Vaishnavakhanda 184
Vaiṣṇavakhaṇḍa 184
- Language
- Sanskrit
Contents
- 184.77 — 1 part
184.1
athā'gastyaśaṅkhāditapastuṣṭasya bhagavata āvirbhāvaḥ || || bharadvāja uvāca
teṣāṃ harau jagannāthe samāveśitacetasām || dinatrayaṃ gataṃ tatra pūjāstotraparātmanām
184.2
tṛtīye divase prāpte te sarve nidritā niśi || ante ca
turthayāmasya daddaśuḥ svapnamuttamam
184.3
śaṅkhacakragadāpāṇiṃ prasannaṃ puruṣottamam || varadānāya saṃprāptamapaśyansmeralocanam
184.4
utthāya muditā
tmāno gṛhānnirgatya pāvane || svāmipuṣkariṇītoye sasnurvidhivadādarāt
184.5
vidhāya vidhivatkarma sarve dinamukhocitam || gṛhānpratyāyāyurdeva
mārādhayitumacyutam
184.6
sadyaḥ śreyaskaraṃ mārge nimittaṃ pakṣisūcitam || dṛṣṭvā prasādaṃ devasya karasthaṃ menire tadā
184.7
tataścilokakartāraṃ
pūjayitvā janārdanam || tuṣṭuvurvividhaiḥ stotraiḥ pavitrairvedavarṇitaiḥ
184.8
stotrāvasāne kaunteya munīndraḥ kumbhasaṃbhavaḥ || jajāpa śaṃkhasahito mantrama
ṣṭākṣaraṃ hareḥ
184.9
itthaṃ teṣāṃ jagatsvāminyacyute'rpitacetasām || agrabhāge prādurabhūdekaṃ tejo mahādbhutam
184.10
anekakoṭisaṃkhyānāmādityendu
havirbhujām || ekībhūyāmbaratale jyotirjālamiva sthitam
184.11
tattejo vīkṣya te sarve'mitāntāścaryagocarāḥ || dadhyurnārāyaṇaṃ divyaṃ paramāna
ndavigraham
184.12
vāṅmānasapathātītaṃ viśvaiśvaryabhāsuram || sahasranetraṃ sāhasrabāhupādaiḥ samanvitam
184.13
tattatkārtasvaranibhasphuratkāṃtima
noharam || daṃṣṭrākarālaṃ durdarśaṃ vamantaṃ dahanacchaṭāḥ
184.14
kaustubhena virājantaṃ dadhānamurasi śriyam || avicintyamanādyantamatyantabhayadāyakam
184.15
prakāśayantaṃ brahmāṇḍaṃ sarvamātmani sarvagam || agastyaśaṃkhapramukhāste sarve hṛṣṭacetasaḥ
184.16
tamālokya jagannāthaṃ bhūyobhūyo vavandire
bhramanti lokarakṣārthamāyudhāni tadā hareḥ
184.17
nijatejobalopetānyājagmustaṃ niṣevitum || cakramarkaprabhaṃ divyā gadā khaḍgaśca nandakaḥ
184.18
puṇḍarīkaṃ cogravaḥ pāñcajanyaḥ śaśiprabhaḥ || tadā brahmāṇḍamakhilaṃ pūrayāmāsa nirbharaḥ
184.19
pāñcajanyasya ninadaḥ sarvāsurabhayaṃkaraḥ
pāñcajanyadhvaniṃ śrutvā nitāntāścaryabhīṣaṇam
184.20
āyurdevatāḥ sarvāḥ svaṃsvaṃ vāhanamāsthitāḥ || brahmā rudraḥ śatamakhaḥ sanakādyāśca yoginaḥ
184.21
vasiṣṭhamukhyā munayo gandharvoragakinnarāḥ || viṣvakseno garutmāṃśca viṣṇubhṛtyā jayādayaḥ
184.22
sarūpāścaiva ye nityāḥ śvetadvīpanivāsinaḥ
sumanodrumasaṃbhūtā sumanovṛṣṭiradrutā
184.23
papāta medurāmodamoditāśeṣamānasā || nanṛturdivyasuhaśo jaguḥ kinnarapuṅgavāḥ
184.24
tuṣṭuvurharṣataralāḥ suragandharvacāraṇāḥ || dṛṣṭvā te puṇḍarīkākṣaṃ prasannaṃ bhaktavatsalam
184.25
praṇamya toṣayāmāsuḥ sāṣṭāṃgaṃ vividhaistavaiḥ
184.26
brahmādaya ūcuḥ
jaya viṣṇo kṛpāsindho jaya tāmarasekṣaṇa || jaya lokaikavarada jaya bhaktārtibhañjana
184.27
anantamakṣaraṃ śāntamavāṅmanasagocaram
ko vā bhavantaṃ jānāti cidānandamayātmakam
184.28
aṇoraṇutaraṃ sthūlātsthūlaṃ sarvāntarasthitam || tvāmāmananti puruṣaṃ prakṛteḥ paramacyutam
184.29
vedāntasārārūpaṃ tvāṃ sarvāntarbāhyavartinam || ko hi varṇayituṃ śakto māyāyatteṣu dehiṣu
184.30
bhavadīyamidaṃ rūpaṃ dṛṅgātibhayadāyakam
bhayodvigrā vayaṃ sarve śāntaṃ rūpaṃ bhajasva ha
184.31
bharadvāja uvāca || || iti stuto viriñcādyaiḥ prasanno garuḍadhvajaḥ || meghaghoṣapratimayā vācā sādaramabravīt
184.32
atha brahmādiprārthanayā bhagavaddhitasaumyarūpaprakāraḥ || || śrībhagavānuvāca || || bhayāvahāmimāṃ mūrtiṃ mutsṛjyāhaṃ priyāvaham || śāntaṃ rūpaṃ bhajiṣyāmi māṃ paśyata nirākulāḥ
184.33
ityuktvāntarhito bhūtvā tasminneva kṣaṇāṃtare
vimāne ratnakhacite babhūva sukhadarśanaḥ
184.34
candrabimbānanaḥ śānto nīlotpaladaladyutiḥ || suvarṇavarṇavasano ratnabhūṣaṇabhūṣitaḥ
184.35
śaṃkhacakragadāpadmalasatkaracatuṣṭayaḥ || tamālokya ramākāntaṃ bhūyo bhūyo vavandire
184.36
santoṣayitvā brahmādīnabhīṣṭapratipādanaiḥ || avocadvinayā namramagastyaṃ munipuṃgavam
184.37
śrībhagavānuvāca || || tvaṃ munīndra vratairghoraiścīrṇairmāṃ prati saṃprati || parikliṣṭo'si dāsyāmi varāṃste 'bhīpsitānvada
184.38
bharadvāja uvāca || || niśamya vākyaṃ śrībhartuḥ praṇamya ca punaḥpunaḥ || sa romāñcitasarvāṅgaḥ kumbhajanmā vaco
'travīt
184.39
athāgastyaprārthanayā svarṇamukharīnadyā bhagavaddattasarvādhikatvaprāptiḥ || || agastya uvāca || || yaddyutaṃ yattapastaptaṃ
yadadhītaṃ śrutaṃ mayā || tatsarvaṃ saphalaṃ jātamāddato'smi yatastvayā
184.40
eṣo'hameva dharmātmā triṣu lokeṣvapi prabho || tvāṃ vicinvantama
dhunā māmanviṣyāgato'si yat
184.41
tvatprasādātpuraivāhaṃ prāptākhilamanorathaḥ || na paśyāmi vicintyāpi prāpyaṃ saṃprati mādhava
184.42
tathāpi cāpalādetattava vijñāpyate prabho || tvatpādāmbujayorbhaktimevaṃ kuru nirantaram
184.43
avadhāraya caitattvaṃ suprārthanayā mayā || nadī
suvarṇamukharī snātāghaughavināśinī
184.44
sā bhavacchailakaṭakasamāsannā samāgatā || tāṃ kṛtārthaya lokeśa tvadanugrahavṛttibhiḥ
184.45
suvarṇa
mukharītoye snātvā ye veṃkaṭe sthitam || paśyaṃti muktimuktyostu bhūyābhurbhājanāni te
184.46
alpāyuṣo narā mūḍhā jñānayogaparicyutāḥ
na śaknuvaṃti tvāṃ draṣṭuṃ vratādhyayanakarmabhiḥ
184.47
sadāsminnāsthitaḥ śaile sarveṣāṃ ca jagadguro || prasādasumukho deva kāṃkṣitārtha pradobhava
184.48
śrībhagavānuvāca || || yatprārthitaṃ tvayā vipra tattathaiva bhaviṣyati || nūnamapratimā loke mayi bhaktiḥ kṛtā tvayā
184.49
jāhnavīva nadī seyaṃ suvarṇamukharī mune || syādāśāsyā surāṇāṃ ca vāṃchitaśrīvidhāyinī
184.50
svāmipuṣkariṇī ceyaṃ nadī mūrtyā samanvitā
saṃkramiṣyati tāṃ divyāṃ nadīṃ tīrthovasaṃśrayām
184.51
vaikuṇṭhanāmni śaile'sminnadyaprabhṛti sarvadā || kṛtāvāso bhaviṣyāmi mune prārthanayā tava
184.52
suvarṇamukharīsnānakṣālitāghaughakardamāḥ || asminvaikuṇṭhaśaile māṃ ye paśyaṃti samāhitāḥ
184.53
bhuvi putrādisaṃpannāḥ sarvaiśvaryasamanvitāḥ || bhṛtāśviviṣṭape bhogānākalpamanubhūya ca
184.54
punarāvṛttirahitaṃ kevalānandabhāsuram || matpadaṃ samavāpsyanti nātra kāryā vicāraṇā
184.55
māṃ draṣṭumāgatānsarvānpratīkṣyābhīpsitaiḥ śubhaiḥ || yojayiṣyāmi satataṃ tvadvacogauravānmune
184.56
putrārthināṃ bahūnputrāndhanāni ca dhanārthinām || tathaivārogyakāmānāṃ rogaśāṃtiṃ garīyasīm
184.57
tīvrāpatparibhūtānāṃ tathaivāpannivāraṇam || dāsyāmyabhīpsitānbhogāndurlabhānapi sarvadā
184.58
ye yānkāmānapekṣyeha prekṣante māṃ samāgatāḥ || avāpnuvanti te sarve tāṃstānkāmānna saṃśayaḥ
184.59
sthitā vā yatra kutrāpi māṃ smaranti narottamāḥ || te sarve vāñchitāṃ siddhiṃ labhante matprasādataḥ
184.60
atha śaṅkhanṛpavarapradānapūrvakaṃ bhagavadntardhānam
bharadvāja uvāca || || ityuktvā taṃ muniṃ devaḥ śaṃkhamālokya bhūpatim || śṛṇvatāṃ brahmamukhyānāmidaṃ vacanamabravīt
184.61
śrībhagavānuvāca
prīto'smi śaṃkha bhaktyā te vṛṇīṣvābhīpsitaṃ varam || dadāmi varado'haṃ te kaśiṣṭhasya tapasyataḥ
184.62
śaṃkha uvāca || || na
yāce'nyanmahābāho tvatpādāmbujasevanāt || yāṃ prāpnuvanti tvadbhaktāstāṃ yāce gatimuttamām
184.63
śrībhagavānuvāca || || yatprārthitaṃ tvayā
śaṃkha tattathaiva bhaviṣyati || matsevāyogabhavyānāmalabhyaṃ kimu vidyate
184.64
ākalpamindralokastho hyapsarogaṇasevitaḥ || bhuktvā bahuvidhānbhogāṃ
stato machlokameṣyasi
184.69
evaṃ dadau varāniṣṭāñchaṅkhrāya pṛthivīpate || nārāyaṇo jagadyonirbhajatāṃ kalpabhūruhaḥ
184.66
tato brahmādikā
nsarvānvisṛjya kamalekṣaṇaḥ || saṃstūya mānasairbhaktyā tatraivāṃtardadhe prabhuḥ
184.67
atha bharadvājavarṇitaśrīveṃkaṭācalamāhātmyanigamanam
bharadvāja uvāca || || veṃkaṭādreḥ prabhāvo'yamākhyāto bhavate'rjuna || narāḥ pāpaiḥ pramucyante śrutvemāṃ pāvanīṃ kathām
184.68
vārāhaṃ rūpamutsṛjya
brahmaṇābhyarthito hariḥ || mumodātrādbhutākāro māyayā mohayajjagat
184.69-2
paścādagastyaśaṃkhābhyāṃ prārthitaḥ sukhadarśanam || dadau nitāntasubhagaṃ śāntaṃ
bhogātmakaṃ vapuḥ
184.70
nārāyaṇa veṃkaṭādriṃ svāmipuṣkariṇīṃ tathā || imāmākhyāṃ ca saṃsmṛtya mucyante pātakairjanāḥ
184.71
veṃkaṭādrisamaṃ sthānaṃ
brahmāṇḍe nāsti kiñcana || veṃkaṭeśasamo devo na bhūto na bhaviṣyati
184.72
veṃkaṭādrisamaṃ sthānaṃ na bhūtaṃ na bhaviṣyati || svāmitīrthasarastulyaṃ na
kutrāpi ca vidyate
184.73
prātarutthāya ye nityaṃ veṃkaṭeśaṃ smaraṃti vai || teṣāṃ karasthā mokṣaśrīrnātra kāryā vicāraṇā
184.74
svāmipuṣkariṇītīrthe
snātvā sarvātmakaṃ harim || ye vā paśyaṃti niyatā varāhācalavāsinam
184.75
te'śvamedhasahasrasya vājapeyaśatasya ca || prāpnuvaṃti phalaṃ pūrṇaṃ nātra kāryā
vicāraṇā
184.76
veṃkaṭācalamāhātmyaṃ ye śṛṇvaṃti narottamāḥ || teṣāṃ muktiśca muktiśca iha loke paratra ca
184.77
veṃkaṭācalamāhātmyaṃ saṃkṣipya
kathitaṃ tava || ataḥ paraṃ mahānadyāḥ prabhāvaḥ kathayate'rjuna
184.77.p1
iti śrīskāṃde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃ kaṭācalamāhātmye suvarṇamukharīmāhātmyapraśaṃsāyāmagastyaśaṅkāditapastuṣṭaśrīveṃkaṭeśāvirbhāvādimāhātmyavarṇanaṃ nāmāṣṭatriṃśo'dhyāyaḥ