Vaishnavakhanda 18
Vaiṣṇavakhaṇḍa 18
- Language
- Sanskrit
Contents
- 18.39 — 1 part
18.1
lomaśa uvāca || || tato yuddhamatīvāsīdasurairviṣṇunā saha || tataḥ siṃhāḥ sapakṣāste daṃśitāḥ paramādbhutāḥ
18.2
asurairuhyamānāste garutmaṃtaṃ vyadārayan || siṃhāste dāritāstena khaṃḍaśaśca vidāritāḥ
18.3
viṣṇunā ca tadā daityāścakreṇa śakalīkṛtāḥ
hatāṃstānasurāndṛṣṭvā kālanemiḥ pratāpavān
18.4
triśūlenāhanadviṣṇuṃ roṣaparyākulekṣaṇaḥ || tamāyāṃtaṃ ca jagrahe mukuṃdo'nāthasaṃśrayaḥ
18.5
kareṇa vāmena jaghāna līlayā taṃ kālanemiṃ hyasuraṃ mahābalam || tenaiva śūlena samāhato'sau mūrcchānvito'sau sahasā papāta
18.6
patitaḥ
punarutthāya śanairunmīlya locane || purataḥ sthitamālokya viṣṇuṃ sarvaguhāśayam
18.7
labdhasaṃjño'bravīdvākyaṃ kālanemirmahābalaḥ
tava yuddhaṃ na dāsyāmi nāsti loke spṛhā mama
18.8
ye ye'surā hatā yuddhe akṣayaṃ lokamāpnuyuḥ || brahmaṇo vacanātsadya iṃdreṇa saha saṃgatāḥ
18.9
bhuṃjato vividhānbhogāndevavadvicaraṃti te || iṃdreṇa sahitāḥ sarve saṃsāre ca pataṃtyatha
18.10
tasmādyuddhena maraṇaṃ na kāṃkṣe kṣaṇabhaṃguram
anyajanmani me vīra vairabhāvānna saṃśayaḥ || dātumarhasi me nātha kaivalyaṃ kevalaṃ param
18.11
tatheti daityapravaro nipātitaḥ pareṇa puṃsā
paramārthadena || dattvā'bhayaṃ devatānāṃ tadānīṃ tathā sudhāṃ devatābhyaḥ pradattvā
18.12
kālanemirhato daityo devā jātā hyakaṃṭakāḥ || śalyarūpo
mahānsadyo viṣṇunā prabhaviṣṇunā
18.13
tirodhānaṃ gataḥ sadyo bhagavānkamalekṣaṇaḥ || iṃdro'pi kadanaṃ kṛtvā detyānāṃ paramādbhutam
18.14
patitānāṃ klībarūpāṇāṃ bhayānāṃ bhītacetasām || muktakacchaśikhānāṃ ca cakre sa kadanakriyām
18.15
arthaśāstraparo bhūtvā maheṃdro duratikramaḥ
detyānāṃ kālarūpo'sau śacīpatirudāradhīḥ
18.16
evaṃ nihanyamānānāmasurāṇāṃ śacīpateḥ || nivāraṇārthaṃ bhagavānāgato nāradastadā
18.17
nārada uvāca || || yuddhahatāśca ye vīrā hyasurā raṇamaṇḍale || teṣāmanu kathaṃ kartā bhītānāṃ ca vihiṃsanam
18.18
ye bhītāṃśca prapannāṃśca
ghātayaṃti madoddhatāḥ || brahmaghnāste'pi vijñeyā mahāpātakasaṃyutāḥ
18.19
tasmāttvayā na kartavyaṃ manasāpi vihiṃsanam || evamuktastadā śakro
nāradena mahātmanā
18.20
surasenānvitaḥ sadya āgato hi triviṣṭapam || tadā sarve suragaṇāḥ suhṛdbhiśca parasparam || babhūvurmuditāḥ sarve
yakṣagaṃdharvakiṃnarāḥ
18.21
tadā iṃdro'marāvatyāṃ saha śacyā'bhiṣecitaḥ
18.22
devarṣipramukhaiścaiva brahmarṣipramukhaistathā || śakro'pi vijayaṃ prātaḥ
prasādācchaṃkarasya ca
18.23
tadā mahotsavo viprā devaloke mahānabhūt || śaṃkhāśca paṭahāścaiva mṛdaṃgā surajā api || tathānakāśca bheryaśca nedurduṃdu
bhayaḥ samam
18.24
gāyakāścaiva gaṃdharvāḥ kinnarāścāpsarogaṇāḥ || nanṛturjagustuṣṭuvuśca siddhacāraṇaguhyakāḥ
18.29
evaṃ vijayamāpannaḥ śakro
deveśvarastadā || devairhitāstadā daityāḥ patitāste mahītale
18.26
gatāsavo mahātmāno balipramukhato hyamī || tapastahuṃ purā vipro bhārgavo māna
sottaram
18.27
gataḥ śiṣyaiḥ parivṛtastasmādyuddhaṃ na veda tat || avaśeṣāśca ye daityāste gatā bhārgavaṃ prati
18.28
kathitaṃ vai mahadvṛttamasurāṇāṃ
kṣayāvaham || niśamya manyumāviṣṭo hyāgato bhṛgunaṃdanaḥ
18.29-2
śiṣyaiḥ parivṛto bhūtvā mṛtāṃstānasurānapi || vidyayā mṛtajīvinyā patitānsa
majīvayat
18.30
nidrāṃpāyagatā yadvadutthitāste tadāsurāḥ || utthitaḥ sa baliḥ prāha bhārgavaṃ hyamitadyutim
18.31
jīvitena kimadyaiva mama
nāsti prayojanam || pātitastvidaśeṃdreṇa yathā kāpuruṣastathā
18.32
balinoktaṃ vacaḥ śrutvā śuko vacanamabravīt || manasvino hi ye śūrāḥ
pataṃti samare budhāḥ
18.33
ye śastreṇa hatāḥ sadyo priyamāṇā vrajaṃti vai || triviṣṭapaṃ na saṃdeha iti vedānuśāsanam
18.34
evamāśvāsayāmāsa
balinaṃ bhṛgunaṃdanaḥ || tapastatāpa vividhaṃ daityānāṃ siddhidāyakam
18.39
tathā daityā gatāḥ sarve bhṛguṇā ca pracoditāḥ || pātālamavasansarve
balimukhyāḥ sukhena vai
18.39.p1
iti śrīskāṃde mahāpurāṇe ekāśītisāhasryāṃ saṃhitāyāṃ prathame māheśvarakhaṇḍe kedārakhaṇḍe devāsurasaṃgrāme bhārgaveṇa mṛtadaityasaṃjīvanavarṇanaṃnāma caturdaśo'dhyāyaḥ
Linked texts (1)
- Skandamahāpurāṇa (vulgate) — Sanskrit