Vaishnavakhanda 183
Vaiṣṇavakhaṇḍa 183
- Language
- Sanskrit
Contents
- 183.61 — 1 part
183.1
atha śaṃkhābhidhānanṛpavṛttāntaḥ || || bhāradvāja uvāca || || śṛṇu pārtha pravakṣyāmi kathāmāścaryakāriṇīm || yathā'sau bhagavānasminchaile prāpa
prakāśatām
183.2
śrutābhidhāno nṛpatirasti haihayavaṃśajaḥ || yaḥ prajāḥ svā iva ciraṃ śaśāsa dharaṇīṃ śubhām
183.3
tasya putro guṇanidhiḥ śaṃkho
nāma mahīpatiḥ || pālayāmāsa vasudhāṃ sarvaśāstraviśāradaḥ
183.4
tasya viṣṇau jagannāthe puṇḍarīkāyatekṣaṇe || babhūva niścalā bhaktiḥ parityaktā
nyasmaṃśrayā
183.5
devaṃ jagannāthamanantaṃ puruṣottamam || pragāḍhaniścayo nityaṃ dhyāyannadbhutavaibhavam
183.6
cakre vratāni dānāni puṇyāni vivi
dhāni ca || vedavedyasya niyataṃ prītyarthaṃ madhuvidviṣaḥ
183.7
tamuddiśyaiva vidadhe vājimedhādikānkratūn || yathoktadakṣiṇāyogātprīṇitāśeṣabhūsuraḥ
183.8
iṣṭāpūrtātmakaṃ cakre karmajātamatandritaḥ || vinyastahṛdayo nityaṃ keśave bhaktavatsale
183.9
smaratyajasraṃ govindaṃ japatyacyutamavyayam || pūja
yatyañjanayanaṃ saṃkīrtayati śārṅgiṇam
183.10
śṛṇoti satataṃ rājā saṃsārārṇavatāriṇīḥ || paurāṇikaiḥ samākhyātāḥ pavitrā vaiṣṇavīḥ kathāḥ
183.11
brāhmaṇānarcati smāyaṃ hariprītyarthameva ca || itthaṃ sarvātmanā yukto'pyaśrāntaḥ pṛthivīpatiḥ
183.12
nāpaśyacchāśvataiśvaryaṃ svatantraṃ puruṣottamam
aprāpya darśanaṃ viṣṇoḥ sarvayajñamayātmanaḥ
183.13
saśokākrāntahṛdayaḥ parāṃ cintāmupāgamat
183.14
śaṃkha uvāca || || paraḥ sahasre
janairatītairduṣkṛtaṃ bahu || kṛtaṃ mayā yadaprāptaṃ hṛṣīkeśasya darśanam
183.15
upārjitānauṃ tamasāmanekaiḥ pūrvajanmabhiḥ || akhaṇḍaṃ hi phalaṃ viṣṇo
darśanaṃ madhughātinaḥ
183.16
kathaṃ nu yāyādbhagavānviṣayaṃ mama netrayoḥ || kadā vā labhyate śreyastadvākyākarṇanātmakam
183.17
hā dhiṅmāṃ
vihitāgaskaṃ kriyāsāphalyavarjitam || nārāyaṇakṛpādūraṃ saṃsārakleśagocaram
183.18
bhāradvāja uvāca || || iti cintākule tasmintrājñi
jīvitaniḥspṛhe || adṛśyamūrtiḥ sarveṣāṃ śṛṇvatāmāha keśavaḥ
183.19
śrībhagavānuvāca || || mā śokasya vaśaṃ yāthāḥ śṛṇu vakṣyāmi te
hitam || madekaśaraṇaṃ sādhuṃ tvāṃ tyakṣyāmi kathaṃ nṛpa
183.20
ayaṃ veṃkaṭanāmādristriṣu lokeṣu viśrutaḥ || vaikuṇṭhādapi me rājannāvāso'tipriyāvahaḥ
183.21
taṃ gatvā bhūdharavaraṃ tava bhaktyā tapasyataḥ || gate sahasre varṣāṇāṃ yāsyāmyālokanīyatām
183.22
bhavānivodyato'gastyo mama darśanamañjasā
kaṃ vā saṃdṛśyate viṣṇurevamāha caturmukham
183.23
vṛṣabhādrau haridraṣṭuṃ labhyate niyatātmabhiḥ || gaccha tatreti munaye kathayāmāsa padmabhūḥ
183.24
ambhojasaṃbhavenetthamādiṣṭaḥ kumbhasambhavaḥ || añjanādrau mahāvāse tapastanuṃ sameṣyati
183.25
tasminmahīdhare puṇye kṛtavāso bhavānapi || ārādhya
māṃ taponiṣṭho mama darśanamāpsyasi
183.26
atha bhagavaduttyā śaṃkhanṛpasya śrīveṃkaṭācalāgamanam || || bharadvāja uvāca || || ityājñapto
bhagavatā śaṃkho dānavadairiṇā || jagāma prītimatulāṃ dhanyosmīti svacetasi
183.27
vinyasya tanayaṃ vatraṃ prajāpālanakarmaṇi || govindadarśanāpekṣī
nārāyaṇagiriṃ yayau
183.28
tasya śṛṃge samuccuṃge svāmipuṣkariṇīṃ śubhām || divyaiḥ payobhirāpūrṇāmapaśyaddamṛtopamaiḥ
183.29
anekasiddhaga
ndharvadevarṣigaṇasevitām || bhavatāpapraśamanīṃ sarvatīrthasamāśrayām
183.30
jalakākabakakauśvahaṃsakāraṇḍavākulām || kumudotpalarājīvasaugandhikama
noharām
183.31
tāṃ dṛṣṭvā padminīṃ divyāṃ tattīre vihitoṭajaḥ || toṣitaḥ snānapānādyairnirvikalpamanogatiḥ
183.32
sarvakarmāṇi vinyasya jaga
dīśe janārdane
183.33
athabhagavaddarśanārthamagastyasya veṃkaṭācalāgamanam || || japadhyānaparo nityaṃ tapastepe sudāruṇam || tasminneva muniḥ
kāle śāsanātparameṣṭhinaḥ
183.34
agastyo'pyāsasādāgyaṃ śailaṃ muniśatāvṛtaḥ || pratīcīṃ diśamārabhya kṛtayatnaḥ pradakṣiṇe
183.35
paśyaṃstīrthā
ni puṇyāni vabhrāma suciraṃ girau || tatra tatra dadarśāsau haridarśanalālasān
183.36
viriṃciguhaśakreśaviṣvaksenādikānkramāt || sanakādyāṃśca
yogīndrānnāradapramukhānṛṣīn
183.37
siddhagandharvadaiteyayakṣarākṣasapannagān || taistaiḥ saṃmānyamāno'sau praśrayapriyabhāṣaṇaiḥ
183.38
paśyannāścarya
bhūtāni sarvāṇi vicacāra ha || snātvā tīrtheṣu sarveṣu skandadhārādikeṣu ca
183.39
tatra tatrārcayāmāsa govindaṃ jagatāṃ patim || evaṃ bhrāntvā
gate'bdānāṃ sahasre munisattamaḥ
183.40
nāpaśyatpuṇḍarīkākṣaṃ cintāśokaparo'bhavat
183.41
athāgastyaṃ prati gururavasvādyuktiḥ
tasminkāle samājagmurdhiṣaṇośanasau punaḥ || rājoparicaro nāma vasuśca tamṛṣīśvaram
183.42
asmākaṃ saphalaṃ jātaṃ jīvitaṃ muni
sattama || dṛṣṭo bhavānyadasmābhirnārāyaṇa ivāparaḥ
183.43
brahmaṇā lokanāthena yadādiṣṭā vayaṃ mune || acyutālokanaparāstadidaṃ
kathyate tava
183.44
asti dakṣiṇadigbhāge veṃkaṭonāma bhūdharaḥ || śvetadvīpādapi harerāvāso'yamabhīpsitaḥ
183.45
tasmingirā
vagastyasya śaṃkhasya ca mahīpateḥ || darśayiṣyati govindo nijarūpaṃ jagadguruḥ
183.46
tadānīṃ sarvadevānāmṛṣīṇāṃ yakṣarakṣasām
asmākaṃ devadevasya darśanaṃ saṃbhaviṣyati
183.47
acireṇaiva tadgāvi tataḥ saṃtyaktakalmaṣāḥ || anveṣuṃ gacchatāgastyaṃ tasminnārāya
ṇācale
183.48
ityājñatā vayaṃ dhātrā samāgamyātra bhāgyataḥ || dṛṣṭvanto mahābhāgaṃ bhavaṃtaṃ bhūritejasam
183.49
bhavatā sahitā gatvā
svāmipuṣkariṇītaṭe || tamapyālokayiṣyāmaḥ śaṃkhaṃ bhāgavatottamam
183.50
athāgastyādikṛtaśrīveṃkaṭācalastharamyavastudarśanam
bharadvāja uvāca
gīṣpatipramukhairitthamādiṣṭaḥ kumbhasaṃbhavaḥ || śokajālaṃ parityajya yayau taiḥ sahito drutam
183.51
sa dadarśa mahā
vṛkṣānphalapuṣpabharānatāt || prarūḍhaśākhānikaracchāyācchāditadiktaṭān
183.52
siṃhadaṃtāvalagyāghavarāhamahiṣādikān || mṛgānālokayāmāsa paṃthā
naṃcāṃtarāṃtarā
183.53
taistadānīṃ dahaśire sānavo'pyambubhṛdvṛtaḥ || suvarṇaraupyatāmrādiśobhitāstatra tatra tu
183.54
uccalacchīkarāsāranirvāhi
tadviaukasaḥ || vegoddhūtaśilā hṛṣṭāḥ śataśo girinirjharāḥ
183.55
teṣāmāpādayāmāsa pramodaṃ maṃdamārutaḥ || kamalāmodasaṃvāhī vicarannigarisānu
ṣu
183.56
śukānāṃ kokilānāṃ ca tadā śuśruvire giraḥ
183.57
tatra tatra samāsīnānvistīrṇāsu hṛṣatsu te || siddhānapaśyankṛṣṇasya gāya
to guṇavaibhavam
183.58
agastyapramukhāḥ sarve parikramya munīśvarāḥ || svāmipuṣkariṇīṃ divyāṃ dadaśurvimalodakām
183.59
tattīre vihitāvāsa
mapaśyacchaṅkhabhūpatim || vāṅmanaḥkāyajaṃ karma sanniveśya sthitaṃ harau
183.60
sa tānālokya sahasā munīndrānsaṃśitavratān || yathoktamakaro
tpūjāṃ praṇāmastutipūrvikām
183.61
āsīnāstatra te sarve saṃbhāvyānyo'nyamutsukāḥ || govindakīrtanaparāḥ kṛtārthatvaṃ prapedire
183.61.p1
iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye suvarṇamukharīmāhātmyapraśaṃsāyāṃ śrīveṃkaṭācalaṃ prati śaṃkhāgastyādyāgamanavarṇanaṃnāma saptatriṃśo'dhyāyaḥ