Pramāṇa · Search · About · API

Vaishnavakhanda 32

Vaiṣṇavakhaṇḍa 32

Language
Sanskrit

Contents

32.1

lomaśa uvāca || || kumāraṃ svāṃkamāropya uvāca jagadīśvaraḥ || devānprati tadā rudraḥ seṃdrānbhargaḥ pratāpavān

32.2

kiṃ kāryaṃ kathyatāṃ
devāḥ kumāreṇādhunā mama || tadocuḥ sahitāḥ sarve devaṃ paśupatiṃ prati

32.3

tārakādyamutpannaṃ sarveṣāṃ jagatāṃ vibho || trātā tvaṃ jagatāṃ
svāmī tasmāttrāṇaṃ vidhīyatām

32.4

kumāreṇa ito'dyaiva tārako bhavitā prabho || tasmādadyaiva yāsyāmastārakaṃ haṃtumudyatāḥ

32.5

tatheti
matvā sahasā nirjagmuste tadā surāḥ || kārttikeyaṃ puraskṛtya śaṃkarātmajameva hi

32.6

sarve militvā sahasā brahmaviṣṇupurogamāḥ
devānāmudyamaṃ śrutvā tārako'pi mahābalaḥ

32.7

sainyena mahatā caiva yayau yoddhuṃ surānprati || devairdṛṣṭaṃ samāyātaṃ tārakasya mahadbalam

32.8

tadā nabhogatā vāṇī hyuvāca parisāṃtya tān || śaṃkaraṃ ca puraskṛtya sarve yūyaṃ pratiṣṭhitāḥ

32.9

daityānvijitya saṃgrāme jayino hi bhaviṣyatha

32.10

vācaṃ tu khecarīṃ śrutvā devāḥ sarve samutsukāḥ || kumāraṃ ca puraskṛtya sarve te gatasādhvasāḥ

32.11

yuddhakāmāḥ surā yāvattāvatsarve samā
gatāḥ || varaṇārthaṃ kumārasya sutā mṛtyorduratyayā

32.12

brahmaṇā noditā pūrvaṃ tapaḥ paramamāśritā || tapasā tena mahatā kumāraṃ prati vai tadā
āgatā duhitā mṛtyoḥ senā nāmaikasundarī

32.13

tāṃ dṛṣṭvā te'bruvansarve devaṃ paśupatiṃ prati || enaṃ kumāramuddiśya āgatā hyatisundarī

32.14

brahmaṇo vacanāccaiva kumāreṇa tadā vṛtā || atha senāpatirjātaḥ kumāraḥ śāṃkaristadā

32.15

tadā śaṃkhāśca bheryaśca paṭahānakagomukhāḥ || tathā
duṃdubhayo nedurmṛdaṃgāśca mahāsvanāḥ

32.16

tena nādena mahatā pūritaṃ ca nabhastalam || tadā gaurī ca gaṃgā ca kṛttikā mātarastathā || parasparamatho
brustāḥ suto mama mameti ca

32.17

evaṃ vivādamāpannāḥ sarvāstā mātṛkādayaḥ || nivāritā nāradena mauḍhyaṃ mā kuruteti ca

32.18

pārvatyāṃ
śaṃkarājjāto devakāryārthasiddhaye || tūṣṇīṃbhūtāstadā sarvāḥ kṛttikā mātṛbhiḥ saha

32.19

guhenoktāstadā sarvā ṛṣipatnyaśca kṛttikāḥ || nakṣa
trāṇi samāśritya bhavadbhiḥ sthīyatāṃ ciram

32.20

tathā mātṛgaṇastena svāminā sthāpito divi || mṛtyoḥ kanyāṃ ca saṃgṛhya kārttikeyastvarā
nvitaḥ

32.21

iṃdraṃ provāca bhagavānkumāraḥ śaṃkarātmajaḥ || divaṃ yāhi suraiḥ sārddhaṃ rājyaṃ kuru nirantaram

32.22

iṃdreṇoktaḥ kumāro hi tārakeṇa
prapīḍitāḥ || svargādvidrāvitāḥ sarve vayaṃ yātā diśo daśa

32.23

kiṃ pṛcchasi mahābhāga asmānpadaparicyutān || evamuktastadā tena vajriṇā
śaṃkarātmajaḥ || prahasyeṃdraṃ prati tadā mā bhaiṣītyabhayaṃ dadau

32.24

yāvatkathayatastasya śaṃkareśca mahātmanaḥ || kailāsaṃ tu gate rudre pārvatyā pramathaiḥ
saha

32.25

ājagāma mahādaityo daityasenābhirāvṛtaḥ || raṇaduṃdubhayo nedustathā pralayabhīṣaṇāḥ

32.26

raṇakarkaśatūryāṇi ḍiṃḍimānyadbhutāni
ca || gomukhāḥ kharaśṛṃgāṇi kāhalānyeva bhūriśaḥ

32.27

vādyabhedā avādyaṃta tasmindaityasamāgame || garjamānāstadā vīrāstārakeṇa sahaiva tu

32.28

uvāca nārado vākyaṃ tārakaṃ devakaṇṭakam

32.29

nārada uvāca || || purā devaiḥ kṛto yatno vadhārthaṃ nātra saṃśayaḥ || tathaiva cāpru
raśreṣṭha mayoktaṃ nānyathā bhavet

32.30

kumāro'yaṃ ca sarvasya tavārthaṃ copapāditaḥ || evaṃ jñātvā mahābāho kuru yatnaṃ samāhitaḥ

32.31

nāra
doktaṃ niśamyātha tārakaḥ prahasanniva || uvāca vākyaṃ medhāvī gaccha tvaṃ ca puraṃdaram

32.32

mama vākyaṃ maharṣe tvaṃ vada śīghraṃ yathātatham || kumāraṃ ca
puraskṛtya mayā yoddhuṃ tvamicchasi

32.33

mūḍhabhāvaṃ samāśritya kartumicchasi nānyathā || manuṣyamekamāśritya mucukundāsyameva ca

32.34

tatprabhāve'marāvatyāṃ sthito'si tvaṃ na cānyathā || kaumāraṃ balamāśritya tiṣṭhase tvaṃ mamāgrataḥ

32.35

tvāṃ haniṣyāmyahaṃ
manda lokapālaiḥ sahaiva hi || evaṃ kathaya devendraṃ devapeṃ nānyathā vada

32.36

tatheti matvā bhagavānsa nārado yayau surāñchakrapurogamāṃśca || ācaṣṭa
sarvaṃ hyasurendrabhāṣitaṃ sahopahāsaṃ matimāṃstathaiva

32.37

nārada uvāca || || bhavadbhiḥ śrūyatāṃ devā vacanaṃ mama nānyathā || tārakeṇa yaduktaṃ ca sānuge
nāvadhāryatām

32.38

tāraka uvāca || || tvāṃ haniṣyāmi re mūḍha nānyathā mama bhāṣitam

32.39

mucukundaṃ samāsādya lokapālaiśca pūjitaḥ
na tvayā bhīruṇā yotsye devo bhūtvā narāśritaḥ

32.40

tasya vākyaṃ niśamyocuḥ sarve devāḥ savāsavāḥ || kumāraṃ ca puraskṛtya nāradaṃ carṣisattam

32.41

jānāsi tvaṃ hi devarṣe kumārasya balābalam || ajño bhūtvā kathaṃ vākyamuktaṃ tasya samāgrataḥ

32.42

prahasya nārado vākyamuvāca
tasya sannidhau || ahamapyupahāsaṃ ca vākyaṃ tārakamuktavān

32.43

jānīdhvamamarāḥ sarve kumāraṃ jayinaṃ surāḥ || bhaviṣyatyatra me vākyaṃ nātra kāryā vicāraṇā

32.44

nāradasya vacaḥ śrutvā sarve devā mudānvitāḥ || ekapadyena cottasthuryoddhukāmāśca tārakam

32.45

kumāraṃ gajamāropya devendro hyathago'bhavat || surasainyena mahatā lokapālaiḥ samāvṛtaḥ

32.46

tadā dundubhayo nedurbherītūryāṇyanekaśaḥ || vīṇāveṇumṛdaṃgāni tathā gandharvanisvanāḥ

32.47

gajaṃ dattvā maheṃdrāya kumāro yānamāruhat || anekaratnasaṃvītaṃ nānāścaryasamanvitam || vicitracitraṃ sumahattathāścaryasamanvitam

32.48

vimānamāruhya tadā mahāyaśāḥ sa śāṃkariḥ sarvagaṇairupetaḥ || śriyā sametaḥ parayā babhau mahānsa vījyamānaścamarairmahāprabhaiḥ

32.49

prāce tasaṃ chatraṃ mahāmaṇiprabhaṃ ratnairupetaṃ bahubhirvirājitam || dhṛtaṃ tadā tena kumāramūrdhni candreṇa cāndraiḥ kiraṇaiḥ suśobhitam

32.50

saṃmīlitāstadā sarve devā indrapurogamāḥ || balaiḥ svaiḥ svaiḥ parikrāṃtā yoddhukāmā mahābalāḥ

32.51

yamo'pi svagaṇaiḥ sārdha marudbhiśca sadāgatiḥ || pāthobhiruṇastatra kubero guhyakaiḥ saha || īśo'pi pramathaiḥ sārdha nairṛto vyādhibhiḥ saha

32.52

evaṃ te'ṣṭau lokapā yoddhukāmāḥ sarve militvā tārakaṃ haṃtumeva || puraskṛtvā śāṃkariṃ viśvavaṃdyaṃ senāpatiṃ cātmavidāṃ variṣṭham

32.53

evaṃ te yoddhukāmā hi avateruśca bhūtalam || aṃtarvedyāṃ sthitāḥ sarve gaṃgāyamunamadhyagāḥ

32.54

pātālācca samāyātāstārakasyopajīvinaḥ || ceruraṃgabalopetā hantukāmāḥ surātraṇe

32.55

tārako hi samāyāto vimānena virājitaḥ || chatreṇa ca mahātejā dhriyamāṇena mūrdhni

32.56

cāmarairvījyamāno hi śuśubhe daityarāṭ svayam

32.57

evaṃ devāśca daityāśca aṃtarvedyāṃ sthitāstadā || sainyena mahatā tatra vyūhānkṛtvā pṛthakpṛthak

32.58

gajānkṛtvā hyekataśca hayāṃśca vividhāṃstathā || syaṃdanāni vicitrāṇi nānāratnayutāni ca

32.59

padātā bahavastatra śaktiśūlaparaśvadhaiḥ || khaḍgatomaranārācaiḥ pāśamudgaraśobhitāḥ

32.60

te sene suradaityānāṃ śuśubhāte para
sparam || haṃtukāmāstadā te vai stūyamānāśca bandhubhiḥ

32.60.p1

iti śrīskānde mahāpurāṇa ekāśītisāhasryāṃ saṃhitāyāṃ prathame māheśvarakhaṇḍe kedārakhaṇḍe śivaśāstre devaiḥ saha tārakāsurasya saṃgrāme devadaityasenāsaṃnāhavarṇanaṃnāmāṣṭāviṃśo'dhyāyaḥ

Linked texts (2)