Pramāṇa · Search · About · API

Vaishnavakhanda 179

Vaiṣṇavakhaṇḍa 179

Language
Sanskrit

Contents

179.1

atha suvarṇamukharīṃ prati śakrādistutiḥ || || bharadvāja uvāca
tadā divyavimānasthāḥ śakramukhyā divaukasaḥ || agastyamanuyāntīṃ tāmanujagmurmahāpagām

179.2

navāvatārāṃ tāṃ divyāṃ sarve ca muni
puṃgavāḥ || kṛtāñjalipuṭāḥ stotrairanuyātāḥ siṣevire

179.3

siddhacāraṇagandharvāḥ saṃbhūtāśca sahasraśaḥ || tāṃ nadīṃ taṃ munīndraṃ ca praśaśaṃsuḥ
śubhaiḥ stavaiḥ

179.4

sudhopamānamamalaṃ diṣṭyā laṅghamidaṃ jalam || ityautsukyarasāyattā nanandurdharaṇījanāḥ

179.5

tadā nideśādevasya
padmayoneḥ samīraṇaḥ || śṛṇvatāṃ sarvadevānāmidaṃ vacanamabravīt

179.6

atha vāyukathitasuvarṇamukharīnāmaniṣpattiḥ || || vāyuruvāca
suvarṇamiva lokānāṃ bhāgadheyādiyaṃ nadī || nītā bhuvamagastyena mukharīkṛtadiṅmukhā

179.7

tasmādyāsyati vikhyātiṃ sarvalokābhina
nditām || suvarṇamukharīnāmnā dhātri kaivalyasaṃpadaḥ

179.8

eṣā suvarṇamukharī saritsu sakalāsvapi || viśiṣṭā sevanīyā ca brahmaṇo vacanaṃ
tvidam

179.9

athāgastyakṛtasvānītasuvarṇamukharīmahimānuvarṇanam || || bharadvāja uvāca || || śrutvetthaṃ pavanenoktaṃ vacanaṃ kumbhasambhavaḥ
tutoṣa vismayākrāntaḥ svāntaḥpulakitāṃgakaḥ

179.10

evameṣā divyanadī snānapānādikalpanaiḥ || saukhyāvahā manuṣyāṇāṃ pratiṣṭhāmagamadbhuvi

179.11

ājñayā padmagarbhasya taṭinyākāśavāhinī || suvarṇamukharīnāmnā punātyātmaikasaṃśrayān

179.12

bahūnigarīndrānvanamaṇḍalaṃ ca deśānane
kānsāriduttameyam || kramādatikramya niṣedhyamāṇā mahānadībhirgirisaṃbhavābhiḥ

179.13

rogāhatānāmadhikāturāṇāmanāmayaikapratipādakāni
antarbahiḥ saṃbhṛtabhūritāpanivāraṇāni priyakāraṇāni

179.14

vihāraloladviradaprakāṇḍaśuṇḍāmahāghātarayotthitena || puṣpopahāraṃ pṛṣatotkareṇa
harṣāddadātīva divākarasya

179.15

saugaṃdhikāmbhoruhakairavāṇāṃ saurabhyasaṃvāsitadiṅmukhānām || dvirephabhārye kaniketanānāmādhārabhūtānpratini
rmalāni

179.16

līlāvagāhotsukanākanārīsīmantasindūrarajoruṇāni || tatkeśapāśacyutapārijātaprasūnagandhairadhivāsitāni

179.17

sā
bibhratī saṃbhṛtamaṃgalāni svādūnyapaṃkānyatinirmalāni || sudhopamānāni surendrasūnoḥ payāṃsi pāpapratighātukāni

179.18

agastyaśailātsamaṃ
vānajanmā nītā avaṃ kumbhasamudravena || praśastatīrthoṃghavirājamānā samāyayau dakṣiṇavārirāśim

179.19

śīkarākṣatavinyāsai ratnadīpārpaṇairapi
pratyudyayustāmambhodhervīcayo'bhimukhāgatāḥ

179.20

taraṃgahastairāliṃgya saṃbhāvyaināṃ samāgatām || cakāra saritāṃ nāthaḥ priyamāghoṣabhāpaṇaiḥ

179.21

prāttāyāmanukūlāyāṃ tadā tasyāmapāṃnidheḥ || prahṛṣṭena taraṃgeṇa jīvanaṃ vṛdhetarām

179.22

itthaṃ saṃsṛjya saritamagastyastā
mudanvatā || stutvā yayau samāmantrya kṛtakṛtyo yadṛcchayā

179.23

arjuna uvāca || || tvayaiṣa kathito brahmanmahānadyāḥ samudbhavaḥ
asyāḥ prabhāvaṃ bhagavannidānīṃ śrotumutsahe

179.24

atha bharadvājavarṇitasuvarṇamukharīmāhātmyam || || bharadvāja uvāca
aho nibarhaṇaṃ sarvaśreyasāmekakāraṇam || śṛṇu māhātmyamasyāste kathayiṣyāmi pāṇḍava

179.25

pāścāttyaṃ janma saṃprāpya jñānināṃ karmaṇaḥ kṣaye
suvarṇamukharīsnānaṃ siddhacedvrahmatvakāraṇam

179.26

etāṃ suvarṇamukharīṃ yojanānāṃ śatairapi || smṛtvā manuṣyaḥ pāpebhyo mucyate nātra saṃśayaḥ

179.27

niḥkṣiptamasthi jantūnāṃ suvarṇamukharījale || sopānatāṃ samāyāti brahmalokādhirohaṇe

179.28

smarantaḥ svarṇamukharīṃ yatra kutrāpi
mānavāḥ || toyāntareṣu snātvāpi labhante phalamuttamam

179.29

tāvadevābhiyūyante narāḥ pātakakoṭibhiḥ|| suvarṇamukharīsnānaṃ yāvattalabhyate śubha
m

179.30

divyāntarikṣabhaumāni tīrthāni nijasiddhye || smarantyaharahaḥ prātaḥ suvarṇamukharīṃ nadīm

179.31

agastyācalasaṃbhūtā dakṣiṇodadhi
gāminī || pāpāni svarṇamukharī smaraṇādeva nāśayet

179.32

suvarṇamukharīsnānalolupenāntarātmanā || vāñchaṃti martyatāmeva devāḥ
śakrapurogamāḥ

179.33

suvarṇamukharītoyapuṣṭasasyānnabhojinaḥ || na lipyante mahāpāpairdurbhojanaśatodbhavaiḥ

179.34

api niṣkamitaṃ pītaṃ
suvarṇamukharījalam || nāśayedritulyāni hyāśu pāpāni dehinām

179.35

prāpyāpi mānuṣaṃ janma suvarṇamukharījale || ye vā snānaṃ na
kurvanti teṣāṃ janma nirarthakam

179.36

suvarṇamukharīsnānaṃ yadekaṃ vidhinā kṛtam || jāhnavīsnānakoṭīnāṃ samaṃ bhavati parvasu

179.37

goviṃda
iva deveṣu nakṣatreṣviva candramāḥ || nareṣviva mahīpālo bhūruheṣviva kalpakaḥ

179.38

mahābhūteṣviva viyanmāyevākhilaśaktiṣu || gāyatrīva ca
mantreṣu vajraṃ devāyudheṣviva

179.39

tattveṣvivātmanastattvaṃ rudrādhyāyo yajuṣaṣviva || ananta iva nāgeṣu himācala ivādriṣu

179.40

potrikṣetra
miva kṣetreṣvindriyeṣviva mānasam || nadīṣvapi ca sarvāsu suvarṇamukharī varā

179.41

nityaṃ smarennamaskuryātkīrtayenmanasārcayet || śuddhikṣema
śivāpekṣī suvarṇamukharīṃ śubhām

179.42

agastyācalasaṃbhūtāṃ dakṣiṇodadhigāminīm || samastapāpahantrīṃ tvāṃ suvarṇamukharīṃ śraye

179.43

mahā
pātakavipluṣṭaṃ gātraṃ mama tavodakaiḥ || kṣālayāmi jagaddhātri śreyasā yojayasva mām

179.44

iti sūktadvayaṃ samyaguccārya niyato naraḥ || suvarṇa
mukharītoye snātvā śuddhaḥ pramodate

179.45

brahmaṇā nirmitā pūrvamagastyena samāhṛtā || svayaṃ mandākinī mūrtā suvarṇamukharī varā

179.46

evaṃprabhāvā divyeyaṃ kīrtanīyā śubhārthibhiḥ || manasā bhaktiyuktena snātavyā śubhakāṃkṣibhiḥ

179.47

somasūryoparāgeṣu snānadānādikaṃ kṛtam
syādameyaphalaṃ pārtha suvarṇamukharītaṭe

179.48

saṃkrāntāvayane puṇye vyatīpāte'tha vāsare || suvarṇamukharīsnānaṃ kulakoṭiṃ samuddharet

179.49

janmarkṣe janmadivase suvarṇamukharījale || snātvā vidhivadāpnoti kṣemārogyasukhaśriyaḥ

179.50

duḥsvapnavighnajaṃ bhūtagrahaduḥsthānajaṃ tathā || suvarṇa
mukharītoye snātvā tarati kilbiṣam

179.51

suvarṇamukharītīre gopādapramitāṃ bhuvam || dattvā sarvamahīdānādyatphalaṃ tadavāpnuyāt

179.52

dhenuṃ savastrālaṃkārāṃ suvarṇamukharītaṭe || dattvā viprāya vidhivadyāti brahma sanātanam

179.53

puṇyakāleṣu dānāni vidheyānyakhilānyapi
ihāmutra phalaprāptyai suvarṇamukharītaṭe

179.54

japo homastapo dānaṃ pitṛkarma surārcanam || kṛtaṃ bhavecchataguṇaṃ suvarṇamukharītaṭe

179.55

anyatte kathayiṣyāmi vidheyaṃ vratamuttamam || suvarṇamukharītīre prativarṣaṃ sukhārthibhiḥ

179.56

meghakāle ravikaraistirodhānamupāgataḥ || yadodeti
muniḥ śrīmānmitrāvaruṇanandanaḥ

179.57

tasmindine ye niyatāḥ snānamasyāṃ prakurvate || taiḥ kalpaṃ ca surāvāse sthīyate kurunandana

179.58

tadā
agastyasya yadrūpaṃ suvarṇena vinirmitam || vidhinā dadate pārtha te yāṃti brahma śāśvatam

179.59

arjuna uvāca || || vidhinā kena kartavyaṃ
vratametanmahāmune || tanmamācakṣva sakalaṃ jijñāsostu mahātmanaḥ

179.60

athāgastyapratimādānavidhiḥ || || bharadvāja uvāca || || aga
styasyodayadinaṃ jñātvā niyatamānasaḥ || svaśaktyā kārayedrūpaṃ tasya hemnā mahāmuneḥ

179.61

suvarṇabhāsvaracchāyaṃ jaṭābandhamanoharam || dadhānaṃ
karapadmābhyāmakṣamālāṃ kamaṇḍalum

179.62

vasānaṃ mṛdulaṃ valkaṃ mṛgacarmottarīyakam || saumyaṃ bhasmāṅkaruciraṃ rudrākṣakṛtabhūṣaṇam

179.63

evaṃ
vidhāya tadrūpaṃ jñātvā niyatamānasaḥ || ācāryaṃ gandhapuṣpādyairalaṅkṛtya yathāvidhi

179.64

śāleyataṇḍulānāṃ tāmāḍhakasyopari sthitām || vastra
dvayasamāyuktāṃ pratimāṃ pratipūjayet

179.65

vindhyasaṃstambhano vārdhiṃculakīkṛtipeśalaḥ || brahmādisarvadevānāṃ tejasā suprakāśitaḥ

179.66

aga
styaḥ kumbhasaṃbhūto devāsuranamaskṛtaḥ || prītimāpnotu mahatīṃ dānenānena me prabhuḥ

179.67

imaṃ mantraṃ samuccārya dhārāpūrvaṃ sadakṣiṇam || dattvā vimuktaḥ
pāpebhyo yāti brahma sanātanam

179.68

janmāntarakṛtairvūnamiha janmakṛtairapi || mahāpāpopapāpaughairmucyate nātra saṃśayaḥ

179.69

brahmādyāḥ sakalā
devāḥ sanakādyā maharṣayaḥ || carācarāṇi bhūtāni prītiṃ yāṃti na saṃśayaḥ

179.70

kṛtvā vratamidaṃ puṇyamagastyasya ca sanmuneḥ || prītyarthaṃ bhojaye
dviprānyathāśakti sadakṣiṇam

179.71

tasminkarmaṇi cāśakto yathāśakti mahīsurān || svarṇadhānyādidānena toṣayedbhaktisaṃyutaḥ

179.72

tithiṃ
na vitathīkuryāttāṃ yatnena samācaret || yatkiñcidapi cāvaśyaṃ karma kuryācca pūruṣaḥ

179.73

mahāmuneragastyasya paripakvaṃ tapaḥphalam || nadī suvarṇa
mukharī kīrtanīyā surāsuraiḥ

179.74

evaṃ te kathitaḥ samyaṅmahānadyāḥ samudbhavaḥ || prabhāvaśca tadācakṣva yadbhayaḥ śrotumicchasi

179.74.p1

iti śrīskāṃde mahāpurāṇe ekāśītisāhasryāṃ saṃhitāyāṃ dvitīye vaiṣṇavakhaṇḍe veṃkaṭācalamāhātmye suvarṇamukharīprabhāvapraśaṃsānāma trayastriṃśo dhyāyaḥ

Linked texts (2)