Vaishnavakhanda 185
Vaiṣṇavakhaṇḍa 185
- Language
- Sanskrit
Contents
- 185.50 — 1 part
185.1
cha
atha putrārthamañjanākṛtatapaḥprakāraḥ || || śrīsūta uvāca || || putrahīnā'ñjanā pūrvaṃ duḥkhitā tapasi sthitā || tāṃ dṛṣṭvā muniśārdūlo
mataṅgo viṣṇutatparaḥ
185.2
añjanākhyāmuvācedamatayugye tapasi sthitām
185.3
mataṃga uvāca || || samuttiṣṭhāñjane devi kimarthaṃ tapasi
sthitā || vada devi mahābhāge kāryaṃ tava varānane
185.4
aṃjanovāca || || mataṃga muniśārdūla vacanaṃ me śṛṇuṣva ha || pitā me kesarī nāma
rākṣasaḥ śivatatparaḥ
185.5
śaivaṃ ghoraṃ tapaścake putrārthaṃ tu suduṣkaram || pārvatīsahitaḥ śaṃbhurvṛṣabhopari saṃsthitaḥ
185.6
prādurāsīttadā devo dadau
tasmai varaṃ śubham
185.7
śambhuruvāca || || śṛṇu rājanpravakṣyāmi vidhinā nirmitaṃ tava || asmimajanmanyaputratvaṃ tathāpyanyahadryāmi te
185.8
viśrutā sarvalokeṣu putrī tava bhaviṣyati || tasyāḥ putro mahābuddhistava prītiṃ kariṣyati
185.9
iti tasmai varaṃ dattvā tatraivāntardadhe haraḥ || māṃ
labdhvā matpitā vipraḥ kṛtakṛtyo babhūva ha
185.10
tataḥ kālāntare vipraḥ kesaryākhyo mahākapiḥ || yayācemāṃ dadasveti pitaraṃ me tataḥ pitā
185.11
tasmai māṃ dattvāṃścaiva pāribarhaṃ dadau ca saḥ || gavāṃ lakṣasahasrāṇi gajalakṣaṃ mahāmanāḥ
185.12
vājināmarbudaṃ caiva rathānāmarbudaṃ tathā
vastraratnānyanekāni dāsadāsīsahasrakam
185.13
antaḥpuracarīnārīrnṛtyagītaviśāradāḥ || dadau vāsaḥsahasraṃ ca mayā sākaṃ mahāmate
185.14
patyā
me ramamāṇāyā bhūyānkālo gato mune || aputrā duḥkhitā vipra vratāni vividhāni ca
185.15
kṛtāni ca mayā tatra kiṣkindhāyāṃ mahāpuri
māghe māsi ca viprendra vaiśākhe kārtike tathā
185.16
snānadānavratādīni cāturmāsyavrataṃ tathā || namaskārastathā vipra pradakṣiṇamanuttamam
185.17
śālagrāmānnadānāni dīpadānaṃ tathaiva ca || godānaṃ tiladānaṃ ca vastradānaṃ mahāmune
185.18
bhūdānaṃ vāridānaṃ ca dattvā puṣpādikaṃ
mune || yāni yāni ca mukhyāni vaiṣṇavāni vratāni ca || mayā kṛtāni sarvāṇi satputraphalakāṅkṣayā
185.19
śravaṇādiṣu yatproktaṃ vrataṃ vipremahā
tmabhiḥ || mayā kṛtaṃ ca viprendra tuṣṭacarthaṃ madhuvidviṣaḥ
185.20
yāni yāni ca mukhyāni phalāni vividhāni ca || mayā dattāni sarvāṇi satputra
phalakāṅkṣayā
185.21
mayā kṛtānyasaṃkhyāni vratāni vividhāni ca || putraṃ tathāpyalabdhvāhaṃ duḥkhitā tapasi sthitā
185.22
bhaviṣyati kathaṃ
vipra putrastrailokyaviśrutaḥ || yāce'haṃ tu muniśreṣṭha praṇatā ca tavāgrataḥ
185.23
vada tvaṃ muniśārdūla dīnāhaṃ tapasi sthitā
185.24
śrīsūta
uvāca || || evaṃ vadantīṃ tāṃ prāha mataṅgo munisattamaḥ || śṛṇu madvacanaṃ devi putrapautrapradāyakam
185.25
ito dakṣiṇadigbhāge daśayojanadūrataḥ
ghanācala iti khyāto nṛsiṃhasya nivāsabhūḥ
185.26
tasyopari mahābhāge brahmatīrthaṃ manoharam || tasyāpi pūrvadigbhāge daśayojanamātrataḥ
185.27
suvarṇamukharī nāma nadīnāṃ pravarā nadī || tasyā evottare bhāge vṛṣabhācalanāmataḥ
185.28
tasyāgre sarasī nāmnā svāmipuṣkariṇī śubhā || gatvā
dṛṣṭvā śubhaṃ toyaṃ manaḥśuddhiṃ gamiṣyasi
185.29
tatra snātvā vidhānena varāhaṃ taṃ praṇamya ca || veṅkaṭeśaṃ namaskṛtya tato gaccha varānane
185.30
uttare
svāmitīrthasya siṃhaśārdūlasaṃyute || cūtapunnāgapanasairbakulāmalakaiḥ śubhaiḥ
185.31
candanāgurunimbaiśca tālahintālakiṃśukaiḥ || kapitthāśvatthabilvai
śca iṅgudaiśca varānane
185.32
etāhaśairmahāpuṇyairvṛkṣaiśca vividhaiḥ śubhaiḥ || viyadgaṃgeti vikhyātaṃ tīrthamekaṃ virājate
185.33
tasmiṃstīrthe'ñjane
devi saṃkalpavidhipūrvakam || snātvā pītvā śubhaṃ tīrthaṃ tīrthasyābhimukhī sthitā
185.34
vāyumuddiśya he devi tapaḥ kuru varānane || devaiśca rākṣasai
viprairmanujairmunisattamaiḥ
185.35
bhūdeḥ pakṣibhiranyaiśca śastraiśca vividhaiḥ śubhaiḥ || avadhyo bhavitā putrastapasā te na saṃśayaḥ
185.36
śrīsūta
uvāca || || iti proktāñjanā devī taṃ praṇamya punaḥpunaḥ || bhartrā sākaṃ yayāvāśu veṃkaṭācalasaṃjñakam
185.37
kāpilaṃ tīrthamāsādya snātvā
nirmalamānasā || veṃkaṭādriṃ samāruhya svāmipuṣkariṇīṃ yayau
185.38
snātvā varāhamānamya veṃkaṭeśakṛtānatiḥ || mataṃgasya ṛṣervākyaṃ smarantī
ca muhurmuhuḥ
185.39
viyadgaṅgāṃ yayāvāśu cāñjanā maṃjubhāṣiṇī || snātvā pītvā śubhaṃ toyaṃ tīre tasya tadunmukhī
185.40
prāṇavāyuṃ samuddiśya
tapaścakre yatavratā || phalāhārā jalāhārā nirāhārā tataḥ param
185.41
sahasrābdaṃ tapaścakre nyastanāsāgradṛṣṭikā || vayasyā vipulā nāma
śuśrūṣāmakarocchubhā
185.42
varṣāṇāṃ ca sahasrānte vāyurdevo mahāmatiḥ || prādurāsīttadā tāṃ vai bhāṣamāṇo mahāmatiḥ
185.43
meṣasaṃkramaṇaṃ
bhānau saṃprāpte munisattamāḥ || pūrṇimākhye tithau puṇye citrānakṣatrasaṃyute
185.44
tavepsitamahaṃ dāsye varaṃ varaya suvrate || iti tadvacanaṃ śrutvā tataḥ
prāhāñjanā satī
185.45
putraṃ dehi mahābhāga vāyo deva mahāmate || tasyāstadvacanaṃ śrutvā mātariśvābravīttataḥ
185.46
putraste'haṃ bhaviṣyāmi
khyātiṃ dāsye śubhānane || iti tasyai varaṃ dattvā tatraivāsta mahābalaḥ
185.47
tadā brahmādayo devā indrādyā lokapālakāḥ || vasiṣṭhādyā mahā
tmānaḥ sanakādyāśca yoginaḥ
185.48
vyāsādyaśca viprendrā lakṣmyā sākaṃ jagatpatiḥ || munipatnyo devapatnya ṛṣipatnyastathaiva ca
185.49
svaṃ svaṃ vāhanamāruhya dārabhṛtyasutādibhiḥ || āgatāste mahātmāno draṣṭuṃ tāṃ tapasi sthitām
185.50
āścaryamāścaryamiti bruvāṇā brahmādayo
devagaṇāśca sarve || ālokayanto divi dūrataste sthitāstadā brahmamaheśamukhyāḥ
185.50.p1
iti śrīskānde mahāpurāṇa ekāśītisāhasryāṃ saṃhitāyāṃ dvitīye vaiṣṇavakhaṇḍe śrīveṃkaṭācalamāhātmye aṃjanātapaḥkaraṇaprakārādivarṇanaṃ nāmaikonacatvāriṃśo'dhyāyaḥ