Vaishnavakhanda 180
Vaiṣṇavakhaṇḍa 180
- Language
- Sanskrit
Contents
- 180.46 — 1 part
180.1
athāgastyatīrthāgastyeśvarayoḥ prabhāvaḥ || || arjuna uvāca || || śrotrāñjalibhyāṃ pītvāpi bhavadvākyāmṛtaṃ muhuḥ
mano nopaiti me tṛptiṃ bhūyaḥ śravaṇakāṅkṣayā
180.2
kriyāsamabhihāro me tvavadvākyārkarṇanaiṣiṇaḥ || manaḥ khedāya mā bhūte karuṇābhāritātmanaḥ
180.3
idānīṃ śrotumicchāmi nadyāmasyāṃ mahāmune || kutra kutra samarthāni tīrthānyaghanibarhaṇe
180.4
kāḥ kāḥ puṇyataraṃgiṇyaḥ saṅgatā anayāmne || kutra
snānena kṛttāghā nopayāṃti yamādvayam
180.5
harācyutādidevānāṃ puṇyānyāyatanāni ca || yāni yāni ca puṇyāni tiṣṭhantyasyāstaṭadvaye
180.6
teṣu kṣetreṣu manujairyatphalaṃ samavāpyate || vihitairvidhivatsnānadānādiśubhakarmabhiḥ
180.7
sopākhyānamidaṃ sarvaṃ veditaṃ vedavittama || saṃjātā
180.7-2
mahatī prītirvistāryācakṣva me kramāt
180.8
bharadvāja uvāca || || yatpṛṣṭaṃ bhavatā pārtha kramāddhistārya kathyate || ārabhyāgastyatīrthendrādasyā
stīrthaughavaibhavam
180.9
akhaṇḍajñānarūpeṇa sarvalokahitaiṣiṇā || surāsurāṇāṃ saṃbhāvyenāgastyena mahātmanā
180.10
vasudhāmavatīrṇāyāṃ prathamaṃ tadgha
rādharāt || snātvā yatra mahānadyāṃ saṃprāmoti kṛtārthatām
180.11
agastyatīrthamityuktaṃ pāvanaṃ tajjagatraye || tatra snānena śuddhiḥ syānmahāpātaki
nāmapi
180.12
anekajanmācaritamahāpātakasaṃhatim || nirasya divi modante tatra snānaratā janāḥ
180.13
ye tatra tīrthe yatinaḥ kṛtasnānā
yatendriyāḥ || gobhūtilahiraṇyādimahādānāni kurvate
180.14
te prāpnuvanti saṃpūrṇaṃ gaṃgādvāre samāhitaiḥ || vihitānāṃ śataguṇaṃ dānānāṃ phalamarjuna
180.15
atrāsti bhagavānīśaḥ khyāto'gastyeśasaṃjñayā || sthāpito'gastyamuninā lokānandavidhāyinā
180.16
snātvā tasyāṃ mahānadyāṃ
liṅgaṃ pūjayanti ye || daśānāmaśvamedhānāṃ phalaṃ saṃprāpnuvaṃti te
180.45
atha suvarṇamukharīsnānakālanirṇayaḥ || || dhanūrāśiṃ parityajya
180.17
yadā makaramaṃśumān || viśettadayanaṃ puṇyamuttaraṃ parikīrtitam
180.18
tasmindine ye niyatā nadyāṃ snātvā samāhitāḥ || paśyanti pārvatīnātham
gastyeśaṃ surārcitam
180.19
agniṣṭomasahasrasya vājapeyaśatasya ca || phalaṃ saṃprāpya modante divi devagaṇārcitāḥ
180.20
mṛgasaṃkramavelāyāṃ puru
ṣairmaṃgalārthibhiḥ || avaśyameva kartavyamagastyeśasya darśanam
180.21
atha devārṣipitṛtīrthamāhātmyam || || aiśānyāṃ tasya tīrthasya deśe krośa
miterjuna || asti tīrthatrayaṃ khyātaṃ devarṣipitṛnāmabhiḥ
180.22
devarṣipitarastatra muninā tena pūjitāḥ || pradadurdṛṣṭamanasaḥ sarvānsamabhivāñchitā
tān
180.23
tadā devarṣipitṛbhiridaṃ tīrthatrayaṃ kramāt || asmannāmabhirīḍayaṃ syādityuktaṃ tasya sannidhau
180.24
tasmiṃstīrthatraye ye tu snātvā
vihitatarpaṇāḥ || ṛṇatrayavinirmuktāste yānti divamakṣayām
180.25
atha veṇāsuvarṇamukharīsaṃgamavarṇanam || || tataḥ prāyuttarakṣoṇyāṃ
yojanadvayasīmani || prāptā suvarṇamukharīṃ veṇānāma mahānadī
180.26
samudragarayāghātanipātitataṭadrumā || kulyānirgatavāḥpūrasamāchāditakānanā
180.27
uttuṅgapulinotsaṃgakhelatkokakulākulā || ambujāmodalolālimālālīlāravānvitā
180.28
atikramya samuttuṃgānanekāndharaṇīdha
rān || prabhūtatoyarucirā suvarṇamukharīṃ gatā
180.29
nadīdvayavyatikare kṛtasnānā yathāvidhi || daśānāmaśvamedhānāmakhaṇḍaṃ prāpnuyuḥ phalam
180.30
saṃgatā veṇayā puṇyā suvarṇamukharī nadī || giridurgamamārgeṇa yāyuttaravāhinī
180.31
madhyagena mahīdhrāṇāṃ mārgeṇa viṣameṇa sā || gatvā vireje
taṭinī yojanānāṃ catuṣṭayam
180.32
pūrvatastasya deśasya viṣaye sārdhayojane || udakkale mahānadyāḥ prāgvāhinyā manohare
180.33
agastyeśvara
nāmāste khyātaṃ liṃgaṃ puradviṣaḥ || smaraṇaṃ devamartyānāṃ samastāvanivāraṇam
180.34
tatra snātvā mahānadyāṃ ye narā niyatendriyāḥ
paśyanti pārvatīnāthamagastyena pratiṣṭhitam
180.35
anekaiḥ pūrvajanairarjitaṃ pāpasañcayam || te nirasya surāvāse modante kālamakṣayam
180.36
tataḥ sodaṅmukhī bhūtvā suvarṇamukharī yayau || yojanārdhamidaṃ deśaṃ tīrthasaṃghasamanvitā
180.37
atha suvarṇamukharyā vyāghrapadāhvaya
nadīsaṃgamaḥ || || tasmindeśe tu hintālatālasālamanorame || gatā suvarṇamukharī nadī vyāghrapadāhvayā
180.38
durvārabhūriduritavinivāraṇape
śalā || nīraṃdhratīravānīravanamaṇḍalamaṃḍitā
180.39
siddhagaṃdharvalalanālīlāgāhanaśālinī || tapasvikanyāniḥkṣiptabalipuṣpavirājitā
180.40
haṃsakāraṇḍavakrauñcakulakolāhalākulā || prākpravāhā samāgatya śailāntaragatādhvanā
180.41
saṃgame saritostatra kṛtasnānā
narottamāḥ || samagramaśvamedhānāṃ daśānāṃ prāpnuyuḥ phalam
180.42
atha śaṃkhatīrthavarṇanam || tatra vyāghrapadākhyāyāstaṭe lokamalāpahe
anaghaṃ sarvapāpaghnaṃ śaṃkhatīrthaṃ virājate
180.43
brahmarṣiniyatāvāsaṃ suragandharvasevitam || darśanasnānapānādyairamitānandadāyakam
180.44
tatrāste
bhagavānīśaḥ śaṃkheśonāma phālguna || śaṃkhanāmnā munīndreṇa liṃgarūpaṃ pratiṣṭhitam
180.45-2
ye tatra tīrthe susnātāḥ paśyanti vṛṣavāhanam || daśā
śvamedhajaṃ puṇyaṃ labdhvā yāṃti surālayam
180.46
yuktā tayā vyāghrapadābhidhānayā gatvā tato yojanasaṃmitāṃ bhuvam || yayau munīndrairvṛṣabhācalāṃ
tikaṃ saṃsevyamānā śubhanirmalodakā
180.46.p1
iti śrīskaṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācala māhātmye'gastyatīrthādivividhatīrthamāhātmyavarṇanaṃnāma catustriṃśo'dhyāyaḥ