Vaishnavakhanda 34
Vaiṣṇavakhaṇḍa 34
- Language
- Sanskrit
Contents
- 34.52 — 1 part
34.1
7 || || lomaśa uvāca || || valgamānaṃ tamāyāṃtaṃ tārakāsuramojasā || ājaghāna ca vajreṇa iṃdro matimatāṃ varaḥ
34.2
tena vajraprahāreṇa tārako vihvalīkṛtaḥ || patito'pi samutthāya śaktyā taṃ prāharadvipam
34.3
puraṃdaraṃ gajasthaṃ hi apātayata bhūtale || hāhākāro mahānāsītpatite ca puraṃdare
34.4
tārakeṇāpi tatraiva yatkṛtaṃ tacchṛṇu prabho || patitaṃ ca padākramya hastādvajraṃ pragṛhya ca
34.5
hataṃ deveṃdramālokya tārako ripusūdanaḥ || vajraghātena mahatā'tāḍayattu puraṃdaram
34.6
triśūlamudyamya mahābalastadā sa vīrabhadro ruṣitaḥ puraṃdaram || saṃrakṣamāṇo hi javāna tārakaṃ śūlena daityaṃ ca mahāprabheṇa
34.7
śūlaprahārābhihato nipapāta mahītale || patito'pi mahātejāstārakaḥ punarutthitaḥ
34.8
javāna parayā śaktyā vīrabhadraṃ tadorasi || vīrabhadro'pi patitaḥ śaktighātena tasya vai
34.9
sagaṇāścaiva devāśca gaṃdharvoragarākṣasāḥ || hāhākāreṇa mahatā cukruśuśca punaḥpunaḥ
34.10
tadotthitaḥ sahasā mahābalaḥ sa vīrabhadro dviṣatāṃ nihaṃtā || triśūlamudyamya taḍitprakāśaṃ jājvalyamānaṃ prabhayā niraṃtaram || svarociṣā bhāsitadigvitānaṃ sūryadurbiṃbāgnyuḍumaṇḍalābham
34.11
triśūlena tadā yāvadyaṃtukāmo mahābalaḥ || nivāritaḥ kumāreṇa māvadhīstvaṃ mahāmate
34.12
jagarja ca mahātejāḥ kārttikeyo mahābalaḥ
34.13
tadā jayetyabhihito bhūtairākāśasaṃsthitaiḥ || śaktyā paramayā vīrastārakaṃ haṃtumudyataḥ
34.61
tārakasya kumārasya saṃgrāmastatra duḥsahaḥ || jātastato mahāghoraḥ sarvabhūtabhayaṃ
34.14
karaḥ
34.15
śaktihastau ca tau vīro yuyudhāte parasparam || śaktibhyāṃ bhinnahastau tau mahāsāhasasaṃyutau
34.16
parasparaṃ vaṃcayaṃtau siṃhāviva mahābalau
vaitālikīṃ samāśritya tathā vai khecarīṃ gatim
34.17
pārvataṃ matamāśritya śaktyā śaktiṃ nijaghnatuḥ || abhimartairmahāvīrau cakraturyuddhamuttamam
34.18
anyonyasāyakau bhūtvā mahābalaparākramau || jaghnatuḥ śaktidhārābhī raṇe raṇaviśāradau
34.19
mūrdhni kaṇṭhe tathā bāhvorjānvoścaiva kaṭītaṭe || vakṣa
syurasi pṛṣṭe ca cicchidatuḥ parasparam
34.20
tadā tau yudhyamānau ca hantukāmau mahābalau || prekṣakā hyabhavansarve devagandharvaguhyakāḥ
34.21
ūcuḥ parasparaṃ sarve ko'sminyuddhe vijeṣyate || tadā nabhogatā vāṇī uvāca parisāṃtvya vai
34.22
tārakaṃ hi surāścādya kumāro'yaṃ haniṣyati
mā śocyatāṃ surāḥ sarve sukhena sthīyatāṃ divi
34.23
śrutvā tadā tāṃ gagane samīritāṃ tadaiva vācaṃ pramathaiḥ parītaḥ || kumārakastaṃ prati haṃtukāmo
daityādhipaṃ tārakamugrarūpam
34.24
śaktyā tayā mahābāhurājaghāna stanāṃtare || tārakaṃ hyasuraśreṣṭhaṃ kumāro balavattaraḥ
34.25
taṃ prahāramanā
hatya tārako daityapuṃgavaḥ || kumāraṃ cā'pi saṃkuddhaḥ svaśaktyā cājavān vai
34.26
tena śaktiprahāreṇa śāṃkarirmūrcchito'bhavat || muhūrtāñceta
nāṃ prātaḥ stūyamāno maharṣibhiḥ
34.27
yathā siṃho madonmatto haṃtukāmastathaiva ca || kumārastārakaṃ daityamājaghāna pratāpavān
34.28
evaṃ para
spareṇaiva kumāraścaiva tārakaḥ || yuyudhāte'tisaṃrabdhau śaktiyuddhaparāyaṇau
34.29
abhyāsaparamāvāstāmanyonyavijigīṣayā || tathā tau yudhyamānau
ca citrarūpau tapasvinau
34.30
dhārābhiśca aṇībhiśca praprayuktau ca jaghnatuḥ || avalokaparāḥ sarve devagandharvakinnarāḥ
34.31
vismayaṃ paramaṃ
prāptā nocuḥ kiṃcana tasya vai || na vavau ca tadā vāyurniṣprabho'bhūddivākaraḥ
34.32
himālayo'tha meruśca śvetakūṭaśca darduraḥ || malayo'tha mahāśailo
maināko viṃdhyaparvataḥ
34.33
lokāloko mahāśailau mānasottaraparvataḥ || kailāso mandaro mālyo gandhamādana eva ca
34.34
udayādrirmaheṃdraśca
tathaivāstagirirmahān
34.35
ete cānye ca bahavaḥ parvatāśca mahāprabhāḥ || snehārditāstadājagmuḥ kumāraṃ ca parīpsavaḥ
34.36
tataḥ sa dṛṣṭvā
tānsarvānbhayabhītāśca śāṃkariḥ || parvatāngirijāputro babhāṣe pratibodhayan
34.37
kumārauvāca || || mā khidyata mahābhāgā mā ciṃtā kriyatāṃ
nagāḥ || ghātayāmyadya pāpiṣṭhaṃ sarveṣāmiha paśyatām
34.38
evaṃ samāśvāsya tadā manasvī tānparvatāndevagaṇaiḥ sametān || praṇamya śaṃsuṃ manasā
haripriyaḥ svāṃ mātaraṃ caiva nataḥ kumāraḥ
34.39
kārtikeyastataḥ śaktyā nicakarta ripoḥ śiraḥ || tacchiro nipapātordhvāṃ tārakasya ca tatka
ṇāt || evaṃ sa jayamāpede kārtikeyo mahāprabhuḥ
34.40
dadaśustaṃ suragaṇā rūpayo guhyakāḥ khagāḥ || kiṃnarāścāraṇāḥ sarpāstathā caivāpsaro
gaṇāḥ
34.41
harṣeṇa mahatāviṣṭāstuṣṭuvustaṃ kumārakam || vidyādharyaśca nanṛturgāyakāśca jagustadā
34.42
evaṃ vijayamāpannaṃ dṛṣṭvā sarve mudā yutāḥ
tato harṣātsamāgamya svāṃkamāropya cātmajam
34.43
pariṣvajya tu gāḍhena girijāpi tatoṣa vai || svotsaṃge ca samāropya kumāraṃ sūryavarcasam
34.44
lālayāmāsa tanvaṃgī pārvatī rucirekṣaṇā || ṛṣibhiḥ satkṛtaḥ śaṃbhuḥ pārvatyā sahitastadā
34.45
āryāsanagatā sādhvī
śuśubhe mitabhāṣiṇī || saṃstūyamānā munibhiḥ siddhacāraṇapannagaiḥ
34.46
nīrājitā tadā devaiḥ pārvatī śaṃbhunā saha || kumāreṇa sahaiva
vātha śobhamānā tadā satī
34.47
himālayastadāgatya putraiśca parivāritaḥ || mervādyaiḥ parvataiścaiva stūyamānaḥ paro'bhavat
34.48
tadā deva
gaṇāḥ sarve indrādyā ṛṣibhiḥ saha || puṣpavarṣeṇa mahatā vavarṣuramitadyutim || kumāramagrataḥ kṛtvā nīrājanaparā babhuḥ
34.49
gītavāditragho
ṣeṇa brahmaghoṣeṇa bhūyasā || saṃstūyamāno vividhaiḥ sūktairvedavidāṃ varaiḥ
34.50
kumāravijayaṃnāma caritraṃ paramādbhutam || sarvapāpaharaṃ divyaṃ
sarvakāmapradaṃ nṛṇām
34.51
ye kīrtayaṃti śucayo'mitabhāgyayuktāścānaṃtyarūpamajarāmaramādadhānāḥ || kaumāravikramamahātmyasudārametadā
naṃdadāyakamanorthakaraṃ nṛṇāṃ hi
34.52
yaḥ paṭhecchṛṇuyādyāpi kumārasya mahātmanaḥ || caritaṃ tārakākhyaṃ ca sarvapāpaiḥ samucyate
34.52.p1
iti śrīskaṃde mahāpurāṇa ekāśītisāhastyāṃ saṃhitāyāṃ prathame māheśvarakhaṇḍe kedārakhaṃḍe śivaśāstre tārakāsuravadhapūrvakaṃ svāmikārttikeyavijayotsavavarṇanaṃ nāma triṃśo'dhyāyaḥ
Linked texts (2)
- Skandamahāpurāṇa (vulgate) — Sanskrit
- Śivapurāṇa (complete text) — Sanskrit