Vaishnavakhanda 30
Vaiṣṇavakhaṇḍa 30
- Language
- Sanskrit
Contents
- 30.53 — 1 part
30.1
cha
lomaśa uvāca || || atha te parvataśreṣṭhā sarvādyā jātasaṃbhramāḥ || ūcuste caikapadyena himavaṃtaṃ mahāgirim
30.2
parvatā ūcuḥ || || kanyā
dānaṃ kriyatāṃ cādya śaila śrīmāñchaṃbhurbhāgyataste'dya labdhaḥ || hanmadhye vai nātra kāryo vimarśastasmādeṣā dīyatāmīśvarāya
30.3
tacchrutvā vacanaṃ
teṣāṃ suhṛdāṃ vai himālayaḥ || samyaksaṃkalpamakarodbhruṇā noditastadā || imāṃ kanyāṃ tubhyamahaṃ dadāmi parameśvara
30.4
bhāryārthaṃ pratigṛhṇīṣva
maṃtreṇānena dattavān || || asmai rudrāya mahate devadevāya śaṃbhave || kanyā dattā maheśāya girīṃdreṇa mahātmanā
30.5
vedyāṃ ca bahirānītau daṃpatī
kamalekṣaṇau || upaveśitau bahirvedyāṃ pārvatīparameśvarau
30.6
ācāryeṇātha tatraiva kaśyapena mahātmanā || āhvānaṃ havanārthāya kṛtamagnestadā dvijāḥ
30.7
brahmā brahmāsanagato babhūva śivasannidhau || pravartamāne havana ṛṣayaśca vicakṣaṇāḥ
30.8
ūcuḥ parasparaṃ tatra nānādarśanavedinaḥ
vedavādaratāḥ kecidvadantsaṃmatena vai
30.9
evameva na cāpyevamevameva na cānyathā || kāryameva na vā kāryaṃ kāryākāryaṃ tathā pare
30.10
ityevaṃ bruvatāṃ śabdaḥ śrūyate śivasannidhau || svakīyaṃ matamāsthāya hyabruvaṃste parasparam || tattvajñānavihīnāste kevalaṃ vedabuddhayaḥ
30.11
teṣāṃ tadvacanaṃ śrutvā parasparajayaiṣiṇām || prahasya nārado vākyamuvāca śivasannidhau
30.12
yūyaṃ sarve vādinaśca vedavādaratāstathā || maunamāsthāya bho viprā hṛdi kṛtya sadāśivam
30.13
ātmānaṃ paramātmānaṃ parāṇāṃ paramaṃ ca tat || yenedaṃ kāritaṃ viśvaṃ yataḥ sarvaṃ pravartate || yasminpralīyate viśvaṃ tasmai sarvātmane namaḥ
30.14
so'yamāste'dhunā gehe parvateṃdrasya bho dvijāḥ || mukhādasyaiva saṃjātāḥ sarve yūyaṃ vicakṣaṇāḥ
30.15
evamuktāstadā tena nāradena dvijottamāḥ || upadeśakarairvākyairbodhitāste dvijottamāḥ
30.16
varttamāne ca yajñe ca brahmā lokapitāmahaḥ || dadarśa caraṇau devyā nakheṃduṃ ca manoharam
30.17
darśanātskhalitaḥ sadyo babhūvāṃbujasaṃbhavaḥ || madanena samāviṣṭo vīryaṃ ca prācyavadbhuvi
30.18
retasā kṣaramāṇena lajjito'bhūtpitāmahaḥ || caraṇābhyāṃ mamardātha mahadbhopyaṃ duratyayam
30.19
bahavaścarṣayo jātā bālakhilyāḥ sahasraśaḥ || upatasthustadā sarve tātatāteti cābruvan
30.20
nāradena tadoktāste bālakhilyāḥ prakopinā || gacchaṃtu baṭavo yūyaṃ parvataṃ gaṃdhamādanam
30.21
na sthātavyaṃ bhavadbhiśca bhavatāṃ na prayojanam || ityevamuktāste sarve bālakhilyāśca parvatam || nāradena samādiṣṭā yayuḥ sarve tvarānvitāḥ
30.22
nāradena tato brahmā''śvāsito vacanaiḥ śubhaiḥ || tāvacca havanaṃ pūrṇaṃ jātaṃ tasya mahātmanaḥ
30.23
maheśasya tathā viprāḥ śāṃtipāṭhaparā babhuḥ || brahmaghoṣeṇa mahatā vyāptamāsīddigaṃtaram
30.24
tato nīrājito devo devapatnībhiruttamaḥ || tathaiva ṛṣipatnībhirarcitaḥ pūjitastathā
30.25
tathā girīndrasya manoramāḥ śubhā nīrājayāmāsurathaiva yoṣitaḥ || gītaiḥ sugītajñaviśāradāśca tathaiva cānye stutibhirmaharṣayaḥ
30.26
ratnāni ca mahārhāṇi dadau tebhyo mahāmanāḥ || himālayo mahāśailaḥ saṃhṛṣṭaḥ paritoṣayan
30.27
babhau tadānīṃ surasiddhasaṃghairveṃdyā sthito'sau sakalatrako vibhuḥ || sarvairupeto nijapārṣadairgaṇaiḥ prahṛṣṭacetā jagadekasundaraḥ
30.28
etasminnaṃtare tatra brahmaviṣṇupurogamāḥ || ṛṣigaṃdharvayakṣāśca yenye tatra samāgatāḥ
30.29
sarvānsamabhyarcya tadā mahātmā mahāngirīśaḥ parameṇa varcasā || sadratnavastrābharaṇāni samyagdadau ca tāmbūlasugandhavāryapi
30.30
tadā śivaṃ puraskṛtyābhyava
jahuḥ sureśvarāḥ || tathā sarve militvā tu ekapadyena moditāḥ
30.31
paṃktībhūtāśca bubhurjuliṃginā śṛṃgiṇā saha || kecidgaṇāḥ pṛthagbhūtā nānā
hāsyarasairvibhum
30.32
atoṣayannāradādyā anekālīkasaṃyutāḥ || tathā caṇḍīgaṇāḥ sarve babhujuḥ kṛtabhājanāḥ
30.33
vaitālāḥ kṣetrapālāśca bubhujuḥ
kṛtabhājanāḥ || śākinī ḍākinī caiva yakṣiṇyo mātṛkādayaḥ
30.34
yoginyo'tha catuḥṣaṣṭiyogino hi tathā pare || daśa koṭyo gaṇānāṃ ca
koṭyekā ca mahātmanām
30.35
evaṃ tu ṛṣayaḥ sarve tathānye vibudhādayaḥ || yogino hi mayā cānye kathitāḥ pūrvameva hi
30.36
yoginyaścaiva
kathitāstāsāṃ akṣyaṃ vadāmi vaḥ || khaḍgānāṃ kecidānīya kavyaṃ pavitrameva ca
30.37
bhuṃjaṃti cāsthisaṃyuktaṃ tathāṃtrāṇi bubhukṣitāḥ || ānīya keci
cchīrṣāṇi mahiṣāṇāṃ gurūṇi ca
30.38
tathā kecinnṛtyamānāstadānīṃ rorūyamāṇāḥ pramathāścaiva cānye || kecittūṣṇīmāsthitā rudrarūpāḥ pare cānyā
chokamānāstathaiva
30.39
yoginīcakramadhyastho bhairavo hi nanarta ca || tathānye bhūtavetālā māmetyevaṃ pralāpinaḥ
30.40
evaṃ teṣāmuddhavaṃ hi nirīkṣya
madhusūdanaḥ || uvāca prahasanvākyaṃ śaṃkaraṃ lokaśaṃkaram
30.41
etāngaṇānvāraya bho atra mattāṃśca saṃprati || asminkāle ca yatkāryaṃ sarvestatkāryame
va ca
30.42
pāṃḍityena mahādeva tasmādetānnivāraya || tacchtvā bhagavānrudro vīrabhadramuvāca ha
30.43
rudra uvāca || || vārayasva
pramattāṃśca kṣīvāṃścaiva viśeṣataḥ || tenokto vīrabhadraśca śaṃbhunā paramarṣiṇā
30.44
ājñāpitāḥ pramattāśca vīrabhadreṇa dhīmatā || pramathā vāritāstena
tūṣṇīmāśritya te sthitāḥ
30.45
niścalā yoginīmadhye bhūtapramathaguhyakāḥ || śākinyo yātudhānāśca kūṣmāṃḍāḥ kopikarpaṭāḥ
30.46
tathānye
bhūtavetālā: kṣetrapālāśca bhairavāḥ || sarve śāṃtāḥ pramattāśca babhūvuḥ pramathādayaḥ
30.47
evaṃ vistārasaṃyuktaṃ kṛtamudrahanaṃ tadā || himādriṇā paraṃ
vipraiḥ sumaṃgalyaṃ suśobhanam
30.48
catvāro divasā jātā: paripūrṇena cetasā || himādriṇā kṛtā pūjā devadevasya śūlinaḥ
30.49
vastrālaṃkārābharaṇai ratnairuccāvacaistataḥ || pūjayitvā mahādevaṃ viṣṇorvacanaparo'bhavat
30.50
lakṣmīsametaṃ viṣṇuṃ ca vastrālaṃkaraṇaiḥ śubhaiḥ
pūjayāmāsa himavāṃstathā brahmāṇameva ca
30.51
iṃdraṃ purodhasā sārddhamiṃdrāṇyā sahitaṃ vibhum || tatheva lokapālāṃśca pūjayitvā pṛthaspṛthak
30.52
tathaiva pūjitā caṃḍī bhūtapramathaguhyakaiḥ || vastrālaṃkaraṇaiścaiva ratnairnānāvidhairapi || ye cānya āgatāstatra te ca sarve prapūjitāḥ
30.53
evaṃ tadānīṃ pratipūjitāśca devāśca sarve ṛṣayaśca yakṣāḥ || gaṃdharvavidyādharasiddhacāraṇāstathaiva mattryāpsarasāṃ gaṇāśca
30.53.p1
iti śrīskāṃde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kedārakhaṇḍe śivapārvatīvivāhamaṃgalotsavavarṇanaṃ nāma ṣaḍviṃśo'dhyāyaḥ
Linked texts (3)
- Skandamahāpurāṇa (vulgate) — Sanskrit
- Śivapurāṇa (complete text) — Sanskrit
- Dharmāraṇyakhaṇḍa — Sanskrit