Vaishnavakhanda 27

Vaiṣṇavakhaṇḍa 27

Language: Sanskrit

27.86 — 1 part

27.1

lomaśa uvāca || || etasminnaṃtare tatra maheśena praṇoditāḥ || ājagmuḥ sahasā sadya ṛṣayo'pi himālayam

27.2

tāndṛṣṭvā sahasotthāya himādriḥ prītamānasaḥ || pūjayāmāsa tānsarvānuvāca natakaṃdharaḥ

27.3

kimarthamāgatā yūyaṃ brūtāgamanakāraṇam || tadocuḥ
sattra ṛṣayo maheśapreritā vayam

27.4

samāgatāstvatsakāśaṃ kanyāyāśca vilokane || tānasmānviddhi bhoḥ śaila svāṃ kanyāṃ darśayāśu vai

27.5

tathetyuktvā ṛṣigaṇānītā tatra pārvatī || svotsaṃge parigṛhyāśu girīndraḥ putravatsalaḥ || himavāngirirājo'tha uvāca prahasanniva

27.6

iyaṃ sutā
madīyā hi vākyaṃ śṛṇuta me punaḥ || tapasvināṃ vāriṣṭho'sau virakto madanāṃtakaḥ

27.7

kathamudvahanārthī ca yenānaṃgaḥ kṛtaḥ smaraḥ || atyāsanne
cātidūre āḍhye dhanavivarjite || vṛttihīne ca mūrkhe ca kanyādānaṃ na śasyate

27.8

mūḍhāya ca viraktāya ātmasaṃbhāvitāya ca || āturāya prama
ttāya kanyādānaṃ na kārayet

27.9

tasmānmayā vicāryaiva bhavadbhirṛṣisattamāḥ || pradātavyā maheśāya etanme vratamuttamam

27.10

tacchrutvā girirājasya
vacanaṃ te maharṣayaḥ || ekapadyena ūcuste prahasya ca himālayam

27.11

yayā kṛtaṃ tapastīvraṃ yayā cārādhitaḥ śivaḥ || tapasā tena saṃtuṣṭaḥ prasa
nnodya sadāśivaḥ

27.12

asyāstasya ca bhoḥ śaila na jānāsi ca kiṃcana || mahimānaṃ paraṃ caiva tasmādenāṃ prayaccha vai

27.13

śivāya giri
jāmenāṃ kurūpva vacanaṃ hi naḥ || tacchrutvā vacanaṃ tepāmrṛṣīṇāṃ bhāvitātmanām

27.14

uvāca tvarayā yuktaḥ parvatānparvateśvaraḥ || he mero he niṣadha
kiṃ gandhamādana mandara || maināka kriyatāmadya śaṃsadhvaṃ ca yathātatham

27.15

menā tadā uvācedaṃ vākyaṃ vākyaviśāradā || adhunā kiṃ vimarśena
kṛtaṃ kāryaṃ tadeva hi

27.26

utpanneyaṃ mahābhāgā devakāryārthameva ca || pradātavyā śivāyeti śivasyārthe'vatāritā

27.17

anayārādhito
rudro rudreṇa paristhāpitā || iyaṃ satī mahābhāgā śivāya pratidīyatām

27.18

nimittamātraṃ ca kṛtaṃ tayā vai śivapūjane || etacchrutvā vacastasyā
menāyāḥ paristhāpitam

27.19

parituṣṭo himādriśca vākyaṃ cedamuvāca ha || rūpīnprati nirīkṣaṃstāṃ kanyeyaṃ mama saṃprati

27.20

tataḥ samānīya
sulocanāṃ tāṃ śyāmāṃ nitaṃbārpitamekhalāṃ śubhām || vaiḍūryamuktāvalayānddhānāṃ bhāsvatprabhāṃ cāṃdramasīṃ vai rekhām

lāvaṇyāmṛtavāpikāṃ
suvadanāṃ gaurīṃ suvāsāṃ śubhāṃ dṛṣṭvā te ṝṣayo'pi mohamagamanbhrāṃtāstadā saṃbhramāt || nocuḥ kiṃcana vākyameva sudhiyo hyāsanpramattā iva stabdhāḥ
kāntimatīmatīva rucirāṃ trailokyanāthapriyām

27.22

evaṃ tadā te ṝṣayo'pi mohitā rūpeṇa tasyāḥ kimutātha devatāḥ || tathaiva sarve ca
nirīkṣya tanvīṃ satīṃ girīndrasya sutāṃ śivapriyām

27.23

tataḥ punaścaitya śivaṃ śivapriyāḥ śaśaṃsurasmāṃ ṛṣayastadānīm

27.24

ṛṣaya
ūcuḥ || || bhūṣitā hi girīndreṇa svasutā nāsti saṃśayaḥ || udvoḍhuṃ gaccha deveśa devaiśca parivāritaḥ

27.25

gaccha śīghraṃ mahādeva pārvatīmātmajāṃ
namne || tacchrutvā vacanaṃ teṣāṃ prahasyedamuvāca ha

27.26-2

vivāho hi mahābhāgā na dṛṣṭo na śruto'pi vā || mayā purā ca ṛṣayaḥ kathyatāṃ ca viśe
ṣataḥ

27.27

tadocurṝṣayaḥ sarve prahasaṃtaḥ sadāśivam || viṣṇumāhvaya vai deva brahmāṇaṃ ca śatakratum

27.28

tathā ṛṣigaṇāṃścaiva yakṣagandharvapanna
gān || siddhavidyādharāṃścaiva kiṃnarāṃścāpsarogaṇān

27.29

etāṃścānyāṃśca subahūnānayasveti satvaram || tadākarṇya ṛṣiproktaṃ vākyaṃ vākyavi
śāradaḥ

27.30

uvāca ca nāradaṃ devo viṣṇumānaya satvaram || brahmāṇaṃ ca mahendraṃ ca anyāṃścaiva samānaya

27.31

śaṃbhorvacanamādāya śirasā
lokapāvanaḥ || jagāma tvarito bhūtvā vaikuṇṭhaṃ viṣṇuvallabhaḥ

27.32

dadarśa devaṃ paramāsane sthitaṃ śriyā ca devyā parisevyamānam || caturbhujaṃ deva
varaṃ mahāprabhaṃ nīlotpalaśyāmatanuṃ vareṇyam

27.33

mahārharatnāvṛtacārukuṇḍalaṃ mahākirīṭottamaratnabhāṃsvatam || suvaijayantyā vanamālayā vṛtaṃ sa nāra
dastaṃ bhuvanaikasundaram

27.34

uvāca nārado'bhyetya śaṃbhorvākyamathādarāt || brahmavīṇāṃ vādyamānaḥ sarvajña ṛṣisattamaḥ

27.35

ehohi tvaṃ mahā
viṣṇo mahādevaṃ tvarānvitaḥ || udvāhanārthaṃ śaṃbhośca tvamekaḥ kāryasādhakaḥ

27.36

prahasya bhagavānprāha nāradaṃ prati vai tadā || kathamudvahane buddhiru
tpannā tasya śūlinaḥ || vijñātārtho'pi bhagavānnāradaṃ paripṛṣṭavān

27.37

nārada uvāca || || tapasā mahatā rudraḥ pārvatyā paritoṣitaḥ
svayamevāgatastatra yatrāste girijā satī

27.38

dāso'hamavadcchaṃbhuḥ pārvatyā paritoṣitaḥ || pārvatīṃ ca samabhyarthya varayasva ca bhāmini

27.39

tvaritenāvadcchaṃbhustvāmāhvayati saṃprati || tasya tadvacanaṃ śrutvā devadevo janārdanaḥ || nāradena samāyuktaḥ pārṣadaiḥ parivāritaḥ

27.40

suparṇamāruhya
tadā mahātmā yogīśvarāṇāṃ prabhuracyuto mahān || yayau tadā''kāśapathā hariḥ svayaṃ sanārado devavaraiḥ sametaḥ

27.41

taṃ dṛṣṭvā tvaritaṃ devo yogidhye
yāṃghripaṃkajaḥ || abhyutthāya mudā yuktaḥ pariṣvajya ca śārṅgiṇam

27.42

tadā hariharau devāvaikapadyena tiṣṭhataḥ || ūcatuḥ sma tadānyonyaṃ kṣemaṃ kuśa
lameva ca

27.43

īśvara uvāca || || girijātapasā viṣṇo jito'haṃ nātra saṃśayaḥ || pāṇigrahārthamevādya gaṃtukāmo himālayam

27.44

yathārthena ca bho viṣṇo kathayāmi tavāgrataḥ || yadā dakṣeṇa bho viṣṇo pradattā ca purā satī

27.45

na ca saṃkalpavidhinā mayā pāṇigrahaḥ kṛtaḥ
adhunaiva mayā kāryaṃ karmavistāraṇaṃ bahu

27.46

yatkāryaṃ tanna jānāmi sarvaṃ pāṇigrahocitam || śaṃbhostadvacanaṃ śrutvā prahasya madhusūdanaḥ

27.47

yāvadvaktuṃ samārebhe tāvadbrahmā samāgataḥ || iṃdreṇa saha sarvaiśca lokapālaistvarānvitaḥ

27.48

tathaiva devāsurayakṣadānavā nāgāḥ pataṃgāpsaraso maharṣayaḥ
sametya sarve parivakrumīśamūcustadānīṃ śirasā praṇamya

27.49

gacchagaccha mahādeva asmābhiḥ sahitaḥ prabho || tato viṣṇuruvācedaṃ prastāvasadṛśaṃ
vacaḥ

27.50

gṛhyoktavidhinā śaṃbho karma kartumihārhasi

27.51

nāṃdīmukhaṃ maṇḍapasthāpanaṃ ca tathā caitatkuru dharmeṇa yuktam || mahānadīsaṃgamaṃ varjayitvā kurvaṃti kecidvedamanīṣiṇaśca

27.52

maṇḍapasthāpanaṃ caiva kriyatāṃ hyadhunā vibho || tathokto viṣṇunā śaṃsuścakārātmahitāya vai

27.53

brahmādibhiḥ kṛtaṃ tena sarvamabhyudayocitam || grahāṇāṃ pūjanaṃ cakre kaśyapo brahmaṇā yutaḥ

27.54

tathātriśca vaśiṣṭhaśca gautamotha gururbhṛguḥ || kaṇvo bṛhaspatiḥ śaktirjamadagniḥ parāśaraḥ

27.55

mārkaṃḍeyaḥ śilāvākaḥ śūnyapālo'kṣataśramaḥ || agastyaśyavano gargaḥ śilādo'tha mahāmuniḥ

27.56

ete cānye ca bahavo hyāgatāḥ śivasannidhau || brahmaṇā noditāstatra cakruste vidhivatkriyām

27.57

vedoktavidhinā sarve vedavedāṃgapāragāḥ
cakrū rakṣāṃ maheśasya kṛtakautukamaṃgalām

27.58

ṛgyajuḥsāmasahitaiḥ sūktairnānāvidhaistathā || maṃgalāni ca bhūrīṇi ṛṣayastattvavedinaḥ

27.59

abhyaṃjanādikaṃ sarvaṃ cakrustasya parātmanaḥ || syātaḥ kapardastasyaiva śivasya paramātmanaḥ

27.60

anekairmauktikairyuktā muṇḍamālā'bhavattadā
ye sarpā vyaṃgabhūtāśca te sarve tatkṣaṇādiva || babhūvurmaṇḍanānyeva jātarūpamayāni ca

27.61

sarvabhūṣaṇasaṃpanno devadevo maheśvaraḥ || yayau
devaiḥ parivṛtaḥ śailarājapuraṃ prati

27.62

caṃḍikā varabhaginī tadā jātā bhayāvahā || pretāsanā gatā caṇḍī sarpābharaṇabhūṣitā

27.63

haimaṃ kalaśamādāya pūrṇaṃ mūrdhnā mahāprabhā || parivārairmahācaṃḍī dīptāsyā hyugralocanā

27.64

tatra bhūtānyanekāni virūpāṇi
sahasraśaḥ || taiḥ sametāgrataścaṃḍī jagāma vikṛtānanā

27.65

tasyāḥ sarve pṛṣṭhataśca gaṇāḥ paramadāruṇāḥ || koṭacekādaśasaṃkhyākā raudrā rudrapriyāśca ye

27.66

tadā ḍamarunirghoṣaipyāntamārsīnjagattrayam || bherībhāṃkāraśabdena śaṃkhānāṃ ninadena ca

27.67

tathā duṃdubhinirghoṣaiḥ śabdaḥ
kolāhalo'bhavat || gaṇānāṃ pṛṣṭhato bhūtvā sarve devāḥ samutsukāḥ || anvayuḥ sarvasiddhāśca lokapālaiḥ samanvitāḥ

27.68

madhye vrajanmaheṃdro'tha
airāvatamupāsthitaḥ || śubhreṇocchriyamāṇena chatreṇa parameṇa hi

27.69

cāmarairvījyamāno'sau surairbahubhirāvṛtaḥ || tadā tu vrajamānāsta ṛṣayo
bahavo hyamī

27.70

bharadvājādayo viprāḥ śivasyodvahanaṃ prati || śākinyo yātudhānāśca vetālā brahmarākṣasāḥ

27.71

bhūtapretapiśācāśca
tathānye pramathādayaḥ || pṛcchamānāstadā caṃḍīṃ pṛṣṭhato'nvagamaṃstadā

27.72

ka gatā sādhunā caṃḍī dhāvamānāstadā bhṛśam || prāptā gatā vrajaṃtīṃ
tāṃ praṇipatya mahāprabhām

27.73

atha procustadā sarve caṃḍīṃ bhairavasaṃyutām || vināsmābhiḥ kuto yāsi vada caṃḍi yathā tathā

27.74

prahasyo
vāca sā caṃḍī bhūtānāṃ tatra śṛṇvatām || śaṃbhorudvahanārthāya pretārūḍhā vrajāmyaham

27.75

haimaṃ kalaśamādāya śirasā bibhratī svayam || karavālīsva
rūpeṇa caṃḍī jātā tataḥ svayam

27.76

bhūtaiḥ parivṛtā sarvaiḥ sarveṣāmagrato'vrajat || gaṇāstāmanujagmuste gaṇānāṃ pṛṣṭhataḥ surāḥ

27.77

iṃdrādayo
lokapālā ṛṣayaste'grapṛṣṭhataḥ || ṛṣīṇāṃ pṛṣṭhato bhūtvā pārṣadāśca mahāprabhāḥ

27.78

viṣṇoramitabhāvajñā mukuṃdāśca manoramāḥ || sarve payodasaṃkāśāḥ
sakṣiṇo vanamālinaḥ || śrīvatsāṃkadharāḥ sarve pītavāsonvitāśca te

27.79

caturbhujāḥ kuṃḍalinaḥ kirīṭakaṭakāṃgadaiḥ || hāranūpurasūtraiśca kaṭisūtrāṅkulīyakaiḥ || śobhitāḥ sarva evaite mahāpuruṣalakṣaṇāḥ

27.80

teṣāṃ madhye gato viṣṇuḥ śriyopetaḥ surārihā

27.81

babhau trilokīkṛtaviśvamaṃgalo mahābhāvairhadi kṛtya dhiṣṭhitaḥ || śivena sākaṃ paramārthadastadā hariḥ parātmā jagadekabaṃdhuḥ

27.82

sa tākṣryaputropari saṃsthito mahām̐llakṣmyā sameto bhuvanaika
bhartā || sa cāmarairvījyamāno munīṃdraiḥ sarvaiḥ sameto harirīśvaro mahān

27.83

tathā viriṃcirnijavāhanastho vedaiḥ sametaḥ saha pañciraṃgaiḥ
tathājasaiḥ setihāsaiḥ purāṇaiḥ sa saṃvṛto hemagarbho babhūva

27.84

vedhoharibhyāṃ ca tadā sureṃdraiḥ samāvṛtaścarṣibhiḥ saṃparītaḥ || vṛṣārūḍho vṛṣaketurdurāpo
yogīśvarairapi sarvairagamyaḥ

27.85

śuddhasphaṭikasaṃkāśaṃ vṛṣabhaṃ dharmavatsalam || sameto mātṛbhiścaiva gobhiśca kṛtalakṣaṇam

27.86

ebhissameto'suradānavaiḥ saha yayau maheśo vibudhairalaṃkṛtaḥ || himālayaṃ girivaryaṃ tadānīṃ pāṇigrahārthaṃ pramadottamāyāḥ

27.86.p1

iti śrīskāṃde mahāpurāṇa ekāśīti sāhasryāṃ saṃhitāyāṃ prathame māheśvarakhaṇḍe kedārakhaṃḍe śrīśivasya vivāhavarṇanaṃnāma trayoviṃśo'dhyāyaḥ

Vaishnavakhanda 27

Contents

Linked texts (3)