Vaishnavakhanda 176
Vaiṣṇavakhaṇḍa 176
- Language
- Sanskrit
Contents
- 176.52 — 1 part
176.1
atha suvarṇamukharīvarṇanam || || sūta uvāca || || tathā sarvāṇi tīrthāni samālokyāgatasya ca || mudaṃ
praṇuṇayāñcake sā pārthasya mahāpagā
176.2
yasyāstaṭanikuñjeṣu modante vanitāḥ sukhāḥ || siddhāḥ saṃsevitā vātaiḥ śīkarāsāraśītalaiḥ
176.3
yā samudyatahasteva gaṅgāmākāśavāhinīm || āliṅgituṃ samuttuṅgaiḥ kaṅkolairabhrasaṃgibhiḥ
176.4
dhūmairāhutisaṃbhūtaistaruśākhopalaṃbhi
bhiḥ || valkalaiśca virājante yattaṭāśramabhūmayaḥ
176.5
munīndraiḥ suravaryaiśca sthāpitāni samantataḥ || yattaṭadvitaye bhānti divyaliṅgāni
śūlinaḥ
176.6
yadīyasaikatāvāsaviśrāntā mānasaṃ saraḥ || na smaranti nijāvāsaṃ marālā vihagottamāḥ
176.7
śamitāvagrahātaṃkaiḥ kulyāmbukhaṃ
vinirgataiḥ || ghuṣṇāti toyaiḥ sasyāni lokarakṣākṣamāṇi yā
176.8
cakravākakucottuṃgavīcivalgīvibhūṣitā || āvartanābhivilasatsaikataśroṇi
maṇḍalā
176.9
praphullapadmavadanā calanmīnayugekṣaṇā || vilasatphenavasanā haṃsayānamanoharā
176.10
jalapakṣiravālāpā nayanānandakāriṇī
apūrvakāminīrūpā yā vibhātyambudhipriyā
176.11
rodhasyantaravāhinyā nadyāḥ prācyāṃ dhanañjayaḥ || dadarśa śailamuttuṃgaṃ kālahastisamāhvayam
176.12
udyaśikharābhogollikhitākāśamaṇḍalam || saptapātālamūlādhorūḍhamūlopalāṃcitam
176.13
atha arjunasya svarṇamukharītīrasthakālahastī
śvarādisevāprāptiḥ || || snātvā tasyāṃ mahānadyāṃ tasminśaile surārcitam || apaśyadarjuno devaṃ kālahastīśanāmakam
176.14
saṃpūjya ca
mahādevaṃ nagendratanayāsakham || manasā bhaktiyuktena kṛtārthatvamupeyivān
176.15
tato mahāgirau tasminnadbhutaikaniketane || cacārābhūtapūrvāṇāṃ
viśeṣāṇāṃ didṛkṣayā
176.16
siddhānālokayāmāsa vasato girisānuṣu || gāyato devadevasya caritrāṇyabalāyutān
176.17
apsarolalsanā
jṛghānpuṣpāsavamadākulān || nikuñjeṣu samāsīnāngandharvānaikṣatādrāt
176.18
vivikteṣu pradeśeṣu śivadhyānaparāyaṇān || apaśyadyogino
divyānādarānandaśālinaḥ
176.19
praśāntānyāśramapadānyavekṣata samaṃtataḥ || balinīvāravilasadvārabhūmīśca pāṇḍavaḥ
176.20
nirāhārānvāyu
bhujaḥ parṇādānātapāśanān || śāntānālokyāmāsa munīndriyamitendriyān
176.21
mudaṃ vitenire tasya netrayoḥ kamalākarāḥ || puṣpasaugandhi
kāmodasaṃvāsitadigantarāḥ
176.22
mṛgayāsaṃbhṛtadhiyaścarato'dhijyakārmukān
176.23
athārjunasya suvarṇamukharītīrasthabharadvājāśrama
gamanam || || dadarśānveṣitamṛgānkirātānvanitāyutān || tato dakṣiṇadigbhāge carannadrermanohare
176.24
puṇyamāśramamadrākṣīdvaradvājasya
kauravaḥ || kadalīnārikelāmrakolacaṃpakacandanaiḥ
176.25
takkolāśokahintālatālaketakidāḍimaiḥ || jaṃbūkadambakatakakhadirārjunapāṭalaiḥ
176.26
nāgapunnāgasaraladevadārukarañjakaiḥ || lavaṃgaluṃgalavalīpriyaṃgūtilakairapi
176.27
vibhītaśrīphalāśvatthamadhūkaṣaṭṣakesaraiḥ || pūga
jambīranāraṃganimbāmalakakauśikaiḥ
176.28
anyaiśca phalapuṣpāḍhyaiḥ śobhitaṃ dharaṇīruhaiḥ || vāsantīkundajātyādilatābhiḥ pariveṣṭi
tam
176.29
apūrvasaurabhākṛṣṭabhramarībhiḥ samantataḥ || cakravākabakakauñcahaṃsakāraṇḍavāśrayaiḥ
176.30
saugandhikotpalāṃbhojakaira
vaughavirājitaiḥ || sarobhiramṛtasyandimadhurasphāravāribhiḥ
176.31
samāpāditalakṣmīkaṃ kautukaikaniketanam || siṃhadantāvalavyāghratarakṣu
rururaṅkubhiḥ
176.32
mṛgairanyaiḥ samākīrṇamanyo'nyahitakāribhiḥ || jitacaitrarathodyānamadharīkṛtanandanam
176.33
ativāṅmanasodāraṃ
paramānandakāraṇam || śivāgamānāṃ divyānāmarthajātamanuttamam
176.34
prakāśayanti śāvānāṃ yatra mañjugiraḥ śukāḥ || yasminhutāśano
dāradhūmaśyāmalitaṃ nabhaḥ
176.35
akālajaladabhrāntimātanoti śikhaṇḍinām || yasminvihāraśrāntānāṃ siṃhānāṃ svecchayāgatāḥ
176.36
nirvāpayanti gātrāṇi kāriṇaḥ karaśīkaraiḥ || tadāśramapadaṃ paśyanvismayākrāntamānasaḥ
176.37
prabhāvaṃ pāṇḍutanayaḥ praśaśaṃsa tapasvinām
nivārya tatra tatraiva sakalānujīvinaḥ
176.38
athārjunakṛtabharadvājasevākramaḥ || || mitrairvipravaraiḥ sārdhaṃ praviveśa tamāśramam || agre
dadarśa kaunteyaḥ sphuratpāvakatejasam
176.39
bharadvājaṃ munivarairanekaiḥ parivāritam || bhasmānuliptasarvāṃgaṃ mṛgacarmottarīyakam
176.40
navavārida
saṃvītaṃ kailāsamiva bhāsvaram || jaṭābhirlambamānābhirbhāsvantaṃ svarṇakāṃtibhiḥ
176.41
sthiravidyucchatākīrṇamiva śāradanīradam || śrutismṛti
purāṇārthairekībhūya samāgataiḥ
176.42
aṅgīkṛtamivākāraṃ divyajñānaśubhāspadam || dhṛtikṣāntidayātuṣṭiśāntibhirnityasevitam
176.43
priyābhi
riva raktābhirakhaṃḍabrahmavarcasam || upagamya śanaiḥ pārthastatpādāmbujayoḥ puraḥ
176.44
cakre praṇāmaṃ sāṣṭāṃgaṃ samāliṃgitabhūtalam
176.45
athā
rjunaṃ prati bharadvājakṛtātithyaprakāraḥ || || tamāgataṃ pṛthāputramutthāpya munipuṅgavaḥ || āśīrbhiredhayāñcake praharṣotphullamānasaḥ
176.46
saṃpūjya
ca yathānyāyaṃ tamarghyādyaiḥ priyātithim || vinirdiṣṭāsanāsīnaṃ tamapṛcchadanāmayam
176.47
saṃmānanamavāpyāsmānmuneḥ pāṇḍavamadhyamaḥ || priyai
vākyairmunipaterakaronmanaso mudam
176.48
sasmārārtha bharadvājaḥ svadhenuṃ kāmadohinīm || sā vitene'timahatīṃ bhakṣyabhojyādikalpanām
176.49
bhuktā pārthaḥ sānucarastamupāsya taponidhim || dinaśeṣaṃ kathālāpakautukenātyavāhayat
176.50
tataḥ sāyantanīṃ saṃdhyāmupāsya hutapāvakaḥ || viprai ramātyaiḥ sahito yayau tasya kuṭīgṛhān
176.51
tatrāsīno munipaterāśīrbhirabhinanditaḥ || ānandyamāno mumude tannadīśītalānilaiḥ
176.52
saṃprāpitā kena bhuvaḥ prabhūtā kasmānmahīdhrādadhikaprabhāvā || iti prabhāvaṃ paripṛcchya nadyāḥ śrotuṃ munīndrānmatirasya jajñe
176.52.p1
iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye suvarṇamukharīmāhātmyapraśaṃsāyāṃ bharadvājāśramavarṇanaṃnāma triṃśo'dhyāyaḥ