Vaishnavakhanda 177
Vaiṣṇavakhaṇḍa 177
- Language
- Sanskrit
Contents
- 177.37 — 1 part
177.3
atha suvarṇamukharīprabhāvaśuśrūṣayā bharadvājaṃ pratyarjunapraśnaḥ || || śrīsūta uvāca || || kṛtasāyantanavidhiṃ hutāśanasamadyutim || sukhāsīnaṃ munipatiṃ praṇamya bharatarṣabhaḥ
177.2
tadīyaśītalāmodasudhāpūrānumoditaḥ || gambhīraṃ praśrayopetamidaṃ vacanamabravīt
177.3-2
arjuna uvāca || || munipuṃgava loke'smindhanya eko'imeva hi || putrāviśeṣaṃ bhavatā yadevaṃ samyagāhṛtaḥ
177.4
bhavadādarasañjātakautukaṃ mama mānasam || bhavadvākyāmṛtaṃ divyaṃ pātuṃ tvarayatīva mām
177.5
kasmācchailādiyaṃ jātā kenānītā mahānadī || kiṃ puṇyaṃ snānadānādyaiḥ kṛtaistatropalabhyate
177.6
asyāḥ prabhāvaṃ prabhavaṃ prahvasya mama sanmune || vaktumarhasi kāryo hi bhaktānugraha eva te
177.7
arjunasya vacaḥ śrutvā bharadvājo dvijottamaḥ || tadānanaṃ samālokya vākyaṃ vākyavidabravīt
177.8
bharadvāja uvāca || || tvamarjuna mahābāho kauravānvayapāvanaḥ || viśeṣānmama mānyo'si dharmaputrānujo yataḥ
177.9
aneke bhūmipā dṛṣṭvā na te tvamiva phālguna || līlārjavadayaudāryadhairyagāmbhīryaśālinaḥ
177.10
kulaṃ vidyā dhanaṃ caiva balināṃ madakāraṇam || bhavāhaśānāṃ bhavyānāṃ tāni praśrayakāraṇam
177.11
prājñeṣu rājyabhogeṣu vidyamāneṣu kaurava || ṛte bhavantaṃ ko vānyo nopaiti vikratervaśam
177.12
paravānasmi kaunteya guṇairlokottaraistava || kimastyakathanīyaṃ te kautukopetamānasa
177.13
śṛṇu rājankathāṃ divyāṃ mayā munimukhācchrutām || yāṃ śrutvā pātakātaṅkānmucyante sarvajantavaḥ
177.14
atha bharadvājakathitaśaṃkaravivāhaprakriyā || || pūrvaṃ dākṣāyaṇī devī janakenāvamānitā || tyaktvā tanuṃ tāṃ nīhāragirerabhavadātmajā
177.15
saptarṣibhirupāgamya prārthito dharaṇīdharaḥ || mṛtyuṃjayāya svāṃ putrīṃ vivāhe dātumudyataḥ
177.16
vṛṣabhāṃko jagatsvāmī vivoḍhuṃ sarvamaṃgalām || prāto himavadāvāsamoṣadhīprasthanāmakam
177.17
tacchāsanātsa mājagmuḥ sthāvarāṇi carāṇi ca || bhūtāni bhūtanāthasya kalyāṇamabhinaṃditum
177.18
tadbhūribhārasaṃbhagnā bhūmiruttarasaṃśrayā || nimnatāmāyayau
tāvadyāvatpātālamāsthitā
177.19
nirbhāralāghavādasmāddaśaṃ dakṣiṇagāminī || ūrdhvaṃ gatā ca taṃ dṛṣṭvā sarveṣāmabhavadbhayam
177.20
jñātvā tāṃ vikṛtiṃ
bhūyeveṣṭvāgastyaṃ maheśvaraḥ || ita ehi mahāprājñetyuktā vacanamabravīt
177.21
āgateṣu samasteṣu bhūteṣvatra vasundharā || tadbhāreṇa samākrāntā vikṛtiṃ
samupāgatā
177.22
tadbhuvaḥ sāmyakaraṇe tvamarhasi mahāmate || ṛte tvāmatra hi tvattaḥ paraistatkathaṃ bhaveta
177.23
mattejaḥsaṃbhavo hi tvaṃ lokasaṃra
kṣaṇodyataḥ || tasmānmadvacanādvatsa bhuvametāṃ samīkuru
177.24
matpāṇigrahaṇāllokakautukāyattabuddhiṣu || āgateṣu samasteṣu sthātavyaṃ bhavatā'pi ca
177.25
tvaṃ na tiṣṭhasi cedatra na kaścidvikṛtiṃ bhuvaḥ || apanetuṃ hi śaknoti tadvantavyaṃ tvayānagha
177.26
imāṃ girisutāpāṇigrahakalyāṇabhāṣṭha
rām || mūrtiṃ pradarśayiṣyāmi yatra tiṣṭhasi tatra te
177.27
atha bhūsāmyakaraṇāyā gastyasya himādrerdakṣiṇadiggamanam || || ityukkā taṃ pari
ṣvajya visarja maheśvaraḥ || tatheti taṃ praṇamyāsau yayau yāmyāṃ diśaṃ muniḥ
177.28
vindhyādriṃ samatikramya dakṣiṇāmāgate diśam || agastye
muniśārdūle mahī sāmyamupāyayau
177.29
bhuvo'panīya vikṛtiṃ sthitaṃ kalaśajaṃ munim || tuṣṭuvurharṣitaralāḥ suragandharvakinnarāḥ
177.30
sa dadarśa
tato gatvā kaścicchailaṃ samunnatam || vitatairdharaṇīṃ pādairdhṛtvā saṃsthitamagrataḥ
177.31
mahauṣadhīnāṃ ratnānāmaśeṣāṇāṃ svayaṃbhuvā || akhaṇḍatejodī
ānāṃ vinirmitamivākaram
177.32
samunnatairyaḥ śikharairnipatadvyoma bhūtale || udāradhārāsaṃpannairdhātīva nirantaram
177.33
śanairāruhya taṃ śailamaga
styo munipuṃgavaḥ || nivāsāya matiṃ cakre ramye tacchikharasthale
177.34
tasyāmbutopameyasya padmotpalakulaśriyaḥ || nānādrumaparītasya kāsāra
syottare taṭe
177.35
manohare mahībhāge vidhāyāśramamuttamam || ārādhya pitṛdevarṣīnvidhivadvāstudevatām
177.36
uvāsa suciraṃ tatra munisaṅghasama
nvitaḥ || devatāsiddhagandharvāpsarojuṣṭamahīdhare
177.37
tapaḥ samāveśitacittavṛttau tapovane tiṣṭhati kumbhajāte || praśastasaubhāgyasamanvito'
drigastyaśailāhvayamāsasāda
177.37.p1
iti śrīskānde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe veṃkaṭācalamāhātmye suvarṇamukharīmāhātmyapraśaṃsāyāmarjunabharadvājasaṃvāde śaṃkaravivāhāgastyadakṣiṇadiggamanavarṇanaṃnāmaikatriṃśo'dhyāyaḥ