pāṃcālīdharmanandanau || jānannapi pratijñāṃ sa dhanurjagrāha seṣudhi
175.20
sa gatvā taskarānājau nihatya nṛpanandanaḥ
nivartya dhenuṃ tāṃ tasmai dadau viprāya sādaram
175.21
atha vijñāpayāmāsa phālguno dharmanandanam || tīrthayātrā mayā kāryā samayollaṃghanā
diti
175.22
anujasya vacaḥ śrutvā sarvadharmavidāṃ varaḥ || uvāca vacanaṃ dhīraḥ sādaraṃ dharmanandanaḥ
175.23
yudhiṣṭhira uvāca || || gavārthaṃ brāhma
ṇārthaṃ ca yadvadedanṛtaṃ vacaḥ || yadācaredasatkarma tatsatyaṃ tatsamaṃjasam
175.24
brāhmaṇārthaṃ gavārthaṃ ca tvayā karmedṛśaṃ kṛtam || tadasadbhāvamāpnoti kathaṃ kathaya suvrata
175.25
prajāpālanakṛtyasya coropekṣaṇaśikṣaṇaiḥ || nūnaṃ phalaṃ bhavedrājño brahmahatyāśvamedhajam
175.26
asādhyānvairiṇo jñātvā'pya
vanīśo na bhadrabhāk || svadeśopaplavakarāstaskarā yadyaśikṣitāḥ
175.27
asmākaṃ bhūbhujāṃ lokajālasya ca hitaṃ hi yat || tvayehaśaṃ kṛtaṃ karma
nāsti doṣo hyatastava
175.28
śrīsūta uvāca || || dharmaputrasya vacanamākarṇya racitāñjaliḥ || punarvijñāpayāmāsa dharmanityo dhanañjayaḥ
175.29
arjuna uvāca || || maivaṃ bhūpāla vādīstvaṃ svapratijñātilaṃghanam || jānatā dharmasarvasvamuhsaddharmamūrtinā
175.30
kṛtyākṛtyavidā
dakṣeṇātmanā prāksamīritā || nollaṃghanīyā satataṃ pratijñā puruṣeṇa hi
175.31
aśaktānāṃ gatiḥ seyaṃ yadbudhuguruvākyataḥ || dharmaṃ tyajaṃti samayaṃ
tyaktvā prāksvaṃ samīritam
175.32
kṛpayā tīrthagamanādāryo yadi nivartayet || hatapratijñaṃ māṃ lokāalpataḥ ko nivārayet
175.33
samāpi
tīrthayātrāyāṃ kautukottaralaṃ manaḥ || kartavyaṃ ca smṛtaṃ rājannāradādiṣṭaśāsanam
175.34
tatprasīda mahārāja yattīrthagamanodyame || saṃmānanīyaḥ
prabhubhiḥ samayo hyanujīvinām
175.35
tatheti bhrātṛbhiḥ sārddhaṃ kṛtānumatirjanaḥ || agrajaṃ toṣayāmāsa praṇāmapraśrayādibhiḥ
175.36
yathāhaṃ
bhīmasenādīnbhrātṝnāmantrya pāṇḍavaḥ || kṛtasvastyayano agyairniryayau dharaṇīsuraiḥ
175.37
paurāṇikā jyautiṣikā bhiṣajo dharaṇīsurāḥ || anu
jagmurbhṛtyagaṇāḥ śilpinaḥ sūtamāgadhāḥ
175.38
yudhiṣṭhirājñayā tasya bhogatyāgakṣamaṃ dhanam || gṛhītvānuyayuḥ snigdhāḥ sabhyāḥ kośādhikāriṇaḥ
175.39
atha arjunasya gaṃgāditīrthāvagāhanapūrvakaṃ suvarṇamukharyāgamanam || sa rājaputraḥ prathamaṃ prāpya bhāgīrathīṃ nadīm || gaṃgādvāraṃ
prayāgaṃ ca siṣeve kāśikāmapi
175.40
paśyaṃstīrthāni jāhnavyāstattīropāntavarmanā || āsāsāda samuttuṅgakallolaṃ dakṣiṇodadhim
175.41
mahānadīṃ mahāpuṇyāṃ prasiddhaṃ puruṣottamam || siṃhācalaṃ ca saṃvīkṣya prāptavānkṛtakṛtyatām
175.42
tato dadarśa kaunteyaḥ puṇyāṃ godāvarīṃ nadīm
samastaduritatrātaśātanottīrṇagauravām
175.43
kṛtābhiṣekastattoyairvidhivatpāṇḍunandanaḥ || pramodaṃ vividhairdānairakaroddhūsuvarṇakaiḥ
175.44
nadīṃ
malāpahākhyāṃ ca dṛṣṭvā modaṃ yayau śubham || tataḥ samāsasādāsau kṛṣṇaveṇīṃ saridvarām
175.45
śivasya niyatāvāsaṃ caturdvārasamanvitam
nānātīrthagaṇākīrṇaṃ śrīparvatamavaikṣata
175.46
nadīṃ pinākinīṃ tīrtvā gatvā devarṣisevitam || nārāyaṇapriyāvāsamapaśyadveṃkaṭācalam
175.47
śṛṅge'sya bhūbhṛtastuṅge sthitaṃ lokaikanāyakam || apūjayaddhariṃ bhaktyā prasiddhaṃ śubhasiddhaye
175.48
avaruhya veṃkaṭamahādriśṛṅgataḥ sa
dadarśa siddhamunisaṃcasevitām || kalaśodbhavena muninā samāhṛtāṃ taṭinīṃ suvarṇamukharīsamāhvayām
175.48.p1
iti śrīskānde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye suvarṇamukharīmāhātmye arjunatīrthayātrāgamanavarṇanaṃnāmaikonatriṃśo'dhyāyaḥ
Linked texts (2)
- Brahmāṇḍapurāṇa — Vyāsa, Sanskrit
- Skandapurāṇa (early; "Ambikākhaṇḍa") (ed. Bakker) — Sanskrit